តួលេខភ្ញៀវទេសចរកំសាន្តក្នុងរាជធានីភ្នំពេញ មានចំនួនជាង២២ម៉ឺននាក់ដែលតិចជាង ភ្ញៀវទេសចរតាមបណ្តាខេត្តនានា។ នៅជាមួយគ្នានេះផងដែរ, បទល្មើសព្រហ្មទណ្ឌមាន តែមួយករណីប៉ុណ្ណោះ គឺករណីឆក់កាបូបលើផ្លូវសាធារណៈនៅខណ្ឌឫស្សីកែវ ប៉ុន្តែជនសង្ស័យមិនអាចរត់គេចពីកណ្តាប់ដៃសមត្ថកិច្ចបានឡើយ។

តួលេខភ្ញៀវទេសចរក្នុងពិធីបុណ្យចូលឆ្នាំរយៈពេល៣ថ្ងៃកន្លងមកនេះ មានច្រើនលាន នាក់ដែលជាចំនួនច្រើនលើសពីការរំពឹងទុក។ រដ្ឋមន្ត្រីក្រសួងទេសចរណ៍លោក ថោង ខុន បានថ្លែងថាបុណ្យចូលឆ្នាំ៣ថ្ងៃនិងថែមថ្ងៃអាទិត្យ១ថ្ងៃទៀត គឺចាប់ពីថ្ងៃទី១៤ដល់១៧ មេសា ឆ្នាំ២០២២, ភ្ញៀវទេសចរដើរលេងកំសាន្តមានសរុប៥លាន១៧ម៉ឺន៥ពាន់៧៥៤នាក់ ក្នុងនោះ មានភ្ញៀវជាតិ៥លាន១៤ម៉ឺន៤៩៥នាក់ និងភ្ញៀវបរទេសផ្ទៃក្នុង៣ម៉ឺន៥ពាន់២៥៩ នាក់។

កម្ពុជាបានបន្តសម្រុកការចាក់វ៉ាក់សាំងដូសជម្រុញ បើទោះបីជាបានស្ថិតក្នុងពិធីបុណ្យចូល ឆ្នាំក៏ដោយ។ យោងតាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈពេល ៤ថ្ងៃនៃពិធីបុណ្យចូលឆ្នាំមកនេះ បានចំនួន ៣ម៉ឺន ៣ពាន់ ២៨០នាក់ ។

កម្ពុជាកំពុងពិនិត្យស្ថានភាពវិវត្តន៍ឆ្លងនៃជម្ងឺកូវីដ១៩ក្រោយថ្ងៃបុណ្យចូលឆ្នាំខ្មែរ ខណៈតួ លេខ២៤ម៉ោងចុងក្រោយនេះ មានចំនួន១៦ករណី។

គណៈកម្មាធិការជាតិរៀបចំការបោះឆ្នោត បានបញ្ចប់ដំណើរការពិនិត្យចំពោះបណ្តឹងបញ្ជី បេក្ខជន ខណៈបញ្ជីបេក្ខជនចំនួន១៣ ត្រូវបានលុប។ អ្នកនាំពាក្យគណៈកម្មាធិការជាតិ រៀប ចំការបោះឆ្នោត លោក ហង្ស ពុទ្ធា បានថ្លែងនៅថ្ងៃទី១៨ ខែមេសានេះថា គិតមកទល់ពេលនេះ ដំណាក់កាលពិនិត្យទៅលើបណ្តឹងរបស់គណបក្សនយោបាយ និងប្រជាពលរដ្ឋបានបញ្ចប់ រួចរាល់១០០ភាគរយ។

បណ្ឌិត ហ៊ុន ម៉ាណែត ដែលជាតំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានអំពាវនាវពលរដ្ឋត្រូវរួមគ្នាថែរក្សាតម្លៃសន្តិភាពដែល កម្ពុជាបានរកយ៉ាងលំបាកក្នុងអតីតកាលកន្លងមកនេះ។

សង្គ្រាមឈ្លានពានរុស្ស៊ីក្នុងប្រទេសអ៊ុយក្រែន បានឈានចូលថ្ងៃទី៥៣។ ក្រុងម៉ារីយូប៉ូលដ៏ ធ្លាប់ស្រស់បំព្រង ពេលនេះ ត្រូវបានខ្ទេចខ្ទីដោយសារការបាញ់ប្រហារដោយមីស៊ីល និងកំពុង ធ្លាក់បន្តិចម្តងៗ ចូលក្នុងរង្វង់ការគ្រប់គ្រងរបស់រុស្ស៊ី បើទោះបីជាមានការ វាយទប់ទល់ពី កងកម្លាំងប្រឆាំងខ្លះរបស់ទាហានអ៊ុយក្រែននៅទីនោះក៏ដោយ។

មេដឹកនាំអាស៊ាននិងមេដឹកនាំអាមេរិកលោក ចូ បៃដិន ត្រៀមនឹងជួបពិភាក្សាទល់មុខគ្នាក្នុង ខែឧសភាខាងមុខនេះ បន្ទាប់ពីមានការលើកពេលប្រជុំកំពូលជាច្រើនដង។ កិច្ចប្រជុំកំពូល ពិសេសដែលត្រៀមធ្វើនៅក្នុងរដ្ឋធានីវ៉ាស៊ីតោនរវាងពីថ្ងៃទី១២និង១៣ឧសភា បានទន្ទឹមនឹង សភាពការណ៍អន្តរជាតិក្នុងតំបន់និងពិភពលោក កំពុងតែប្រឈមភាពតានតឹងដោយសារ បញ្ហាសង្គ្រាមនៅអ៊ុយក្រែន និងការគៀងគរកម្លាំងរបស់ប្រទេសមហាអំណាចដើម្បីបំរើផលប្រ យោជន៍និងមហិច្ឆតានយោបាយ ជាពិសេសក្រោយការឃើញនូវឥទ្ធិពលកើនឡើងរប​ស់ ប្រ ទេសចិនក្នុងតំបន់អាស៊ីប៉ាស៊ីហ្វិក។