​សម័យ​តេ​ជោ​សន្តិភាព គឺជា​ឱកាស​មាស​សម្រាប់​បងប្អូន​ខ្មែរ​អ៊ី​ស្លាម​អាច​គោរព​ប្រតិបត្តិ​សាសនា ជាមួយនឹង​សិទ្ធិសេរីភាព បង្ហាញ​អត្តសញ្ញាណ​ខ្លួនឯងបាន​យ៉ាង​ពេញលេញ​»​។ នេះ​ជា​ប្រសាសន៍​លើកឡើង​របស់​ឯកឧត្តម សាយ សំ​អាល់ រដ្ឋមន្ត្រី​ក្រសួងបរិស្ថាន និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្ត​ព្រះសីហនុ ថ្លែង​ក្នុងឱកាស​ពិសា​អាហារ​សាមគ្គី​ជាមួយ​បងប្អូន​ខ្មែរ​អ៊ី​ស្លាម នៅ​ឃុំ​រាម ស្រុក​ព្រៃនប់ ខេត្ត​ព្រះសីហនុ នៅ​ព្រឹក​ថ្ងៃទី​១៩ ខែកក្កដា ឆ្នាំ​២០២២​។

ក្រុមហ៊ុនអង្គរ​ប្លាយ​វ៉ូដ សហការ​ជាមួយ​រដ្ឋបាល​ខេត្តព្រះវិហា​របានរៀបចំ​វេទិកាសាធារណៈស្តីពី​ការផ្សព្វផ្សាយ​អំពី​សក្តានុពល និង​អត្ថប្រយោជន៍​ដែល​នឹង​ទទួលបាន​ពី​គម្រោង​វិនិយោគ និង​អភិវឌ្ឍន៍​ការដាំដុះ​ដំណាំ​ឈើ​ប្រភេទ​ដើម​ប្រេងខ្យល់ (Eucalyptus) នៅលើ​ផ្ទៃដី​សម្បទាន​សេដ្ឋកិច្ច​របស់​ក្រុមហ៊ុន ធី ង៉ា អភិវឌ្ឍន៍ និង​វិនិយោគ និង​ក្រុមហ៊ុន ភី​.​អិន​.​ធី ខូ អិ​ល​ធី​ឌី ដែលមាន​ទីតាំង​ស្ថិតនៅក្នុង​ឃុំ​រៀបរយ ស្រុក​រវៀង ខេត្តព្រះវិហារ​។​

អង្គប្រជុំ​គណៈកម្មាធិការ​អចិន្ត្រៃយ៍​នៃ​រដ្ឋសភា បានអនុម័ត​ប្រគល់​សេចក្តីព្រាងច្បាប់​ធម្មនុញ្ញ​ស្តីពី​វិសោធនកម្ម​មាត្រា​១៩ ថ្មី (​មួយ​)​មាត្រា​៨៩ មាត្រា​៩៨ ថ្មី មាត្រា​១០២ ថ្មី មាត្រា​១១៩ ថ្មី​(​មួយ​)​និង​មាត្រា​១២៥​ថ្មី​នៃ​រដ្ឋធម្មនុញ្ញ​នៃ​ព្រះរាជា​ណា ចក្រ​កម្ពុជា និង​មាត្រា​៣ ថ្មី និង​មាត្រា​៤ ថ្មី នៃ​ច្បាប់​ធម្មនុញ្ញ​បន្ថែម​សំដៅ​ធានា​នូវ​ដំណើរការ​ជាប្រក្រតី​នៃ​ស្ថាប័ន​ជាតិ ជូន​គណៈកម្មការ​នីតិកម្ម និង​យុត្តិធម៌ នៃ​រដ្ឋសភា ពិនិត្យ​សិក្សា​ហើយ​ធ្វើ​របាយការណ៍​ជូន​គណៈកម្មាធិការ​អចិន្ត្រៃយ៍​រដ្ឋសភា​វិញ​។

