៤៦ឆ្នាំមុន កងទ័ពស្ម័គ្រចិត្តវៀតណាម និងរណសិរ្សសាមគ្គីសង្គ្រោះជាតិកម្ពុជា បានរួមគ្នា​ឆ្លើយតបនឹងការដង្ហោយ​ហៅ​របស់ប្រជាជនកម្ពុជាស្លូតត្រង់ ដែលនាំទៅដល់ជ័យជម្នះជាប្រវត្តិសាស្ត្រនៅថ្ងៃទី៧ ខែមករា ឆ្នាំ១៩៧៩ ដែលជួយ​សង្គ្រោះ​ប្រជាជន​កម្ពុជាពីអំពើប្រល័យពូជសាសន៍ ដែលជារឿងដ៏រន្ធត់បំផុតក្នុងប្រវត្តិសាស្ត្រមនុស្សជាតិ។ នេះជាជ័យជម្នះ​នៃ​បុព្វហេតុ​​សុចរិត​មួយ ជានិមិត្តរូបដ៏ថ្លៃថ្លានៃស្មារតីសាមគ្គីភាព និងការតស៊ូដោយស្មោះត្រង់ និងបរិសុទ្ធរវាងប្រជាជនកម្ពុជា និងវៀតណាម។ ទឹកចិត្តជួយអ្នកគឺជួយខ្លួនឯងឱ្យសមជាមួយប្រទេសជិតខាងទាំងពីរដែលផឹកទឹកពីទន្លេមេគង្គដូចគ្នា។ កម្ពុជានិងវៀតណាមមានទំនាក់ទំនងមិត្តភាពជាប្រពៃណីយូរអង្វែងដែលជាទ្រព្យសម្បត្តិមិនអាចកាត់ថ្លៃបានសម្រាប់ប្រជាជនទាំងពីរ។ បន្ទាប់ពីការឈរក្បែរគ្នាជាច្រើនឆ្នាំ ចែករំលែកទុក្ខលំបាកនៃសង្រ្គាមដ៏រ៉ាំរ៉ៃ និងលំបាកប្រឆាំងនឹងអាណានិគមនិយម និង​ចក្រពត្តិនិយម ប្រជាជននៃប្រទេសទាំងពីរប្រាថ្នាចង់រស់នៅជាមួយគ្នាដោយសន្តិភាព ដើម្បីកសាងជីវិតរុងរឿង ប៉ុន្តែ​របប​ខ្មែរក្រហមដឹកនាំដោយ ប៉ុល ពត អនុវត្ត “នយោបាយឃោរឃៅ និងប្រល័យពូជសាសន៍” នៅកម្ពុជា ហើយបានធ្វើ​សង្រ្គាម​បង្ហូរឈាម ដែលបានរំលោភលើអធិបតេយ្យភាព និងទឹកដីភាគនិរតីរបស់ប្រទេសវៀតណាម។ ឆ្លើយតបនឹងការអំពាវនាវជាបន្ទាន់របស់រណសិរ្សសាមគ្គីសង្គ្រោះជាតិ និងបងប្អូនប្រជាជនកម្ពុជា ទន្ទឹមនឹងនោះ ត្រូវ​អនុវត្តសិទ្ធិការពារខ្លួនស្របច្បាប់ ដើម្បីការពា មាតុភូមិដ៏ពិសិដ្ឋ ដោយស្មារតី “ជួយមិត្ត គឺជួយខ្លួនឯង” មេដឹកនាំ​និងប្រជា​ជនវៀតណាមប្ដេជ្ញាចិត្តគាំទ្រប្រជាជនកម្ពុជាក្នុងការផ្តួលរំលំរបបខ្មែរក្រហម។ ចាប់ពីថ្ងៃទី២៣ ខែធ្នូ ឆ្នាំ១៩៧៨ បណ្តា​អង្គភាពទ័ពស្រួចរបស់វៀតណាមបានចាប់ផ្តើមយុទ្ធនាការវាយលុកគ្រប់បែបយ៉ាង ដោយបន្តវាយបកលើ​កងទ័ព​ខ្មែរក្រហម។ ថ្ងៃទី៧ ខែមករា ឆ្នាំ១៩៧៩ រាជធានីភ្នំពេញ ត្រូវបានរំដោះទាំងស្រុង។ កងកម្លាំងរបស់ ប៉ុល ពត-អៀង…

