សម្តេចនាយករដ្ឋមន្ត្រីបានថ្លែងបង្ហាញនូវក្តីសោកស្តាយដែលគ្រោះថ្នាក់ចរាចរណ៍បង្កមនុស្ស ស្លាប់និងរបួសចេះតែបន្តមាន ដែលគ្រោះថ្នាក់ស្លាប់និងរបួសមិនស្រាកស្រានដោយសារបញ្ហា ចំណោទចរាចរណ៍នោះ នឹងធ្វើឱ្យបញ្ហាសង្គមកាន់តែមានចំណោទ។ សម្តេចនាយករដ្ឋមន្ត្រី បានថ្លែងនៅថ្ងៃនេះប្រៀបធៀបការស្លាប់ដោយចរាចរណ៍និងការស្លាប់ដោយសារជម្ងឺកូវីដ១៩ ដោយសារតែគ្រោះថ្នាក់ស្លាប់ដោយចរាចរណ៍មានជារៀងរាល់ថ្ងៃគ្មានពេលណាលោះឡើយ។

កម្ពុជាបានបន្តការចាក់វ៉ាក់សាំងដូសជំរុញខណៈការចាក់វ៉ាក់សាំងដូសមូលដ្ឋានស្ទើរគ្រប ដណ្តប់ពាសពេញប្រទេសទៅហើយ។

តួលេខឆ្លងកូវីដ១៩ ក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៥៣ម៉ឺន ៦ពាន់ ៦២ករណី ចំណែកការស្លាប់មានចំនួន ១ពាន់ ៨៧នាក់ ។ តួលេខ ឆ្លងនិងស្លាប់នៅសប្តាហ៍នេះ បានបង្ហាញថាគឺកម្ពុជា ជាប្រទេសដែលមានការឆ្លងតិចជាងគេ បង្អស់ក្នុងអាស៊ាន។ ប្រទេសវៀតណាម ត្រូវគេរាយការណ៍ថា គឺជាប្រទេសដែលមានការឆ្លង ច្រើនជាងគេបង្អស់គួរឱ្យកត់សម្គាល់។

គណៈកម្មាធិការជាតិរៀបចំការបោះឆ្នោត បានថ្លែងដាស់តឿនមន្ត្រីសាធារណៈទាំងអស់ មិនត្រូវប្រើប្រាស់សម្ភារៈរបស់រដ្ឋក្នុងការប្រើប្រាស់សម្រាប់បំរើគណបក្សនយោបាយឡើយ។ សម្តីដាស់តឿននេះ បានធ្វើឡើងនៅថ្ងៃទី២៨មីនានេះ ក្នុងឱកាសប្រជុំផ្សព្វផ្សាយ ផែនការ អន្តរស្ថាប័នស្តីពីកិច្ចការពារការពិនិត្យបញ្ជីឈ្មោះនិងការចុះឈ្មោះបោះឆ្នោតប្រចាំឆ្នាំ និង ការ បោះឆ្នោតថ្នាក់ជាតិ-ថ្នាក់ក្រោមជាតិ ចាប់ពីឆ្នាំ២០២២ ដល់ឆ្នាំ២០២៤ ក្រោមអធិបតីភាព សម្តេចក្រឡាហោម ស ខេង តាមប្រព័ន្ធវីដេអូអនឡាញកាលពីព្រឹកថ្ងៃទី២៨ ខែមីនា ឆ្នាំ ២០២២។

ស្ថានភាពឆ្លងជម្ងឺកូវីដ១៩ថ្ងៃនេះ បានបន្តធ្លាក់ចុះថែមទៀតខណៈការចាក់វ៉ាក់សាំងដូសមូល ដ្ឋានទូទាំងប្រទេសបានសម្រេចជាង៩២ភាគរយនិងការចាក់វ៉ាក់សាំងដូសជម្រុញកំពុងតែ សម្រុកធ្វើជាបន្តបន្ទាប់។

អនាគតបក្ខភាពនាយករដ្ឋមន្រ្តីរបស់គណបក្សប្រជាជនកម្ពុជាលោក ហ៊ុន ម៉ាណែត បានថ្លែង កោតសរសើរនិងវាយតម្លៃខ្ពស់ចំពោះយុវជនគណបក្សប្រជាជនកម្ពុជាក្នុងខេត្តកំពង់ធំនៅក្នុង ពិធីមួយកាលពីចុងសប្តាហ៍កន្លងមកនេះ។ ខេត្តកំពង់ធំ នាជំនាន់អតីតកាល គឺជាខេត្តដែលរង នឹងការបំផ្លាញខ្ទេចខ្ទាំដោយសារតែ សង្គ្រាម។

សំណង់សុខាភិបាលសម្រាប់ការព្យាបាលជំងឺត្រចៀក ច្រមុះ បំពង់កមិត្តភាពកម្ពុជា-កូរ៉េ ក្នុងមន្ទីរពេទ្យព្រះអង្គឌួង ត្រូវបានដាក់សម្ពោធប្រើប្រាស់ហើយ ក្រោមការអញ្ជើញចូល រួមជាអធិបតីដ៏ខ្ពង់ខ្ពស់ពីសម្តេចនាយករដ្ឋមន្ត្រី ហ៊ុន សែន។

ក្រុមចរចារវាងរុស្ស៊ីនិងអ៊ុយក្រែន បានជួបគ្នាក្នុងប្រទេសតួកគីបន្តទៀតក្នុងសប្តាហ៍នេះទៀត ដើម្បីស្វែងរកការបញ្ចប់សង្គ្រាម ខណៈការវាយប្រហារគ្នាបានឈានចូលក្នុងខែទី២ហើយ។ រុស្ស៊ី បានអះអាងការបញ្ចប់នូវដំណាក់កាលទី១នៃការវាយប្រហារ និងបន្តឈានចូលដំ ណាក់កាល ទី២, ចំណែកអ៊ុយក្រែន បានបន្តការអំពាវនាវស្វែងរកជំនួយយោធាពីក្រុម បស្ចឹមប្រទេសជា រថក្រោះនិងយន្តហោះចម្បាំង ដើម្បីបន្តទប់ទល់នឹងរុស្ស៊ី ដែលកំពុងបង្ខំ អ៊ុយក្រែនទទួលយកសំណើនៃកិច្ចចរចា។

ប្រមុខរាជរដ្ឋាភិបាល បានបញ្ជាក់បន្ថែមនូវគោលជំហររបស់ខ្លួនជុំវិញការចួលរួមជាអន្តរជាតិ បោះឆ្នោតនៅអង្គការសហប្រជាជាតិប្រឆាំងនឹងអំពើឈ្លានពានរបស់រុស្ស៊ីដាក់មកលើប្រទេស អ៊ុយក្រែន។