ភ្នំពេញ៖ អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានគូសបញ្ជាក់ឱ្យដឹងថា សេចក្តីថ្លែងការណ៍របស់សហមេធាវី កឹម សុខា ស្តីពី «ការរំលោភសិទ្ធិទទួលបានជំនួយមេធាវីរបស់ឯកឧត្តម កឹម សុខា ដោយបានលើកឡើងថា មានការរារាំង និងមិនអនុញ្ញាតឱ្យសហមេធាវីចូលជួបពិគ្រោះយោបល់ច្បាប់ជាមួយកូនក្តី ដែលនាំឱ្យសហមេធាវី មិនអាចអនុវត្តសិទ្ធិបំពេញកាតព្វកិច្ច និងទំនួលខុសត្រូវចំពោះកូនក្តីបាន» ជាការលើកឡើងប្រាសចាកពីការពិត និងធ្វើឱ្យមានការភ័ន្តច្រឡំពីសាធារណជន។ នេះបើយោងតាមសេចក្តីប្រកាសព័ត៌មានរបស់អយ្យការអមសាលាដំបូងរាជធានីភ្នំពេញ នៅថ្ងៃទី១៥ ខែមីនា ឆ្នាំ២០២៣។ អ្នកនាំពាក្យនៃអយ្យការអមសាលាដំបូងរាជធានីភ្នំពេញ បានឱ្យដឹងទៀតថា នៅថ្ងៃទី១៤ ខែមីនា ឆ្នាំ២០២៣ សហមេធាវីការពារសិទ្ធិឱ្យពិរុទ្ធជន កឹម សុខា បានធ្វើសេចក្តី ថ្លែងការណ៍ស្តីពី “ការរំលោភសិទ្ធិទទួលបានជំនួយមេធាវីរបស់ឯកឧត្តម កឹម សុខា ដោយបានលើកឡើងថា មានការរារាំង និងមិនអនុញ្ញាតឱ្យសហមេធាវីចូលជួបពិគ្រោះយោបល់ច្បាប់ជាមួយកូនក្តី ដែលនាំឱ្យសហមេធាវី មិនអាចអនុវត្តសិទ្ធិបំពេញកាតព្វកិច្ច និងទំនួលខុសត្រូវចំពោះកូនក្តីបាន។ អ្នកនាំពាក្យនៃអយ្យការអមសាលាដំបូងរាជធានីភ្នំពេញ សូមជម្រាបជូនថា៖ រហូតមកដល់ពេលនេះ តំណាងអយ្យការមិនទាន់បានទទួលសំណើណាមួយ របស់សហមេធាវីការពារសិទ្ធិដើម្បីសុំជួបពិរុទ្ធជន កឹម សុខា ទេ ។ ម្យ៉ាងទៀត សេចក្តីថ្លែងការណ៍របស់សហមេធាវីការពារសិទ្ធិឱ្យពិរុទ្ធជនខាងលើ ជាការលើកឡើងប្រាសចាក ពីការពិត និងធ្វើឱ្យមានការភ័ន្តច្រឡំពីសាធារណជន…

ភ្នំពេញ៖ ឯកឧត្តម ហ៊ុន ម៉ានី បានមានការហួសចិត្ត និងសោកស្តាយចំពោះក្រុមជនខិលខូចដែលបន្លំចូលកាន់កាប់ដោយទុចរិតលើទំព័រផ្លូវការរបស់យុទ្ធនាការ #beyondthegames។ ដោយឯកឧត្តមបានចោទសួរថា តើអ្នកដែលចូលទៅកាន់ទំព័រនោះមានបំណងអ្វី? តើជាចេតនាចង់បំផ្លាញកម្មវិធីនេះ?