តាមរយ:បណ្តាញសង្គមសម្តេចធិបតី​ ហ៊ុន​ ម៉ាណែត​ នាយករដ្ឋមន្ត្រីកម្ពុជា​ បានអរគុណ និងកោតសរសើរចំពោះលោកជំទាវ ជា សេរី ទេសាភិបាលធនាគារជាតិនៃកម្ពុជា ចំពោះចំណាត់ការដ៏ឆាប់រហ័ស ក្នុងការដាក់ចេញនូវគោលការណ៍ពាក់ព័ន្ធនឹងការសម្រួលលក្ខ័ណ្ឌសម្រាប់ការចាយក្រដាស់ប្រាក់ដុល្លារអាមេរិក ដែលមានសភាពចាស់ ប្រឡាក់ ឬខូចខាតខ្លះ នៅខេត្តសៀមរាប។ សម្តេចធបតីបានបន្តថា​ បញ្ហាលំបាកពាក់ព័ន្ធនឹងការចាយវាយក្រដាសប្រាក់ដុល្លារអាមេរិកដែលមានសភាពចាស់ ប្រឡាក់ ឬខូចខាតខ្លះ បានបង្កការលំបាកសម្រាប់ការលក់ដូររបស់ប្រជាពលរដ្ឋនៅក្នុងខេត្ត ដែលបញ្ហានេះ ត្រូវបានបងប្អូនអ្នកលក់ដូរប្រាប់សម្តចផ្ទាល់ ពេលដែលសម្តេចចុះទៅ Pub Street កាលពីយប់ថ្ងៃទី១៧ កក្កដា ២០២៤ កន្លងទៅនេះ។ សម្តេចធិបតីសង្ឃឹមថា​ ចំណាត់ការរបស់ធនាគារជាតិនៃកម្ពុជា នឹងលុបបំបាត់បញ្ហាលំបាកពាក់ព័ន្ធនឹងការចាយក្រដាសប្រាក់ដុល្លារអាមេរិក និងជួយសម្រួលដល់ការលក់ដូររបស់បងប្អូនប្រជាពលរដ្ឋ ក៏ដូចជាទេសចរដែលទស្សនាខេត្តសៀមរាបផងដែរ។ ជាមួយគ្នានេះ​ សម្តេចធិបតីសូមឱ្យសាខាធនាគារជាតិនៃកម្ពុជាខេត្តសៀមរាប បណ្ដាធនាគារឯកជនទាំងអស់នៅក្នុងខេត្តសៀមរាប ក៏ដូចជាបណ្ដាអាជីវកម្មឯកជន និងបងប្អូនប្រជាពលរដ្ឋអ្នកលក់ដូរទាំងអស់នៅក្នុងខេត្ត ចូលរួមអនុវត្តនូវគោលការណ៍ថ្មីរបស់ធនាគារជាតិនៃកម្ពុជាឱ្យបានស្រុះគ្នា ដើម្បីកុំឱ្យមានបញ្ហាពាក់ព័ន្ធនឹងការចាយក្រដាសប្រាក់ដុល្លារ ដែលមានសភាពចាស់ ឬប្រឡាក់បន្តទៀត៕ដោយ៖ពលជ័យ

ឯកឧត្តមឧបនាយករដ្ឋមន្រ្តី សុខ ចិន្តាសោភា រដ្ឋមន្រ្តីក្រសួងការបរទេស​ និងសហប្រតិបត្តិការអន្តរជាតិ បានលើកសរសើរអំពីការរីកចម្រើននៃទំនាក់ទំនងកម្ពុជា-ចិន ក្នុងរយៈពេល៦៦ឆ្នាំនេះ ដោយបានក្លាយទៅជាកិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយ និងវិវឌ្ឍទៅជាមិត្តភាពដែកថែប។ ការលើកសរសើរនេះ ក្នុងពិធីជប់លៀងអបអរសាទរខួបអនុស្សាវរីយ៍លើកទី៦៦ នៃការបង្កើតទំនាក់ទំនងការទូតកម្ពុជា-ចិន និងការចូលកាន់តំណែងថ្មីរបស់ឯកឧត្តម វ៉ាង វិនពីន ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា