ភ្នំពេញ៖ បណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ បានមានប្រសាសន៍ថា ការដែលកងកម្លាំងនគរបាលជាតិ អាជ្ញាធររដ្ឋបាលដែនដីគ្របលំដាប់ថ្នាក់ចេញមកចាត់វិធានការចំពោះក្រុមជនមួយក្តាប់តូចដែលញុះញង់បង្កឱ្យមានចលាចលក្នុងសង្គម គឺមិនមែនជាការគំរាមកំហែងទេ។ បើសិនជាការធ្វើបាតុកម្មដោយសន្តិវិធីស្របតាមច្បាប់ស្តីពីបាតុកម្មរបស់កម្ពុជា គឺមិនខុសទេ ហើយអាជ្ញាធរ ឬសមត្ថកិច្ចមានតែជួយសម្រួល។ អ្នកនាំពាក្យរងក្រសួងមហាផ្ទៃបានបញ្ជាក់ទៀតថា ចំពោះសកម្មភាពរបស់ជនមួយក្តាប់តូចពីក្រៅប្រទេស និងក្នុងប្រទេសមួយចំនួន គឺបានរៀបចំផែនការរបស់ខ្លួនបានយ៉ាងគត់មត់ រៀបចំសម្ភារៈ ឧបករណ៍បង្កគ្រោះថ្នាក់នានា ហើយនឹងសារញុះញង់ ឬក៏ជំរុញឱ្យមានការប្រើអំពើហិង្សានៅពេលដែលការប្រមូលផ្តុំនោះប៉ះទង្គិចជាមួយនឹងខាងសមត្ថកិច្ច ឬក៏អាជ្ញាធរ។ ទាំងអស់នេះ មិនមែនជាបាតុកម្មទេ គឺជាផែនការកុបកម្ម ហើយជាការយកលេសអំពីការធ្វើបាតុកម្មបម្លែងទៅជាបដិវត្តន៍ពណ៌ដើម្បីឈានទៅដល់ការផ្តួលរំលំរាជរដ្ឋាភិបាល។ គេធ្វើនេះ គឺយកលេសហេតុផល CLV មកធ្វើជាឈ្នាន់នយោបាយដើម្បីរុញស្ថានការណ៍ឱ្យទៅជាបដិវត្តន៍ពណ៌ផ្តួលរំលំរាជរដ្ឋាភិបាលស្របច្បាប់។ ដូច្នេះសមត្ថកិច្ចក្តី អាជ្ញាធរដែនដីក្តី ជាពិសេសក្រសួងមហាផ្ទៃមានតួនាទីភារកិច្ច កាតព្វកិច្ចនៅក្នុងការគ្រប់គ្រងសន្តិសុខជារួម ស្ថេរភាពសង្គម សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមទាំអមូល ការពារប្រឃជាពលរដ្ឋ ការពាររាជរដ្ឋាភិបាលស្របច្បាប់ ការពារកម្ពុជាទាំងមូលកុំឱ្យក្រឡាប់ចាក់ដោយសារតែជនឱកាសនិយមពីក្រៅប្រទេស ដែលធ្វើដើម្បីបំពេញមហច្ឆិតារបស់ខ្លួន មិនគិតគូររបស់អ្នកដែលភ័ន្តច្រឡំចូលរួមជាមួយខ្លួន មិនគិតគូរអំពីគ្រោះថ្នាក់របស់ជាតិទាំងមូល គិតតែអំពីអំណាចផ្ទាល់ខ្លួនរបស់ក្រុមខ្លួន៕ដោយ៖ពលជ័យ

ព្រះសីហនុ៖ គិតត្រឹមថ្ងៃទី១៧ ខែសីហា ឆ្នាំ២០២៤ ដោយអនុវត្តតាមបទបញ្ជារបស់ ឯកឧត្ដម ឧត្ដមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ ព្រមទាំងមានការសម្របសម្រួលនីតិវិធីពី ព្រះរាជអាជ្ញា នៃអយ្យការអមសាលាដំបូងខេត្តព្រះសីហនុ សមត្ថកិច្ចនៃស្នងការដ្ឋាននគរបាលខេត្តព្រះសីហនុ បានធ្វើការបង្ក្រាបករណីពាក់ព័ន្ធនឹងការញុះញង់ និងអូសទាញប្រជាពលរដ្ឋធ្វើបាតុកម្មផ្ដួលរំលំរាជរដ្ឋាភិបាលស្របច្បាប់​ នៅរាជធានីភ្នំពេញ ថ្ងៃទី១៨ ខែសីហា ឆ្នាំ២០២៤ ចំនួន ០៦ករណី ព្រមទាំងបានធ្វើការឃាត់ខ្លួនជនសង្ស័យ ចំនួ ០៩នាក់ ក្នុងនោះ សមត្ថកិច្ចបានកសាងសំណុំរឿង និងបញ្ជូនជនសង្ស័យចំនួន០១នាក់ ទៅសាលាដំបូងខេត្តព្រះសីហនុ ដើម្បីបន្តនីតិវិធីតាមផ្លូវច្បាប់។ ដោយឡែកជនសង្ស័យចំនួន០៨នាក់ទៀត សមត្ថកិច្ច កំពុងធ្វើការសាកសួរ នៅស្នងការដ្ឋាននគរបាលខេត្តព្រះសីហនុ ដើម្បីបន្តនីតិវិធី​ និងស្វែងរកអ្នកពាក់ព័ន្ធ៕ដោយ៖ពលជ័យ