។ ឯកឧត្តម ហ៊ុន ម៉ានី បានសរសេរនៅលើបណ្តាញសង្គមហ្វេសប៊ុកនៅថ្ងៃទី១៥ ខែមីនានេះថា “ខ្ញុំពិតជាមានការហួសចិត្ត និងសោកស្តាយយ៉ាងខ្លាំង ដែលថ្មីៗទំព័រផ្លូវការរបស់យុទ្ធនាការ #beyondthegames ត្រូវបានជនខិលខូចបន្លំចូលកាន់កាប់ដោយទុចរិត។ ពួកយើងខិតខំណាស់ក្នុងការរៀបចំយុទ្ធនាការមួយនេះឡើងដើម្បីបង្ហាញពីសេចក្តីស្រលាញ់ និងបង្ហាញមោទកភាពរបស់យើងទាំងអស់គ្នា ក្នុងនាមជាខ្មែរ ដែលនឹងត្រូវធ្វើជាម្ចាស់ផ្ទះនៃព្រឹត្តិការណ៍កីឡារបស់អាស៊ាននេះ។ ពិសេសជាងនេះទៅទៀត ចលនាមួយនេះ ក៏មានគោលបំណងលើកស្ទួយដល់វិស័យកីឡាជនដែលមានពិការភាព តាមរយៈកម្មវិធី «បេះដូងច្រើនជាងគេលើពិភពលោក» ដើម្បីស្វែងរកថវិកាជួយគាំទ្រដល់ពួកគាត់”។ ឯកឧត្តម ហ៊ុន ម៉ានី បានបន្តទៀតថា ឯកឧត្តមនៅឆ្ងល់ថា តើអ្នកដែលចូលទៅកាន់ទំព័រនោះមានបំណងអ្វី? តើជាចេតនាចង់បំផ្លាញកម្មវិធីនេះ? ឬក៏ចង់ប្រឆាំងនឹងបំណង និងឆន្ទៈរបស់បងប្អូនប្រជាពលរដ្ឋជាច្រើននាក់នៅទូទាំងប្រទេស និងជុំវិញសកលលោកដែលបាន និងកំពុងចូលរួមក្នុងយុទ្ធនាការនេះ?៕ដោយ៖ពលជ័យ

ភ្នំពេញ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានបញ្ជាក់ថា អនុលោមតាមរដ្ឋធម្មនុញ្ញ គោលការណ៍ច្បាប់ និងនយោបាយការពារជាតិរបស់ព្រះរាជាណាចក្រកម្ពុជា គឺកងយោធពលខេមរភូមិន្ទ ក្នុងនាមជាកម្លាំងរបស់ជាតិ និងប្រជាជន មានកាតព្វកិច្ចរក្សាភាពស្មោះត្រង់ចំពោះជាតិ សាសនា ព្រះមហាក្សត្រ និងមានភាពដាច់ខាតក្នុងការធានាការពាររដ្ឋធម្មនុញ្ញ និងរាជរដ្ឋាភិបាលស្របច្បាប់ និងបន្តប្រុងប្រៀបត្រៀមលក្ខណៈធានាអនុវត្តយ៉ាងម៉ឺងម៉ាត់នូវបទបញ្ជារបស់រាជរដ្ឋាភិបាល ក្រសួងការពារជាតិ និងអគ្គបញ្ជាការដ្ឋាន ដើម្បីធានាការពារសន្តិភាព និរន្តរភាព និងផលប្រយោជន៍ដ៏ខ្ពង់ខ្ពស់របស់ជាតិ។ ការបញ្ជាក់នេះ បានធ្វើឡើងក្នុងពិធីប្រកាសតែងតាំងផ្លាស់ប្តូរមុខតំណែង បំពាក់ឋានន្តរស័ក្តិជូននាយទាហាន នៃកងយោធពលខេមរភូមិន្ទ និងសម្ពោធសមិទ្ធផលនានា នៅសាលាពលទាហានទី៥ យោធភូមិភាគទី៥ កងទ័ពជើងគោក នៅខេត្តបាត់ដំបង កាលពីថ្ងៃទី១៤ ខែមីនា ឆ្នាំ២០២៣។ ឯកឧត្តម ឧត្តមសេនីយ៍ឯក