កាលពីល្ងាចថ្ងៃទី១៩ ខែកក្កដា ឆ្នាំ២០២៤ នៅសណ្ឋាគារសុខាភ្នំពេញ។ ឯកឧត្តមឧបនាយករដ្ឋមន្រ្តី សុខ ចិន្តាសោភា ក៏បានលើកអំពីកុងសង់ស៊ីសរបស់ថ្នាក់ដឹកនាំនៃប្រទេសទាំងពីរ ក្នុងការកសាងសហគមន៍វាសនារួម និងបង្កើតក្របខណ្ឌកិច្ចសហប្រតិបត្តិការត្បូងពេជ្រ ដែលផ្តោតលើវិស័យអាទិភាពចំនួន៦។ ឆ្លៀតក្នុងឱកាសនោះ ឯកឧត្តមឧបនាយករដ្ឋមន្រ្តី សុខ ចិន្តាសោភា ក៏បានសម្តែងការអបអរសាទរចំពោះឯកឧត្តម វ៉ាង វិនពីន ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសចិន ប្រចាំកម្ពុជា ព្រមទាំងបានបញ្ជាក់អំពីកិច្ចសហការ និងការគាំទ្រដល់ឯកឧត្តម ឯកអគ្គរដ្ឋទូត ក្នុងអាណត្តិបេសកកម្មនៅកម្ពុជា៕ដោយ៖ពលច័យរូបភាព៖ក្រសួងការបរទេស

ភ្នំពេញ៖ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានមានប្រសាសន៍បញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភាដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កំពុងដឹកនាំប្រទេសឈានទៅសម្រេចក្តីសុបិនដ៏ធំមួយរបស់ប្រជាពលរដ្ឋខ្មែរ។ នោះគឺចក្ខុវិស័យកម្ពុជាឆ្នាំ២០៥០ ក្លាយជាប្រទេសដែលមានចំណូលខ្ពស់។ ឯកឧត្តម ប៉ែន បូណា បានមានប្រសាសន៍ថា អ្វីដែលជាការសម្លឹងទៅមុខរបស់រាជរដ្ឋាភិបាល គឺចក្ខុវិស័យកម្ពុជាឆ្នាំ២០៥០ ក្លាយទៅជាប្រទេសដែលមានចំណូលខ្ពស់ ដែលនេះគឺជាកម្មវិធីគោលនយោបាយចក្ខុវិស័យដើម្បីសម្រេចក្តីសុបិន្តដ៏ធំមួយរបស់ប្រជាពលរដ្ឋខ្មែរ។ ហេតុអីបានជាយើងអាចនិយាយដូច្នេះបាន យើងដឹងហើយថាក្រោយពីឆ្លងកាត់ភ្លើងសង្គ្រាម និងរបបប្រល័យពូជសាសន៍ដ៏គួរឱ្យតក់ស្លត់រន្ធត់នៅក្នុងប្រវត្តិសាស្ត្រនៃមនុសា្សជាតិដែលប្រជាពលរដ្ឋខ្មែរបានឆ្លងហែលកាត់អស់ជាច្រើនទសវត្ស។ ប្រជាពលរដ្ឋយើងនឿយណាយឆ្អែតឆ្អន់នឹងសង្គ្រាម និងរបបប្រល័យពូជសាសន៍បែបនេះយ៉ាងខ្លាំង។ ដូច្នេះម្នាក់ៗមានក្តីស្រម៉ៃមួយក្នុងសុខសន្តិភាព ចង់រស់នៅក្នុងប្រទេសដែលមានការអភិវឌ្ឍន៍។ ចង់ឱ្យកូនចៅរបស់ខ្លួនមានសុភមង្គម មានសេចក្តីសុខបានរៀនសូត្របានទទួលការងារមុខរបរ។ ដូច្នេះមានតែរាជរដ្ឋាភិបាលគណបក្សប្រជាជនកម្ពុជាតែមួយទេ ដែលអាចសម្រេចក្តីសុបិន្តនេះជូនបងប្អូនប្រជាពលរដ្ឋបាន។ ឯកឧត្តម ប៉ែន បូណា បានបន្តថា រាជរដ្ឋាភិបាលគណបក្សប្រជាជនកម្ពុជា ទាញប្រទេសចេញពីរបបប្រល័យពូជសាសន៍ បញ្ចប់សង្គ្រាមទាំងស្រុងស្វែងរកសន្តិភាពជូនប្រទេសតាមរយៈនយោបាយឈ្នះឈ្នះ។ អភិវឌ្ឍប្រទេសចេញពីផេះមករីកស្គុះស្គាយស្គាល់ការរីកចំរើនគ្រប់វិស័យដូចបច្ចុប្បន្ន។ នេះគឺជាក្តីសុបិន្តមួយដែលប្រជាពលរដ្ឋខ្មែរកន្លងមកចង់បាន។ ប៉ុន្តែសួរថារាជរដ្ឋាភិបាលរបស់យើងស្កប់ស្កល់ត្រឹមនឹងទេ គឺអត់ទេ អត់ទាន់ដល់គោលដៅពិតប្រាកដដែលរាជរដ្ឋាភិបាលគណបក្សប្រជាជនកម្ពុជាចង់បានទេ។ គោលដៅគឺយុទ្ធសាស្ត្របច្ចកោណ ចក្ខុវិស័យកម្ពុជាឆ្នាំ២០៥០ ក្លាយជាប្រទេសមានចំណូលខ្ពស់។ នេះគឺជាការឈានទៅសម្រេចក្តីសុបិន្តដ៏ធំរបស់ប្រជាពលរដ្ឋខ្មែរដែលប្រាថ្នាចង់រស់នៅក្នុងសង្គមមួយជឿនលឿនដូចបណ្តាប្រទេសអភិវឌ្ឍន៍ជឿនលឿននៅលើពិភពលោក។ ឯកឧត្តម ប៉ែន បូណា បានបន្តទៀតថា រាជរដ្ឋាភិបាល…

ភ្នំពេញ៖ ក្រសួងព័ត៌មាននឹងរៀបចំសិក្ខាសាសាពិគ្រោះយោបល់លើសេចក្តីព្រាង “ធម្មនុញ្ញវិជ្ជាជីវៈសារព័ត៌មាន” នាថ្ងៃទី២៤ ខែកក្កដា ឆ្នាំ២០២៤ វេលាម៉ោង ៨:០០នាទីព្រឹក នៅសាលចតុម្មុខមង្គល ទីស្តីការក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។ នេះបើយោងតាមសេចក្តីជូនដំណឹងរបស់ក្រសួងព័ត៌មាននៅថ្ងៃទី១៩ ខែកក្កដា ឆ្នាំ២០២៤។ ក្រសួងព័ត៌មានបានបញ្ជាក់ថា គោលបំណងនៃការរៀបចំសិក្ខាសាលាពិគ្រោះយោបល់លើសេចក្តីព្រាង “ធម្មនុញ្ញវិជ្ជាជីវៈសារព័ត៌មាន” នេះ គឺដើម្បីបង្ហាញ និងពិគ្រោះយោបល់លើសេចក្តីព្រាង “ធម្មនុញ្ញ វិជ្ជាជីវៈសារព័ត៌មាន” ដែលបានតាក់តែងឡើងដោយផ្អែកលើធាតុចូល និងមតិយោបល់របស់អ្នកសារព័ត៌មាន ភាគីពាក់ព័ន្ធក្នុងវិស័យព័ត៌មាន ដែលបានចូលរួមសិក្ខាសាលាតម្រង់ទិស ដើម្បីរៀបចំស្តង់ដា ប្រតិបត្តិរួមសម្រាប់វិជ្ជាជីវៈសារព័ត៌មាន កាលពីថ្ងៃទី១៩ ខែមេសា ឆ្នាំ២០២៤៕ដោយ៖ពលជ័យ

