ភ្នំពេញ៖ ឯកឧត្តម YAMAGUCHI Natsuo សមាជិកព្រឹទ្ធសភា និងជាប្រធានគណបក្ស Komeito ជប៉ុន បានសម្ដែងនូវការកោតសរសើរ និងវាយតម្លៃខ្ពស់ចំពោះការអភិវឌ្ឍរីកចម្រើនលើគ្រប់វិស័យ ហើយឯកឧត្តមជឿជាក់ថា ក្រោមការដឹកនាំប្រកបដោយភាពឈ្លាសវៃរបស់សម្ដេចធិបតី ហ៊ុន ម៉ាណែត កម្ពុជានឹងមានការអភិវឌ្ឍរីកចម្រើនខ្លាំងក្លាបន្ថែមទៀត។ ការកើតសរសើរនេះ ក្នុងជំនួបសម្តែងការគួរសមនិងពិភាក្សាការងារជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នាព្រឹកថ្ងៃទី១៥ ខែកក្កដា ឆ្នាំ២០២៤ នៅវិមានសន្តិភាព។ ជាមួយគ្នានេះ ឯកឧត្តម YAMAGUCHI Natsuo ក៏បានវាយតម្លៃខ្ពស់ចំពោះភាពរីកចម្រើន និងសារៈសំខាន់ នៃទំនាក់ទំនងរដ្ឋាភិបាល និងរដ្ឋាភិបាល ក៏ដូចជាស្ថាប័ននីតិប្បញ្ញត្តិ និងនីតិប្បញ្ញត្តិ រវាងប្រទេសជប៉ុន និងកម្ពុជាផងដែរ។ បន្ថែមលើនេះ ឯកឧត្តម YAMAGUCHI Natsuo ក៏បានគូសបញ្ជាក់ថា កម្ពុជាគឺជាប្រទេសដែលមានសុខសន្តិភាពពេញលេញ និងការអភិវឌ្ឍរីកចម្រើនលើគ្រប់វិស័យ ដែលកត្តានេះនឹងជំរុញឱ្យវិនិយោគិនជប៉ុនបន្តស្វែងរកឱកាសវិនិយោគនៅកម្ពុជា ហើយឯកឧត្តមសង្ឃឹមថា រាជរដ្ឋាភិបាលកម្ពុជានៅតែបន្តគាំទ្រ និងធានានូវបរិយាកាសអំណោយផលសម្រាប់ការវិនិយោគរបស់ជប៉ុននៅកម្ពុជា។ ក្នុងដំណើរទស្សនកិច្ចមកកម្ពុជានាឱកាសនេះ ឯកឧត្តម YAMAGUCHI Natsuo ក៏បានគោរពជម្រាបជូនសម្តេចធិបតី ថា ឯកឧត្តមនឹងជំរុញកិច្ចសហប្រតិបត្តិការលើការប្រែប្រួលអាកាសធាតុ សន្តិសុខសាយប័រ…

ភ្នំពេញ៖ ក្រុមអ្នកប្រកបរបរដឹកជញ្ជូនក្នុងសេវាក្រៅប្រព័ន្ធរួមមានអ្នរត់​តាក់ស៊ី អ្នករត់ម៉ូតូឌុប និងអ្នករត់រ៉ឺម៉កកង់៣ បានធ្វើការថ្កោលទោសយ៉ាងដាច់អហង្ការចំពោះសារព័ត៌មានបម្រើផលប្រយោជន៍បរទេសមួយចំនួនដែលបានផ្សព្វព័ត៌មានបំផ្លើសការពិតថា រដ្ឋាភិបាលបានអនុញ្ញាតឱ្យក្រុមហ៊ុនរថយន្តរត់តាក់ស៊ីអគ្គិសនីវៀតណាម ឬចិន មកបើកក្រុមហ៊ុននៅកម្ពុជា ក្នុងចេតនាញុះញង់បង្កភាពអសន្តិសុខនៅក្នុងសង្គមជាតិ។ ពួកគាត់ក៏បានគាំទ្រសារពិសេសរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាដែលបានផ្ញើជូនជនរួមជាតិ «ពាក់ព័ន្ធអំពីព័ត៌មានប្រឌិត លើបញ្ហារថយន្តអគ្គិសនី» កាលពីរសៀលថ្ងៃទី១៣ ខែកក្កដាឆ្នាំ២០២៤។ សម្តេចធិបតី ហ៊ុន ម៉ាណែត នាយករដ្ឋមន្ត្រីបានមានប្រសាសន៍ថា មានមនុស្សមួយក្រុមតូចបានកំពុងកៀរគរបងប្អូនអ្នករត់ម៉ូតូឌុប រ៉ឺម៉កកង់បីដើម្បីធ្វើបាតុកម្មប្រឆាំងរដ្ឋាភិបាលដោយចោទថា រដ្ឋាភិបាលបានអនុញ្ញាតឱ្យក្រុមហ៊ុនរថយន្តរត់តាក់ស៊ីអគ្គិសនីវៀតណាម ឬចិន នៅកម្ពុជា។ ដោយសម្តេចបានបញ្ជាក់ថា រាជរដ្ឋាភីបាលមិនដែលផ្តល់អាជ្ញាប័ណ្ណឱ្យរថយន្តរត់តាក់ស៊ីអគ្គិសនីវៀតណាម ឬបរទេសមកធ្វើអាជីវកម្មនៅកម្ពុជាទេ។ ក្រុមអ្នកប្រកបរបររត់ម៉ូតូឌុប រត់រ៉ឺម៉កកង់៣ រត់តាកស៊ី នៅរាជធានីភ្នំពេញ និងនៅតាមបណ្តាខេត្ត រាប់ពាន់នាក់បានបង្ហាញការគាំទ្រព្រមៗគ្នា ចំពោះសារពិសេសរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលសម្តេចបានថ្លែងពាក់ព័ន្ធព័ត៌មានប្រឌិតទៅលើបញ្ហារថយន្តអគ្គិសនីដែលត្រូវបានផ្សព្វផ្សាយដោយវិទ្យុបរទេសមួយចំនួនដែលបម្រើផលប្រយោជន៍បរទេស និងមានចេតនាញុះញង់បង្កវិទ្ធសង្សនានៅក្នុងប្រទេស និងរហូតដល់មានការធ្វើគម្រោងកៀរគរកម្លាំងមកធ្វើបាតុកម្មក្នុងការប្រឆាំងរាជរដ្ឋាភិបាលថែមទៀតផង។ ប្រធានសមាគមរឺម៉ក់សន្តិភាពក្រៅប្រព័ន្ធប្រចាំខេត្តសៀមរាបតំណាងឱ្យអ្នករត់តាក់ស៊ី អ្នករត់ម៉ូតូឌុប អ្នករត់រឺម៉ក់កង់បីបានប្រកាសមិនចូលរួមបាតុកម្មទៅតាមការញុះញង់ក្រុមបំពុលសង្គមមួយក្តាប់តូចទោះក្នុងរូបភាពណាក៏ដោយ និងសូមគោរពគាំទ្រចំពោះការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ចំណែកតំណាងអ្នករត់តាក់ស៊ីនៅក្នុងខេត្តសៀមរាប បានប្រកាសមិនចូលរួមធ្វើបាតុកម្មទៅតាមការញុះញង់របស់ក្រុមបំពុលសង្គមមួយក្តាប់តូចទោះក្នុងរូបភាពណាក៏ដោយ និងសូមគាំទ្រនៅការដឹកនាំរបស់សម្តេចធិបតី ហ៊ុន ម៉ាណែត…

