ព្រឹត្តិការណ៍សមរាត្រី Equinox នឹងឈានមកដល់នៅថ្ងៃស្អែកទី២៣កញ្ញានេះហើយ។ មន្ត្រីអាជ្ញាធរជាតិអប្សរា លោក អ៊ឹម សុខរិទ្ធី បានថ្លែងថានាវេលាម៉ោង៦កន្លះព្រឹកថ្ងៃទី២៣កញ្ញា, ព្រះអាទិត្យនឹងរះចំកំពូលកណ្ដាលនៃ ប្រាសាទអង្គរវត្ត ដែលព្រឹត្តិការណ៍ដ៏កម្រនេះ តែងតែកើតឡើង២ដងតែប៉ុណ្ណោះក្នុងមួយឆ្នាំ។ មុនព្រឹត្តិការណ៍ ឆ្លងកូវីដ១៩, ទេសចរណ៍បរទេសច្រើនពាន់នាក់ ត្រូវគេឃើញបាននាំគ្នារង់ចាំតាំងពីវេលាទាបភ្លឺក្នុងបរិវេណប្រា សាទអង្គរវត្តដើម្បីចាំថតយកព្រឹត្តិការណ៍ដ៏កំរនេះ ដែលតែងឈានមកដល់ក្នុងខែកញ្ញានិងខែមីនា។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន៩៧២ករណី និងការស្លាប់ថ្មីមានចំនួន៩៧២នាក់។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន២សែន៧ពាន់ ៥៧៥នាក់។ យោងតាមក្រសួងសុខាភិបាល តួលេខនៃចំនួនសរុបដែលពលរដ្ឋទូទាំងប្រទេសបានទទួលការ ចាក់វ៉ាក់សាំងគិតត្រឹមថ្ងៃទី២២ ខែកញ្ញានេះ បានកើនដល់១២លាន៤សែន៨ម៉ឺន៣ពាន់៥៨៨នាក់ហើយ, ក្នុងនោះ អ្នកបានចាក់វ៉ាក់សាំងដូសទី២រួច មានចំនួន១០លាន៥សែន២ម៉ឺន៧ពាន់៩៣៨នាក់។

ក្រសួងសុខាភិបាលកម្ពុជាបានទទួលម៉ាស៊ីន ឧបករណ៍ សម្ភារៈបច្ចេកទេស មន្ទីរពិសោធន៍ ពីអង្គការ WHO ដើម្បីជួយជម្រុញវិស័យសុខាភិបាលកម្ពុជាឱ្យកាន់តែប្រសើរ។ ពិធីប្រគល់និងទទួលបានធ្វើឡើងនារសៀលថ្ងៃ ទី២២ ខែកញ្ញាឆ្នាំ២០២១នេះក្រោមវត្តមាន រដ្ឋលេខាធិការក្រសួងសុខាភិបាលលោកស្រី យក់ សម្បត្តិ និងប្រធានអង្គការសុខភាពពិភពលោក ប្រចាំកម្ពុជាលោកស្រី លី អាយឡាននៅមជ្ឈមណ្ឌលជាតិពិសោធសុខាភិ បាលនារាជធានីភ្នំពេញ ។ ម៉ាស៊ីន ឧបករណ៍ សម្ភារៈបច្ចេកទេសមន្ទីរពិសោធន៍ទាំងនោះរួមមាន ម៉ាស៊ីនវិភាគ គុណភាពឱសថមួយគ្រឿង និងបរិក្ខាបច្ចេកទេស១ចំនួនបន្ថែមដែលអាចបើប្រាស់យ៉ាងតិច២ឆ្នាំ ប្រើប្រាស់ សម្រាប់ការងារវិភាគឱសថ, ម៉ាស៊ីនបឺតសំណើម មួយគ្រឿង សម្រាប់ជួយកែតម្រូវ ឬកាត់បន្ថយសំណើមខ្យល់ បរិយាកាសក្នុងមន្ទីរពិសោធន៍,ម៉ាស៊ីនស្វ័យប្រវត្តិលាងកែវពិសោធន៍ និងសម្ភារៈមួយគ្រឿងសម្រាប់ ការងារ

អគ្គលេខាធិការស្តីទីគណបក្សហ៊្វ៊ុនស៊ិនប៉ិចនិងជាមន្ត្រីនាំពាក្យបក្ស លោកផាន់ សិទ្ធី បានធ្វើសន្និសីទកាសែត មួយបង្ហាញទំនាស់ ផ្ទៃក្នុងបក្សរបស់ខ្លួននៅថ្ងៃទី២២កញ្ញានេះ។ ក្នុងពេលដែលសន្និសីទនេះបានបញ្ចប់, សេចក្តី ថ្លែងការណ៍មួយពីគណបក្សហ៊្វុនស៊ិនប៉ិច បានបញ្ឈប់តួនាទីរបស់អ្នកនាំពាក្យនោះភ្លាម៕

មនុស្សចំនួន៨នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និង វិធានសុខាភិបាលក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ១៩។  មន្ត្រីគណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោកឧត្តមសេនីយ៍ឯក ម៉ៅ ពៅ បានថ្លែងនៅថ្ងៃ ពុធទី២២កញ្ញានេះថា សមត្ថកិច្ចបានផាកពិន័យជាប្រាក់បានចំនួន ១លាន៦សែនរៀល ក្នុងការអនុវត្តវិធានការ ច្បាប់ចំនួន៨ ករណី ដែលនេះគឺជាសញ្ញាមួយដែលបង្ហាញថា មានការថយចុះ ផងដែរ នៅថ្ងៃនេះ។

អគ្គមេបញ្ជាការរងនៃកងយោធពលខេមរភូមិន្ទ លោកឧត្តមសេនីយ៍ឯក ហ៊ុន ម៉ាណែត ដែលជាមេបញ្ជាការ កងទ័ពជើងគោកផងដែរនោះ បានអនុញ្ញាតឱ្យអនុព័ន្ធយោធានៃសាធារណរដ្ឋសង្គមនិយមវៀតណាមប្រចាំ នៅកម្ពុជាលោកវរសេនីយ៍ឯកពិសេស ង្វៀន ថាញ់ជីញ បានជួបពិភាក្សាការងារនៅទីបញ្ជាការដ្ឋានកងទ័ព ជើងគោកនៃកងយោធពលខេមរភូមិន្ទ។

អាជ្ញាធរខណ្ឌទួលគោក ត្រូវគេរាយការណ៍ថា បានចុះបិទវត្តនាគវ័ន នៅថ្ងៃនេះដែលនៅចំថ្ងៃកាន់បិណ្ឌទី១ ក្រោយការរកឃើញមនុស្សឆ្លងកូវីដ១៩។

ប្រជាពលរដ្ឋកម្ពុជា បានប្រារព្ធថ្ងៃកាន់បិណ្ឌដំបូងនៅថ្ងៃទី២២កញ្ញានេះ នៅទន្ទឹមនឹងប្រសាសន៍អំពាវនាវរបស់ សម្តេចតេជោនាយករដ្ឋមន្ត្រីសួមឲ្យពលរដ្ឋបន្តប្រុងប្រយ័ត្នទប់ស្កាត់ការឆ្លងរីករាលដាលជំងឺកូវីដ-១៩។ ក្នុងពិធី កាន់បិណ្ឌថ្ងៃដំបូងនេះ សេចក្តីរាយការណ៍ជុំវិញការឆ្លងកូវីដ១៩នៅទូទាំងប្រទេសមានចំនួន៦៣៧ ដែលស្ថិតក្នុង កម្រិតខ្ពស់ប្រុងប្រយ័ត្នជាដដែល៕