គ្រឿងញៀនជិត ១០ គីឡូក្រាមនិងជនជាតិចិន ២នាក់ត្រូវបានសមត្ថកិច្ចបង្ក្រាប នៅរាជធានីភ្នំពេញ។ ការ បង្រ្កាប បានធ្វើឡើងកាលពីថ្ងៃទី៤ ខែកញ្ញា ឆ្នាំ ២០២១ នៅចំណុចផ្លូវលេខ១០៥ ស្ថិតក្នុងសង្កាត់បឺងកេងកង២ នៃខណ្ឌបឹងកេងកង ។

ស្រាទំពាំងបាយជូ និងស្រាស សញ្ញា មាស ហុង ចំនួនជាង១ពាន់ដបត្រូវបានសមត្ថកិច្ចដើរប្រមូលពីកន្លែង ដាក់លក់នានាក្នុងរាជធានីភ្នំពេញដើម្បីត្រៀមកម្ទេចចោល។ ការដើរប្រមួលស្រាទំពាំងបាយជួនិងស្រាស សញ្ញា មាសហុង នេះ បានធ្វើឡើងក្រោយស្ត្រីវ័យក្មេង៣នាក់ បានបាត់បង់ជីវិតក្រោយការទទួលទានផលិតផលធ្វើក្នុង ស្រុកទាំងនេះ។

ក្រសួងកសិកម្មបានប្រកាសការត្រៀមគ្រាប់ពូជស្រូវចំនួន ២ពាន់តោននិងពូជដំណាំរួមផ្សំជាច្រើនទៀត ដើម្បីជួយសង្គ្រោះប្រជាកសិករដែលរងផលប៉ះពាល់ដោយសារគ្រោះធម្មជាតិ។

មនុស្ស៩នាក់ដែលកាន់កាតសារព័ត៌មាន ត្រូវសមត្ថកិច្ចខេត្តស្ទឹងត្រែងឃាត់ខ្លួនក្រោយមនុស្សទាំង៩នោះ បាន ជាប់ពាក់ព័ន្ធនឹងអំពើជំរិតទារប្រាក់៤ពាន់ដុល្លារពីម្ចាស់រថយន្តដឹកឈើ។ ការឃាត់ខ្លួននេះបានធ្វើនៅថ្ងៃទី៧ កញ្ញានេះ។

កិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី២ ឆ្នាំទី១ បានបើកកិច្ចប្រជុំរបស់ខ្លួនដើម្បីការពិភាក្សា កំណត់ប្រាក់ឈ្នួលអប្ប​បរមារបស់កម្មករនិយោជិតសម្រាប់ឆ្នាំ២០២២បើទោះបីជាស្ថានភាពសេដ្ឋកិច្ចរបស់កម្ពុ ជាកំពុងធ្លាក់ចុះខ្លាំងដោយសារវបត្តិកូវីដ១៩ក៏ដោយ។ ប្រាក់ឈ្នួលអប្ប​បរមារបស់កម្មករនិយោជិត ត្រូវបានគេ ពិភាក្សាជារៀងរាល់ឆ្នាំដើម្បីរកការតម្លើងជួនកម្មករនិយោជិត។

អាជ្ញាធររាជធានីភ្នំពេញ បានព្រមានធ្វើការរុះរើខ្សែកាប្លិ៍អាកាសចេញ នៅលើវិថីព្រះអង្គយុគន្ធរ និងលើវិថីឧកញ៉ា សន្ធរម៉ុកបើសិនជាមិនធ្វើការរុះរើចេញដោយខ្លួនឯងក្នុងរយៈពេល១៥ថ្ងៃទៀតនេះទេ។

ជំនន់ទឹកភ្លៀងបានធ្វើឲ្យមនុស្ស២នាក់បានស្លាប់នៅក្នុងខេត្តព្រះសីហនុ និងខេត្តឧត្តរមានជ័យ។ ក្រសួងធនធាន ទឹកបានឲ្យដឹងថាទឹកភ្លៀងដែលនាំនូវទឹកជំនន់ភ្លាម នឹងបន្តមានក្នុងសប្តាហ៍នេះទៀត ក្នុងនោះខេត្តនិងរាជធានី មួយចំនួននឹងអាចប្រឈមការលិចដោយជំនន់ទឹកភ្លៀងFlash Floods នេះផងដែរ។

ខេត្តមណ្ឌលគិរី បានបន្តរកឃើញអ្នកឆ្លងកូវីដ១៩ ចំនួន ១១នាក់ និងមានអ្នកស្លាប់ម្នាក់ថ្មីទៀត ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងថ្មីនៅថ្ងៃ មានការកើនលើសម្សិលមិញចំនួន ៤នាក់ ។

ខេត្តកោះកុងនៅថ្ងៃនេះ បានបន្តរកឃើញអ្នកឆ្លងជំងឺកូវីដ១៩ចំនួន២៩នាក់ ថែមទៀត ដែលជាតួលេខឆ្លង កើនឡើង ចំនួន ២៥នាក់ បើប្រៀបធៀបនឹងម្សិលមិញ ។