ជនសង្ស័យ០៣នាក់ដែលពាក់ព័ន្ធបទល្មើសលួចកាច់សោកម៉ូតូនិងលួចរថយន្ត នៅក្នុងរាជធានីភ្នំពេញ និងនៅតាមបណ្តាខេត្ត ត្រូវបានបង្ក្រាប និងបានបញ្ជូនទៅតុលាការនៅថ្ងៃពុធនេះ។ ជនសង្ស័យទាំង០៣នាក់នេះ ត្រូវបានចាប់ខ្លួនជាបន្តបន្ទាប់ នៅក្នុងភូមិសាស្រ្តរាជធានីភ្នំពេញ។

កម្ពុជាបានត្រៀមនឹងបញ្ជូនកងកម្លាំងមួកខៀវរបស់ខ្លួនមួយកងធំថ្មីទៀតដើម្បីចួលរួមបំ​ពេញ បេសកកម្មថែរក្សាសន្តិភាពនៅអាហ្វ្រិកកណ្តាល។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២០ម៉ឺន ២ពាន់ ២៤៤ករណី និងការស្លាប់ថ្មីមានចំនួន ៤០៥នាក់ ។ តួលេខឆ្លងនៅថ្ងៃនេះ មាន ចំនួនកើនឡើង ១ម៉ឺន ៤ពាន់ ៩៧៧ករណី និងការស្លាប់កើនឡើងចំនួន ៩នាក់ បើប្រៀបធៀប នឹងការឆ្លងនិងការស្លាប់កាលពីម្សិលមិញ។

កម្ពុជាបានបន្តការចាក់វ៉ាក់សាំងលើប្រជាពលរដ្ឋ ប៉ុន្តែតួលេខអ្នកចាក់វ៉ាក់សាំងដូសជំរុញថ្ងៃ នេះបានថយចុះជាងម្សិលមិញ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសទី៣ ក្នុងរយៈពេល២៤ម៉ោងកន្លងមកនេះ មានចំនួន ១ម៉ឺន ៧ពាន់ ៤៨៧នាក់ ដែលជាតួ លេខចាក់ថយចុះជាងម្សិលមិញចំនួន ៩៩៩នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៨២ម៉ឺន ១ពាន់ ៦៩១នាក់ ។

គ្រោះថ្នាក់ចរាចរណ៍នៅថ្ងៃពុធនេះ បានបណ្តាលឱ្យមានមនុស្សស្លាប់ចំនួន៤នាក់ និងរងរបួស ធ្ងន់ស្រាលចំនួន១០នាក់។ សម្តេចនាយករដ្ឋមន្ត្រី ហ៊ុន សែន បានថ្លែងថា គ្រោះថ្នាក់ ចរាចរណ៍ដែលបណ្តាលឱ្យមនុស្សស្លាប់និងរងរបួសរៀងរាល់ថ្ងៃបានបង្កើននូវចំណោទធ្ងន់ ធ្ងរសម្រាប់សង្គម។

ការចាប់ឆ្នោតកំណត់លំដាប់លេខរៀងបញ្ជីបេក្ខជនលើសន្លឹកឆ្នោតនៃឃុំ សង្កាត់ ទួទាំងប្រ ទេសបានប្រព្រឹត្តទៅខណៈដំណើរបោះឆ្នោតឃុំនិងសង្កាត់នឹងឈានមកដល់ប្រមាណជាង ៧០ថ្ងៃខាងមុខទៀតនេះ។

ម្ចាស់ស្ថានីយ៍ប្រេងឥន្ធនៈទាំងអស់ នឹងត្រូវរងការផាកពិន័យ៤លានរៀល ឬបិទអាជីវកម្ម បើ សិនជារកឃើញមានការលក់តម្លៃប្រេងឥន្ធនៈលើសការកំណត់។ តម្លៃប្រេងឥន្ធនៈក្នុងប្រទេស កម្ពុជា បានឡើងថ្លៃដោយសារតែសង្គ្រាមកើតឡើងក្នុងប្រទេសអ៊ុយក្រែនដែលជំរុញឱ្យពិភព លោកដាក់ទណ្ឌកម្មលើរុស្ស៊ីដែលជាប្រទេសផលិតប្រេងដ៏ធំបង្អស់មួយលើសកលលោក។