ក្នុងជំនួបជាមួយសម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ឯកឧត្តម យ៉ាម៉ាហ្គូឈិ ណាស្យុអុ (YAMAGUCHI NATSUO) ប្រធានគណបក្ស Komeito និងជាសមាជិកព្រឹទ្ធសភាជប៉ុន បានលើកឡើងពីសន្តិភាពនៅកម្ពុជាដែលមានគុណតម្លៃជាចាំបាច់ និងជាមូលដ្ឋានគ្រឹះនៃការអភិវឌ្ឍ។ សម្ដេចរដ្ឋសភាធិបតី ឃួន សុដារី បានទទួលជួបពិភាក្សាការងារជាមួយ ឯកឧត្តម យ៉ាម៉ាហ្គូឈិ ណាស្យុអុ នៅវិមានរដ្ឋភា នាព្រឹកថ្ងៃទី១៥ ខែកក្កដា ឆ្នាំ២០២៤ ក្នុងពេលដែលឯកឧត្តមបានដឹកនាំគណៈប្រតិភូសភាជប៉ុនអញ្ជើញមកបំពេញទស្សនកិច្ចនៅកម្ពុជា។ ឯកឧត្តមប្រធានគណៈប្រតិភូ បានអបអរសាទរ សម្តេចរដ្ឋសភាធិបតី ដែលត្រូវបានរដ្ឋសភានីតិកាលទី៧ បោះឆ្នោតជ្រើសតំាងជា ប្រធានរដ្ឋសភា និងជាស្រ្តីកម្ពុជាដំបូងគេក្នុងប្រវត្តិសាស្រ្តកម្ពុជាដែលទទួលបានតួនាទីដ៏សំខាន់នេះ។ ឯកឧត្តមបានវាយតម្លៃខ្ពស់ពីការរីកចម្រើនរបស់កម្ពុជា និងបានកោតសរសើរពីការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នៅក្នុងការធានាបាននូវសុខសន្តិភាពពេញលេញ និងការអភិវឌ្ឍដល់ប្រទេសជាតិនិងប្រជាជន។ ឯកឧត្តមបានក៏បានរំឭកពីអនុស្សាវរីយ៍ល្អៗ ដែលឯកឧត្តម បានចូលរួមរៀបចំការបោះឆ្នោតនៅកម្ពុជាកាលពីឆ្នាំ១៩៩៣ ក្នុងក្របខណ្ឌអង្គការសហប្រជាតិនិងការចូលរួមជួយគាំទ្រដល់សកម្មភាពកំចាត់មីននៅកម្ពុជា។ សម្តេចរដ្ឋសភាធិបតី មានក្តីសោមនស្សរីករាយ និងបានស្វាគមន៍យ៉ាងកក់ក្ដៅចំពោះវត្តមាន ឯកឧត្តម និងគណៈប្រតិភូ ដែលបានអញ្ជើញមកបំពេញទស្សនកិច្ចនៅកម្ពុជា និងបានសង្កត់ធ្ងន់ថា ដំណើរទស្សនកិច្ចនេះនឹងរួមចំណែកដ៏សំខាន់ដល់ការលើកកម្ពស់កិច្ចសហប្រតិបត្តិការរវាងប្រទេសទំាងពីរកាន់តែស្អិតល្មួតថែមទៀត ពិសេសគំាទ្រដល់ការអភិវឌ្ឍនៅកម្ពុជា។ សម្តេចប្រធានរដ្ឋសភាក៏បានលើកឡើងពីមនោសញ្ចេតនាជ្រាលជ្រៅ ស្មោះត្រង់…

