-
បាត់ដំបង៖ ជីវិតការងាររបស់អ្នកបើកឡូរីនៅស្ទឹងអូរដំបង
ការងារបើកឡូរីនៅស្ទឹងអូរដំបង គឺជារបរសល់ពីដូនតារបស់អ្នកភូមិអូរដំបង តាំងពីឆ្នាំ១៩៧៨មកម្ល៉េះ។ អ្នកបើកឡូរីនៅទីនេះចងក្រងគ្នាជាសហគមន៍ ដើម្បីទទួលបានប្រយោជន៍រួម។ ឡូរីដែលនៅរក្សាភាពពាក់កណ្ដាលបុរាណនេះ បច្ចុប្បន្នភ្ញៀវភាគច្រើនជាជនបរទេស។ ដើម្បីអាចទៅដល់កន្លែងជិះឡូរីនៅស្ទឹងអូរដំបង គេគ្រាន់តែធ្វើដំណើរពីទីរួមខេត្តបាត់ដំបង តាមផ្លូវជាតិលេខ១០ ប្រមាណ៥គីឡូម៉ែត្រតែប៉ុណ្ណោះ នោះគេនឹងទៅដល់ភូមិអូរដំបង ឃុំអូរដំបង២ ស្រុកសង្កែ ខេត្តបាត់ដំបង ដែលជាទីតាំងជិះឡូរីសល់ពីឆ្នាំ១៩៧៨។ រោងប្រក់ក្បឿងសម្រាប់ឱ្យភ្ញៀវជ្រកភ្លៀងនិងកម្ដៅ ឬអង្គុយរង់ចាំ ទំហំទទឹងប្រមាណ១០ម៉ែត្រនិងបណ្ដោយប្រហែលជា១៥ម៉ែត្រ ដែលមានគ្រែត្រៀបត្រានៅក្រោម និងមានតុកៅអីថ្មខ្លះផងនោះ ជាចំណុចចាប់ផ្ដើមនៃការជិះឡូរី។ ឡូរីធ្វើពីរនាបឫស្សី មានសណ្ឋានដូចជាគ្រែតែគ្មានជើង ដែលមានដាក់កន្ទេលកក់ពីលើ និងមានម៉ាស៊ីនជាជំនួយឱ្យឡូរីទៅមុខនោះ បានដាក់តម្រៀបគ្នាជាជួរ ប្របផ្លូវរថភ្លើង។ អ្នកបើកឡូរីមិនថាស្រីឬប្រុសនោះទេ ភាគច្រើនមានសម្បុរស្រអែមនិងខ្មៅ។ ម៉ោងជាង១១ព្រឹកនៅទីនេះមិនមានអ្វីលក់ទេ ក្រៅពីធុងលក់ភេសជ្ជៈព័ណ៌ក្រហមមួយនៅជិតផ្លូវរថភ្លើង ក្បែររោងប្រក់ស័ង្កសីតូចមួយ។ គ្រាន់តែឃើញភ្ញៀវទៅដល់ភ្លាមមិនថាជាភ្ញៀវខ្មែរឬបរទេសឡើយ ម្ចាស់វេនប្រមូលប្រាក់បានចេញពីរោងប្រក់ក្បឿងមករាក់ទាក់និងណែនាំពីសេវាកម្មឡូរីរបស់ខ្លួន។ ឡូរីដែលមានជាង២០គ្រឿង ត្រូវបានបែងចែកវេនគ្នា ដើម្បីប្រមូលប្រាក់វិលជុំ និងវេនបើកផងដែរ ដើម្បីទទួលបានប្រយោជន៍ស្មើគ្នា។ បានន័យថាបើឡូរីមាន៣០ អ្នកបើកក៏មាន៣០នាក់ដែរ ដូច្នេះមួយខែ ម្នាក់មានតែមួយថ្ងៃតែប៉ុណ្ណោះ ដើម្បីប្រមូលប្រាក់ តែពួកគេត្រូវបើកឡូរីរាល់ថ្ងៃ។ បើមិនចំវេនប្រមូលប្រាក់ទេ សមាជិកទាំងអស់ទទួលបានប្រាក់ ១០,០០០រៀល សម្រាប់ដឹកភ្ញៀវមួយជើង។ សហគមន៍បង្កើតប្រព័ន្ធបែបនេះ ដើម្បីឱ្យសមាជិកក្នុងក្រុមរបស់ខ្លួនទទួលបានចំណូលរាល់ថ្ងៃ និងស្មើភាពគ្នា។…