លោក សួន សរីរ​ដ្ឋា ប្រធាន​ក្រុមប្រឹក្សាភិបាល​វេទិកា​សន្តិភាព​កម្ពុជា​បាន​មានប្រសាសន៍ប្រាប់ AMS​នៅ ថ្ងៃទី​១៨​ខែកក្កដា​នេះ​ថា​មេដឹកនាំ​នយោបាយ​ដែលជា​ទណ្ឌិត​រត់ចោលស្រុក​រូបនេះ​គឺ​មិនដែល​មើលឃើញ​អ្វី​ជា​ចំណុច​ល្អ ចំណុច​ប្រសើរ និង​បែបបទ​នៃ​ការអនុវត្ត​ល​លទ្ធិប្រជាធិបតេយ្យ សេរី​ពហុបក្ស នៅក្នុង​ប្រទេស​កម្ពុជា​ទេ ។

ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និង​សហប្រតិបត្តិការ​អន្តរជាតិ បាន ផ្លាស់ប្ដូរ​យោបល់ និង​ការពិភាក្សា​ជាមួយ​ឯកឧត្តម មិ​កា​មិ ម៉ាសា​ហ៊ី​រ៉ូ (Mikami Masahiro)​ឯកអគ្គរាជទូតជប៉ុន​ប្រចាំ​កម្ពុជា​នៅក្នុង​ជំនួប​នៅ​ថ្ងៃទី​១៨​ខែកក្កដា​ឆ្នាំ​២០២២​។​ប្រធានបទ​នៃ​កិច្ចពិភាក្សា​គឺ​​ការពង្រឹង​កិច្ចសហប្រតិបត្តិការ​រ​វាង​កម្ពុជា​-​ជប៉ុន​ក៏ដូចជា​រវាង​អាស៊ាន​-​ជប៉ុន​និង​ការត្រៀម​រៀបចំ​សម្រាប់​ភាពជោគជ័យ​នៃ​កិច្ចប្រជុំ រដ្ឋមន្ដ្រីការបរទេស​អាស៊ាន​លើក​ទី​៥៥​និង​កិច្ចប្រជុំ​ពាក់ព័ន្ធ​ដែល​នឹងត្រូវ​រៀបចំ​ដោយ​កម្ពុជា​ក្នុងនាម​ជា​ប្រធាន​អាស៊ាន ។

សម័យប្រជុំពេញអង្គលើកទី១០ នៃសភាអន្តរជាតិដើម្បីភាពអត់ឱន និងសន្តិភាព (IPTP) នៅរាជធានីរ៉ាបាត នៃព្រះរាជាណាចក្រម៉ារ៉ុក គាំទ្រចំពោះសន្តិភាពនៅកម្ពុជា និងគំនិតផ្តួចផ្តើមអំពាវនាវឱ្យមានការបង្កើតវិទ្យាស្ថានសន្តិភាព និងវិទ្យាសាស្ត្រស្បៀង តាមសំណើរបស់កម្ពុជា ដើម្បីសិក្សាស្រាវជ្រាវបែបវិទ្យាសាស្រ្ត និងដាក់ចេញអនុសាសន៍រឹងមាំ សម្រាប់អនុវត្តកម្មវិធីសន្តិភាព និងសន្តិសុខស្បៀង ព្រមទាំងស្នើឱ្យមានការចូលរួមពីរដ្ឋាភិបាល រដ្ឋសភា និងផ្នែកឯកជន ជាពិសេសភាពជាដៃគូរវាងរដ្ឋ និងឯកជនដែលអាចផ្តល់ជាដំណោះស្រាយគន្លឹះដល់បញ្ហាប្រឈមសន្តិភាព និងសន្តិសុខស្បៀង។

ឯកឧត្តម ឡេង ប៉េងឡុង អ្នកនាំពាក្យរដ្ឋសភាបានមានប្រសាសន៍ប្រាប់ AMS នៅព្រឹកថ្ងៃទី១៨ ខែកក្កដានេះថា នៅថ្ងៃទី១៩ ខែកក្កដា ឆ្នាំ២០២២ ស្អែកនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា នឹងដឹកនាំកិច្ចប្រជុំគណៈកម្មាធិការអចិន្ត្រៃយ៍ នៃរដ្ឋសភា ដើម្បីពិនិត្យមើលថា តើច្បាប់នេះនឹងបញ្ជូនទៅគណៈកម្មការជំនាញណាមួយដើម្បីសិក្សាស្រាវជ្រាវ។ បន្ទាប់ពីសិក្សាស្រាវជ្រាវរួចគណៈកម្មាការជំនាញត្រូវធ្វើរបាយការណ៍ដើម្បីស្នើដាក់ជូនសភាពេញអង្គដើម្បីពិនិត្យ និងអនុម័ត។ ឯកឧត្តមបានបន្តថា គណៈរដ្ឋមន្ត្រីបានបញ្ជូនសេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រាមួយចំនួនមកដល់រដ្ឋសភាកាលពីថ្ងៃទី១៣ ខែកក្កដា ឆ្នាំ២០២២។