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា ផ្លូវជាតិលេខ ៧១C ជាផ្លូវដែលពោរពេញដោយទេសភាពខៀវស្រងាត់ត្រជាក់ភ្នែក មានសភាពធន់ រឹងមាំ ដែលផ្តល់ភាពងាយស្រួល និងចរាចរណ៍ដោយរលូននេះ សម្រេចការកសាងបាន១០០ភាគរយ ចាប់ពីផ្លូវជាតិលេខ៧ ចំណុច PK150+700 ក្នុងខេត្តត្បូងឃ្មុំ រហូតទៅដល់ផ្លូវជាតិលេខ៧១ ចំណុច PK30+400 ក្នុងខេត្តកំពង់ចាម។ សម្តេចធិបតីបានបន្តថា ផ្លូវជាតិដ៏សំខាន់នេះ គឺជាប្រភេទ AC/DBST បានចាប់ផ្តើមសាងសង់កាលពីថ្ងៃទី០២ ខែមេសា ឆ្នាំ២០២១ បាននិងកំពុងបន្តដំណើរបញ្ចប់ការគូសគំនូសចរាចរណ៍លើដងផ្លូវ ការងារបំពាក់ផ្លាកសញ្ញាចរាចរណ៍ ការងារដាំបង្គោលគីឡូម៉ែត្រ និងកិច្ចការដាំស្មៅការពារការហូរច្រោះដីចំណីផ្លូវ ដោយគ្រោងបញ្ចប់ជាស្ថាពរត្រឹមថ្ងៃទី០២ ខែតុលា ឆ្នាំ២០២៤ បន្ថែមពីនេះ ក្រុមហ៊ុនសាងសង់សៀងហៃគ្រុប( SCG) និងទីប្រឹក្សាបច្ចេកទេសក្រុមហ៊ុន ក្វាងចូវ វ៉ាងអាន នឹងបន្តថែទាំ រយៈពេល ២៤ខែបន្ថែម យោងតាមកិច្ចសន្យាសាងសង់៕ដោយ៖ពលជ័យរូបភាព៖ឆាណែលតេឡេក្រាមសម្តេចធិបតី ហ៊ុន ម៉ាណែត

ភ្នំពេញ៖ រដ្ឋមន្ត្រីក្រសួងការពារជាតិ បានបញ្ជាក់ថា ឧទ្ធម្ភាគចក្ររបស់ទ័ពអាកាសដែលបាត់ការទំនាក់ទំនងនៅក្នុងភូមិ​សាស្ត្រជួរភ្នំក្រវាញ ស្ថិតក្នុងខេត្តពោធិ៍សាត់ និង ខេត្តកោះកុង ក្នុងពេលកំពុងហាត់ហ្វឹកហ្វឺន គឺមានមនុស្ស២នាក់ នៅក្នុងនោះ ហើយមិនដូចជាការចុះផ្សាយរបស់សារព័ត៌មានមួយចំនួនដែលផ្សាយខុសពីការពិតនោះទេ។ ការបញ្ជាក់នេះ ក្នុងអបអរសាទរខួបលើកទី៣១ នៃថ្ងៃបង្កើតឡើងវិញកងរាជអាវុធហត្ថនៅព្រឹកថ្ងៃទី១៤ ខែកក្កដា ឆ្នាំ២០២៤។ ឯកឧត្តម ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានបញ្ជាក់ថា ឧទ្ធម្ភាគចក្ររបស់ទ័ពអាកាសដែលបាត់ការទំនាក់ទំនងរបស់ទ័ពអាកាស គឺចេញហោះហើរជារៀងរាល់ថ្ងៃដើម្បីហ្វឹកហ្វឺន ហើយដើម្បីពិនិត្យមើលបច្ចេកទេស និងឧបករណ៍ដែលមានទំនើបកម្ម។ ហោះហើរជារៀងរាល់ថ្ងៃដើម្បីហ្វឹកហ្វឺន ដល់អាកាសយានិក ក៏ដូចជាជំនួយការអាកាសយានិក។ ឯកឧត្តម ឧបនាយករដ្ឋមន្ត្រី ទៀ សីហា បានបន្តថា ឧទ្ធម្ភាគចក្រដែលបាត់ការទំនាក់ទំនង គឺមានទិសដៅហ្វឹកហ្វឺនពីភ្នំពេញទៅថ្មដា , ពីថ្មដាទៅពោធិសាត់ និងពីពោធិ៍សាត់បកមកភ្នំពេញវិញ។ រដ្ឋមន្ត្រីក្រសួងការពារជាតិ បានបញ្ជាក់ថា “ចំពោះករណីនេះ មិនទាន់សន្និដ្ឋានយ៉ាងណាទេ។ ប៉ុន្តែក្នុងបេសកកម្មមានតែ២រូបទេ ដែលបានហ្វឹកហ្វឺនទៅគោលដៅដែលកំណត់ក្នុងបេសកកម្មរបស់ទ័ពអាកាស។ ជាអកុសលអាកាសធាតុមិនអំណោយផលផ្តាច់ការទំនាក់ទំនងគ្នា។ កងកម្លាំងជំនាញបានចុះទៅរុករកនៅក្នុងតំបន់បាត់ទំនាក់ទំនង។” ឯកឧត្តម ឧបនាយករដ្ឋមន្ត្រី ទៀ សីហា សង្ឃឹមថា នឹងអាចរកឃើញនៅថ្ងៃនេះ កងកម្លាំងពុះពារណាស់ក្នុងការស្វែងរក។ សូមជម្រាបថា…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយ ឯកឧត្ដម តូ ឡឹម (TO Lam) ប្រធានរដ្ឋ នៃសាធារណរដ្ឋសង្គមនិយមវៀតណាម និងគណៈប្រតិភូ នៅវិមានសន្តិភាព នាព្រឹកថ្ងៃទី១៣ ខែកក្កដា ឆ្នាំ២០២៤។ ក្នុងឱកាសនៃជំនួបនេះ ឯកឧត្តមប្រធានរដ្ឋ បានថ្លែងអំណរគុណចំពោះ សម្តេចធិបតី ដែលបានទទួលស្វាគមន៍យ៉ាងកក់ក្តៅ និងឆ្លៀតពេលវេលាដ៏មមាញឹកទទួលជំនួបពិភាក្សាការងារជាមួយឯកឧត្តម និងគណៈប្រតិភូ ព្រមទាំងបានផ្តាំផ្ញើការសួរសុខទុក្ខពីសំណាក់ឯកឧត្តម ផាម មិញជិញ នាយករដ្ឋមន្ត្រី នៃសាធារណរដ្ឋសង្គមនិយមវៀតណាម និងឯកឧត្តម ង្វៀង ហ៊្វូចុង អគ្គលេខាធិការ នៃគណៈកម្មាធិការមជ្ឈិមបក្សកុម្មុយនីស្តវៀតណាម ជូនចំពោះសម្តេចធិបតីផងដែរ។ ឯកឧត្តមប្រធានរដ្ឋ ក៏បានអបអរសាទរចំពោះកម្ពុជា ដែលសម្រេចបាននូវសមិទ្ធផលដ៏ត្រចះត្រចង់ ក្រោមម្លប់ដ៏ត្រជាក់របស់អង្គព្រះមហាក្សត្រ និងក្រោមការដឹកនាំរបស់សម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី នាយករដ្ឋមន្រ្តីនៃព្រះរាជាណាចក្រកម្ពុជា ហើយសង្ឃឹមថាប្រទេសកម្ពុជានឹងមានការរីកចម្រើនពីមួយថ្ងៃទៅមួយថ្ងៃ ដើម្បីឈានដល់ការសម្រេចបាននូវចក្ខុវិស័យឆ្នាំ២០៣០ ជាប្រទេសដែលមានចំណូលមធ្យមកម្រិតខ្ពស់ និងជាប្រទេសមានចំណូលខ្ពស់នៅឆ្នាំ ២០៥០។ បន្ថែមលើនេះ ឯកឧត្តមប្រធានរដ្ឋ ក៏បានបញ្ជាក់ជូនសម្តេចធិបតី ថាវៀតណាម…

