យោងតាម​របាយការណ៍​កិច្ចប្រជុំ​ប្រចាំត្រីមាស​ទី​៣​ឆ្នាំ​២០២២ នៃ​គណ​:​កម្ម​ការតម្រង់ទិស​ស​ម្រា​ប់​ការសាងសង់ អាកាសយានដ្ឋាន​អន្តរជាតិ សៀមរាប​-​អង្គរ បានបង្ហាញថាគម្រោង​សាងសង់​អាកាសយានដ្ឋាន​ថ្មី​នេះ​បន្តបោះជំហាន​ទៅមុខ​ឥតឈប់ឈរ និង​សម្រេចបាន​ជិត​៣៤​ភាគរយ​នៃ​គម្រោង​ទាំងមូលគិត​ត្រឹម​ដំណាច់ត្រីមាស​ទី​២​ឆ្នាំ​២០២២​នេះ ។​ប៉ុន្តែ​ក្នុងនោះ ផ្នែក​មួយចំនួន​មាន​វឌ្ឍនភាព​ច្រើន ដូចជា អនុ​ស្ថានីយ​ផ្គត់ផ្គង់​អគ្គិសនី ស្ថានីយ​ស្តុក​ប្រេង​ឥន្ទ​ន​: អគារ​បញ្ជា​ផ្លូវ​ហោះហើរ​ផ្លូវ​រត់ និង​ផ្លូ​របរ​យន្តហោះ សម្រេចបាន​លើសពី​៧០​ភាគរយ​។

ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ នឹង​ទទួល​ជួបពិភាក្សា​ការងារ​ជាមួយ ឯកឧត្តម Daniel J. Kritenbrink ឧបការី​រដ្ឋមន្ត្រីការបរទេស​ទទួលបន្ទុក​កិច្ចការ​អាស៊ី​បូព៌ា និង​ប៉ាស៊ីហ្វិកនៃ​សហរដ្ឋអាមេរិកនៅវេលា​ម៉ោង ៤:១៥​រសៀល​ថ្ងៃទី​១២ ខែកក្កដា ឆ្នាំ​២០២២ នា​ទីស្តីការ​ក្រសួងការបរទេស​។

ការពិនិត្យបញ្ជីឈ្មោះ និងការចុះឈ្មោះបោះឆ្នោត និងការផ្តល់សុពលភាពលើបញ្ជីបោះឆ្នោត ឆ្នាំ២០២២ ត្រូវចាប់ផ្តើមពីថ្ងៃទី២០ ខែតុលា ឆ្នាំ២០២២ ដល់ថ្ងៃទី២១ ខែកុម្ភៈ ឆ្នាំ២០២៣ ដូចបានកំណត់ក្នុងប្រតិទិននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២។ នេះបើយោងតាមសេចក្តីសម្រេចរបស់គណៈកម្មាធិការជាតិរៀបចំការបោះឆ្នោត (គ.ជ.ប) ចុះថ្ងៃទី៣០ ខែមិថុនា ឆ្នាំ២០២២ ដែលផ្សព្វផ្សាយនៅថ្ងៃទី១១ ខែកក្កដា ឆ្នាំ២០២២។

អ្នកនាំពាក្យ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​)បានឆ្លើយតបទៅគណបក្សនយោបាយ ​ចំនួនបួន ដែល​បាន​សន្និសីទ​សារព័ត៌មាន​កាលពី​ព្រឹក​ថ្ងៃទី​១១ ខែកក្កដា ឆ្នាំ​២០២២ នេះដោយស្នើ​ឲ្យ​មានការ​កែលម្អ​ប្រព័ន្ធ​បោះឆ្នោត និង​និង​លើកស្ទួយ​សេរីភាព​នយោបាយ​នៅ​កម្ពុជានោះ គឺមាន​ចំណុច​មួយចំនួន​មិនមែនជា​សមត្ថកិច្ច​រប​ស់ គ​.​ជ​.​ប និង​ចំណុច​មួយចំនួនទៀត គឺ​គ​.​ជ​.​ប បាន​អនុវត្តបាន​ត្រឹមត្រូវ​ច្បាប់​។​

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននៅរសៀលថ្ងៃទី១១ ខែកក្កដាឆ្នាំ២០២២ បានដឹកនាំថ្នាក់ដឹកនាំនិងមន្ត្រីក្រសួងបរិស្ថានអញ្ជើញទៅគោរពវិញ្ញាណក្ខន្ធអតីតនាយករដ្ឋមន្ត្រីជប៉ុនឯកឧត្តម ស៊ិនហ្សូ អាបេ នៅស្ថានទូតជប៉ុនប្រចាំព្រះរាជាណាចក្រកម្ពុជា។

ឯកឧត្តម បណ្ឌិត ហ៊ុន ម៉ាណែត បានបញ្ជាក់ថា គណបក្សប្រជាជនកម្ពុជា តែងបានខិតខំកែប្រែចំណុចខ្វះខាត និងពង្រឹងបន្ថែមចំណុចខ្លាំងឱ្យបានទាន់ពេលវេលា និងឱ្យអស់ពីសមត្ថភាព ដើម្បីទទួលបានការគាំទ្របន្តទៅមុខទៀត និងបន្តជោគជ័យសម្រាប់ការបោះឆ្នោតនៅឆ្នាំ២០២៣ខាងមុខ ព្រមទាំងផ្តល់ឱកាសជូនសម្តេចតេជោ បន្តដឹកនាំដោយការតម្កល់ផលប្រយោជន៍ជាតិជាធំ និងបន្តបម្រើប្រជាពលរដ្ឋឱ្យបានសេចក្តីសុខ សុភមង្គល និងការអភិវឌ្ឍកាន់តែរីកចម្រើនជឿនលឿន។

ឯកឧត្តមបណ្ឌិត ហ៊ុន ម៉ាណែត បានបញ្ជាក់ថា ទ្រព្យធំបំផុតរបស់គណបក្សប្រជាជនកម្ពុជា គឺជាជំនឿទុកចិត្តរបស់ប្រជាពលរដ្ឋ។ ប្រទេសកម្ពុជា គឺជាប្រទេសប្រជាធិបតេយ្យ សេរីពហុបក្ស ដូច្នេះប្រជាពលរដ្ឋជាម្ចាស់ប្រទេស មានសិទ្ធិក្នុងការជ្រើសរើសអ្នកដឹកនាំរបស់ខ្លួនតាមរយៈការបោះឆ្នោត។ ពិតណាស់ យើងមានគណបក្សនយោបាយច្រើនដែលបានចូលរួមនៅក្នុងការប្រកួតប្រជែង ប៉ុន្តែប្រជាពលរដ្ឋនៅតែស្រឡាញ់ជឿទុកចិត្តលើការដឹកនាំរបស់គណបក្សប្រជាជនកម្ពុជា ដែលបានសង្គ្រោះ បម្រើ និងការពារប្រជាពលរដ្ឋដោយស្មោះត្រង់ក្នុងគ្រប់កាលៈទេសៈ

សម្ដេចក្រឡាហោម ស ខេង បានផ្ដល់ទស្សនាទានបន្ថែមទៅកាន់អង្គប្រជុំ អំពីគុណតម្លៃនៃសុខសន្តិភាព និងស្ថិរភាពជាតិ ការខិតខំអភិវឌ្ឍសេដ្ឋកិច្ច និងសង្គម កិច្ចខិតខំប្រឹងប្រែងបង្ការទប់ស្កាត់ និងប្រយុទ្ធប្រឆាំងជំងឺកូវីដ-១៩ ពិសេសការចាក់វ៉ាក់សាំងប្រកបដោយជោគជ័យ ដែលសមិទ្ធផលទាំងអស់នេះកើតចេញពីកម្លាំងសាមគ្គីភាពរបស់ថ្នាក់ដឹកនាំ និងសកម្មជនគណបក្សគ្រប់លំដាប់ថ្នាក់ជាមួយរាជរដ្ឋាភិបាល ទាំងការបំពេញការងារស្នូលក្នុងនាមជាមន្រ្តីរាជការសាធារណៈ និងការបំពេញការងារក្នុងក្របខ័ណ្ឌគណបក្សដើម្បីបម្រើជាតិ និងបម្រើប្រជាជន។

ឯកឧត្តមនាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង បានដាក់បទបញ្ជាយ៉ាងដាច់ណាត់ឱ្យមេបញ្ជាការ មេបញ្ជាការរង នាយទាហានបង្គោលទាំងអស់ត្រូវយកចិត្តទុកដាក់ខ្ពស់និងពង្រឹងបន្ថែមទៀត លើកិច្ចការងារ ការពារសន្តិសុខ សវត្ថិភាព ជូនថ្នាក់ដឹកនាំកំពូលរបស់ជាតិ-អន្តរជាតិ ពិសេសនោះគឺការពារសន្តិសុខ សុវត្ថិភាពជូនសម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ឱ្យបាន១០០%ទោះក្នុងតម្លៃណាក៏ដោយ។

ឯកឧត្តម បណ្ឌិត ហ៊ុន ម៉ាណែត បានមានប្រសាសន៍បញ្ជាក់ថា គោលការណ៍របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺខិតខំប្រឹងប្រែងធ្វើយ៉ាងណាលើកតម្កើងមោទនភាពជាតិខ្មែរ តាមរយៈការជួយកសាងពង្រឹងសមត្ថភាពរបស់ប្រជាពលរដ្ឋ ដើម្បីមានលទ្ធភាពអាចចូលរួមប្រកួតប្រជែងដោយស្មើមុខស្មើមាត់នៅលើឆាកអន្តរជាតិ។ ទន្ទឹមនឹងនេះ កម្ពុជាក៏នឹងបន្តពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការជិតស្និទ្ធជាមួយគ្រប់បណ្តាប្រទេសជាមិត្តនៅទូទាំងសាកលលោក ដើម្បីស្វែងរកឱកាសបន្ថែមទៀតក្នុងការពង្រឹងភាពប្រកួតប្រជែងរបស់កម្ពុជា និងការទាញយកផលប្រយោជន៍ពីដំណើរការសេដ្ឋកិច្ចទីផ្សារសេរីនៅក្នុងចរន្តសាកលភាវូបនីយកម្ម និងការអភិវឌ្ឍសម្រាប់រយៈពេលវែងទៅមុខ។