ការឆ្លងរាលដាលកូវីដ១៩ក្នុងខេត្តសៀមរាប នៅមិនទាន់បានស្ងប់នៅឡើយទេ។ រដ្ឋបាលខេត្ត បានប្រកាសបន្ត ការដាក់សង្កាត់ទាំង១២ ទូទាំងក្រុងសៀមរាប ជាតំបន់ក្រហម និងតំបន់លឿង ទុំ បន្តរយៈពេល១សប្តាហ៍ទៀត៕

រដ្ឋបាលខេត្តព្រះវិហារ បានសម្រេចបិទខ្ទប់ និងកំណត់តំបន់មួយចំនួននៃស្រុកត្បែងមានជ័យ ជាតំបន់ក្រហម រយៈពេល២សប្តាហ៍ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ។

កំណាត់ផ្លូវជាតិ៥ចន្លោះបង្គោលគីឡូម៉ែត្រលេខ៣៩ទៅលេខ៤០ ក្នុងខេត្តកំពង់ឆ្នាំងបានរងការលិចនឹងជំនន់ ទឹកភ្លៀងនៅថ្ងៃនេះ។ មន្ទីរសាធារណការខេត្តកំពង់ឆ្នាំងលោកឆាយ លាភា ត្រូវបានគេដកស្រង់សម្តីដែលបាន ប្រាប់អ្នកកាសែតថាបើសិនជាភ្លៀងនៅតែបន្តធ្លាក់, កំណាត់ផ្លូវជាតិដែលរងនឹងការលិចនោះ នឹងត្រូវរងការលិច លង់បន្ថែមទៀត។

ខេត្តបន្ទាយមានជ័យ ត្រូវបានគេរាយការណ៍មុនគេជុំវិញការរងនឹងជំនន់ទឹកភ្លៀងដែលបង្កផលប៉ះពាល់ដល់ ពលរដ្ឋ។ ខេត្តបន្ទាយមានជ័យ គឺជាខេត្តមួយដែលបានរងនឹងករណីទឹក ជំនន់ដោយសារការធ្លាក់ភ្លៀងផង និងទឹកហូរមកពីប្រទេសថៃផង៕

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន៤ពាន់ ៤០១ ករណី និងការស្លាប់ថ្មីមានចំនួន១ពាន់២៦៨នាក់។ នេះជាតួលេខឆ្លងកើនឡើង៣ពាន់៤២៩ករណីបើប្រៀបធៀប នឹងម្សិលមិញ, ចំណែកតួលេខស្លាប់បានកើនឡើង២៩៦នាក់។ ប្រទេសដែលមានការឆ្លងថ្មីក្នុងរយៈ ពេល២៤ ម៉ោងចុង ក្រោយ នេះនៅ អាស៊ាន មាន១០ប្រទេស។ ចំណែកការ ស្លាប់ថ្មីមានចំនួន៩ប្រទេស៕

តួលេខឆ្លងការឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះ មានចំនួន៦៣៨ករណី ដែលកើនឡើង ចំនួន១ករណី បើប្រៀបធៀបនឹងម្សិល មិញ។ ការឆ្លងថ្មីនៅថ្ងៃនេះបានស្ថិតនៅខ្ទង់ជាង៦០០ករណីជាដដែល ដែលបានកើតឡើង១៤ថ្ងៃជាបន្តបន្ទាប់មកហើយក្នុងរង្វង់ខែកញ្ញានេះ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ១សែន៨ម៉ឺន៣ ពាន់២២៩នាក់។

វ៉ាក់សាំងស៊ីណូវ៉ាក់ចំនួន៣លានដូសថ្មីទៀត ដែលជាការបញ្ជាទិញរបស់កម្ពុជា នឹងត្រូវដឹកមកដល់នៅថ្ងៃសុក្រ ស្អែកនេះ។ មន្រ្តីជាន់ខ្ពស់ក្រសួងសុខាភិបាលបានឲ្យនៅថ្ងៃទី២៣កញ្ញានេះថា វ៉ាក់សាំងបង្ការជំងឺកូវីដ១៩ របស់ ចិនចំនួន៣លានដូស នឹងត្រូវដឹកមកដល់កម្ពុជា នៅព្រឹកថ្ងៃទី២៤ខែកញ្ញា។

កម្មវិធីស្វ័យសិក្សា Moeys  E-Learing ត្រូវបានគេសម្ភោធដាក់ឲ្យប្រើប្រាស់ជាសាធារណៈហើយនៅថ្ងៃ ទី២៣ កញ្ញានេះក្រោយពីការបង្កើតរយៈពេល៥ខែកន្លងមក។