ភ្នំពេញ៖ មេដឹកនាំគណបក្សខ្មែររួបរួមជាតិ ឯកឧត្តម ញឹក ប៊ុនឆៃ បានថ្លែងថា ការចោទប្រកាន់របស់ក្រុមប្រឆាំងជ្រុល​និយមមួយក្តាប់តូចថា រដ្ឋាភិបាលកម្ពុជាបានកាត់ខេត្តចំនួន ៤ គឺខេត្តរតនគិរី មណ្ឌលគីរី ស្ទឹងត្រែង និងខេត្តក្រចេះ ទៅឲ្យវៀតណាម គឺជាការលើកឡើងផ្ទុយពីការពិតមិនត្រឹមត្រូវនោះទេ នៃកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA)។ ឯកឧត្តមបានបញ្ជាក់ថា កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម គឺជាគំនិតផ្តួចផ្តើមដំបូងរបស់កម្ពុជាក្នុងឆ្នាំ១៩៩៩ គិតមកដល់ឥឡូវរយៈពេល២៥ឆ្នាំហើយ ហើយកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ជួយធ្វើឲ្យខេត្តទាំង៤ របស់កម្ពុជានៅភូមិភាគឥសាន មានការអភិវឌ្ឍន៍រីកចំរើនហេដ្ឋារចនាសម្ព័ន្ធដូចជា ផ្លូវ ស្ពាន មន្ទីរពេទ្យ សាលារៀន និងអភិវឌ្ឍន៍សេដ្ឋកិច្ច។ ឯកឧត្តម ញឹក ប៊ុនឆៃ បានបន្តថា កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ក្រៅតែពីថវិការបស់រាជរដ្ឋាភិបាល ហើយប្រទេសជប៉ុនក៏បានជួយដល់កិច្ចសហប្រតិបត្តិការតំបន់ត្រីកោណអភិវឌ្ឍន៍នេះផងដែរ ហើយក្នុងនោះក៏មានធនាគារពិភពលោក និងធនាគារអភិវឌ្ឍន៍អាស៊ី។ សូមជម្រាបជូនថា កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម DTA គឺជាគំនិតផ្តួចផ្តើមដំបូងរបស់កម្ពុជាក្នុងឆ្នាំ១៩៩៩ ដែលពេលនោះមាន សម្តេចអគ្គមហាសេនាបតីតេជោ ជានាយករដ្ឋមន្ត្រី ក្នុងគោលបំណងជំរុញសមាហរណកម្មខេត្តជាប់ព្រំដែន នៃប្រទេសទាំងបី កម្ពុជា-ឡាវ- វៀតណាម…

ភ្នំពេញ៖ «ខ្ញុំរួមនឹងសហការីភាគច្រើននៅរាជបណ្ឌិត្យសភាកម្ពុជា តែងតែខិតខំពន្យល់សាធារណជនតាមជ្រុងវិទ្យាសាស្ត្រ ដើម្បីឱ្យបងប្អូនយើងមានទិន្នន័យនិងព័ត៌មានជាមូលដ្ឋានខ្លះ ដើម្បីជៀសផុតពីជំនឿមិនសមហេតុផល, ខ្វាយខ្វល់មិនយល់ការ, តវ៉ាមិនយល់សាច់រឿង, សឿងបឿងទាំងងងឹតងងល់, វិលវល់តាមឧបាយគេបំពុលយើង, ស៊ើងមមើងដូចទើបភ្ញាក់ពីដេក»។ អ្វីដែលខ្ញុំខំប្រឹងនិយាយនិងសរសេររហូតមកនេះ ខ្ញុំមានគោលបំណងតែមួយគត់ គឺរួមចំណែករក្សាស្ថិរភាពនិងនិរន្តរភាពជាតិ, ខ្ញុំព្យាយាមចែករំលែកព័ត៌មាន ទិន្នន័យ និងការគិតគូរពិចារណាខ្លះៗដោយផ្អែកលើចំណេះដឹងនិងបទពិសោធន៍ដ៏ស្តួចស្តើង