ភ្នំពេញ៖ ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានទទួលជួបសម្តែងការគួរសមរបស់ឯកឧត្តម Kyaw Soe Min ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសហភាពមីយ៉ាន់ម៉ា ប្រចាំព្រះរាជាណាចក្រកម្ពុជា បានសម្តែងនូវការពេញចិត្តយ៉ាងជ្រាលជ្រៅចំពោះការរីកចម្រើននៃចំណងមិត្តភាពដ៏យូរអង្វែង និងបានឯកភាពគ្នាថាប្រទេសទាំងពីរគួរសហការគ្នាប្រារឰខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតនៅឆ្នាំក្រោយ។ ការសម្តែងការពេញចិត្តចំពោះការរីកចម្រើននៃចំណងមិត្តភាពដ៏យូរអង្វែងរវាងប្រទេសទាំងពីរ បានធ្វើឡើងនៅក្នុងជំនួបពិភាក្សាការងារ កាលពីថ្ងៃទី១៨ ខែកក្កដា ឆ្នាំ២០២៤ នៅទីស្តីការក្រសួងការបរទេស និងសហប្រតិបត្តិការអន្តរជាតិ។ ឯកឧត្តមឧបនាយករដ្ឋមន្ត្រី សុខ ចិន្តាសោភា បានអបអរសាទរចំពោះឯកឧត្តម Kyaw Soe Min ដែលត្រូវបានតែងតាំងជាឯកអគ្គរដ្ឋទូតនៃសាធារណរដ្ឋសហភាពមីយ៉ាន់ម៉ាប្រចាំព្រះរាជាណាចក្រកម្ពុជា និងផ្តល់ការគាំទ្រពេញទំហឹងដល់ ឯកឧត្តមឯកអគ្គរដ្ឋទូត ក្នុងការជួយសម្រួលដល់ការបំពេញបេសកកម្មការទូតក្នុងអាណត្តិរបស់ឯកឧត្តម៕ដោយ៖ពលជ័យរូបភាព៖ក្រសួងការបរទេស

ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិបានអញ្ជើញធ្វើជាអធិបតី ការរៀបចំមហាសន្និបាតលើកទី៧ នៃក្រុមប្រឹក្សាលើកតម្កើងហ្រ្វង់កូហ្វូនីនៅកម្ពុជា (CPFC) កាលពីថ្ងៃទី១៧ ខែកក្កដា ឆ្នាំ២០២៤ នៅទីស្តីការក្រសួងការបរទេស និងសហប្រតិបត្តិការអន្តរជាតិ។ តំណាងពាក់ព័ន្ធហ្វ្រង់កូហ្វូនជាច្រើននាក់មកពីក្រសួង ស្ថាប័នសាធារណៈ ស្ថានទូតនៃប្រទេសប្រើប្រាស់ភាសាបារាំង គ្រឹះស្ថានឧត្តមសិក្សា ស្ថាប័នធុរកិច្ច និងប្រព័ន្ធផ្សព្វផ្សាយ បានអញ្ជើញចូលរួមក្នុងកម្មវិធីនេះ។ មហាសន្និបាតនេះ បានចាប់ផ្តើមតាមរយៈការបង្ហាញអំពីព្រឹត្តិ​ការណ៍សំខាន់ៗនៃការត្រៀមរៀបចំកិច្ចប្រជុំកំពូលហ្រ្វង់កូហ្វូនីលើកទី១៩ នៅ Villers-Cotterêts ប្រទេសបារាំង ក៏ដូចជាការងារត្រៀមធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ឆ្នាំ២០២៦ នៅកម្ពុជា។ មហាសន្និបាតក៏បានផ្តល់ឱកាសដល់អ្នកចូលរួមបង្ហាញអំពីសកម្មភាពហ្រ្វង់កូហ្វូនរបស់ស្ថាប័នរៀងៗខ្លួន ដែលត្រូវបានអនុវត្តក្នុងឆ្នាំ២០២៣-២០២៤។ កិច្ចប្រជុំក៏បានផ្តោតលើប្រធានបទសំខាន់ៗមួយចំនួន