-
ប្រាសាទ តាព្រហ្ម
ប្រាសាទតាព្រហ្មត្រូវបានគេស្គាល់ច្រើនថាជាប្រាសាទដើមឈើ ស្ថិតនៅក្នុងព្រៃ មានកសិណទឹកព័ទ្ធជុំវិញពីរជាន់ ។ ប្រាសាទនេះមានទីតាំងស្ថិតនៅវង់តូច ទៅតាមផ្លូវទ្វារជ័យ បន្ទាប់ពីប្រាសាទតាកែវប្រហែល១គីឡូម៉ែត្រ ហើយមានកំពែងជាប់នឹងកំពែងប្រាសាទបន្ទាយក្តីប៉ែកពាយ័ព្យ ។
-
ខ្លោងទ្វារខ្មោច!! ឮឈ្មោះហើយមានអារម្មណ៍ថាខ្លាចមែនទេ? តែកុំខ្លាចអី!
ខ្លោងទ្វារខ្មោច ជាខ្លោងទ្វារមួយស្ថិតនៅទិសខាងកើតនៃក្រុងអង្គរធំ ចំពីមុខប្រាសាទបាយ័នទៅកើតត្រង់។ ខ្លោងទ្វារនេះត្រូវបានគេប្រើប្រាស់សម្រាប់ដង្ហែសាកសពរបស់អ្នកដែលរស់នៅក្នុងក្រុងអង្គរធំយកទៅបូជា ឬយកទៅចោលក្នុងទឹកស្ទឹងខាងក្រៅបរិវេណក្រុងអង្គរធំ។ (សៀវភៅមគ្គុទ្ទេសក៍អាណាចក្រអង្គរ ភាគ ២)។
-
ប្រាសាទអំបែងនំ ដែលមនុស្សភាគច្រើនប្រាកដជាមិនធ្លាប់បានទៅ ឬក៏មិនដែលធ្លាប់ឮសោះក៏មាន!
ប្រាសាទអំបែងនំ មានទីតាំងស្ថិតនៅភូមិព្រិច ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ ចម្ងាយពីទីរួមខេត្តកំពង់ធំ ទៅតាមផ្លូវស្ទោងប្រមាណជាង ១០០គីឡូម៉ែត្រ, ភាគឦសានទីប្រជុំជន ឃុំសាគ្រាម ប្រមាណ ៤គីឡូម៉ែត្រ ហើយស្ថិតនៅក្នុងព្រៃក្រាស់មួយកន្លែង។
-
ក្រសួងទេសចរណ៍ ខិតខំកែប្រែវិបត្តិកូវីដទៅជាឱកាសពង្រឹងគុណភាពផលិតផលទេសចរណ៍មានស្រាប់ និងបង្កើតផលិតផលទេសចរណ៍ថ្មីៗ
ភ្នំពេញ៖ លោក ថោង ខុន រដ្ឋមន្ត្រីក្រសួងទេសចរណ៍ បានថ្លែងថា នាពេលបច្ចុប្បន្ន ក្រសួងទេសចរណ៍កំពុងខិតខំកែប្រែបញ្ហាវិបត្តិជំងឺកូវីដ-១៩ ទៅជាឱកាសពង្រឹងគុណភាពផលិតផលទេសចរណ៍ដែលមានស្រាប់ និងបង្កើតផលិតផលទេសចរណ៍ថ្មីៗ ដើម្បីជំរុញចលនាទេសចរក្នុងស្រុក និងផ្សព្វផ្សាយសុវត្ថិភាពទេសចរណ៍ទៅកាន់អន្តរជាតិ។ ការថ្លែងបែបនេះរបស់លោករដ្ឋមន្ត្រី ថោង ខុន ត្រូវបានធ្វើឡើងក្នុងកិច្ចប្រជុំបូកសរុបលទ្ធផលការងាររយៈពេល៩ខែ ឆ្នាំ២០២០ និងទិសដៅអនុវត្តបន្តនៅត្រីមាសទី៤ ឆ្នាំ២០២០ ក្នុងដំណាក់កាលវិបត្តិ នារសៀលថ្ងៃទី២៦ ខែតុលា ឆ្នាំ២០២០ នៅទីស្ដីការក្រសួងទេសចរណ៍។ ក្រោយកិច្ចប្រជុំខាងលើ លោករដ្ឋមន្ត្រីបានថ្លែងប្រាប់ក្រុមអ្នកសារព័ត៌មានថា ក្នុងដំណាក់កាលវិបត្តិជំងឺកូវីដ-១៩នេះ ក្រសួងទេសចរណ៍កំពុងខិតខំជំរុញចលនាទេសចរក្នុងស្រុក ជាមួយនឹងការអនុវត្តវិធានសុវត្ថិភាពទេសចរណ៍ និងការណែនាំនានារបស់ក្រសួងសុខាភិបាល។ លោកថា ទោះបីក្នុងកាលៈទេសៈណាក៏ដោយ ការបើកឱ្យមានចលនាទេសចរក្នុងស្រុកនេះ មិនអាចប្រាសចាកពីការណែនាំនូវសុវត្ថិភាពទេសចរណ៍ទាំងនេះបានឡើយ។ លោកបានបន្តថា មូលដ្ឋានអាជីវកម្មទេសចរណ៍ ទើបតែចូលរួមក្នុងយុទ្ធនាការខាងលើបានតែ ៣៦% ប៉ុណ្ណោះទេ ដែលការជំរុញនេះហាក់ដូចជាការប្រឡងប្រណាំងដែរ។ មូលដ្ឋានអាជីវកម្មណាដែលបានឆ្លើយតបទៅនឹងវិធានសុវត្ថិភាពនេះ ក្រសួងនឹងប្រគល់ឡាប៊ែលជូន ប៉ុន្តែមូលដ្ឋានអាជីវកម្មដែលបានទទួលឡាប៊ែលនេះទៀតសោត ក៏ទើបតែបាន ១៩% ប៉ុណ្ណោះ ដូច្នេះក្រសួងទេសចរណ៍នឹងបន្តខិតខំជំរុញការប្រឡងប្រណាំងនេះបន្ថែមទៀត។ បើតាមលោករដ្ឋមន្ត្រី ថោង ខុន ជាទិសដៅរបស់ក្រសួងទេសចរណ៍ក្នុងឆ្នាំ២០២១ ខាងមុខ គឺធ្វើយ៉ាងណាឱ្យមូលដ្ឋានអាជីវកម្មទេសចរណ៍ទាំងនោះ ទទួលបានឡាប៊ែលឱ្យបានប្រមាណ ៧០%…
-
៩ខែ ឆ្នាំ២០២០ កម្ពុជាទទួលបានភ្ញៀវអន្តរជាតិជាង ១លាននាក់ និងភ្ញៀវផ្ទៃក្នុងជាង ៧លាននាក់ តែថយចុះដោយសារបញ្ហាកូវីដ
ភ្នំពេញ៖ ក្រសួងទេសចរណ៍ នាថ្ងៃទី២៦ ខែតុលា ឆ្នាំ២០២០នេះ បានឲ្យដឹងថា ក្នុងរយៈពេល៩ខែ ឆ្នាំ២០២០ ទេសចរអន្តរជាតិមកទស្សនាកម្ពុជាមានត្រឹមតែ ១,២៤៧,៦៨០នាក់ ថយចុះ ៧៤.១% និងទទួលបានទេសចរផ្ទៃក្នុង ៧,២៨៤,៤០៩នាក់ ថយចុះ ៥១.៩% ដែលការថយចុះនេះគឺដោយសាររងផលប៉ះពាល់ខ្លាំងពីវិបត្តិជំងឺកូវីដ-១៩។ ក្នុងដំណាក់កាលវិបត្តិកូវីដ-១៩ ចាប់ពីខែមេសា ដល់ខែកញ្ញា និន្នាការទេសចរណ៍មានការប្រែប្រួលយ៉ាងខ្លាំង ជាក់ស្ដែង ទេសចរសម្រាកលំហែកម្សាន្តមាន ៤៣.