ឯកឧត្តម អ៊ុន វិសិទ្ធគុន ប្រធានប្រតិភូ នៃឧត្តមក្រុមប្រឹក្សាពិគ្រោះ និងផ្តល់យោបល់ តំណាងឱ្យគណបក្សកម្លាំងប្រជាធិបតេយ្យ យល់ឃើញថា ការរៀបចំតាំងពិព័រណ៍ផ្សព្វផ្សាយ និងចែកកូនឈើ ក្រោមមូលបទ«ពន្លកបៃតង» ក៏ដូចជាការចែកជូនកូនឈើដល់ប្រជាពលរដ្ឋដោយឥតគិតថ្លៃ ដែលរៀបចំដោយក្រសួងបរិស្ថាន គឺជាការឆ្លុះបញ្ចាំងនូវសកម្មភាពជាយុទ្ធសាស្ត្រមួយស្របតាមមុំនៃភាពបៃតងក្នុងយុទ្ធសាស្ត្រចក្រាវិស័យបរិស្ថាន ដែលជាយុទ្ធសាស្ត្ររៀបចំឡើងដើម្បីឱ្យស្របទៅតាមយុទ្ធសាស្ត្របញ្ចកោណដំណាក់កាលទី១ ក្រោមការដឹកនាំដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ឯកឧត្តមបានបន្តថា យុទ្ធសាស្ត្រនេះ លោកសូមចូលរួមគាំទ្រយ៉ាងពេញទំហឹង ក៏ដូចជាចូលរួមការពារធនធានធម្មជាតិ និងការអភិវឌ្ឍដោយចីរភាព ដើម្បីឆ្ពោះទៅរកការសម្រេចឱ្យបាននៅការអភិវឌ្ឍប្រកបដោយអព្យាក្រឹតមួយ។ គោលនយោបាយដ៏ល្អរបស់ក្រសួងបរិស្ថាននេះ យើងទាំងអស់គ្នាដែលជាប្រជាពលរដ្ឋ ត្រូវចូលរួមទាំងអស់គ្នាការពារធម្មជាតិរបស់យើង ជីវៈចម្រុះរបស់យើងទាំងអស់ដែលមាននៅក្នុងធម្មជាតិត្រូវតែការពារ ក៏ដូចជាអភិរក្ស និងចូលរួមការដាំដុះបន្ថែមទៀត ដើម្បីឱ្យប្រទេសកម្ពុជារបស់យើងមានផ្ទៃបៃតងស្រស់បំព្រង។ ទាំងអស់នេះ វាគឺជាការអនុវត្តនៅអនុសញ្ញាសហប្រជាជាតិស្តីពីជីវៈចម្រុះ និងអនុសញ្ញាក្របខណ្ឌសហប្រជាជាតិស្តីពីការប្រែប្រួលអាកាសធាតុ។ ចំណែកឯកឧត្តម ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ បានមានប្រសាសន៍ថា ការរៀបចំតាំងពិព័រណ៍ផ្សព្វផ្សាយ ក៏ដូចជាការចែកជូនកូនឈើដល់ប្រជាពលរដ្ឋដោយឥតគិតថ្លៃ ដែលរៀបចំដោយក្រសួងបរិស្ថាន គឺបង្ហាញពីសុឆន្ទៈ និងការប្តេជ្ញាចិត្តរបស់រាជរដ្ឋាភិបាល អាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត និងគោលនយោបាយរបស់ក្រសួងបរិស្ថាន និងមានការចូលរួមពីដៃគូពាក់ព័ន្ធទាំងអស់ក្នុងការអនុវត្តអនុសញ្ញាសហប្រជាជាតិស្តីពីជីវៈចម្រុះ និងអនុសញ្ញាក្របខណ្ឌសហប្រជាជាតិស្តីពីការប្រែប្រួលអាកាសធាតុ ក្នុងនាមកម្ពុជាជារដ្ឋភាគី ក្នុងការលើកកម្ពស់កិច្ចគាំពារបរិស្ថាន និងការពារធនធានធម្មជាតិ…