ដូចជា យុវជន ការអប់រំ ការបណ្តុះបណ្តាល និងសកម្មភាពហ្រ្វង់កូហ្វូនដែលត្រូវបានអនុវត្ត និងបានឆ្លុះបញ្ចាំងពីការរីកចម្រើនរបស់ហ្រ្វង់កូហ្វូនីនៅកម្ពុជា តាមរយៈកិច្ចប្រឹងប្រែងរបស់ស្ថាប័នពាក់ព័ន្ធនឹងហ្វ្រង់កូហ្វូន៕ដោយ៖ពលជ័យរូបភាព៖ក្រសួងការបរទេស

ឯកឧត្ដម មាស គឹមហេង រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ បានអញ្ជើញចូលរួមកិច្ច​ប្រជុំក្រុមការងារលើកទី៥ នៃសន្និសីទស្តីពីកិច្ចសហប្រតិបត្តិការក្នុងចំណោមប្រទេសអាស៊ីបូព៌ាសម្រាប់ការអភិវឌ្ឍប៉ាឡេស្ទីន (CEAPAD) តាមប្រព័ន្ធវីដេអូ កាលពីរសៀលថ្ងៃទី១៨ ខែកក្កដា ឆ្នាំ២០២៤។ កិច្ចប្រជុំបានពិភាក្សាអំពីតួនាទីរបស់អាជ្ញាធរប៉ាឡេស្ទីនក្នុងការស្តារ និងកសាងតំបន់ហ្គាហ្សាឡើងវិញ កិច្ចខិតខំប្រឹងប្រែងនៃការផ្តល់ជំនួយសម្រាប់ប្រជាជនប៉ាឡេស្ទីន និងសារៈសំខាន់នៃការសម្របសម្រួល និងកិច្ចសហប្រតិបត្តិការតាមរយៈ CEAPAD ។ នៅចុងបញ្ចប់នៃកិច្ចប្រជុំ ប្រទេសជប៉ុន និងរដ្ឋប៉ាឡេស្ទីន ដែលជាសហប្រធាននៃកិច្ចប្រជុំ បានស្វាគមន៍កម្ពុជា និងឡាវ ក្នុងនាមជាសមាជិកផ្លូវការថ្មីនៃ CEAPAD។ ក្នុងឱកាសនោះ ឯកឧត្តម មាស គឹមហេង បានគូសបញ្ជាក់ថា កម្ពុជាវាយតម្លៃខ្ពស់ចំពោះការរួមចំណែករបស់ប្រទេសសមាជិក CEAPAD និងភាគីពាក់ព័ន្ធ ក្នុងកិច្ចខិតខំប្រឹងប្រែងកៀរគរនូវជំនួយនានាដើម្បីជួយគាំទ្រ និងពង្រឹងសមត្ថភាពរបស់ប៉ាឡេស្ទីនសម្រាប់ការសម្រេចបាននូវសេចក្តីប្រាថ្នាដើម្បីស្ថិរភាពរ ការស្តារសេដ្ឋកិច្ចសង្គម និងសំខាន់ជាងនេះ គឺសន្តិភាពយូរអង្វែង។ ក្នុងនាមជាសមាជិកថ្មីរបស់ CEAPAD កម្ពុជាសង្ឃឹមថា នឹងចូលរួមចែករំលែកនូវបទពិសោធន៍ និងចំណេះដឹងក្នុងការកសាង និងស្តារសេដ្ឋកិច្ច-សង្គមជាតិឡើងវិញ៕ដោយ៖ពលជ័យរូបភាព៖ក្រសួងការបរទេស