លោក ហ្វា សាលី មេដឹកនាំសម្ព័ន្ធសហជីពជាតិ​ ដែលធ្វើការងារលើវិស័យឧស្សាហកម្មកាត់ដេរ សំលៀកបំពាក់​ ស្បែកជើង​ និងសម្ភារៈធ្វើដំណើរ​ បានបញ្ជាក់ថា ដំណើរការនៃការនាំចេញរបស់វិស័យនេះទៅកាន់ទីផ្សារអឺរ៉ុប​ EU នៅតែមានស្ថានភាពល្អប្រសើរ បើទោះបីជាមានការកាត់បន្ថយប្រព័ន្ធអនុគ្រោះពន្ធ EBA ចំនួន 20% តាំងពីឆ្នាំ២០១៨ ក៏ដោយ។ លោកបានបន្ត ក្រៅពី EBA ដែលជាប្រព័ន្ធអនុគ្រោះពន្ធរបស់អឺរ៉ុប ការនាំចេញវិស័យកាត់ដេរ ជាពិសេសកាបូប ក៏ទទួលបានអត្ថប្រយោជន៍ពីប្រព័ន្ធអនុគ្រោះពន្ធ GSP ពីសហរដ្ឋអាមេរិក​ដែរ។ បើផ្អែកលើស្ថានភាពនយោបាយ សិទ្ធិមនុស្ស សិទ្ធិការងារនៅកម្ពុជា និងទំនាក់ទំនងរវាងកម្ពុជា និងសហរដ្ឋអាមេរិកក្រោមការដឹកនាំអាណត្តិទី២ របស់លោក ដូណាល់​ ត្រាំ គឺក្នុងនាមជាសហជីព យើងសង្ឃឹមជឿជាក់ថាកម្ពុជាមានលក្ខខណ្ឌគ្រប់គ្រាន់ក្នុងការទទួលបាន GSP បន្តទៀត ដោយមិនប្រកាន់លើភូមិសាស្ត្រនយោបាយ​ និងប្រាកដជាយល់អំពីកម្ពុជា​ ដែលជាប្រទេសឯករាជ្យ​ ប្រជាធិបតេយ្យ​ និងសង្ឃឹមថាអាណត្តិនេះ​ នឹងមានការវិនិយោគក្រុមហ៊ុនអាមេរិកលើទឹកដីកម្ពុជា​។ លោក ហ្វា សាលី សង្ឃឹមថា​ អ្នកនយោបាយបក្សប្រឆាំង​ ឬសហជីពបម្រើបរទេស​ គួរជួយអំពាវនាវ​ដល់អាមេរិកក្នុងការវិនិយោគនៅកម្ពុជា​ ជៀសវាងដើរបាតុកម្មឱ្យគេកាត់ផ្តាច់ EBA ឬGSP…

ភ្នំពេញ៖ មេដឹកនាំក្រុមយុវជនសង្គមស៊ីវិល និងតំណាងផែនក្រុមអ្នកប្រកបរបរសេដ្ឋកិច្ចក្រៅប្រព័ន្ធ នៃសមាគមយុវជនខ្មែរមនគរ និងបណ្តុំអង្គការសង្គមស៊ីវិល បានជួបជុំគ្នាអបអរសាទរ និងបានបង្ហាញពីការដឹងគុណចំពោះ «ទិវាជ័យជម្នះ ៧ មករា» និងការដឹងគុណដល់វីរភាពឥស្សរជនខ្មែរ និងប្រជាជន ដែលបានពលីជីវិត សង្គ្រោះជាតិ និងប្រជាជនកម្ពុជាឱ្យរស់ឡើងវិញរួចផុតពីការកាប់សម្លាប់នៃរបបប្រល័យពូជសាសន៍ ប៉ុល ពត។ លោក ហេង សំណាង មេដឹកនាំក្រុមយុវជនសង្គមស៊ីវិលបានថ្លែងថា ក្នុងឱកាសខួបអនុស្សាវរីយ៍លើកទី៤៦ នៃទិវាជ័យជម្នះ ៧ មករានេះ ក្រុមអ្នកប្រកបរបរសេដ្ឋកិច្ចក្រៅប្រព័ន្ធចងចាំជានិច្ចចំពោះ ថ្ងៃ ៧ មករា ដែលជាសករាជនាំមកនូវសន្តិភាព និងការរំដោះជាតិ ពិសេសដឹងគុណចំពោះឥស្សរជនខ្មែរដែលបានពលី បូជាសាច់ស្រស់ ឈាមស្រស់ និងជាពិសេសដឹងគុណូបក្ការៈចំពោះសម្តេចអគ្គមហាសេនាបតីតេជោ ហ៊ុន សែន ដែលបានធ្វើពលិកម្មយ៉ាងអង់អាច ដើម្បីសង្គ្រោះជាតិពីរបបប្រល័យ ពូជសាសន៍ និងការពារការរស់ឡើងវិញរបស់ប្រជាជន។ លោក សង្កត់ធ្ងន់ទៀតថា «បើគ្មានការលះបរបស់សម្តេចតេជោ ហ៊ុន សែន ប្តូរយកនូវសន្តិភាពទេនោះ ប្រទេសកម្ពុជា មកទល់ពេលនេះ ប្រហែលជាអាចបាត់បង់ពីផែនដីនេះ។ ដូច្នេះ ក្នុងនាមជាយុវជន សូមដឹងគុណចំពោះឥស្សរជន ក៏ដូចជាការរំលឹក និងចងចាំជានិច្ចចំពោះ…

