ក្រសួងមហាផ្ទៃ បានសម្រេចមិនចុះបញ្ជីឱ្យ «គណបក្សបេះដូងជាតិ» និងបានដាក់ពាក្យប្តឹងបន្ថែមទៀត ដល់ ស្ថាបនិកបក្សនេះ ក្រោយរកឃើញភាពទុច្ចរិតនៃការប្រមូលស្នាមមេដៃ។ នាយឧត្តមសេនីយ៍ ខៀវ សុភ័គ បញ្ជាក់ ប្រាប់បណ្តាញព័ត៌មាន នៅថ្ងៃទី១២ ខែវិច្ឆិកា ឆ្នាំ២០២១នេះជុំវិញការសម្រេចមិនចុះបញ្ជី និងការពាក្យប្តឹងស្ថាប និកគណបក្សបេះដូងជាតិនេះ។

រាជរដ្ឋាភិបាលកម្ពុជាបានប្រតិកម្មជុំវិញការដាក់ទណ្ឌកម្មរបស់សហរដ្ឋអាមេរិកមកលើនាយឧត្តមសេនីយ៍យោ ធាកម្ពុជា២រូបគឺនាយឧត្តមសេនីយ៍ ចៅ ភិរុណ និងនាយឧត្តមនាវី ទៀ វិញ។ ក្រសួងការបរទេសកម្ពុជា បានហៅការ ដាក់ទណ្ឌកម្មនេះ គឺជាអំពើមាក់ងាយទាំងស្រុងដល់ឯករាជ្យភាពនិងជាការជ្រៀតជ្រែកយ៉ាងធ្ងន់ធ្ងរចូលកិច្ចការ ផ្ទៃក្នុងរបស់កម្ពុជា។

ចំនួនប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ១ម៉ឺន ៥ពាន់ ២៦១នាក់ ដែលនាំឲ្យតួលេខនៃចំនួនសរុបចាក់លើប្រជាពលរដ្ឋទូទាំងប្រទេសគិតត្រឹមថ្ងៃទី១២ ខែវិច្ឆិកា បានកើនដល់១៤លាន៣ម៉ឺន២ពាន់៣៤៨នាក់។

ការកំណត់ចំនួនមនុស្សចូលរួមក្នុងពិធីរៀបអាពាហ៍ពិពាហ៍និងក្នុងកម្មវិធីសាសនាក្រោយមានការចាក់វ៉ាក់សាំង លើពលរដ្ឋបានច្រើនជាង៨០ភាគរយនៅទូទាំងប្រទេសរួចមកនេះ នឹងមិនកំណត់មនុសុ្សចូលរួមដូច មុនទៀត ឡើយ ប៉ុន្តែត្រូវយោងទៅតាមលទ្ធភាពទីកន្លែងតូចធំដោយត្រូវអនុវត្តតាមវិធានសុខាភិបាល។

ពិធីជួបជុំសាសនា បានប្រកាសបើកសាឡើង​វិញហើយ បន្ទាប់ពីមានការបើកប្រទេសសាឡើងវិញនិងទន្ទឹម ការចាក់វ៉ាក់សាំងលើពលរដ្ឋទូទាំងប្រទេសបានសម្រេចជិត៨៨ភាគរយ។

ការបង្ក្រាបលើសកម្មភាពល្មើសក្នុងរយៈពេល២៤ម៉ោងកន្លងមកនេះមិនបានកើតឡើងលើជនណាម្នាក់ឡើយ ទាំងវិធានការសុខាភិបាល, វិធានការរដ្ឋបាលនិងវិធានការច្បាប់។ មន្ត្រីគណៈកម្មការអន្តរក្រ សួងដើម្បីប្រយុទ្ធ នឹងជម្ងឺកូវីដ-១៩ លោក ឧត្តមសេនីយ៍ឯក ម៉ៅ ពៅ បានថ្លែងបញ្ជាក់ជានៅថ្ងៃព្រហស្បតិ៍នេះថា សមត្ថកិច្ច ក្នុង រយៈពេល២៤ម៉ោងនេះ គ្រាន់តែអប់រំការពាក់ម៉ាសលើមនុស្សចំនួន២៤៦នាក់  និងផ្សព្វផ្សាយអប់រំអំពីច្បាប់ លិខិតបទដ្ឋានគតិយុទ្ធ ពាក់ ព័ន្ធ ជួនប្រជាពលរដ្ឋសរុបចំនួន២៣៦ទីតាំង  ក្នុងនោះរួមមានមនុស្សចំនួន៤ពាន់ ៧៣៥នាក់ ផងដែរ៕

ពលរដ្ឋរងគ្រោះដោយខ្យល់កន្ត្រាក់និងសាច់ញាតិកុមារីអាយុ៥ឆ្នាំដែលបានស្លាប់ដោយខ្យល់កន្ត្រាក់វាយរំលំ ផ្ទះលិចចួលក្នុងទឹក បានទទួលអំណោយពីអភិបាលខេត្តកំពង់ឆ្នាំង។ គួរបញ្ជាក់ថាខ្យល់កន្ត្រាក់ដែលនាំភ្លៀង មកជាមួយកាលពីថ្ងៃទី៨វិច្ឆិកានៅក្នុងភូមិពាមខ្នង, ឃុំផ្លូវទូក នៃស្រុកកំពង់លែង បានធ្វើឲ្យពលរដ្ឋ៧៦គ្រួសារ បានរងផលប៉ះពាល់ក្នុងនោះក្មេងស្រីអាយុ៥ឆ្នាំឈ្មោះហុន ណាវី ត្រូវបានស្លាប់ក្នុងពេលផ្ទះបានបាក់រលំចូលក្នុង ទឹក។