អង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា​ បានគាំទ្រទាំងស្រុងសំណើវិសោធនកម្មលើកទី១០ នៃរដ្ឋធម្មនុញ្ញនៃព្រះរាជាណាចក្រកម្ពុជា សំដៅបម្រើឧត្តមប្រយោជន៍របស់ជាតិ គឺ៖ (ទី១)-ការធានាឱ្យស្ថាប័នកំពូលរបស់ជាតិ ជាពិសេស អំណាចនីតិ​ប្រតិបត្តិដែលមានបេសកកម្មចម្បងក្នុងការដឹកនាំការងារទូទៅរបស់រដ្ឋ មានដំណើរការប្រព្រឹត្តទៅដោយរលូន និងប្រកបដោយនិរន្តរភាពនៅគ្រប់កាលៈទេសៈ និង (ទី២)-ការធានាការពារ និងថែរក្សាឱ្យបាននូវសន្តិភាព សន្តិសុខសង្គម សណ្តាប់ធ្នាប់សាធារណៈ និងស្ថិរភាព នយោបាយរបស់ប្រទេសជាតិនៅគ្រប់កាលៈទេសៈ ដើម្បីជាគ្រឹះសម្រាប់ការអភិវឌ្ឍប្រទេសជាតិលើគ្រប់វិស័យ និងសេចក្តីសុខសាន្តរបស់ប្រជាជនកម្ពុជា។

អង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា​ បានបញ្ជាក់ជាឱឡារិកនូវការគាំទ្រសម្ដេចអគ្គមហាសេនាបតីតេជោ ហ៊ុន សែន ជាបេក្ខភាពនាយករដ្ឋមន្ត្រីសម្រាប់នីតិកាលទី៧ នៃរដ្ឋសភា និងគាំទ្រ ឯកឧត្តម ហ៊ុន ម៉ាណត ជាបេក្ខភាពនាយករដ្ឋមន្ត្រីសម្រាប់ពេលអនាគត។​ នេះបេីយោងតាមសេចក្តីជូនដំណឹងស្តីពីលទ្ធផល​នៃអង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា នៅថ្ងៃទី១៧​ ខែកក្កដា​ ឆ្នាំ២០២២។

លោកបណ្ឌិត សេក សុជាតិ នាយកប្រតិបត្តិនៃអង្គការអភិវឌ្ឍន៍ផ្នត់គំនិត និងជាអ្នកវិភាគបានថ្លែងថា ពេលរាជរដ្ឋាភិបាលធ្វើវិសោធនកម្ម ឬកែរដ្ឋធម្មនុញ្ញម្ដងៗ លោកមើលឃើញថា គណបក្សកាន់អំណាចបានផ្ដល់ឱកាសមាសឱ្យទៅគណបក្សប្រឆាំង តែលោកក៏បានមើលឃើញដែរថា គណបក្សប្រឆាំងមិនមានសមត្ថភាពតស៊ូមតិលើរឿងទាំងអស់នេះទេ។ គណបក្សប្រឆាំងតែងតែចាត់ទុកថា គណបក្សកាន់អំណាចធ្វើដើម្បីតែរក្សាអំណាចរបស់ខ្លួនតែប៉ុណ្ណោះ។ លោកបណ្ឌិត សេក សុជាតិ បានបន្តថា មន្ត្រីគណបក្សប្រឆាំង មិនដែលបន្ទោសខ្លួនឯងថា អសមត្ថភាពទេ ពោលបានត្រឹមតែរកវោហាស័ព្ទប្រឆាំងដែលគ្មានទម្ងន់ទម្លាក់ទៅលើគណបក្សកាន់អំណាចតែប៉ុណ្ណោះ។