រថយន្តគិលានសង្គ្រោះចំនួន១០គ្រឿង រួមនិងតេស្តរហ័សចំនួន៨ពាន់៣រយ២៥ឃីត ត្រូវបានរដ្ឋាភិបាលកូរ៉េ ផ្តល់ជូនដល់ក្រសួងសុខាភិបាលកម្ពុជាក្នុងការប្រយុទ្ធប្រឆាំងជំងឺកូវីដ១៩។ ពិធីប្រគល់និងទទួលនេះបានធ្វើឡើង នារសៀលថ្ងៃទី១២មករាឆ្នាំ២០២២ ក្រោមវត្តមានរបស់រដ្ឋលេខាធិការក្រសួងសុខាភិបាលលោកស្រីយក់ សម្បត្តិ និង នាយក KOICA ប្រចាំប្រទេសកម្ពុជាលោកវេជ្ជបិណ្ឌយុនជុនរ៉ូ នៅឃ្លាំងឪសថកណ្តាលរបស់ក្រសួងសុខាភិ បាល នារាជធានីភ្នំពេញ។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន ៦ម៉ឺន១ពាន់ ៩៧១ករណី ដែលជាតួលេខច្រើនជាងការឆ្លងពីម្សិលមិញចំនួន៧ពាន់៩៨៥ករណី ។ ក្នុងចំណោមតួលេខឆ្លងថ្មីនៃប្រទេស ទាំង១០ ក្នុងរយៈពេល២៤ម៉ោងចុងក្រោយនេះ គឺប្រទេសហ្វីលីពីន នៅតែជាប្រទេសដែលមានការឆ្លងច្រើន ជាងគេបង្អស់ដដែល ។

តួលេខអ្នកចាក់វ៉ាក់សាំងដូសទី៣ នៅថ្ងៃម្សិលមិញនេះ បានកើនដល់ជាង១២ម៉ឺននាក់ នៅទន្ទឹមនឹងការជំរុញ និងពន្លឿន របស់រាជរដ្ឋាភិបាលដើម្បីបង្ការការឆ្លងវីរុសបំប្លែងថ្មីអូមីក្រុង។

តួលេខឆ្លងវីរុសកូវីដ-១៩ប្រភេទបំប្លែងថ្មីអូមីក្រុង ក្នុងរយៈពេល២៤ម៉ោងចុងក្រោយនេះ មានចំនួន១៤ករណី ដែលថយចុះ២០ករណីបើប្រៀបធៀបនឹងម្សិលមិញ។

ក្រសួងការងារបានអនុញ្ញាតមួយថ្ងៃដល់កម្មករនិយោជិត ដើម្បីទៅទទួលការចាក់វ៉ាក់សាំងដូសជំរុញក្នុង គ្រា ដែលកម្ពុជាកំពុងទប់ស្តាប់ការឆ្លងរាលដាលជំងឺកូវីដ១៩ ជាពិសេសវីរុសបំប្លែងថ្មីអូមីក្រុង។

មន្ត្រីកម្ពុជានិងមន្ត្រីបរទេស បានចូលរួមរំលែកទុក្ខនិងសម្តែងក្តីសោកស្តាយជុំវិញការបាត់បង់ជីវិតមន្ត្រីដោះមីន កម្ពុជា៣នាក់ និងម្នាក់ទៀតបានរងរបួសក្នុងហេតុការណ៍ផ្ទុះមីនតោនមួយគ្រាប់ក្នុងខេត្តព្រះវិហារ។ កាលពីថ្ងៃទី ១១មករាឆ្នាំ២០២១ ស្ថានទូតអាមេរិកប្រចាំកម្ពុជា ក៏បានចូលរួមសម្តែងក្តីសោកស្តាយក្រៀមក្រំចំពោះគ្រោះថ្នាក់ របស់មន្ត្រីដោះមីនកម្ពុជាក្នុងព្រឹត្តិការណ៍ផ្ទុះមីនតោនកាលពីថ្ងៃទី១០មករាឆ្នាំ២០២២ នៅ ក្នុងភូមិសែនតេជៈ ឃុំមរកត នៃស្រុកជាំក្សាន្តនោះផងដែរ។