ឯកឧត្តម ឧបនាយករដ្ឋមន្ត្រី ហ៊ុន ម៉ានី បានសរសេរលើបណ្តាញសង្គមថា ៧ មករា គឺជាថ្ងៃដែលប្រជាជាតិរស់រានមានជីវិញឡើងវិញពីជ្រោះមរណៈនៃបនប្រល័យពូជសាសន៍។ ៧ មករាកើតចេញពីការងើបឡើងតស៊ូរបស់យុទ្ធជន ដែលមិនអាចទ្រាំឃើញប្រជាជនរងទុក្ខវេទនា ក្នុងសោកនាដកម្មអស់រយៈពេល ៣ឆ្នាំ ៨ខែ និង២០ថ្ងៃ។ បើគ្មានការចាកចេញទៅស្វែងរកការសង្រ្គោះជាតិរបស់សម្តេចតេជោ នៅថ្ងៃទី២០ ខែមិថុនា ឆ្នាំ១៩៧៧ និងការប្រមូលផ្តុំកម្លាំងពីទិសនានា ក៏គ្មានរណសិរ្សសាមគ្គីសង្រ្គោះជាតិកម្ពុជាដែរ។ បើគ្មាន ២ ធ្នូ ១៩៧៨ ក៏មិនមាន ៧ មករា ១៩៧៩ ដែរ។ ឯកឧត្តម ហ៊ុន ម៉ានី បានបន្តថា នេះជាសច្ចធម៌ប្រវត្តិសាស្រ្តដែលមិនអាចប្រកែកបាន។ យើងខ្ញុំជាយុវជនជំនាន់ក្រោយចងចាំជានិច្ចគុណូបការៈដ៏ធំធេង នៃថ្ងៃ ៧ មករា ដែលជាចំណុចផ្តើមនៃដំណើរស្វែងរកសន្តិភាព និងការអភិវឌ្ឍជាបន្តបន្ទាប់ រហូតមកដល់យើងមានអ្វីៗដូចបច្ចុប្បន្ននេះ។ ថ្ងៃ ៧ មករា នឹងឋិតនៅក្នុងបេះដូងរបស់យើងជារៀងរហូតតទៅ៕ដោយ៖ពលជ័យ

ឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុប ប្រចាំព្រះរាជាណាចក្រកម្ពុជាបានគូសបញ្ជាក់ពីការប្តេជ្ញាចិត្តរបស់សហភាពអឺរ៉ុបក្នុងការបន្តគាំទ្រដល់វឌ្ឍនភាពសេដ្ឋកិច្ច-សង្គមរបស់កម្ពុជាតាមរយៈជំនួយបច្ចេកទេស និងកម្មវិធីកសាងសមត្ថភាព ក្នុងការដោះស្រាយការប្រឈមចំបងៗដូចជា ការកាត់ បន្ថយភាពក្រីក្រ ការថែទាំសុខភាព ការអប់រំ និងការប្រែប្រួលអាកាសធាតុ ព្រមទាំងការលើកកម្ពស់ សង្គមប្រកបដោយបរិយាបន្ននិងវិបុលភាព។ ការបញ្ជាក់នេះ ក្នុងជំនួបពិភាក្សាការងារជាមួយឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរ ទេស និងសហប្រតិបត្តិការ អន្តរជាតិ កាលពី ថ្ងៃទី២ ខែមករា ឆ្នាំ២០២៥ នៅទីស្តីការក្រសួងការបរទេស។ ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការ អន្តរជាតិ បានសម្តែងអំណរគុណយ៉ាងជ្រាលជ្រៅចំពោះសហភាពអឺរ៉ុបក្នុងការរួមចំណែកយ៉ាងសំខាន់ ដល់ការអភិវឌ្ឍរបស់កម្ពុជា។ ឯកឧត្តមឧបនាយករដ្ឋមន្ត្រីបានថ្លែងកោតសរសើរឯកឧត្តមឯកអគ្គរដ្ឋទូតសហភាពអឺរ៉ុប