ហ៊ុន ម៉ាណែត បានបញ្ជាកក់ទៀតថា ការហ្វឹកហ្វឺន គឺជាមធ្យោបាយគន្លឹះនៃការធានាសមត្ថភាពកងទ័ព និងនិរន្តភាពនៃកិច្ចការពារជាតិ។ ក្នុងន័យនេះ សាលាហ្វឹកហ្វឺន គឺជាកន្លែងដ៏មានសារៈសំខាន់សម្រាប់បណ្តុះបណ្តាលយោធិននៃកងយោធពលខេមរភូមិន្ទឱ្យមានឆន្ទៈស្មោះត្រង់មោះមុតដាច់ខាត ស្មារតីប្រយុទ្ធរឹងមាំ ទឹកចិត្តតស៊ូក្លាហាន និងប្រកបដោយជំនាញច្បាស់លាស់ តាមរយៈការអភិរក្សផ្នែកស្មារតី និងការធ្វើទំនើបកម្មផ្នែកសម្ភារ ដើម្បីបម្រើឱ្យបុព្វហេតុការពារជាតិ…

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានផ្តល់ជាយោបល់ផ្នែកច្បាប់ខ្លះ ឆ្លើយតបទៅនឹងសេចក្តីថ្លែងការណ៍របស់មេធាវី លោក កឹម សុខា៖១.បើគ្រាន់តែសុំការអនុញ្ញាតពីព្រះរាជអាជ្ញាបន្តិចទៅ ដូចជាមិនទាស់ខុសអីទេ ព្រោះវាតម្រូវដោយលក្ខខណ្ឌកំណត់ក្នុងសាលក្រមតុលាការ ដែលមានអំណាចតាមផ្លូវច្បាប់។ ប្រសិនបើព្រះរាជអាជ្ញាមិនអនុញ្ញាត នោះទើបជាការរំលោភបំពានសិទ្ធិមេធាវីក្នុងការជួបជាមួយកូនក្តី។២.សូម្បីតែចូលជួបកូនក្តីខ្លួនក្នុងពន្ធធនាគារ ក៏ត្រូវតែសុំការអនុញ្ញាតពីអ្នកគ្រប់គ្រងពន្ធនាគារដែរ។៣.ដូច្នេះ ប្រសិនបើមានចេតនាជួបជាមួយកូនក្តីពិតប្រាកដមែន គ្រាន់តែស្នើសុំបន្តិចទៅ ដូចជាមិនអីទេ លើកលែងតែមានចេតនាផ្សេងពីនេះ៕ដោយ៖ពលជ័យ

ភ្នំពេញ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានចំអកឱ្យជនក្បត់ជាតិបីជំនាន់ថា វាជាការគួរឱ្យអស់សំណើចមួយ ដែលលោក សម រង្សី ចូលចិត្តមើលងាយក្មេង ប៉ុន្តែគាត់អត់មានសមត្ថភាពក្នុងការយល់នូវខ្លឹមសារនៃសំបុត្រដ៏សាមញ្ញមួយដែលលោក (ហ៊ុន ម៉ាណែត) សរសេរទៅឪពុករបស់លោកកាលពី៣០ឆ្នាំមុន ដើម្បីសុំការអនុញ្ញាតិពីគាត់ដាក់ពាក្យចូលរៀននៅសាលាបណ្ឌិតសភាយោធាសហរដ្ឋអាមេរិកនៅ West Point មកធ្វើជាកម្មវត្ថុដើម្បីមើលងាយលោក ទាំងខ្លួនគាត់អត់យល់ពីអត្ថន័យនៃសំបុត្រនោះផង។ ឯកឧត្តម ឧត្តមសេនីយ៍ឯក ហ៊ុន ម៉ាណែត បានសរសេរនៅលើបណ្តាញសង្គមហ្វេសប៊ុកនៅព្រឹកថ្ងៃទី១៥ ខែមីនានេះថា