កិច្ចប្រជុំចង្អៀត រដ្ឋមន្ត្រីការបរទេស អាស៊ាន (AMM Retreat) ដែល គ្រោងនឹងរៀបចំធ្វើនាសប្តាហ៍ក្រោយក្នុង ក្រុងអង្គរខេត្តសៀមរាបនៃប្រទេសកម្ពុជានោះ នឹងត្រូវលើកពេលទៅពេលក្រោយ។ កិច្ចប្រជុំចង្អៀត របស់រដ្ឋ មន្ត្រីការបរទេស អាស៊ាន (AMM Retreat) មុននេះ ត្រូវបានគេកំណត់យកថ្ងៃទី១៨និង១៩ ខែ មករា ឆ្នាំ ២០២២  រៀបចំធ្វើនៅក្នុងខេត្តសៀមរាប។ ប៉ុន្តែមន្ត្រីនាំពាក្យក្រសួងការបរទេសកម្ពុជា លោកកុយ គួង បានថ្លែងនៅថ្ងៃទី ១២មករាថា កិច្ចប្រជុំចង្អៀតនេះ នឹងត្រូវពន្យាទៅពេលក្រោយវិញ។

ប្រទេសជប៉ុនបានកោតសសើរកម្ពុជា ដែលខិតខំប្រឹងប្រែងក្នុងការជួយដោះស្រាយបញ្ហាក្នុងប្រទេសមីយ៉ាន់ ម៉ា។ ការថ្លែងកោតសសើរនេះបានធ្វើឡើងក្នុងជំនួបសន្ទនាតាមទូរស័ព្ទរវាងលោករដ្ឋមន្ត្រីការបរទេស​ ប្រាក់ សុខុន ជាមួយនឹងរដ្ឋមន្ត្រីការបរទេសជប៉ុន លោក ហាយ៉ាហ្សី យ៉ូហ្ស៊ីម៉ាសា កាលពីថ្ងៃទី១១ ខែមករា ឆ្នាំ២០២២ ។

រដ្ឋមន្ត្រីការបរទេសកម្ពុជានិងអនុរដ្ឋមន្ត្រីការបរទេសចក្រភពអង់គ្លេស បានជួបពិភាក្សានៅក្នុងដំណើរទស្សនកិច្ច រាជធានីភ្នំពេញ។ កិច្ចពិភាក្សាបានផ្តោតលើបញ្ហាជម្រុញសេដ្ឋកិច្ចពាណិជ្ជកម្ម, បញ្ហានយោបាយក្នុងតំបន់ និង អាទិភាពរបស់កម្ពុជាដែលជាប្រធានអាស៊ានប្តូរវេនឆ្នាំ២០២២។

សម្តេចនាយករដ្ឋមន្រ្តីកម្ពុជាបានអញ្ជើញធ្វើជាអធិបតីក្នុងពិធីទទួលប្រាក់កម្ចីជិត២០០លានដុល្លារពីប្រទេស ជប៉ុន ដែលជាហិរញ្ញប្បទានឆ្លើយតបនឹងវិបត្តិជំងឺកូវីដ១៩ក្នុងដំណាក់កាលទី២។ ពិធីចុះហត្ថលេខាប្រគល់ និង ទទួលប្រាក់កម្ចីចំនួន២០ប៊ីលានយ៉េន ស្មើនឹង១៨៥លានដុល្លារ បានធ្វើឡើងរវាងរដ្ឋមន្ដ្រីការបរទេសលោក ប្រាក់ សុខុន ជាមួយនឹងឯកអគ្គរាជទូតជប៉ុនប្រចាំកម្ពុជាលោក MIKAMI Masahiro នាព្រឹកថ្ងៃទី១២ ខែ មករា ឆ្នាំ ២០២២ នៅវិមានសន្តិភាព។