៤% ទេសចរធុរកិច្ច និងការទូតមាន ៥៤.៤% និងផ្សេងៗ ២.៣។ កាលពីឆ្នាំ២០១៩ ទេសចរសម្រាកលំហែកម្សាន្តមានរហូតដល់ ៧៦.២% ទេសចរធុរកិច្ច និងការទូតមាន ២០.៧% និងប្រភេទផ្សេងៗ ៣.១%)។ តាមការព្យាករណ៍នៅឆ្នាំ២០២០ កម្ពុជានឹងទទួលទេសចរអន្តរជាតិប្រមាណ ១.៣២លាននាក់ ថយចុះ ៨០% ធៀបនឹងឆ្នាំ២០១៩។ អ្នកជំនាញទេសចរណ៍បានវាយតម្លៃថា ស្ថានភាពទេសចរណ៍កម្ពុជានឹងវិលត្រលប់មកប្រក្រតីភាពឡើងវិញ តាមសេណារីយ៉ូចំនួន ២៖ * សេណារីយ៉ូទី១៖ ប្រើរយៈពេល ៣ឆ្នាំ (២០២០-២០២៣) * សេណារីយ៉ូទី២៖ ប្រើរយៈពេល…
-
ទេសភាព នៅតំបន់បឹងស្នេហ៍
ទីតាំងអភិរក្ស សត្វស្លាបនៅទួលពាន់តាឡី តំបន់បឹងស្នេហ៍ ក្នុងភូមិសាស្រ្តស្រុកបាភ្នំ ខេត្តព្រៃវែង មានសក្តានុពលធម្មជាតិ ជាពិសេសសត្វស្លាបជាច្រើនប្រភេទ ជាពិសេសប្រភេទជិតផុតពូជ និងកំពុងរងការគំរាមកំហែងនៅលើពិភពលោក ដូចជាប្រភេទស្មោញ ទុងប្រផេះ រនាលណ៍ ត្រយ៉ងខ្លួនស ត្រដក់តូច និងជាពិសេសប្រភេទ ចង្កៀលខ្យង ដែលកំពុងបន្តពូជពងកូនរាប់ម៉ឺនក្បាល កំពុងស្នាក់នៅ នៅតាមព្រៃលិចទឹក ព្រៃល្បោះនិងទទួលបានការថែទាំឃ្លាំមើលពីប្រជាសហគមន៍នៅក្នុងមូលដ្ឋាន។ រហូតមកដល់បច្ចុប្បន្ន សត្វស្លាបដែលមករស់នៅតំបន់ អភិរក្សទួលពាន់តាឡី មានចំនួន៦ប្រភេទ ដូចជា ទុង ននៀលខ្យង កុក ខ្វែក ទាព្រៃ សត្វក្អែកទឹក ក្អែកគោក និងសត្វផ្សេងៗទៀត រាប់ពាន់រាប់ម៉ឺនក្បាល៕ ប្រភពមកពី ទំព័រ Facebook Ratnakvisal IN Photography
-
រដ្ឋបាលស្រុកប្រាសាទបាគងគ្រោងបង្កើតវិថីប្រពៃណីខ្មែរ ដើម្បីរួមចំណែកបម្រើឱ្យវិស័យទេសចរណ៍
រដ្ឋបាលស្រុកប្រាសាទបាគង ខេត្តសៀមរាប កំពុងសិក្សាគម្រោងបង្កើតវិថីប្រពៃណីខ្មែរ ដោយធ្វើការស្រាវជ្រាវ និង ចងក្រងអំពីវប្បធម៌ប្រពៃណី ទំនៀមទម្លាប់នៃការរស់នៅរបស់ប្រជាពលរដ្ឋទាំង៩ឃុំនៅក្នុងមូលដ្ឋាននេះ ដើម្បីរួមចំណែក ក្នុងការថែរក្សាប្រពៃណី វប្បធម៌ ផ្សារភ្ជាប់និងវិស័យទេសចរណ៍ក្នុងសហគមន៍។ លោកសូ ប្លាតុង