ភ្នំពេញ៖ ឯកឧត្តម Wang Wenbin ឯកអគ្គរដ្ឋទូតចិនប្រចាំកម្ពុជា បានថ្លែងថា ការប្រសិទ្ធនាមឈ្មោះ មហាវិថី ស៊ី ជីនពីង (Xi Jinping) បង្ហាញពីទំនាក់ទំនងមិត្តភាពជាប្រពៃណី ដែលមិនអាចបំបែកបាន រវាងចិននិងកម្ពុជា។ ឯកឧត្តមមានប្រសាសន៍ទៀតថា កិច្ចសហប្រតិបត្តិការដែលមានផលប្រយោជន៍ទៅវិញទៅមករវាងចិននិងកម្ពុជានឹងបន្តបើកស្ថានការណ៍ថ្មី និងសម្រេចបានលទ្ធផលថ្មី។ «ជានិមិត្តរូបថា ប្រជាជនចិន និងកម្ពុជា កាន់ដៃគ្នា យ៉ាងស្អិតរមួត បន្តឆ្ពោះទៅមុខជានិច្ច នូវមិត្តភាពប្រពៃណី ដែលបង្កើតឡើងដោយអ្នកដឹកនាំជំនាន់មុនៗ។ ប្រទេសទាំងពីរនឹងជំរុញការប្តេជ្ញាចិត្ត និងកម្លាំងដ៏រឹងមាំ ដើម្បីជំរុញទំនាក់ទំនងចិន-កម្ពុជា ឱ្យកាន់តែល្អប្រសើរឡើង។ ការបញ្ជាក់នេះ ក្នុងពិធីសម្ពោធបង្គោលផ្លាកឈ្មោះផ្លូវ “មហាវិថី ស៊ី ជីនពីង” ក្នុងឱកាសអបអរសាទរខួប អនុស្សាវរីយ៍លើកទី៦៦ នៃការបង្កើតទំនាក់ទំនងការទូតរវាងកម្ពុជា-ចិន ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៩ ខែកក្កដា ឆ្នាំ២០២៤។ ឧត្តមឯកអគ្គរដ្ឋទូតចិនជឿជាក់ថា រាជធានីភ្នំពេញនឹងបន្តបញ្ចេញនូវភាពរស់រវើក…

តាមរយៈវីដេអូបែកធ្លាយជាបន្តបន្ទាប់ យើងបានដឹងអំពីផែនការក្បត់ដ៏ធំមួយដែលមានជនបរទេសឈ្មោះ Alexjandro Gonzales Davidson។ នៅខាងក្រៅ អាឡិចនិងគូកនសម្តែងធ្វើជាយុវជនការពារបរិស្ថាន ប៉ុន្តែផែនការដែលគេពិភាក្សាគ្នាគ្មានអ្វីជាប់ពាក់ព័ន្ធនឹងបរិស្ថានសូម្បីតែបន្តិច តែវាគឺជាផែនការដើម្បីប្រឆាំងនឹងរាជរដ្ឋាភិបាលក្នុងគោលបំណងផ្តួលរំលំសុទ្ធសាធ។ ក្រៅពីជេរប្រមាថព្រះមហាក្សត្រ និងមាក់ងាយថ្នាក់ដឹកនាំ ជនបរទេសឈ្មោះអាឡិចបាននិយាយអំពីផែនការរៀបចំលេខាធិការដ្ឋានមួយនៅក្រៅប្រទេស ដើម្បីប្រឆាំងរាជរដ្ឋាភិបាល តាមរយៈការទទួលលុយពីបរទេស។ តាំងពីការផ្តល់គំនិតគូរូបថ្លុក និងការធ្វើសកម្មភាពនានា ដើម្បីបម្រើឱ្យគោលដៅផ្តួលរំលំ ឬហៅថាបដិវត្តន៍ពណ៌ រហូតដល់ការកៀរគរលុយពីម្ចាស់ជំនួយដើម្បីគាំទ្រសកម្មភាពរបស់ខ្លួន អាឡិចគឺជាមេគំនិត ឬមេក្លោងទាំងអស់។ ចំណែកយុវជនដែលបានអះអាងថាខ្លួនជាសកម្មជនបរិស្ថាន គឺជាអ្នករួមគំនិតយ៉ាងពិតប្រាកដដែលមិនអាចប្រកែកបាន ពីព្រោះពួកគេទទួលបញ្ជាពីអាឡិច ដែលពួកគេហៅថា «លោកឳ» និងបានរួមគំនិតយោបល់ផ្តល់ការគាំទ្រ ព្រមទាំងទទួលយកផែនការទាំងនោះមកអនុវត្ត។ ក្រោយពីបានស្តាប់វីដេអូបែកធ្លាយទាំង ៣ភាគនេះ យើងពិតជាបានដឹងច្បាស់ថា