ចំពោះកិច្ចប្រឹងប្រែងក្នុងការពង្រឹងទំនាក់ទំនងទ្វេភាគីកម្ពុជា-សហភាពអឺរ៉ុប ជាពិសេសតាមរយៈការ ប្រាស្រ័យទាក់ទងដ៏សកម្មជាមួយស្ថាប័ននានារបស់កម្ពុជា និងបានសម្តែងនូវអំណរគុណដ៏ស្មោះដល់សហភាពអឺរ៉ុបដែលបានបន្ស៊ីយុទ្ធសាស្ត្ររួមរបស់សហភាពអឺរ៉ុបសម្រាប់កិច្ចសហប្រតិបត្តិការ អភិវឌ្ឍន៍ជាមួយនឹងអាទិភាពដែលបានកំណត់នៅក្នុងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា ដែលផ្តោតគោលបំណងឆ្ពោះទៅការសម្រេចនូវកំណើនប្រកបដោយចីរភាព និងបរិយាបន្ន និងប្រែក្លាយកម្ពុជាទៅជាប្រទេសដែលមានចំណូលខ្ពស់នៅឆ្នាំ២០៥០។ ក្នុងទំនាក់ទំនងនយោបាយ ឯកឧត្តមឧបនាយករដ្ឋមន្ត្រី និងឯកឧត្តមឯកអគ្គរដ្ឋទូតសហភាព អឺរ៉ុប បានសង្កត់ធ្ងន់លើសារៈសំខាន់នៃការថែរក្សាការប្រាស្រ័យទាក់ទងកម្រិតខ្ពស់រវាងថ្នាក់ដឹកនាំ កម្ពុជា និងសហភាពអឺរ៉ុប…

ភ្នំពេញ៖ បណ្ឌិត សួន សេរីរដ្ឋា អ្នកតាមដានព្រឹត្តិការណ៍នយោបាយ និងជាប្រធានក្រុមប្រឹក្សាភិបាលវេទិកាសន្តិភាពកម្ពុជា បានលើកឡើងចំណុចសំខាន់ៗចំនួន៥ ​ដែលជាជាកត្តាដ៏លេចធ្លោបំផុតនៅក្នុងសមិទ្ធផលរបស់រាជរដ្ឋាភិបាល អាណត្តីទិ៧ ក្រោមការដឹកនាំដោយសម្តេចធិបតី ហ៊ុន ម៉ាណែត ដែលបានផ្តល់ការជឿជាក់ និងទំនុកចិត្តព្រមទាំងការគោរពស្រឡាញ់កាន់តែខ្លាំងឡើងពីសំណាក់ប្រជាពលរដ្ឋ ជាពិសេសប្រជាពលរដ្ឋដែលជាម្ចាស់ឆ្នោតមិនខកចិត្តមិនខកបំណងដែលបានបោះឆ្នោតគាំទ្រគណបក្សប្រជាជនកម្ពុជា។ បណ្ឌិត សួន សេរីរដ្ឋា បានបញ្ជាក់ថា ចំពោះសមិទ្ធផលរយៈពេលជាង១ឆ្នាំ នៃរាជរដ្ឋាភិបាលអាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត ភាពលេចធ្លោដែលប្រជាពលរដ្ឋទទួលស្វាគមន៍ និងសរសើរ គឺពាក់ព័ន្ធទៅនឹងតម្លៃទីផ្សារស្រូវដែលនៅក្នុងឆ្នាំនេះ ទីផ្សារស្រូវរបស់ប្រជាកិសករនៅតាមបណ្តាខេត្តមួយចំនួន គឺថែរក្សាបាននៅតម្លៃថេរ មានន័យថា អ្នកទិញស្រូវនាយទុន គឺមិនបានវាយទម្លាក់តម្លៃស្រូវតាមតែទំនើងចិត្តបានោះទេ គឺប្រជាកសិករពេញចិត្តពេញថ្លើម(ទី១) ។ ទី២. ពាក់ព័ន្ធទៅនឹងគោលនយោបាយជាតិដែលពង្រីកវិសាលភាពនៃរបបសន្តិសុខសង្គម (ប.ស.