ភ្នំពេញ៖ អ្នកសារព័ត៌មាន អង្គភាពសារព័ត៌មាន សមាគមសារព័ត៌មាន បាននិងកំពុងប្រើប្រាស់ធម្មនុញ្ញវិជ្ជាជីវៈសារព័ត៌មានជាមូលដ្ឋានគ្រឹះរួមនៃក្រមសីលធម៌វិជ្ជាជីវៈសម្រាប់គាំទ្រដល់ការប្រកបសកម្មភាពអាជីពរបស់ខ្លួនប្រចាំថ្ងៃ។ នេះជាដំណើរឆ្ពោះទៅមុខក្នុងការប្រតិបត្តិធម្មនុញ្ញវិជ្ជាជីវៈសារព័ត៌មាន ក្រោយធម្មនុញ្ញនេះត្រូវបានប្រកាសដាក់ឱ្យអនុវត្តជាផ្លូវការរួច កាលពីថ្ងៃទី០៦ ខែសីហា ឆ្នាំ២០២៤។ នេះបើតាមការបញ្ជាក់របស់ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មាន កាលពីរសៀលថ្ងៃទី២៣ ខែកញ្ញា ឆ្នាំ២០២៤។ អ្នកនាំពាក្យក្រសួងព័ត៌មានបានបន្តថា កូនសៀវភៅធម្មនុញ្ញវិជ្ជាជីវៈសារព័ត៌មានសរុបចំនួន១,២០០ ក្បាលហើយ ត្រូវបានសមាគមសារព័ត៌មាន និងអ្នកសារព័ត៌មាន(ទាំងអាជីពនិងមិនមែនអាជីព) យកទៅប្រើប្រាស់ ដោយពួកគេបានដាក់តាមខ្លួនសម្រាប់ការងារប្រចាំថ្ងៃ។ មិនតែប៉ុណ្ណោះ ក្រោយថ្ងៃប្រកាសដាក់ឱ្យអនុវត្តធម្មនុញ្ញវិជ្ជាជីវៈសារព័ត៌មានរួចមក ក្រសួងព័ត៌មានបានទទួលសំណើសុំកូនសៀវភៅធម្មនុញ្ញវិជ្ជាជីវៈសារព័ត៌មានដើម្បីយកទៅប្រើប្រាស់ ពីអ្នកសារព័ត៌មាន អង្គភាពសារព័ត៌មាន និងសមាគមសារព័ត៌មាន ព្រមទាំងសំណើសុំពីអ្នកផលិតមាតិកាផងដែរ ជាបន្តបន្ទាប់។ មកទល់ពេលនេះចំនួនកូនសៀវភៅធម្មនុញ្ញដែលបានស្នើសុំ មានចំនួនសរុប ៨,០០០ ក្បាលហើយ ខណៈក្រសួងព័ត៌មានកំពុងបន្តទទួលបានការស្នើសុំជាបន្តបន្ទាប់ទៀត។ ក្រសួងព័ត៌មាននឹងរៀបចំការផ្តល់ជូននូវកូនសៀវភៅធម្មនុញ្ញ ដែលត្រូវបានស្នើសុំទាំងនេះ ក្នុងក្របខណ្ឌនៃការចែកជូនដោយឥតគិតថ្លៃ។ អ្នកនាំពាក្យរូបនេះបានបញ្ជាក់ទៀតថា កាយវិការរបស់អ្នកសារព័ត៌មាន អង្គភាពសារព័ត៌មាននិងសមាគមសារព័ត៌មាន ក៏ដូចជាអ្នកផលិតមាតិកាទាំងនេះ ជាការបញ្ជាក់ឱ្យឃើញកាន់តែច្បាស់បន្ថែមទៀត អំពីការទទួលយកនូវធម្មនុញ្ញវិជ្ជាជីវៈសារព័ត៌មាន សម្រាប់ការអនុវត្ត ដែលការណ៍នេះបានធ្វើឡើងដោយផ្អែកលើការឯកភាពនិងឆន្ទៈរួមរបស់តួអង្គនិងអ្នកពាក់ព័ន្ធក្នុងវិស័យព័ត៌មាននិងសោតទស្សន៍កម្ពុជា ក្នុងការប្រតិបត្តិធម្មនុញ្ញវិជ្ជាជីវៈសារព័ត៌មាន ដើម្បីគាំទ្រដល់គោលបំណងរួមគ្នាគឺពង្រឹងការគោរពសីលធម៌វិជ្ជាជីវៈ ធានាការលើកកម្ពស់សណ្តាប់ធ្នាប់ និងគុណតម្លៃវិជ្ជាជីវៈសារព័ត៌មាននៅកម្ពុជា។ ឯកឧត្តម ទេព អស្នារិទ្ធ…

