សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានមានប្រសាសន៍បញ្ជាក់ថា នៅខែវិច្ឆិកា ឆ្នាំ២០២២នេះ រដ្ឋសភា និងរាជរដ្ឋាភិបាលកម្ពុជា ក្នុងឋានៈជាប្រធានប្តូរវេន នឹងរៀបចំមហាសន្និបាតអាយប៉ា និងជំនួបកំពូលអាស៊ាន។ កម្ពុជាជឿជាក់ថា ប្រទេសឡាវនឹងមានវត្តមាននៅក្នុងមហាសន្និបាតនិងជំនួបដ៏សំខាន់នោះ។ សម្តេចអគ្គមហាពញាចក្រី ហេង សំរិន បានគូសបញ្ជាក់ថា រដ្ឋសភា និងរដ្ឋាភិបាលឡាវនឹងបន្តគាំទ្រតួនាទីលើឆាកអន្តរជាតិដ៏មានសារៈសំខាន់នេះរបស់រដ្ឋសភា និងរាជរដ្ឋាភិបាលកម្ពុជា ដើម្បីនាំមកនូវជោគជ័យ និងវិបុលភាព ប្រជាជាតិទាំងពីរ និងតំបន់អាស៊ានទាំងមូលផងដែរ។

រដ្ឋសភានៃព្រះរាជាណាចក្រកម្ពុជាបានសម្ដែងនូវការខកចិត្តជាខ្លាំងចំពោះសេចក្តីសម្រេចរបស់សភាអឺរ៉ុប “ស្ដីពីការបង្ក្រាបជាបន្តបន្ទាប់ទៅលើក្រុមអ្នកនយោបាយប្រឆាំងនៅកម្ពុជា” ដែលបានអនុម័តកាលពីថ្ងៃទី០៥ ខែឧសភា ឆ្នាំ២០២២ និងបានប្រកាសច្រានចោលសេចក្តីសម្រេចនេះទាំងស្រុង និងបានហៅសេចក្តីសម្រេចនេះ ជាការបំភ្លៃ ការលំអៀង មានចរិតនយោបាយ ប្រកាន់ភាគីម្ខាងៗ និងខ្វះការគោរពដល់រដ្ឋអធិបតេយ្យ។ សេចក្តីសម្រេចនេះ និងសេចក្តីសម្រេចមុនៗដែលពាក់ព័ន្ធនឹងកម្ពុជា មានចេតនាមើលរំលងវឌ្ឍនភាពនៃកំណែទម្រង់លើផ្នែកសិទ្ធិមនុស្ស លទ្ធិប្រជាធិបតេយ្យក្នុងប្រទេសទាំងស្រុង។

ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជាបាន បញ្ជាក់ថា កិច្ចប្រជុំកំពូលអាស៊ាន-អាម៉េរិកនៅថ្ងៃទី១២-១៣ ខែឧសភា ឆ្នាំ២០២២ ពិតជាមានសារៈសំខាន់ ដែលបង្ហាញពីការប្តេជ្ញាចិត្តរបស់សហរដ្ឋអាម៉េរិក ក្នុងការលើកកម្ពស់ភាពជាដៃគូរវាងសហរដ្ឋអាម៉េរិកនិងអាស៊ាន។ កិច្ចប្រជុំនេះ គឺជាវេទិកាដ៏មានសារៈសំខាន់មួយដែលអាស៊ានចាំបាច់ត្រូវយកឱកាសនេះ បង្ហាញនូវជំហររបស់ខ្លួនឱ្យបានច្បាស់លាស់ចំពោះការប្រកួតប្រជែងខាងភូមិសាស្ត្រនយោបាយ នៃមហាយក្សទាំងអស់។

ក្រសួងការបរទេសកម្ពុជាបានប្រកាសនៅព្រលប់ថ្ងៃទី០៩ ខែឧសភានេះ ឲ្យដឹងថា តបតាមការអញ្ជើញរបស់ ឯកឧត្តម ចូ បៃដិន ប្រធានាធិបតីសហរដ្ឋអាមេរិក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ នឹងដឹកនាំគណៈប្រតិភូជាន់ខ្ពស់អញ្ជើញទៅចូលរួម និងជាសហប្រធាននៃកិច្ចប្រជុំកំពូលពិសេសអាស៊ាន-សហរដ្ឋអាមេរិក ដើម្បីរំព្ញកខួបអនុស្សាវរីយ៍លើកទី៤៥ នៃទំនាក់ទំនងដៃគូសន្ទនាអាស៊ាន-សហរដ្ឋអាមេរិក នៅរដ្ឋធានីវ៉ាស៊ីនតោនឌីស៊ី នៅថ្ងៃទី១២-១៣ ខែឧសភា ឆ្នាំ២០២២។