អភិបាលនៃគណៈអភិបាលស្រុកប្រាសាទបាគង បានប្រាប់អ្នកយកព័ត៌មានវិទ្យុជាតិកម្ពុជាឱ្យដឹងថា គោលបំណង នៃការចងក្រងបង្កើតគម្រោងវិថីប្រពៃណីខ្មែរ គឺដើម្បីរួមចំណែកថែរក្សាវប្បធម៌ប្រពៃណីរបស់ប្រជាពលរដ្ឋ នៅក្នុងសហគមន៍ ធ្វើយ៉ាងណាទាក់ទាញចំណាប់អារម្មណ៍ភ្ញៀវទេសចរមកទស្សនា ពន្យារពេលស្នាក់នៅក្នុងសហគមន៍ និងបង្កើតឱកាសការងារដល់ប្រជាពលរដ្ឋជាដើម។ លោកបន្តថា បច្ចុប្បន្ននេះក្រុមការងារកំពុងធ្វើការសិក្សាស្រាវជ្រាវជាមួយប្រជាពលរដ្ឋទាំង៩ឃុំ នៅក្នុងសហគមន៍ផ្ទាល់ និងចងក្រងបង្កើតជាវិថីនេះឡើង មុននឹងដាក់ឱ្យភ្ញៀវចូលទស្សនា។ លោកបញ្ជាក់ថា៖ យើងកំពុងចាប់ផ្តើមសិក្សា ហៅថាគម្រោងវិថីប្រពៃណីខ្មែរ យើងធ្វើទាំង៩ឃុំ យើងសិក្សា តាមភូមិតាមឃុំនីមួយៗ ពីចំណុចទាក់ទាញ មានវប្បធម៌ប្រពៃណីយើងគាស់កកាយដើម្បីចងក្រងវិថីនេះឡើង បង្ហាញឱ្យភ្ញៀវទេសចរបានដឹង គោលបំណងមានប្រាំ ទីមួយពន្យារការស្នាក់នៅរបស់ភ្ញៀវអាចបានមួយថ្ងៃឬពីរថ្ងៃដែរ ទីពីររកចំណូលផ្ទាល់ដល់សហគមន៍ ទីបីថែរក្សាវប្បធម៌ទាំងរូបី និងអរូបី កុំឱ្យគាត់ទុកចោលអត់បានបង្ហាញ យើងគាស់រំលើងរំលេចឡើងវិញ យកមកដាក់បង្ហាញ ឲ្យភ្ញៀវមកមើល ទីបួនរក្សាបាននូវសោភ័ណភាព បរិស្ថានផ្សេងៗនៅក្នុងមូលដ្ឋាន រៀបចំភូមិឃុំយើងឱ្យបានល្អ ទីប្រាំដើម្បីរកការងារធ្វើឱ្យប្រជាពលរដ្ឋនៅសហគមន៍ ចៀសវាងការចំណាកស្រុក នេះជាគោលបំណង ហើយយើងបានចុះទៅសិក្សា ប៉ុន្តែដោយសារកូវីដ-១៩បានផ្អាកបន្តិច តែខ្ញុំនិងធ្វើកិច្ចការនេះឱ្យដើរ»។ សូមជម្រាបផងដែរថា…
-
ទេសភាពជើងភ្នំគូលែន ស្ថិតក្នុងស្រុកបន្ទាយស្រី ខេត្តសៀមរាប
ទិដ្ឋភាពនាវស្សារដូវ ទឹកសន្សើម ខ្យល់ត្រជាត់ ស្រស់ស្រាយ ក្រោកពីព្រឹកព្រលឹម ស្រូបយកខ្យល់បរិសុទ្ធ ក្លិនស្រែស្រូវ ជ្រលងភ្នំព្រៃប្រឹក្សា ។ កាន់តែពិសេសជាងនេះទៅទៀតនោះ មកជិះទូកកំសាន្តលើផ្ទៃទឹក អមជាមួយសម្រស់ធម្មជាតិ ក្បែរជើងភ្នំ រំពងសម្លេងទៅដោយបក្សាបក្សីស្រែកច្រៀង លាយលំជាមួយនិងសូរទឹកហូរយ៉ាងពិរោះរណ្តំ ។