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គស្តេចយាងជាព្រះរាជាធិបតីដ៏ខ្ពង់ខ្ពស់ក្នុងព្រះរាជពិធីសម្ពោធវិមានរដ្ឋធម្មនុញ្ញ នៅថ្ងៃទី២៤ ខែកញ្ញា ឆ្នាំ២០២៤ ស្ថិតនៅទីតាំងសួនច្បារខាងលិចវិមានឯករាជ្យ ក្នុងភូមិសាស្ត្រខណ្ឌដូនពេញ និងខណ្ឌបឹងកេងកង រាជធានីភ្នំពេញ។ ដើម្បីឱ្យព្រះរាជពិធីសម្ពោធខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ អាជ្ញាធរមានសមត្ថកិច្ចនឹងធ្វើការបញ្ចៀសចរាចរជាបណ្តោះអាសន្ន ចំពោះ យានយន្តគ្រប់ប្រភេទ នៅតំបន់ជុំវិញវិមានឯករាជ្យ កំណាត់មហាវិថីព្រះសុរាម្រឹត កំណាត់មហាវិថីព្រះសីហនុ (ពីស្តុបវត្តលង្កា រហូតដល់ស្តុបនាគបាញ់ទឹក) និងកំណាត់មហាវិថីព្រះនរោត្តម (ពីផ្លូវលេខ២៤០ រហូតដល់ រង្វង់មូលវិមានឯករាជ្យ និងពីរង្វង់មូលវិមានឯករាជ្យ រហូតដល់ផ្លូវលេខ២៩៤) ចាប់ពីវេលាម៉ោង ០៥:០០នាទីព្រឹករហូតដល់បញ្ចប់ព្រះរាជកម្មវិធី៕ដោយ៖ពលជ័យ

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានមានប្រសាសន៍បញ្ជាក់ថា ទោះកម្ពុជាបានបិទបញ្ចប់កិច្ចសហប្រតិបត្តិការអភិវឌ្ឍន៍ត្រីកោណ កម្ពុជា ឡាវ វៀតណាម (CLV DTA) ក្តីក៏រាជរដ្ឋាភិបាលខិតខំកសាង និងអភិវឌ្ឍន៍នៅតំបន់ភូមិភាគឦសានក៏ដូចជាការធានានូវកិច្ចការពារទឹកដី និងអធិបតេយ្យភាពរបស់ខ្លួនដដែល ដើម្បីឆ្លើយតបទៅនឹងការចង់បានរបស់ប្រជាពលរដ្ឋ ជាពិសេសពលរដ្ឋដែលកំពុងរស់នៅតំបន់ភូមិភាគ ឦសាននេះតែម្តង។ នេះបើយោងតាមសារសំឡេងពិសេសសម្តេចធិបតី ហ៊ុន ម៉ាណែត នៅថ្ងៃទី២៣ ខែកញ្ញា ឆ្នាំ២០២៣។ តាមរយៈសារសំឡេងសម្តេចធិបតីបានបញ្ជាក់បន្ថែមថា ការរៀបចំដំណើរទស្សនកិច្ចនៅខេត្តតំបន់ភូមិភាគឦសាននៅរាល់ចុងសប្តាហ៍ចន្លោះពីខែកញ្ញារហូតដល់ចុងឆ្នាំ២០២៤ គឺនៅបន្តរក្សាដដែល បើទោះបីជាពេល នេះកម្ពុជាបានបញ្ចប់កិច្ចសហប្រតិបត្តិការ CLV-DTAក្តី។ ការប្រកាសបន្តនូវយុទ្ធនការដឹកពលរដ្ឋដោយឥតគិតថ្លៃនេះគឺ ដើម្បីឱ្យបងប្អូនប្រជាពលរដ្ឋមានឱកាសបានទៅទស្សនាដោយផ្ទាល់នូវការអភិវឌ្ឍជាក់ស្តែងនៅតាមបណ្តោយព្រំដែនរបស់ប្រទេសកម្ពុជា។ សម្តេចធិបតីបញ្ជាក់ទៀតថា រហូតមកដល់ពេលនេះ ប្រជាពលរដ្ឋខ្មែរ ដែលបានចូលរួមបរិច្ចាគថវិកា ដោយស្ម័គ្រចិត្តចូលរួមជាមួយរាជរដ្ឋាភិបាលក្នុងកិច្ចការកសាងហេដ្ឋារចនាសម្ព័ន្ធតាមព្រំដែន គឺមានចំនួនរហូតដល់ជាង៧០ម៉ឺននាក់ ដោយទទួលថវិកាបានចំនួនជាង២១លានដុល្លារ ខណៈក្រុមការងារមូលនិធិនឹងត្រូវបិទបញ្ចប់លែងទទួលយកនៅថ្ងៃទី៣១ ខែតុលា ឆ្នាំ២០២៤ខាងមុខនេះ។ សម្តេចធិបតីនាយករដ្ឋមន្ត្រីបានថ្លែងអំណរគុណជាថ្មីម្តងទៀតចំពោះប្រជាពលរដ្ឋទាំងក្នុង និងក្រៅប្រទេសដែលបាននាំគ្នាបរិច្ចាគថវិកាដោយស្ម័គ្រចិត្តចូលរួមជាមួយរាជរដ្ឋាភិបាលផងដែរ។ សូមរំលឹកថា ដំណើរទស្សនកិច្ចនៅខេត្តតំបន់ភូមិភាគឦសាននៅរាល់ចុងសប្តាហ៍ចន្លោះពីខែកញ្ញារហូតដល់ចុងឆ្នាំ២០២៤ ក្រោមការផ្តួចផ្តើមរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ត្រូវបានបើកទូលាយសម្រាប់សាធារណជនទូទៅទាំងអស់ពីគ្រប់មជ្ឈដ្ឋានឱ្យចូលរួមដោយស្ម័គ្រចិត្ត ដោយឥតគិតថ្លៃ យត្រូវបំពេញព័ត៌មានងាយៗតាមការចុះឈ្មោះអនឡាញ និងដោយអនុវត្តគោលការណ៍៖…

ភ្នំពេញ៖នៅថ្ងៃទី២១ ខែកញ្ញា ឆ្នាំ២០២៤នេះ ប្រជាពលរដ្ឋកម្ពុជាបានធ្វើដំណើរទស្សនកិច្ចទៅកាន់ប៉ែកឦសាន តាមការរៀបចំនិង​សម្របសម្រួល​យ៉ាងរលូនដោយក្រុមការងារដែលដឹកនាំដោយឯកឧត្តម នេត្រ ភ​ក្ត្រា រដ្ឋមន្ត្រីក្រសួង​ព័ត៌មាន ព្រមទាំងមានការ​ចូលរួមពីថ្នាក់ដឹកនាំនៃអង្គភាពអ្នកនាំពាក្យរាជរដ្ឋាភិបាល រដ្ឋលេខាធិការដ្ឋានទទួលបន្ទុកកិច្ចការព្រំដែន ថ្នាក់ដឹកនាំខេត្តនិងអាជ្ញាធរ​ក្នុងភូមិសាស្ត្រខេត្តពាក់ព័ន្ធ ក៏ដូចជាមន្ត្រីជំនាញខាងព្រំដែនផងដែរ។ ក្បួនរថយន្តនៃដំណើរទស្សនកិច្ចបានចេញដំណើរ​ពីរាជធានី​ភ្នំពេញនៅម៉ោង ៥ព្រឹក