ខេត្តកែប បានរកឃើញអ្នកឆ្លងជំងឺកូវីដ១៩ថ្មី តែម្នាក់ទេក្នុងរយៈពេល២៤ម៉ោងចុងក្រោយនេះ។ យោងតាម រដ្ឋបាលខេត្ត ការឆ្លងថ្មីម្នាក់នេះ បានកើតលើពលរដ្ឋដែលស្ថិតនៅក្នុងស្រុកតំណាក់ចង្អើរ។ ខេត្ដកែប គឺជាខេត្ដ មួយ ដែលមិនមានករណីឆ្លងនូវ វីរុសបំប្លែងថ្មី Delta នោះទេ៕

ខេត្តកំពង់ចាម បានបន្តរកឃើញអ្នកឆ្លងថ្មីចំនួន ១៥នាក់ថែមទៀត ក្នុងរយៈពេល២៤ម៉ោងចុងក្រោយនេះ ដែលជាតួលេខឆ្លងថយចុះជាងម្សិលមិញចំនួន ៤នាក់ ។

ខេត្តត្បូងឃ្មុំ បានបន្តរកឃើញអ្នកឆ្លងជំងឺកូវីដ១៩ ចំនួនច្រើនរហូតដល់ ១០២នាក់នៅថ្ងៃនេះ ដែលជាតួលេខ ឆ្លងកើនឡើងជាងម្សិលមិញចំនួន៤៨នាក់។

ខេត្តព្រៃវែង បានបន្តរកឃើញអ្នកឆ្លងជំងឺកូវីដ១៩ ចំនួន២៨នាក់ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងថយចុះចំនួន ធៀបនឹងការរកឃើញកាលពីម្សិលមិញ ។

ខេត្តស្វាយរៀង បានបន្តរកឃើញអ្នកឆ្លងជំងឺកូវីដ១៩ ចំនួន ៧នាក់ និងមានអ្នកស្លាប់ថ្មីម្នាក់ ថែមទៀត នៅថ្ងៃ នេះ ។ តួលេខឆ្លងនៅថ្ងៃនេះ មានការកើនឡើងចំនួន ៦នាក់ ធៀបនឹងការរកឃើញកាលពីម្សិលមិញ ។

ខេត្តកំពង់ឆ្នាំង បានបន្តរកឃើញអ្នកឆ្លងជំងឺកូវីដ១៩ ចំនួន ១៧នាក់ និងមានអ្នកស្លាប់ម្នាក់ ថែមទៀតនៅថ្ងៃនេះ ។

ខេត្តបាត់ដំបង បានបន្តរកឃើញអ្នកឆ្លងជំងឺកូវីដ១៩ ចំនួន ៦៤នាក់ និងមានអ្នកស្លាប់ថ្មីម្នាក់ ថែមទៀត ក្នុងរយៈ ពេល ២៤ម៉ោង ចុងក្រោយនេះ ។ តួលេខឆ្លងថ្ងៃនេះ មានការថយចុះចំនួន ១៨នាក់ បើប្រៀបធៀបនឹងការ រកឃើញកាលពីម្សិលមិញ ។

ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ២០នាក់ ថែមទៀត ក្នុងរយៈពេល ២៤ម៉ោង ដែលជា តួលេខឆ្លងថយចុះច្រើនរហូតដល់ ៤២នាក់ បើធៀបនឹងការរកឃើញកាលពីម្សិលមិញ ។

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ចំនួន ១៦នាក់ ថែមទៀត ក្នុងរយៈពេល ២៤ម៉ោងចុងក្រោយ នេះ ដែលជាតួលេខឆ្លងកើនខ្ពស់ជាងកាលពីថ្ងៃអាទិត្យម្សិលមិញចំនួន ១០នាក់ ។

ខេត្តបន្ទាយមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ១០៩នាក់ថែនទៀត នៅថ្ងៃនេះ ដែលជាតួ លេខឆ្លងថយចុះចំនួន ៤០នាក់ ធៀបនឹងការរកឃើញកាលពីម្សិលមិញ ។