ឯកឧត្តម តឹករ៉េត សំរេច បានបញ្ជាក់ថា ការសម្រេចជ្រើសរើសគណបក្សនយោបាយបានត្រឹមត្រូវ គឺជាកត្តាកំណត់ជោគវាសនារបស់យើងទាំងអស់គ្នា និងជាតិមាតុភូមិយើង។ ជាមួយនឹងថ្នាក់ដឹកនាំល្អ គោលនយោបាយច្បាស់លាស់តម្កល់ឧត្តមប្រយោជន៍ជាតិជាធំ មានបទពិសោធន៍ដឹកនាំជាតិ ឱ្យរីកចម្រើន ជឿនលឿន និងរចនាសម្ព័ន្ធផ្សារភ្ជាប់ជាមួយប្រជាពលរដ្ឋនៅទូទាំងប្រទស គណបក្សប្រជាជនកម្ពុជា គឺជាជម្រើសល្អបំផុត សម្រាប់យើងទាំងអស់គ្នា។ សូមបងប្អូនសមាជិក សមាជិកា ត្រៀមឯកសារ និងត្រៀមខ្លួន នាំគ្នាទៅបោះឆ្នោតគាំទ្រគណបក្សយើងទាំងអស់គ្នា៕

សម្តេចតេជោ​ ហ៊ុន​ សែន​ នាយករដ្ឋមន្ត្រី​ នៃព្រះរាជាណាចក្រកម្ពុជា បានបញ្ជាក់ថា​ ត្រកូលហ៊ុនគ្រប់ជំនាន់តាំងពីជីដូនជីតា ឪពុកម្តាយរបស់សម្តេច​ គឺមាន​ការ​ស្មោះត្រង់​ និងការពារចំពោះព្រះមហាក្សត្រចំពោះរាជបល្ល័ង្គ​ និងរបបរាជានិយម។​

តាមរយៈសារសំឡេងពិសេសផ្ញើជូនជនរួមជាតិ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាបានបញ្ជាក់ថា នៅថ្ងៃទី៧ ខែឧសភានេះ នៅកម្ពុជាពុំមានករណីឆ្លងជំងឺកូវីដនោះទេ។ សម្តេចបានអះអាងថា នេះគឺជាជោគជ័យដ៏ធំ ដែលយើងបានរួមគ្នាប្រយុទ្ធយកឈ្នះលើសមរភូមិនៃកូវីដ-១៩។ ប៉ុន្តែសម្តេចក៏នៅតែបន្តអំពាវនាវឱ្យប្រជាពលរដ្ឋយកចិត្តទុកដាក់ការពារខ្លួនតទៅមុខទៀត ជាមួយនឹងវិធានការសុខាភិបាល ដែលបានដាក់ចេញកន្លងមក។ បើទោះបីជាលើកលែងកាតព្វកិច្ចអំពីការពាក់ម៉ាស់ ក៏ប៉ុន្តែរាជរដ្ឋាភិបាលក៏នៅតែបន្តលើកទឹកចិត្តឱ្យមានការពាក់ម៉ាស់។

ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល បានបញ្ជាក់ថា សម្តេចតេជោ ហ៊ុន សែន ជាថ្នាក់ដឹកនាំដែលមានសមត្ថភាពលើសលប់ក្នុងការកាន់ចង្កូតដឹកនាំប្រទេសទាំង ក្នុងកាលៈទេសៈសង្គ្រាម និងសន្តិភាព ប្រកបដោយភាពម៉ឺងម៉ាត់ ហ្មត់ចត់ និងមានការទទួលខុសត្រូវខ្ពស់ ព្រមទាំងមានទឹកចិត្តចំហទូលំទូលាយក្នុងការទទួលនូវមតិយោបល់ពីគ្រប់មជ្ឈដ្ឋាន ប្រយោជន៍ក្នុងការសិក្សា ស្រាវជ្រាវ និងពិចារណាល្អិតល្អន់ប្រកបដោយហេតុផល។ មួយវិញទៀត សម្តេចតែងបានផ្តល់នូវការគាំទ្រគ្រប់បែបយ៉ាងសម្រាប់សកម្មភាពយុវជន សិស្ស-និស្សិត ក្នុងការងារសង្គម និងនយោបាយ សំដៅរួមចំណែកក្នុងការដុសខាត់កម្លាំងបន្តវេនឱ្យមានភាពមុតស្រួច ស័ក្តិសមជាសសរទ្រូង និងអនាគតដ៏រឹងមាំរបស់ប្រទេសជាតិ។