គ្រោះធម្មជាតិរន្ទះបាញ់ បានសម្លាប់សត្វគោយ៉ាងហោចចំនួន៨ក្បាលក្នុងហេតុការណ៍មួយ កើតឡើងក្នុងខេត្តកំពង់ធំ។ គោមួយក្បាលដទៃទៀតបានរបួស ក្នុងគ្រោះរន្ទះបាញ់កើតឡើង កាលពីរសៀលថ្ងៃទី២៦មេសា នៅភូមិវាលល្ពាក់ចាស់ ឃុំសាលាវិស័យ ស្រុកប្រាសាទបល្ល័ង្ក ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ៣ម៉ឺន ១ពាន់ ៦៨២ករណី និងការស្លាប់ថ្មីមានចំនួន ១៨០នាក់ ។ តួលេខឆ្លងនៅថ្ងៃនេះ មានការកើនឡើងចំនួន៤ពាន់ ៦៥៣ករណី ប៉ុន្តែការស្លាប់មានការថយចុះចំនួន ៩នាក់ បើ ប្រៀបធៀបនិងម្សិលមិញ ។ នៅថ្ងៃនេះប្រទេសដែលមានតួលេខឆ្លងច្រើនជាងគេនៅអាស៊ាន គឺប្រទេសថៃ និងការឆ្លងតិចជាងគេគឺប្រទេសកម្ពុជា។

តួលេខអ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងមកនេះ បានចំនួន ៦ម៉ឺន ៣ពាន់ ៥៩៦ ដែលជាតួលេខចាក់កើនឡើងជាងទ្វេដង បើប្រៀបធៀបនឹងម្សិលមិញ ។ លទ្ធផល ដែលមានចំនួនអ្នកចាក់ដ៏ច្រើននៅថ្ងៃនេះ គឺនៅបន្ទាប់ពីមានប្រសាសន៍អំពាវនាវរបស់សម្តេច នាយករដ្ឋមន្ត្រីដល់ពលរដ្ឋត្រូវនាំគ្នាចាក់វ់ាក់សាំងដូសជំរុញ។ យោងតាមក្រសួងសុខាភិបាល តួលេខពលរដ្ឋដែលបានចាក់វ៉ាក់សាំងដូសទី៣ ទូទាំងប្រទេសសរុបគិតត្រឹមថ្ងៃនេះមានចំនួន ៨លាន ៣៤ម៉ឺន ៦ពាន់ ៥៤៩នាក់ ។

តួលេខឆ្លងកូវីដ១៩ក្នុងប្រទេសកម្ពុជាបានស្ថិតក្នុងមួយខ្ទង់ជាដដែលទន្ទឹមនឹងយុទ្ធនាការ សម្រុកចាក់វ៉ាក់សាំងដូសជំរុញទូទាំងប្រទេស។ កម្ពុជារយៈពេល២៤ម៉ោងកន្លងមកនេះ មាន ការឆ្លង៥ករណីដែលជាការឆ្លងចូលសហគមន៍។

ការបោះឆ្នោតឃុំនិងសង្កាត់នឹងឈានមកដល់ច្រើនសិបថ្ងៃខាងមុខនេះហើយដោយមានការ ចូលរួមពីបណ្តាគណបក្សនយោបាយនានាចំនួន១៧។ កម្មវិធីអប្សរាណិត មានអត្ថបទទស្សនៈមួយក្រោមចំណងជើងថា «ហេតុអ្វីបានជាខ្ញុំត្រូវបោះឆ្នោតជូនគណបក្សប្រជាជន កម្ពុជា?» ដែលមានខ្លឹមសារដូចតទៅនេះ

អនាគតនាយករដ្ឋមន្ត្រីរបស់គណបក្សប្រជាជនកម្ពុជាបណ្ឌិត ហ៊ុន ម៉ាណែត បានជួបពិភាក្សា ការងារជាមួយរដ្ឋមន្រ្តីក្រសួងទំនាក់ទំនងអន្តរជាតិ នៃគណៈកម្មាធិការមជ្ឈិមបក្សកុម្មុយ នីស្តចិនតាមប្រព័ន្ធអ៊ីនធើណិត។

បណ្ឌិត ហ៊ុន ម៉ាណែត បានជួបសំណេះជាមួយនឹងគ្រូបង្រៀនក្នុងរាជធានីភ្នំពេញ និងបាន ចាត់ទុកការវិនិយោគលើគ្រូបង្រៀន គឺដើម្បីធ្វើឱ្យប្រទេសជាតិកាន់តែរីកចម្រើនរឹងមាំ និង ម្ចាស់ការ។

សម្ដេចនាយករដ្ឋមន្ត្រី បានទទួលជួបអតីតមេបញ្ជាការបេសកកម្មអ៊ុនតាក់ លោកឧត្តមសេ នីយឯក ចន សានដឺសឹន Jonh Sanderson នៅថ្ងៃទី២៧មេសាក្នុងវិមានសន្តិភាព។ បេសក កម្មអ៊ុនតាក់ គឺជាបេសកកម្មមួយដើម្បី ការស្វែងរកសន្តិភាពជូនប្រទេសកម្ពុជាក្នុងទសវត្ស ១៩៩០។ បេសកកម្មអ៊ុនតាក់បានចាប់ ផ្តើមក្នុងប្រទេសកម្ពុជាកាលពីឆ្នាំ១៩៩២យោងតាមកិច្ច ព្រមព្រៀងក្រុងប៉ារីស និងបានបញ្ចប់ បេសកកម្មក្នុងខែកញ្ញាឆ្នាំ១៩៩៣។

នៅថ្ងៃនេះគឺជាថ្ងៃទី៦២ហើយនៃ ការធ្វើសង្គ្រាមឈ្លានពានរបស់រុស្ស៊ី ចូលក្នុងប្រទេសអ៊ុយក្រែន។ ក្នុងសប្តាហ៍នេះ ប្រទេសអាល្លឺម៉ង់ បានរួមក្នុងការផ្តល់អាវុធធុនធ្ងន់ដល់ប្រទេសអ៊ុយក្រែនថែមទៀត ដើម្បីការរួមគ្នាជាមួយសហរដ្ឋអាមេរិក និងក្រុមបស្ចឹមប្រទេស ដាក់សម្ពាធឱ្យកាន់តែខ្លាំងលើប្រទេសរុស្ស៊ី។ អាវុធដែលប្រទេសអាល្លឺម៉ង់បានផ្តល់ចំពោះ អ៊ុយក្រែននោះ គឺជារថក្រោះដែលមានសមត្ថភាពប្រឆាំង នឹងវាយប្រហារផ្លូវអាកាសរបស់ទាហានរុស្ស៊ី។

សម្តេចនាយករដ្ឋមន្ត្រីបានថ្លែងអំពាវនាវរកការសម្រុះសម្រលការបញ្ចប់សង្គ្រាមនៅអ៊ុយ ក្រែនដោយសារតែសង្គ្រាមប្រមាណជាង៦០ថ្ងៃមកនេះ បានបណ្តាលឱ្យប៉ះពាល់ចរន្តសេដ្ឋ  កិច្ចពិភពលោកជាខ្លាំងសូម្បីតែនៅក្នុងប្រទេសកម្ពុជា។