កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៧ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាលតួលេខអ្នកចាក់វ៉ាក់សាំង ដូសមូលដ្ឋានទូទាំងប្រទេសគិតត្រឹមថ្ងៃនេះ បានកើនដល់ចំនួន ១៥លាន ២ម៉ឺន ៦១២នាក់ ដែលស្មើនឹង ៩៣,៨៨ភាគរយ ។

កម្ពុជាកំពុងតែប្រុងប្រយ័ត្នចំពោះជម្ងឺអុតស្វា ខណៈប្រទេសមួយចំនួនក្នុងពិភពលោកបាន រងការឆ្លងខ្លះទៅហើយ។ រហូតមកទល់នឹងពេលនេះ មានប្រទេសចំនួនយ៉ាងតិច ១៥ ហើយ​ដែលបានប្រកាសពីការ​ផ្ទុះឡើងនូវជំងឺអុតស្វានេះ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន១៧ថ្ងៃជាប់គ្នាជាបន្តបន្ទាប់។ កម្ពុជា គិតត្រឹមថ្ងៃទី២៣ខែ ឧសភា, ការឆ្លងជំងឺកូវីដ១៩សរុបទូទាំងប្រទេស មានចំនួន១៣ម៉ឺន ៦ពាន់២៦២ករណីជាដដែល, ការព្យាបាលជាសះស្បើយមានចំនួន១៣ម៉ឺន៣ពាន់២០១នាក់។ ចំណែកការស្លាប់ថ្មីនៅថ្ងៃនេះពុំមាននោះទេ ដែលឲ្យនាំការស្លាប់ សរុបមានចំនួន៣ពាន់ ៥៦នាក់ជាដដែល។

កម្ពុជាដណ្ដើមបានមេដាយ៦៣គ្រឿង ក្នុងព្រឹត្តិការណ៍ស៊ីហ្គេម លើកទី៣១ដែលទើបបាន បិទបញ្ចប់។ ក្នុងចំណោមមេដាយទាំង៦៣គ្រឿងនេះ កម្ពុជាឈ្នះមេដាយមាស៩គ្រឿង, មេដាយប្រាក់១៣គ្រឿងនិងមេដាយសំរិទ្ធ៤១គ្រឿង។  

ដំណើរការឃោសនាបោះឆ្នោតក្នុងប្រទេសកម្ពុជាបានប្រព្រឹត្តទៅយ៉ាងរលូន ក្នុងរយៈពេល ៣ថ្ងៃកន្លងមកនេះ។ គណបក្សនយោបាយដែលចូលរួមការឃោសនានៅទូទាំងប្រទេសមាន ចំនួន១៧គណបក្សនយោបាយ ក្នុងនោះគណបក្សប្រជាជនកម្ពុជាមានបេក្ខជនឈរឈ្មោះ សរុប២ម៉ឺន៨ពាន់៨រូប ក្នុ្ងងនោះ មានស្ត្រី ៧ពាន់២៥៩រូប។

សកម្មភាពឃោសនារបស់គណបក្សនយោបាយឈរឈ្មោះបោះឆ្នោតឃុំនិងសង្កាត់ ទូទាំង ប្រទេស បានឈានចូលដល់ថ្ងៃទី៣នៅថ្ងៃនេះហើយ ខណៈសេចក្តីរាយការណ៍មិនបាន បង្ហាញនូវភាពតានតឹងឬការប្រឈមមុខគ្នាណាមួយក្នុងដំណើរការឃោសនាឡើយ។

ដំណើរការឃោសនាបោះឆ្នោតក្នុងខេត្តកំពង់ឆ្នាំង បានប្រព្រឹត្តដោយរលួនក្នុងរយៈពេល កន្លងមកនេះ។ ខេត្តកំពង់ឆ្នាំងមានគណបក្សនយោបាយធ្វើការឃោសនាចំនួនតែ១១គណ បក្សទេ។ គជបខេត្ត នៅថ្ងៃនេះ បានលើកទឹកចិត្តដំណើរការឃោសនា ត្រូវបន្តធ្វើថែមទៀត ខណៈការបោះឆ្នោតឃុំនិងសង្កាត់នឹងឈានមកដល់ថ្ងៃទី៥មិថុនាខាងមុខនេះ។

សង្គ្រាមឈ្លានពានរបស់រុស្ស៊ីក្នុងទឹកដីប្រទេសអ៊ុយក្រែន បានឈានដល់ថ្ងៃទី៨៨ដោយមិន មានសញ្ញាណាមួយបង្ហាញការរកដំណោះស្រាយសន្តិភាពតាមរយៈការចរចានោះឡើយ។ ក្នុងភាពវិវត្តន៍ចុងក្រោយនេះថែមទៀត, ក្រសួងការពារជាតិរុស្ស៊ី បានថ្លែងថា កងកម្លាំងរុស្ស៊ី បានកម្ទេចការដឹកជញ្ជូនអាវុធដ៏ធំមួយក្នុងតំបន់ភាគជើងអ៊ុយក្រែន។

បណ្ឌិត ហ៊ុន ម៉ាណែត បានថ្លែងថាយុវជនជាកម្លាំងស្នូលរបស់គណបក្សប្រជាជនកម្ពុជា អស់រយៈកាលជិត ៧១ឆ្នាំ មកហើយ ទាំងក្នុងការផ្តួលរំលំរបបអាវខ្មៅប៉ុលពត ព្រមទាំងការ នាំមកនូវសន្តិភាព និងការអភិវឌ្ឍប្រទេសជាតិបានរីកចម្រើនរុងរឿង ហើយកម្លាំងស្នូល ដ៏រឹងមាំ។

តម្លៃប្រេងឥន្ធនៈ បានបន្ដកើនឡើងថែមទៀត សម្រាប់ការលក់រយៈពេល១០ថ្ងៃខាងមុខនេះ ប៉ុន្តែតម្លៃប្រេងក្នុងប្រទេសកម្ពុជា ស្ថិតក្នុងតម្លៃទាបបើប្រៀបធៀបនឹងបណ្តាប្រទេសនៅក្នុង អឺរ៉ុបជាពិសេសក្នុងប្រទេសបារាំង។