ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន១៩នាក់និងមានអ្នកស្លាប់ថ្មីចំនួន៣នាក់ ក្នុងរយៈពេល ២៤ម៉ោង ចុងក្រោយនេះ។ នេះជាតូលេខឆ្លងកើនឡើង៨នាក់បើប្រៀបធៀបនឹងម្សិលមិញ។

ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ៥៦នាក់ និងមានអ្នកស្លាប់ថ្មី ២នាក់ថែមទៀត ក្នុងរយៈពេល ២៤ម៉ោងចុងក្រោយនេះ ។  តួលេខឆ្លងនៅថ្ងៃនេះ មានការថយចុះម្នាក់ ធៀបនឹងការរកឃើញ កាលពីម្សិលមិញ ។

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ ចំនួន១៣នាក់ថ្មីទៀតក្នុងរយៈពេល២៤ម៉ោង ចុងក្រោយ នេះដែលជាតួលេខឆ្លងកើនឡើងចំនួន ២នាក់ ធៀបនឹងការរកឃើញកាលពីម្សិលមិញ ។

ខេត្តសៀមរាបរកឃើញឆ្លងជំងឺកូវីដ១៩ ចំនួន៧៥នាក់ និងស្លាប់៣នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើនឡើង៧នាក់ប្រៀបធៀបនឹងម្សិលមិញ។

ខេត្តបាត់ដំបង បានបន្តរកឃើញអ្នកឆ្លងជំងឺកូវីដ១៩ ចំនួន ៥៧នាក់ ថែមទៀត នៅថ្ងៃនេះ ។ យោងតាមរដ្ឋបាល ខេត្តអ្នកឆ្លងថ្មីទាំងនោះ គឺជាករណីឆ្លងនៅក្នុងសហគមន៍ចំនួន ៥២នាក់ និង៥នាក់ ទៀត ឆ្លងលើពលករដែល ទើបត្រឡប់មកពីប្រទេសថៃ ។

ខេត្តបន្ទាយមានជ័យ បានរកឃើញអ្នកឆ្លងជំងឺកូវីដ១៩ ចំនួន ៩៦នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងថយចុះចំនួន ៤៨នាក់  បើប្រៀបធៀបនឹងការរកឃើញកាលពីម្សិលមិញ ។

ប្រទេសអាស៊ានក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៨ម៉ឺន៥ពាន់៦៩៥ករណី និងការស្លាប់ថ្មីមានចំនួន១ពាន់៧៧២នាក់។ តួលេខនេះ មិនមានការរាប់បញ្ចូលតួលេខពីប្រទេសឡាវឡើយ។

ខណ្ឌទាំង១៤ក្នុងរាជធានីភ្នំពេញ ត្រូវបានពង្រឹងវិធានការបង្ក្រាបបទល្មើសនៅថ្ងៃទី២៧សីហានេះ ទន្ទឹមនឹង រាជធានីភ្នំពេញ ដាក់ចេញវិធានការរដ្ឋបាលរយៈ ពេល១៤ថ្ងៃគិតចាប់តាំងពីថ្ងៃទី២៧សីហានេះទៅ។

មនុស្សចំនួន២៩៣នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋ បាលនិងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ១៩។

ប្រជាពលរដ្ឋ១០ម៉ឺន៥ពាន់៣៧នាក់ បានទទួលការចាក់វ៉ាក់សាំងរយៈពេល២៤ម៉ោងកន្លងមកនេះដែលចំនួន អ្នកចាក់ក្នុងរយៈពេល២៤ម៉ោងកន្លងមកនេះ តិចជាងម្សិលមិញ៤ពាន់៧៩៤នាក់។