ផ្ទះចំនួន៩ខ្នងបានរងការឆេះនៅក្នុងខេត្តកំពង់ឆ្នាំង។ អគ្គិភ័យឆេះផ្ទះ៩ខ្នងនេះ បានកើតឡើងកាលពី ថ្ងៃ ទី០៦កុម្ភៈ ឆ្នាំ២០២២ នៅចំណុចភូមិកំពង់បាស្រូវ, ឃុំជលសា នៃស្រុកជលគិរី។ សមត្ថកិច្ចបានបញ្ជាក់ថា មូល ហេតុនៃគ្រោះអគ្គិភ័យ គឺដោយសារការដាំបាយមិនពន្លត់ភ្លើង ដែលកម្ទេចភ្លើងបានឆេះរាលដាលដល់ជញ្ជាំង ស្លឹកនិងស្បូវ។ ក្នុងហេតុការណ៍នោះកម្លាំងសមត្ថកិច្ចបាន ប្រើប្រាស់ឡានទឹកបាញ់ ចំនួន ១០គ្រឿងដើម្បីការ បាញ់ពន្លត់។ មិនមានសេចក្តីរាយការណ៍ជុំវិញមនុស្សស្លាប់និងរងរបួសក្នុងហេតុការណ៍គ្រោះថ្នាក់អគ្គិភ័យ នោះទេ។

សម្តេចនាយករដ្ឋមន្ត្រី ហ៊ុន សែន បានអំពាវនាវពលរដ្ឋត្រូវបន្តការចាក់វ៉ាក់សាំងបង្កាកូវីដ១៩ ខណៈដែលតួលេខ ឆ្លងក្នុងអាស៊ានបានកើនឡើង បើទោះបីជាតួលេខឆ្លងនៅកម្ពុជាមានចំនួនតិចជាងគេក៏ដោយ។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ២៥ម៉ឺន ៥ពាន់ ២៨៥ ករណី ចំណែកការស្លាប់មានចំនួន ៨៣៨នាក់ ។ តួលេខឆ្លង និងស្លាប់នៅសប្តាហ៍នេះ មានការកើនឡើងច្រើន បើប្រៀបធៀបរយៈពេលដូចគ្នានៃសប្តាហ៍មុន។ កាលពីសប្តាហ៍មុន តួលេខឆ្លងមានតែ៧ម៉ឺន ៤៧៤ករណី និង ស្លាប់មានតែចំនួន៧រយ៧នាក់ទេ។

សំណុំរឿងឃាតកម្មសម្លាប់ផ្ដាច់ពូជមួយគ្រួសារ នៅក្នុងខេត្ដមណ្ឌលគិរី ត្រូវសមត្ថកិច្ចបំបែកបាន ក្រោយការ ស្រាវជ្រាវនិងតាមដានរកឃាតករជាប់ពាក់ព័ន្ធប្រមាណ៥ថ្ងៃកន្លងមក។ មន្ដ្រីនគរបាលខេត្ដបានបញ្ជាក់ថា ជនសង្ស័យ៦នាក់ ត្រូវបានឃាត់ខ្លួន និងករណីសម្លាប់នោះ ត្រូវគេលាតត្រដាងថាជាគំនុំសម្លាប់ដោយសារ អបីយ៍ជំនឿអាបធ្មប់។

ការផ្គត់ផ្គង់អគ្កិសនីទូទាំងប្រទេសរបស់កម្ពុជា បានសម្រេច៩៨ភាគរយហើយនៅទូទាំងប្រទេសខណៈប្រមុខ រាជរដ្ឋាភិបាលកម្ពុជាជម្រុញការផ្គត់ផ្គង់នេះឱ្យបាន១០០ភាគរយ។

សមាជិក២១៧នាក់ដែលបានចាកចេញពីអតីតគណបក្សសង្គ្រោះជាតិ ត្រូវបានប្រកាសបញ្ចូលជាសមាជិកថ្មី របស់គណបក្សប្រជាជនកម្ពុជាក្នុងខណ្ឌជ្រោយចង្វារ ខណៈការបោះឆ្នោតឃុំនិងសង្កាត់ នឹងឈានមកដល់ រយៈជាង១០០ថ្ងៃខាងមុខទៀតនេះ។

ការឆ្លងជំងឺកូវីដ១៩ក្នុងប្រទេសកម្ពុជាបានស្ទុះកើនឡើងដល់ខ្ទង់ជាង១០០ករណីវិញក្នុងរយៈពេល៣ថ្ងៃជាប់ៗ គ្នា ប៉ុន្តែកម្ពុជាមិនមានករណីបាត់បង់ជីវិតឡើយ។ គួរបញ្ជាក់ថាការឆ្លងកាលពីថ្ងៃសៅរ៍មាន១១២ករណី, ការឆ្លង នៅថ្ងៃអាទិត្យមាន១១១ករណី, ចំណែកការឆ្លងនៅថ្ងៃច័ន្ទនេះមាន១០៨ករណី ដែលសុទ្ធតែជាវីរុសអូមីក្រុង។

សម្តេចនាយករដ្ឋមន្ត្រីបានថ្លែងថាអ្វីដែលកម្ពុជាបានប្រឹងប្រែងធ្វើសម្រាប់ប្រទេសមីយ៉ាន់ម៉ានាបច្ចុប្បន្នគឺដើម្បី ការចង់រកសន្តិភាពសម្រាប់ប្រទេសនេះតែប៉ុណ្ណោះ។