ស្ត្រីជាតិថៃម្នាក់ ត្រូវបានឃាត់ខ្លួនពាក់ព័ន្ទនឹងអំពើល្មើសច្បាប់ស្តីពីវិធានការទប់ស្កាត់ការឆ្លងរាលដាល នៃជំងឺ កូវីដ-១៩។ ស្ដ្រីជាតិថៃអាយុ៥១ ម្នាក់ ត្រូវបានសាលាដំបូងខេត្តសៀមរាប សម្រេចដាក់ឃុំខ្លួនបណ្ដោះអាសន្ន ពាក់ព័ន្ទ នឹងអំពើល្មើសច្បាប់ ស្តីពីវិធានការទប់ស្កាត់ ការឆ្លងរាលដាល នៃជំងឺកូវីដ១៩។

អ្នកឆ្លងវីរុសបំប្លែងថ្មី Delta ៩នាក់ ត្រូវបានរកឃើញក្នុងខេត្តព្រៃវែងក្នុងចំណោមអ្នកឆ្លងចំនួន៩៥នាក់ថ្ងៃនេះ។ ខេត្តព្រៃវែងថ្ងៃនេះ មានមនុស្សស្លាប់ដោយសារកូវីដ១៩ចំនួន៤នាក់ផងដែរ។ តួលេខឆ្លង៩៥នាក់ថ្ងៃនេះ បាន ថយចុះចំនួន ១៨នាក់ ប្រៀបធៀបនឹងការរកឃើញពីម្សិលមិញ ។

ខេត្តកណ្តាលបានបន្តបិទរយៈពេល១៤ថ្ងៃទៀតនូវកន្លែងធ្វើអាជីវកម្មក្លឹបកម្សាន្តគ្រប់ប្រភេទ រួមមានខារ៉ាអូខេ, រង្គសាល, ឌីស្កូតែកបៀហ្គាឌិន និងកាស៊ីណូ, អាជីវកម្មម៉ាស្សា, សូណានិងស្ទឹម, ហាងលក់និងសេពគ្រឿងស្រវឹង, រោងភាពយន្ត, រោងសម្ដែង សិល្បៈ, ក្លឹបហាត់ប្រាណ និងមជ្ឈមណ្ឌលកីឡា។ ការបិទបានបន្តចាប់ពីថ្ងៃទី២៧ កញ្ញារហូតដល់ថ្ងៃទី៧តុលាឆ្នាំ២០២១ដើម្បីបង្កាការឆ្លងកូវីដ១៩។

យ៉ាងហោចមានស្រុកចំនួន៥ នៃខេត្ដសៀមរាប ត្រូវបានទទួលរងនូវជំនន់ទឹកភ្លៀងក្នុងស្ថានភាពដែលកម្ពុជា បាននិងកំពុងទទួលរងការធ្លាក់ភ្លៀងជាបន្តបន្ទាប់ដោយសារតែឥទ្ធិពលនៃប្រព័ន្ធសម្ពាធទាបដែលគ្របដណ្តប់ មកលើកម្ពុជានិងប្រទេសក្នុងតំបន់។

កម្ពស់ទឹកនៅច្រកអូរចំនួន៤ក្នុងខេត្តបន្ទាយមានជ័យ បានស្រកចុះមកវិញហើយ នៅថ្ងៃទី២៩កញ្ញានេះដែលធ្វើ ឲ្យក្តីបារម្ភជុំវិញជំនន់ទឹកភ្លៀងហូរពីប្រទេសថៃមកនោះ បានស្រាកស្រានទៅវិញ។

ជនជាតិចិន៦នាក់រួមនឹងគ្រឿងញៀនចម្រុះជិត១គីឡូក្រាមត្រូវបានសមត្ថកិច្ចបង្រ្កាបបាននៅខេត្តព្រះសីហនុ។  ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ ថាការបង្រ្កាបនោះគឺបានធ្វើ ឡើងរយៈពេល២ថ្ងៃគឺចាប់ពីថ្ងៃទី២៦ ដល់ថ្ងៃទី២៧ ខែកញ្ញា ឆ្នាំ២០២១ ស្ថិតនៅចំណុច សង្កាត់២ ក្រុងព្រះសី ហនុ។

ជនជាតិចិន៤នាក់ និងអ្នកនាំផ្លូវម្នាក់បម្រុងលួចឆ្លងដែនខុសច្បាប់ទៅថៃត្រូវបានសមត្ថកិច្ចឃាត់ខ្លួននៅខេត្ត បន្ទាយមានជ័យ។ ការឃាត់ខ្លួននោះគឺបានធ្វើឡើងកាលពីយប់ថ្ងៃទី២៨ ខែកញ្ញា ឆ្នាំ២០២១ ស្ថិតត្រង់ភូមិសាស្ត្រ អូរព្រំដែន ភូមិកោះស្នួល ឃុំទួលពង្រ ស្រុកម៉ាឡៃ។

ធនាគារអភិវឌ្ឍន៍អាស៊ី ADB បានអនុម័តប្រាក់កម្ចី៨២លានដុល្លារ ដើម្បីកែលម្អផ្លូវក្នុងខេត្តចំនួន២របស់កម្ពុជា។ សេចក្ដីប្រកាសព័ត៌មាន ADB ថ្ងៃទី២៩ ខែកញ្ញា ឆ្នាំ២០២១នេះបញ្ជាក់ថា ធនាគារអភិវឌ្ឍន៍អាស៊ី បានអនុម័ត ប្រាក់កម្ចីចំនួន៨២លានដុល្លារ ដើម្បីកែលម្អផ្លូវជាតិនិងផ្លូវខេត្តប្រវែង៤៨គីឡូម៉ែត្រ ដែលស្ថិតក្នុងខេត្តព្រៃវែង និងកណ្តាល ដើម្បីជំរុញការអភិវឌ្ឍសេដ្ឋកិច្ច តាមច្រករបៀងសេដ្ឋកិច្ចមហាអនុតំបន់មេគង្គ។

មន្ត្រីប៉ូលីសចិននៃស្នងការដ្ឋាននគរបាលសន្តិសុខសាធារណៈនៃទីក្រុងប៉េកាំង បានធ្វើកិច្ចពិភាក្សាជាមួយ នឹង ស្នងការនគរបាលរាជធានីភ្នំពេញនៅថ្ងៃទី២៩កញ្ញានេះ តាមប្រព័ន្ធវីដេអូអនឡាញ។

«វិមានកីឡដ្ឋាននៃពហុកីឡដ្ឋានជាតិមរតកតេជោ» គ្រោងនឹងសម្ពោធដាក់ឲ្យប្រើប្រាស់នាចុងខែវិច្ឆិកាខាងមុខ នេះ ក្រោយពិធីប្រគល់និងទទួលបានធ្វើប្រមាណជាងកន្លះខែមកនេះ។ អគ្គលេខាធិការគណៈកម្មាធិការជាតិ លោក វ៉ាត់ ចំរើន បានថ្លែងប្រាប់បណ្តាញសារព័ត៌មានកាលពីម្សិលមិញ។