ស) ដែលបានពង្រីកឱ្យដល់ឯកជនភាព និងអ្នករកស៊ីក្រៅប្រព័ន្ធមួយចំនួន គឺអាចទទួលបាននៅរបបសន្តិសុខសង្គមតាមគោលការណ៍ស្ម័គ្រចិត្តដែលកំពុងតែពង្រីក និងទទួលបានសេវាកម្មដ៏ល្អប្រសើរជាទីបំផុត ហើយដែលបានជួយសម្រួល និងបន្ធូរបន្ទុកដល់ប្រជាពលរដ្ឋខ្មែរនៅក្នុងប្រទេសកម្ពុជា មិនមែនត្រឹមតែមន្ត្រីរាជការ កម្មករនៅក្នុងរោងចក្រ ប៉ុន្តែរួមបញ្ចូលទាំងប្រជាពលរដ្ឋដែលមានរបររកស៊ីឯករាជ្យ និងអ្នកសេដ្ឋកិច្ចក្រៅប្រព័ន្ធផងដែរ។ ទី៣. វិសាលភាពនៃការទំនាក់ទំនងអន្តរជាតិ ទាក់ទងវិនិយោគទុនអន្តរជាតិធំៗ ចូលមករកស៊ីនៅក្នុងប្រទេសកម្ពុជានៅក្នុងរយៈពេលជាង១ឆ្នាំ នៃការដឹកនាំរបស់សម្តេចធិបតី គឺទទួលបានគម្រោងវិនិយោគពីបរទេសដែលអនុម័តដោយក្រុមប្រឹក្សាអភិវឌ្ឍន៍កម្ពុជាជាង៥០០គម្រោង។ ការទទួលបាននៅការអនុម័តគម្រោងថ្មីៗ ដែលអ្នកវិនិយោគទុនចូលមកបោះទុនរកស៊ីនៅក្នុងប្រទេសកម្ពុជាក្នុងអាណត្តិទី៧…

ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសនិងសហប្រតិបត្តិការអន្តរជាតិ បានធ្វើការអះអាងជាថ្មីម្តងទៀត អំពីការប្តេជ្ញាចិត្តរបស់កម្ពុជាក្នុងការធ្វើឱ្យស៊ីជម្រៅបន្ថែមទៀតនូវកិច្ចសហប្រតិបត្តិការរវាងប្រទេសទាំងពីរ ដែលបច្ចុប្បន្ននេះបានប្រែក្លាយពី “ម្ចាស់ជំនួយ” ទៅជា “ដៃគូអភិវឌ្ឍន៍”។ ការអះអាងនេះ ក្នុងជំនួបពិភាក្សាការងារជាមួយឯកឧត្តម Derek Yip ឯកអគ្គរដ្ឋទូតអូស្ត្រាលីប្រចាំកម្ពុជា កាលពីថ្ងៃទី២ ខែមករា ឆ្នាំ២០២៥។ ឯកឧត្តម ឧបនាយករដ្ឋមន្ត្រី បានរំលឹកឡើងវិញដោយការកោតសរសើរចំពោះការរួមចំណែកយ៉ាងសំខាន់របស់អូស្ត្រាលីដល់ដំណើរការសន្តិភាព និងការអភិវឌ្ឍសេដ្ឋកិច្ច-សង្គមរបស់កម្ពុជា ព្រមទាំងបានធ្វើការកត់សម្គាល់ដោយសុទិដ្ឋិនិយមចំពោះកំណើនពាណិជ្ជកម្ម និងការវិនិយោគ រវាងប្រទេសទាំងពីរ និងការបង្កើនការគាំទ្រនៅក្នុងប្រទេសអូស្ត្រាលីដល់ផលិតផលកសិកម្មរបស់កម្ពុជា ដូចជាអង្ករ និងត្រី ជាដើម។ ឯកឧត្តម ឧបនាយករដ្ឋមន្ត្រី និងឯកឧត្តមឯកអគ្គរដ្ឋទូត បានបង្ហាញនូវសេចក្តីរីករាយចំពោះការពង្រឹងទំនាក់ទំនងរវាងប្រជាជន និងប្រជាជន តាមរយៈការផ្លាស់ប្តូរក្នុងវិស័យអប់រំ ការបង្កើនអាហារូបករណ៍ និងទំនាក់ទំនងសហគមន៍ ព្រមទាំងបានកត់សម្គាល់ដោយការពេញចិត្តចំពោះកិច្ចប្រជុំ កិច្ចពិគ្រោះយោបល់ថ្នាក់ឧត្តមមន្ត្រី(SOT)លើកទី៤ប្រកបដោយជោគជ័យ រវាងក្រសួងការបរទេសទាំងពីរកាលពីខែមេសា ឆ្នាំ២០២៤ កន្លងទៅ នៅទីក្រុងភ្នំពេញ។ ឯកឧត្តមឧបនាយករដ្ឋមន្ត្រី និងឯកឧត្តមឯកអគ្គរដ្ឋទូត បានសង្កត់ធ្ងន់ពីសារៈសំខាន់ក្នុងការរក្សាការផ្លាស់ប្តូរ និងការប្រាស្រ័យទាក់ទងកម្រិតខ្ពស់ឲ្យបានញឹកញាប់ដូចជាការអញ្ជើញចូលរួមកិច្ចប្រជុំកំពូលអាស៊ាននៅឆ្នាំ២០២២ នៅទីក្រុងភ្នំពេញរបស់ឯកឧត្តមនាយករដ្ឋមន្ត្រី Anthony Albanese និងការអញ្ជើញ ពិសេសអាស៊ាន-អូស្ត្រាលី របស់សម្តេចមហាបវរធិបតី ហ៊ុន…

ភ្នំពេញ៖ ឯកឧត្តម ឧបនាយករដ្ឋមន្ត្រី ហ៊ុន ម៉ានី បានបញ្ជាក់ថា “ប្រជារាស្រ្តកម្ពុជាមានភ័ព្វសំណាងដែលបានរស់ក្រោមម្លប់ដ៏ត្រជាក់នៃអង្គព្រះមហាក្សត្រជាទីសក្ការៈដ៏ខ្ពង់ខ្ពស់បំផុត។ ព្រះរាជហឫទ័យសណ្តោសប្រោសប្រណីដ៏ជ្រាលជ្រៅរបស់ព្រះករុណាជាអម្ចាស់ជីវិតលើត្បូងបានផ្តល់នូវភាពកក់ក្តៅ និងសុខដុមរមនាក្រៃលែងដល់កូនចៅ ចៅទួត”។ នេះយោងតាម Channel Telegram របស់ឯកឧត្តម ឧបនាយករដ្ឋមន្ត្រី ហ៊ុន ម៉ានី នៅព្រឹកថ្ងៃទី៣ ខែមករា ឆ្នាំ២០២៥។ ឯកឧត្តម ឧបនាយករដ្ឋមន្ត្រី ហ៊ុន ម៉ានី បានបន្តថា ក្នុងស្មារតីចងចាំនូវព្រះមហាករុណាទិគុណដ៏ប្រពៃថ្លៃថ្លានេះ សហភាពសហព័ន្ធយុវជនកម្ពុជា ក្នុងនាមជាស្ថាប័នតំណាងឱ្យយុវជនកម្ពុជាដ៏ធំមួយតែងរៀបចំកម្មវិធីនានាដែលសម្តែងនូវកត្តញ្ញូកតវេទីរបស់ទូលព្រះបង្គំយើងខ្ញុំ ថ្វាយអង្គព្រះមហាក្សត្រជាទីសក្ការៈដ៏ខ្ពង់ខ្ពស់បំផុត ដែលមានជាអាទិ៍ ព្រះរាជពិធី ថ្វាយព្រះពរសង្រ្កាន្តឆ្នាំថ្មី ព្រះរាជពិធី ១០០ ព្រះវស្សា នៃព្រះបិតាជាតិ កម្មវិធីថ្វាយព្រះពរសម្តេចព្រះមហាក្សត្រី ព្រះវររាជមាតាជាតិ កម្មវិធីថ្វាយព្រះពរក្នុងឱកាសខួបទី២០ នៃព្រះរាជពិធីគ្រងព្រះបរមសិរីរាជសម្បត្តិ និងព្រឹត្តិការណ៍ «សាទរកម្ពុជា»។ សាជាថ្មីម្តងទៀត ទូលព្រះបង្គំយើងខ្ញុំសូមថ្លែងអំណរព្រះរាជគុណថ្វាយព្រះករុណា ជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ដែលទ្រង់ ព្រះបរមររាជានុញ្ញាតប្រោសព្រះរាជទានដល់ទូលបង្គំយើងខ្ញុំបានរៀបចំកម្មវិធី «សាទរកម្ពុជា» នៅខាងមុខព្រះបរមរាជវាំងដែលបានបង្ហាញនូវការសាទររបស់មហាគ្រួសារខ្មែរ ក្រោមម្លប់នៃព្រះមហាក្សត្រ។ ឯកឧត្តម ឧបនាយករដ្ឋមន្ត្រី…

ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលបានឱ្យដឹងថា មិនខុសពីបណ្តាប្រទេសនានាក្នុងពិភពលោកប៉ុន្មានទេ ពិធីបុណ្យចូល​ឆ្នាំសកល ឆ្នាំ២០២៥នេះ ត្រូវបានប្រារព្ធឡើងយ៉ាងអធិកអធម​បំផុតនៅកម្ពុជា ជាពិសេសនៅរាជធានីភ្នំពេញ។ ប្រជាពលរដ្ឋ​ខ្មែរនិងភ្ញៀវបរទេសសរុបជាង ៣,៥ លាននាក់ បានដើរកម្សាន្តប្រកប​ដោយក្តីសប្បាយរីករាយ និងបង្ហាញស្នាមញញឹមដែលបង្កប់ដោយ​មោទនភា​ពជាតិយ៉ាងជ្រាលជ្រៅបំផុត។ នេះគឺជាសក្ខីភាពដែលសបញ្ជាក់ថា ប្រជាពលរដ្ឋខ្មែរមានក្តីសង្ឃឹម និងបញ្ចេញស្នាមញញឹមគ្រប់ពេលវេលានិងគ្រប់ទីកន្លែងជាពិសេសពេលមានពិធីបុណ្យធំៗដូចជាព្រះរាជពិធីបុណ្យអុំទូកកាលពីខែវិច្ឆិកា ឆ្នាំ២០២៤ កន្លងទៅ និងពិធីបុណ្យឆ្លងឆ្នាំសកលនាពេលនេះជាដើម។ ក្រៅពីនោះ ប្រជាពលរដ្ឋខ្មែរក៏ដូចជាភ្ញៀវទេសចរអន្តរជាតិ ក៏មានពេលវេលាសប្បាយរីករាយនៅរាល់ចុងសប្តាហ៍ ឬក្នុងពិធីផ្សេងៗជាច្រើនទៀត ពីព្រោះ កម្ពុជាមានសុខសន្តិភាពពេញលេញរយៈពេលយូរមិនធ្លាប់មានក្នុងប្រវត្តិសាស្ត្រសម័យទំនើបជាង៥០០ឆ្នាំចុងក្រោយ ដែលធ្វើឱ្យប្រជាពលរដ្ឋបានស្គាល់ការរស់នៅបែបស៊ីវិល័យដែលមិនធ្លាប់មានពីមុន។ អ្នកនាំពាក្យរូបនេះបានបញ្ជាក់ថា សុខសន្តិភាព បានធ្វើឱ្យស្ថានភាព​ប្រទេស​ជាតិ​ផ្លាស់ប្តូរខុសពីអតីតកាលទាំងស្រុង ពោលគឺ ផ្លាស់ប្តូរពីការបាញ់កាំភ្លើង កាប់សម្លាប់គ្នាដ៏គួរឱ្យព្រឺខ្លាច មកជាការបាញ់កាំជ្រួចដើម្បីអបអរសាទរពិធីបុណ្យយ៉ាងសប្បាយរីករាយ។ ប្តូរពីសម្រែកដោយក្តីឈឺចាប់ក្នុងរបបប្រល័យពូជសាសន៍ មកជាសម្រែកហ៊ោកញ្ជៀវដោយក្តីសប្បាយរីករាយ។ ប្តូរពីស្ថានភាពតោកយ៉ាកអត់បាយក្រហាយទឹកមករកភាពសម្បូរបែប។ ប្តូរពីភាពក្រៀមក្រោះស្រពាប់ស្រពោនមកមានស្នាមញញឹមស្រស់ស្រាយ. ពោលគឺសុខសន្តិភាពបានធ្វើឱ្យប្រទេសកម្ពុជាបានស្គាល់ការផ្លាស់ប្តូរទាំងស្រុង ទាំងស្ថានភាពសង្គម នយោបាយ ទាំងផ្នត់គំនិតមនុស្ស។ការផ្លាស់ប្តូរដ៏ស៊ីជម្រៅនេះកើតឡើងដោយសារកម្ពុជាមានមេដឹកនាំដ៏ខ្លាំងពូកែនិងលះបង់ខ្ពស់ចំពោះជាតិនិងប្រជាពលរដ្ឋដូចសម្តេចតេជោ ហ៊ុន សែន អតីតនាយករដ្ឋមន្ត្រី និងមានអ្នកបន្តវេនដែលពោរពេញដោយសមត្ថភាពនិងភាពវាងវៃដូចសម្តេចធិបតី ហ៊ុន ម៉ាណែត។ ការផ្លាស់ប្តូរស៊ីជម្រៅនេះ ក៏កើតឡើងដោយសារប្រជាពលរដ្ឋឈរនៅខាងភាពត្រឹមត្រូវ ពោលគឺពួកគេតែងផ្តល់យុត្តិធម៌ដល់អ្នកដឹកនាំនិងប្រឆាំងដាច់ខាតចំពោះអ្នកនយោបាយជ្រុលនិយមដែលរង់ចាំតែបំផ្លិចបំផ្លាញនិងជាន់ពន្លិចជាតិខ្លួនឯង។ ជាក់ស្តែង ក្នុងឱកាសបុណ្យចូលឆ្នាំសកលឆ្នាំ២០២៥ នេះ កម្មវិធី…