ថ្ងៃសៅរ៍ទី២១កញ្ញានេះ ក្នុងតម្រាយផ្លូវដែលបានកំណត់រួចគឺ៖ ឆ្ពោះទៅកាន់ខេត្តត្បូងឃ្មុំ ខេត្តក្រចេះ និងខេត្តមណ្ឌលគិរី។ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មានបានបញ្ជាក់ឱ្យដឹងតាមរយៈសារអេឡិចត្រូនិកថា​ដូចដំណើរទស្សនកិច្ចមុនៗដែរ ជាដំបូងដំណើរទស្សនកិច្ចជើងទីបី នេះបានអញ្ជើញទៅដល់ទីតាំងទី១នៅវេលាម៉ោង៨ព្រឹក គឺទីតាំងភូមិអភិវឌ្ឍន៍អន្លង់ជ្រៃ ក្នុងស្រុកពញាក្រែក ខេត្តត្បូងឃ្មុំ។ នៅទីនោះ ដំណើរទស្សនកិច្ចបានពិនិត្យមើលឃើញដោយ​ផ្ទាល់អំពីជីវភាពរស់នៅល្អប្រសើររបស់ប្រជាជនក្នុងមូលដ្ឋាន ស្ថានភាពភូមិសាស្ត្រពិតជាក់ស្តែងក្នុងមូលដ្ឋាន ជាពិសេសគឺទីតាំង​បង្គោលព្រំដែនរវាងកម្ពុជា-វៀតណាមនៅក្នុងតំបន់ភូមិសាស្ត្រនេះ អមដោយការអត្ថាធិប្បាយពន្យល់យ៉ាងលម្អិតដោយថ្នាក់ដឹកនាំ​និងមន្ត្រីជំនាញ ពាក់ព័ន្ធនឹងការងារព្រំដែន ការងារបោះ​បង្គោល​​ខណ្ឌសីមាព្រំដែនគោក និងការថែរក្សាការពារអធិបតេយ្យភាពជាតិ បូរណភាពទឹកដីកម្ពុជា។ ឯកឧត្តមបន្តថា មិនតែប៉ុណ្ណោះ ប្រជាពលរដ្ឋដែលបានធ្វើដំណើរទស្សនកិច្ច ក៏បានស្វែងយល់ផងដែរអំពីស្ថានភាពពិតនៃសង្គម-សេដ្ឋកិច្ច និងវិស័យហេដ្ឋារចនាសម្ព័ន្ធក្នុងមូលដ្ឋានដែលមានការអភិវឌ្ឍជាក់ស្តែងយ៉ាងច្រើន និងជាបន្តបន្ទាប់។ក្រោយពី​បាន​ចុះពិនិត្យនិងបានទទួលព័ត៌មានពីស្ថានភាពពិតក្នុងតំបន់ភូមិសាស្ត្រខាងលើរួច ក្រុមទស្សនកិច្ចយើងបានបន្តដំណើរទៅកាន់​ទីតាំងសំខាន់ៗផ្សេងៗទៀតតាមផែនការដែលបានគ្រោងទុក ក្នុងភូមិសាស្ត្រខេត្តក្រចេះ និងខេត្តមណ្ឌលគិរីជាបន្តបន្ទាប់។ដំណើរទស្សនកិច្ចនឹងវិលត្រលប់មកកាន់រាជធានីភ្នំពេញវិញនាល្ងាចនៃសៅរ៍ដដែលនេះ។ ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តត្បូងឃ្មុំ ខេត្តក្រចេះ និងខេត្តមណ្ឌលគិរី នេះ អ្នកចូលរួមទាំងអស់មានឱកាស​អញ្ជើញ​ទៅពិនិត្យមើលដោយផ្ទាល់នូវបង្គោលព្រំដែននៅក្នុងទីតាំងចំនួន៧ ទីតាំង ដែលជាទីតាំងបង្គោលមេ ព្រមទាំងអញ្ជើញ​ទៅពិនិត្យ​មើលដោយផ្ទាល់នូវទីតាំងបង្គោលសំខាន់ៗផ្សេងៗទៀត…