វាជារឿងច្រំដែលពេកហើយ ដែលលោក សម រង្សី ដែលជាមនុស្សចាស់អាយុជាង៧០ឆ្នាំម្នាក់ ដែលតាំងខ្លួនជាអ្នកនយោបាយជើងចាស់ និងអួតថារៀនបានជ្រៅជ្រះនៅសាលាល្បីនៅក្រៅប្រទេស ប៉ុន្តែចូលចិត្តតែមើលងាយគេផ្សេងរួមទាំងក្មេងជំនាន់ក្រោយផងនោះ ដោយខ្លួនគាត់មិនទាំងមានមូលដ្ឋានច្បាស់លាស់ផង។ ជាក់ស្តែងដូចជាការលើកយកករណីសំបុត្រដែលខ្ញុំសរសេរទៅឪពុករបស់ខ្ញុំកាលពី៣០ឆ្នាំមុន (ពេលនោះខ្ញុំមានអាយុ១៦ឆ្នាំ) ដើម្បីសុំការអនុញ្ញាតិពីគាត់ដាក់ពាក្យចូលរៀននៅសាលាបណ្ឌិតសភាយោធាសហរដ្ឋអាមេរិកនៅ West Point មកធ្វើជាកម្មវត្ថុដើម្បីមើលងាយខ្ញុំ ទាំងខ្លួនគាត់អត់យល់ពីអត្ថន័យនៃសំបុត្រនោះផង។ ឯកឧត្តម ឧត្តមសេនីយ៍ឯក ហ៊ុន ម៉ាណែត បានចំអកឱ្យជនក្បត់ជាតិបីជំនាន់ សម រង្ស៊ី ថា វាជាការគួរឱ្យអស់សំណើចមួយដែលលោក សម…

ភ្នំពេញ៖ ឯកឧត្តម ចាស្ទីន ខេវិន វីយ៉ាត (Justin Kevin Whyatt) ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសអូស្រ្តាលីប្រចាំកម្ពុជា បានបញ្ជាក់ថា អូស្រ្តាលី នឹងបន្តការគាំទ្រពង្រឹងកិច្ចសហប្រតិបត្តិការជាមួយកម្ពុជានៅលើវិស័យជាច្រើនទៀត មានវិស័យសុខាភិបាល សេដ្ឋកិច្ច សន្តិសុខ ការប្រយុទ្ធប្រឆំាងអំពើភេរវកម្ម សិទ្ធិមនុស្ស និងដំណើរការលទ្ធិប្រជាធិបតេយ្យជាដើម។ កម្ពុជា-អូស្រ្តាលី បានភ្ជាប់ទំនាក់ទំនងការទូតជាមួយគ្នា ជាយូរយារណាស់មកហើយ គឺតាំងពីឆ្នាំ១៩៥២។ ទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ កាន់តែត្រូវបានលើកកម្ពស់យ៉ាងជិតស្និទ្ធ និងរីកចម្រើនស្ទើរគ្រប់វិស័យ។ ការបញ្ជាក់នេះ បានធ្វើឡើងនៅក្នុងជំនួបសម្តែងការគួរសមជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា នៅព្រឹកថ្ងៃទី១៥ ខែមីនា ឆ្នាំ២០២៣ នៅវិមានរដ្ឋសភា។ ឯកឧត្តម ចាស្ទីន ខេវិន វីយ៉ាត បានអបអរសាទរចំពោះការរីកចម្រើនរបស់កម្ពុជា និងការគ្រប់គ្រងជំងឺកូវីដ-១៩ ប្រកបដោយជោគជ័យ។ ឯកឧត្តម ក៏បានអបអរសាទររដ្ឋសភាកម្ពុជា នៅក្នុងការរៀបចំមហាសន្និបាតអន្តរសភាអាស៊ាន (AIPA) នាពេលកន្លងមក។ ជាពិសេសដំណើរទស្សនកិច្ចរបស់សម្តេចទៅកាន់ប្រទេសអូស្រា្តលីកាលពីឆ្នាំ២០២០ ក្នុងការចូលរួមវេទិកាសភា APPF។ ជាមួយគ្នានេះ សម្តេចប្រធានរដ្ឋសភា បានសូមស្វាគមន៍…

ភ្នំពេញ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានបញ្ជាក់ថា សូមជឿជាក់មកលើរាជរដ្ឋាភិបាល ក្រសួងការពារជាតិ អគ្គបញ្ជាការដ្ឋាន និងបញ្ជាការដ្ឋានកងទ័ពជើងគោក ក្នុងការប្តេជ្ញាការពារជាតិ សាសនា ព្រះមហាក្សត្រ និងប្រជាជន ព្រមទាំងរួមគ្នាការពារសុខសន្តិភាព ស្ថិរភាព សន្តិសុខ និងសណ្តាប់ធ្នាប់សាធារណៈ ជាពិសេសក្នុងអំឡុងពេលព្រឹត្តិការណ៍សំខាន់ៗក្នុងឆ្នាំ២០២៣នេះ ជាអាទិ៍៖ ព្រឹត្តិការណ៍កីទ្បាស៊ីហ្គេម និងប៉ារ៉ាហ្គេម ដែលជាឱកាសនាំមកនូវមោទកភាពជាតិក្នុងនាមកម្ពុជាជាម្ចាស់ផ្ទះ និងការលើកស្ទួយកិត្យានុភាពកម្ពុជាលើឆាកអន្តរជាតិ ទាំងកម្រិតតំបន់ និងសាកលលោក ព្រមទាំងដំណើរការនៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខ ជាមួយនឹងការធានាថា ព្រឹត្តិការណ៍ជាលក្ខណៈប្រវត្តិសាស្ត្រដ៏សំខាន់ទាំងអស់នេះ អាចប្រព្រឹត្តទៅបានក្នុងបរិយាកាសសន្តិភាព ស្ថិរភាព និងសន្តិសុខពេញលេញ។ ការបញ្ជាក់នេះ បានធ្វើឡើងក្នុងពិធីសមោ្ពធសមិទ្ធផលនានារបស់កងពលតូចថ្មើរជើងលេខ៥២ និងកងឯកភាពចំណុះ នៅខេត្តបាត់ដំបង កាលពីថ្ងៃទី១៤ ខែមីនា ឆ្នាំ២០២៣។ មេបញ្ជាការកងទ័ពជើងគោក បានបន្តថា ក្នុងរយៈកាលកន្លងមកនេះ សន្តិភាព ស្ថិរភាពនយោបាយ និងម៉ាក្រូសេដ្ឋកិច្ច ក៏ដូចជាសន្តិសុខសាធារណៈ ដែលជាមូលដ្ឋានគ្រឹះសម្រាប់ការអភិវឌ្ឍ…

ភ្នំពេញ៖ ប្រមុខការពារជាតិ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានហៅការផ្សាយព័ត៌មានរបស់សារព័ត៌មានក្រៅប្រទេសមួយចំនួនតូច គឺជាការញុះញង់ មួលបង្កាច់ បំភិតបំភ័យ ដើម្បីកុំឱ្យកម្ពុជាបានសុខសន្តិភាព កុំឱ្យមានការរីកចម្រើន ហើយរកវិធីគ្រប់សព្វបែបយ៉ាងដើម្បីបំផ្លាញកម្ពុជា។ ទោះបីជាយ៉ាងណាក៏ដោយ ធាតុពិតជាក់ស្តែងប្រជាពលរដ្ឋកម្ពុជាបានដឹង