ភ្នំពេញ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិតសភាកម្ពុជា បានមានប្រសាសន៍បញ្ជាក់ថា ចាប់តាំងពីសម្តេចធិបតី ហ៊ុន ម៉ាណែត ឡើងកាន់តំណែងជានាយករដ្ឋមន្ត្រី នៃព្រះរាជាណាចក្រកម្ពុជា ចាប់ពីថ្ងៃទី២២ ខែសីហា ឆ្នាំ២០២៣ មក ដោយលោកបានកត់សម្គាល់ឃើញ ៤ ចំណុចសំខាន់ៗ ទី១. ការងារការទូតរបស់សម្តេចធិបតី គឺមានភាពរស់រវើកក្រោយពេលចូលកាន់តំណែងភ្លាម គឺសម្តេចធិបតីបានអញ្ជើញបំពេញទស្សនកិច្ចជាផ្លូវការទៅកាន់បណ្តាប្រទេសជាច្រើន រាប់ទាំងការចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ក៏ដូចជាការចូលរួមនៅក្នុងមហាសន្និបាតរបស់អង្គការសហប្រជាជាតិ ដែលជាការកត់សម្គាល់របស់លោកសកម្មភាពការទូតរបស់សម្តេចមានភាពរស់រវើកមានថាមពល ហើយមានភាពឈ្លាសវៃ និងប្រកបដោយនវានុវត្តន៍នៅក្នុងទំនាក់ទំនងការទូតរបស់កម្ពុជាជាមួយបណ្តាប្រទេសជាមត្តិ។ បណ្ឌិត គិន ភា បានបន្តថា ចំណុចទី២. ការងារការទូតរបស់សម្តេចធិបតី គឺជាការធ្វើពិពិធកម្មការទូតកម្ពុជាយ៉ាងរស់រវើក ដោយសារកន្លងមកនេះ កម្ពុជាត្រូវបានគេលាបពណ៌ថា លំអៀងតែទៅលើប្រទេសនេះប្រទេសនោះ ជាក់ស្តែងគេច្រើនចោទប្រកាន់កម្ពុជាអំពីទំនាក់ទំនងស៊ីជម្រៅគ្រប់ជ្រុងជ្រោយរបស់កម្ពុជាជាមួយនឹងប្រទេសចិនដែលជាសាច់ការជាក់ស្តែង គឺប្រទេសកម្ពុជាប្រកាន់យកនៅភាពចម្រុះពណ៌នៃនយោបាយការទូតរបស់ខ្លួន។ យើងអាចស្តែងឃើញតាមរយៈសកម្មភាពរបស់សម្តេចធិបតីទៅកាន់ប្រទេសជាច្រើននេះ គឺជាដំណើរការ នៃការធ្វើពិពិធកម្មការទូតកម្ពុជាដែលរស់រវើកដែលស្របទៅនឹងការវិវត្តន៍ចរន្តនយោបាយពិភពលោក។ បណ្ឌិតបន្តទៀតថា ចំណុចទី៣. រាល់ដំណើរទស្សនកិច្ចរបស់សម្តេចធិបតីទៅកាន់ប្រទេសនិងដៃគូរជាមិត្តនៅខាងក្រៅ គឺសម្តេចតែងតែផ្តោតទៅលើការទូតសេដ្ឋកិច្ចក្នុងន័យពង្រឹងពង្រីកទំនាល់ទំនងពាណិជ្ជកម្មរបស់កម្ពុជាជាទម្រង់ទ្វេភាគីក្តីជាទម្រង់ពហុភាគីក្តីជាការទាក់ទាញការវិនិយោគផ្ទាល់ពីបរទេស។ បណ្ឌិត គិន ភា បានកត់សម្គាល់ឃើញថា ចំណុចទី៤. តាមរយៈនយោបាយការទូតរបស់សម្តេចធិបតី គឺជានយោបាយការទូតដ៏ល្អដ៏រស់រវើកមួយដែលនាំមកនូវកិត្យានុភាពជាតិរបស់កម្ពុជាលើឆាកអន្តរជាតិ…