អ្វីដែលពួកគេបានសម្តែងកន្លងមក ដោយតាំងខ្លួនជាយុវជនបរិស្ថានគឺជាការបោកប្រាស់ដើម្បីបន្លំភ្នែកមហាជនសុទ្ធសាធ។ បរិស្ថានគ្រាន់តែជារបាំងមុខប៉ុណ្ណោះ ប៉ុន្តែសកម្មភាពពិតរបស់ក្រុមនេះគឺជាការអនុវត្តផែនការផ្តួលរំលំ។ យោងតាមវីដេអូបែកធ្លាយនេះ អាឡិចបានបញ្ចេញឈ្មោះអ្នករួមគំនិតមួយចំនួន ដូចជា ប៉ា ងួនទៀង និងវិទ្យុអាស៊ីសេរីនៅទីក្រុងវ៉ាស៊ីនតោនឌីស៊ី និងនៅបាងកកជាដើម។ កន្លងទៅ ខ្ញុំចេះតែឆ្ងល់ដែរថា សកម្មជនបរិស្ថានមួយក្រុមនេះមិនដែលបានធ្វើ សកម្មភាពដាំដើមឈើ ឬជួយសម្អាតបរិស្ថាន ដូចយុវជនបរិស្ថានជាច្រើនដែលបានធ្វើនោះឡើយ។ តែក្រុមនេះបែរជាធ្វើសកម្មភាពបែបបង្ករឿង ចោទប្រកាន់ មួលបង្កាច់ បំផ្លើសបំភ្លៃបែបសកម្មជននយោបាយទៅវិញ។ លើសពីនេះ ពួកគេធ្វើសកម្មភាពប្លែកៗ ដូចជាជួតក្បាលនឹងក្រម៉ា…

ភ្នំពេញ៖ “សម្តេចតេជោ គឺជាអ្នកនយោបាយ ជាមេដឹកនាំកំពូល និងជាអ្នកយុទ្ធសាស្ត្រដ៏ឆ្នើមក្នុងការដឹកនាំមាគ៌ាកម្ពុជាឆ្ពោះទៅរកសុខសន្តិភាព និងការអភិវឌ្ឍជឿនលឿនដូចសព្វថ្ងៃ”។ ឯកឧត្តមក៏បានកោតសរសើរសម្ដេចតេជោ ដែលបានចូលរួមដោយផ្ទាល់ក្នុងរយៈពេលជាង៣០ឆ្នាំកន្លងមកនេះ ក្នុងការពូនជ្រំទំនាក់ទំនងមិត្តភាពយូរអង្វែងកម្ពុជា-ចិន។ នេះជាការបញ្ជាក់របស់ឯកឧត្តម វ៉ាង វិនពីន (WANG Wenbin) ឯកអគ្គរដ្ឋទូតចិនប្រចាំកម្ពុជា ក្នុងជំនួបសម្តែងការគួរសមជាមួយសម្តេចតេជោ ហ៊ុន សែន សែន ប្រធានព្រឹទ្ធសភា នៃព្រះរាជាណាចក្រកម្ពុជា នៅព្រឹកថ្ងៃទី១៨ ខែកក្កដា ឆ្នាំ២០២៤នេះ។ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា នៅព្រឹកថ្ងៃទី១៨ ខែកក្កដា ឆ្នាំ២០២៤នេះ បានអនុញ្ញាតឱ្យឯកឧត្តម វ៉ាង វិនពីន (WANG Wenbin) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា ចូលជួបសម្ដែងការគួរសម នៅវិមានព្រឹទ្ធសភា។ សម្តេចតេជោ ប្រធានព្រឹទ្ធសភា បានសម្តែងនូវការស្វាគមន៍និងអបអរសារទរយ៉ាងកក់ក្តៅជូនចំពោះ ឯកឧត្តម វ៉ាង វិនពីន ដែលត្រូវបានតែងតាំងជាឯកអគ្គរដ្ឋទូតថ្មីថ្មី នៃសាធារណរដ្ឋប្រជាមានិតចិន ប្រចាំនៅប្រទេសកម្ពុជា បន្ទាប់ពី ឯកឧត្តម វ៉ាង វិនធាន…