និងបានស្គាល់មុខមាត់ដ៏អាក្រក់របស់ពួកគេរួចជាស្រេចទៅហើយ។ សម្តេចពិជ័យសេនា ទៀ បាញ់ បានមានប្រសាសន៍ថ្លែងប្រាប់ AMS ថា សម្តេចមិនចាប់អារម្មណ៍ចំពោះការផ្សាយព័ត៌មានមិនពិត ញុះញង់ មួលបង្កាច់របស់សារព័ត៌មានមួយចំនួននៅក្រៅស្រុកនោះទេ។ សារព័ត៌មាននៅក្រៅស្រុកទាំងនោះតែងតែធ្វើជាបន្តបន្ទាប់មិនថាកាលពីពេលថ្មីៗនេះទេ គឺធ្វើតាំងពីយូរមកហើយ គ្មានបានការទេ។ រដ្ឋមន្ត្រីក្រសួងការពារជាតិបានមានប្រសាសន៍បញ្ជាក់យ៉ាងដូច្នេះថា “វាតែងតែបំភិតបំភ័យ មួលបង្កាច់ ញុះញង់ ធ្វើម៉េចកុំឲ្យយើងមានសុខស្រួល កុំឱ្យមានការការរីកចម្រើន វាចេះតែរកវិធី វាចេះតែរកគ្រប់វិធីទាំងអស់ដើម្បីបំផ្លាញរារាំងកុំឱ្យមានការអភិវឌ្ឍនព្រះរាជាណាចក្រកម្ពុជារបស់យើង គឺវាតែងតែធ្វើរបៀបនឹងជាបន្តបន្ទាប់។ ធាតុពិតជាក់ស្តែងប្រជាជាតិយើង ប្រជាជនយើងបានដឹងបានស្គាល់មុខមាត់ដ៏អាក្រក់របស់វារួចជាស្រេចទៅហើយ”។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានប្រកាសប្រឆាំងដាច់ខាតចំពោះគេហទំព័រហ្វេសប៊ុកឈ្មោះ Sam Rainsy ចុះថ្ងៃទី០៧ ខែមីនា ឆ្នាំ២០២៣ និងថ្ងៃទី១០ ខែមីនា ឆ្នាំ២០២៣ ដែលបានចុះខ្លឹមសារមានការញុះញង់បំបែកបំបាក់ជាតិ។…

ភ្នំពេញ៖ លោក មួង សូនី ប្រធានក្រុមការងារ១០០រាត្រី និងជាអ្នកសម្របសម្រួលអង្គការ១៨ស្ថាប័ន ឬហៅថាយុវជនស្នាក់ការកណ្តាលសង្គមស៊ីវិល បានហៅការផ្សាយរបស់វិទ្យុអាស៊ីសេរី គឺជាការមិនពិត មានលក្ខណៈញុះញង់ បំបែកបំបាក់ លាបពណ៌ គឺក្នុងគោលបំណងដើម្បីធ្វើយ៉ាងណាកុំឱ្យយុវជនដទៃទៀតដែលកំពុងតែងប់ងុលជាមួយគណបក្សប្រឆាំង កុំឱ្យមកចូលរួមជាមួយរាជរដ្ឋាភិបាលតែប៉ុណ្ណោះ។ ឆ្លើយតបទៅនឹងការចោទប្រកាន់គ្មានការពិតរបស់វិទ្យុអាស៊ីសេរី លោក មួង សូនី បានថ្លែងនៅថ្ងៃទី១៣ ខែមីនានេះថា វិទ្យុអាស៊ីសេរី ម្តងជាពីរដង និងជាច្រើនដងមកហើយ ដែលវិទ្យុនេះបានបន្តឃោសនាបែបញុះញង់ មានលក្ខណៈបំបែកបំបាក់ ចោទប្រកាន់ និងធ្វើឱ្យមហាជនមើលឃើញថា ក្រុមយុវជនរបស់លោកជាយុវជនអាក្រក់ ដែលទៅចូលរួមជាមួយរាជរដ្ឋាភិបាល ដែលគាត់ខិតខំឃោសនាក្នុងគោលដៅ គឺដើម្បីធ្វើយ៉ាងណាកុំឱ្យយុវជនដទៃទៀតដែលកំពុងតែងប់ងុលជ្រុលនិយមជាមួយគណបក្សលោកសម រង្ស៊ី កុំឱ្យមកចូលរួមជាមួយរាជរដ្ឋាភិបាលបន្តទៀត ហើយនេះជាគោលដៅរបស់គេធំណាស់។ អ្នកសម្របសម្រួលអង្គការ១៨ស្ថាប័ន បានបន្តថា វាជារឿងធម្មតាទេ ដែលវិទ្យុអាស៊ីសេរី ខិតខំផ្សាយព័ត៌មានមិនពិត ញុះញង់ បំបែកបំបាក់ ក៏ប៉ុន្តែក្នុងន័យនេះ យើងមានតែធ្វើការអំពាវនាវសុំឱ្យវិទ្យុនេះប្តូរឥរិយាបថ ប្តូរការឃោសនារបស់ខ្លួន សុំឱ្យមានធ្វើយ៉ាងណាឱ្យប្រទេសជាតិ និងយុវជនមានការរួបរួមគ្នាចៀសជាងការបំបែកបំបាក់ ចៀសជាងការមើលមុខគ្នាមិនចំ ដោយសារតែការឃោសនារបស់គាត់។ នេះជារឿងមួយដែលយើងគួរគិតពិចារណាទាំងអស់គ្នា ពីព្រោះថាបញ្ហានេះវាមានកន្លងមកហើយ ហើយវាអាចនឹងមានទៅជាជម្លោះហិង្សាថ្ងៃក្រោយ។ យើងអាចមើលឃើញថា ប្រសិនបើវិទ្យុនេះនៅបន្តញុះញង់បន្តទៀត។ ជាមួយគ្នានេះ លោក…

ភ្នំពេញ៖ គណៈប្រតិភូរដ្ឋសភាកម្ពុជា ដឹកនាំដោយលោកជំទាវកិត្តិសង្គហបណ្ឌិត ឃួន សុដារី អនុប្រធានទី២ នៃរដ្ឋសភា និងអមដំណើរដោយឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាន នៃរដ្ឋសភា ទីប្រឹក្សានិងមន្ត្រីជំនាញនៃរដ្ឋសភា និងមន្ត្រីទូតមកពីស្ថានអគ្គរាជទូតកម្ពុជាប្រចាំសាធារណរដ្ឋអាស៊ែបៃហ្សង់ បានចូលរួម «វេទិកាបាគូសកល លើកទី១០» (X Global Baku Forum) ក្រោមមូលបទ «ពិភពលោកពេលនេះ៖ បញ្ហាប្រឈម និងក្តីសង្ឃឹម» ពីថ្ងៃទី៧ ដល់ថ្ងៃទី១២ ខែមីនា ឆ្នាំ២០២៣ នៅទីក្រុងបាគូ សាធារណរដ្ឋអាស៊ែបៃហ្សង់ ដែលរៀបចំដោយ មជ្ឈមណ្ឌលអន្តរជាតិនីហ្សាមី ហ្គាន់ចាវី (Nizami Ganjavi International Center-NGIC) និងមានការចូលរួមពីប្រមុខរដ្ឋ ប្រមុខរដ្ឋាភិបាល អតីតថ្នាក់ដឹកនាំ និងម្ចាស់ពានរង្វាន់សន្តិភាពណូបែល រួមទាំងតំណាងជាន់ខ្ពស់រដ្ឋាភិបាល សភា អង្គការអន្តរជាតិ និងសង្គមស៊ីវិល ប្រមាណជាង ៣៥០រូប មកពីប្រទេសជាង៦០។ នៅក្នុងឱកាសនៃការចូលរួមវេទិកានេះ លោកជំទាវកិត្តិសង្គហបណ្ឌិត…