ទូរទស្សនិកជន យើងវិលមកខ្សែវីដេអូប្រវត្តិសាស្ត្រទាក់ទងនឹងព្រឹត្តិការណ៍នយោបាយឈ្នះឈ្នះវិញម្តង។ ក្នុង ភាគទី២ ទូរទស្សនិកជន បានតាមដានជុំវិញមូលហេតុដែលភាគីខ្មែរក្រហមបានធ្វើពហិកាការបោះឆ្នោតសកល លើកដំបូង និងការធ្វើអន្តរាគមន៍របស់សម្តេចតេជោហ៊ុនសែន ជួយគណៈប្រតិភូខ្មែរក្រហមដឹកនាំដោយលោក ខៀន សំផន និងលោកសុនសេន រួចចាកផុតពីកំហឹងរបស់ប្រជាជនដែលបានឡោមព័ទ្ធផ្ទះគណៈប្រតិភូខ្មែរ ក្រហមស្នាក់នៅកណ្តាលរាជធានីភ្នំពេញក្នុងព្រឹត្តិការណ៍ខែវិច្ឆិកាឆ្នាំ១៩៩១៕

គ្រោះអគ្គិភ័យ បានកើតឡើងយ៉ាងហោច២លើកនៅថ្ងៃ១០ធ្នូនេះក្នុងរាជធានីភ្នំពេញ។ គ្រោះអគ្គិភ័យបានកើត ឡើងក្នុងខណ្ឌដូនពេញនិងខណ្ឌឫស្សីកែវ បណ្តាលឱ្យឆេះផ្ទះ៩៧ខ្នង៕

បង្គោលខណ្ឌសីមាមួយកន្លែងជាប់បន្ទាត់ព្រំដែនកម្ពុជានិងវៀតណាម បានប្រឈមនឹងការបាក់ស្រុតដីដោយ សារតែចរន្តហូរនៃខ្សែទឹកអូរបង្កការបាក់ដី។ បង្គោលព្រំដែនដែលប្រឈមនឹងការបាក់ស្រុតនេះ គឺជាបង្គោល លេខ៦០លើ៣៨(១) ដែលស្ថិតក្នុងភូមិសាស្ត្រស្រុកកែវ សីមា នៃខេត្តមណ្ឌលគិរី ៕

កម្ពុជាមានគម្រោងសាងសង់ចំណតផែកុងតឺន័រថ្មីជំហានទី២ និងជំហានទី៣ នៅកំពង់ផែស្វយ័តក្រុងព្រះ សីហនុ។ មន្ត្រីក្រសួងសាធារណការនិងដឹកជញ្ជួនបានថ្លែងថា គម្រោងសាងសង់ចំណតផែកុងទីន័រនេះគឺ ដើម្បី ឆ្លើយតបទៅនឹងការកើនឡើងនៃបរិមាណកុងតឺន័រ និងដើម្បីធានាដល់ការចូលចតនាវា កុងតឺន័រខ្នាតធំៗប្រចាំ តំបន់អាស៊ី-ប៉ាស៊ីហ្វិក។  

ប្រមុខរាជរដ្ឋាភិបាលកម្ពុជា បានចូលរួមអបអរខួបលើកទី៧៣នៃទិវាសិទ្ធិមនុស្សអន្តរជាតិ «១០ធ្នូ» ដោយបាន រំលឹកនូវអំពើជាន់ឈ្លីសិទ្ធិលើពលរដ្ឋខ្មែរក្នុងអតីតរបបកាប់សម្លាប់ខ្មែរក្រហមពីអតីតកាល។

ពន្ធនាគារខេត្តស្ទឹងត្រែងបានប្រញាប់បដិសេធព័ត៌មានតាមបណ្តាញសង្គមនានាដែលផ្សាយថាមានមន្ត្រីនិង អ្នកទោសក្នុងពន្ធនាគារខេត្តជាង៣០០នាក់បានឆ្លងជម្ងឺកូវីដ១៩។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៧ពាន់ ៣៣៨ករណី និងការស្លាប់ថ្មីមានចំនួន៣៧៦នាក់។ បើប្រៀបធៀបនឹងម្សិលមិញការឆ្លងថ្មីនៅថ្ងៃនេះបាន ថយ ចុះ២០ករណី និងការស្លាប់ថ្មីបានថយចុះ២០២នាក់។

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ បានកើនឡើង៣ករណីវិញប៉ុន្តែស្ថិតក្នុងខ្ទង់ជាង ១០ ជាដដែល។ ការឆ្លងកូវីដ១៩នៅថ្ងៃសុក្រនេះ មានចំនួន១៥ករណីបើប្រៀបធៀបនឹងម្សិលមិញគឺមានតែ១២ករណី នោះទេ។

កម្ពុជាបានទទួលវ៉ាក់សាំង Astra Zeneca ចំនួន២៩ម៉ឺន៤០០ដូសនៅថ្ងៃសុក្រនេះ ដែលជាវ៉ាក់សាំងតាមរយៈ យន្តការកូវ៉ាក់។ រដ្ឋលេខាធិការក្រសួងសុខាភិបាលលោកស្រីយក់សម្បត្តិក្នុងឳកាស ទទួល វ៉ាក់សាំងAstra Zeneca ចំនួន២៩ម៉ឺន៤០០ដូសនៅថ្ងៃនេះ បានប្រាប់អ្នកសារព័ត៌មានថានៅក្នុងខែធ្នូនេះ កម្ពុជានឹងបន្តទទួល បានវ៉ាក់សាំងបង្កាជម្ងឺកូវីដ១៩ជាច្រើនថែមទៀត។