ដែលខ្ញុំមាន។ មានបងប្អូនមួយចំនួនដែលមិនសប្បាយចិត្តនឹងការនិយាយនិងសំណេររបស់ខ្ញុំ បានប្រើប្រាស់ពាក្យពេជន៍អសុរសនិងជេរបញ្ចោរជាច្រើនចំពោះខ្ញុំ និងបានចោទប្រកាន់ខ្ញុំថា ខ្ញុំទ្រពង លក់ក្បាល លក់ឧត្តមគតិ ដើម្បីលុយកាក់ បុណ្យសក្ដិ និងមុខតំណែងជាដើម។ ខ្ញុំសូមបញ្ជាក់ថា ខ្ញុំមិនបានលក់អ្វីឱ្យនរណា ហើយក៏មិនបានលុយកាក់ បុណ្យ ឬមុខតំណែងអ្វីពីការនិយាយឬការសរសេររបស់ខ្ញុំមួយកាក់មួយសេនណានោះទេ។ អ្វីដែលខ្ញុំបាននិងកំពុងធ្វើ គឺខ្ញុំត្រូវគប្បីចំពោះខ្លួនឯង ប្រជាជន និងប្រទេសជាតិ។ ខ្ញុំជាមន្ត្រីរាជការសាធារណៈ ខ្ញុំមានកាតព្វកិច្ចបម្រើប្រយោជន៍សាធារណៈតាមតួនាទីដែលរាជរដ្ឋាភិបាលប្រគល់ជូន, ខ្ញុំមានកាតព្វកិច្ចគោរពឋានានុក្រមរដ្ឋបាល គោរពថ្នាក់ដឹកនាំ និងមានប្រជាជនជាម្ចាស់។ អ្វីដែលដែលយើងទាំងអស់គ្នាប្រាថ្នាចង់ឃើញ គឺសង្គមយើងដែលមានប្រជាជនខ្លាំងទាំងអស់គ្នា គឺខ្លាំងដោយសមត្ថភាព បញ្ញា ស្មារតី មនសិការនិងឧត្តមគតិជាតិ សុខភាពល្អ និងមានស្មារតីលះបង់ខ្ពស់ដើម្បីជាតិ។ ប្រជាជនជាកោសិកានៃសង្គម, ប្រជាជនខ្លាំង សង្គមខ្លាំង, ប្រជាជនខ្សោយ សង្គមក៏ខ្សោយដែរ។ យើងប្រាថ្នាចង់ឃើញប្រជាជនយើងមានជំនឿដោយផ្អែកលើវិទ្យាសាស្ត្រ ជាងជាងមន្តអាគម,…

ភ្នំពេញ៖ អគ្គស្នងការដ្ឋាននគរបាលជាតិ បានត្រៀមកម្លាំងរួច​ហើយអស់ហើយ សម្រាប់ទប់ស្កាត់និងបង្ក្រាបក្រុមប្រឆាំងជ្រុល​និយមមួយក្តាប់តូច ដែលបានប្រកាសធ្វើបាតុកម្ម កុបកម្ម នៅថ្ងៃទី១៨ ខែសីហា ឆ្នាំ២០២៤ ក្នុងគោលបំណងប៉ុនប៉ងផ្តួលរំលំរដ្ឋាភិ​បាលស្របច្បាប់ដែលកើតចេញពីការបោះឆ្នោត និងការទាមទារឱ្យរដ្ឋាភិបាលដកខ្លួនចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA)។ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនិងជាអ្នកនាំពាក្យអគ្គស្នងការដ្ឋាននគរបាលជាតិ បានមានប្រសាសន៍ថា ក្នុងនាមកងកម្លាំងនគរបាលជាតិ ជាអ្នកធានាសុវត្ថិភាពសន្តិសុខ គឺបានរៀបចំផែនការផ្សព្វផ្សាយគ្រប់ស្នងការរាជធានី ខេត្ត អស់ហើយ និងកំណត់មុខសញ្ញាមួយចំនួន និងកំណត់គោលដៅប្រតិបត្តិការ បើសិនជាហ៊ានងើបមក គឺសមត្ថកិច្ចបង្ក្រាបហើយ។ ហ៊ានតែធ្វើកុបកម្ម គឺបង្ក្រាបហើយ កម្លាំងយើងរៀបចំអស់ហើយទូទាំងប្រទេស។ សូមជម្រាបថា កម្លាំងសមត្ថកិច្ចជំនាញ នៃក្រសួងមហាផ្ទៃ បានធ្វើការស្រាវជ្រាវរហូតឈានដល់ការចាប់ខ្លួនក្រុមមេក្លោង និងបក្ខពួក ជាបន្តបន្ទាប់ពាក់ព័ន្ធការញុះញង់ប្រជាពលរដ្ឋឱ្យធ្វើបាតុកម្មប្រឆាំងរាជរដ្ឋាភិបាលស្របច្បាប់ក្នុងគោលបំណងប៉ុនប៉ងធ្វើបដិវត្តន៍ពណ៌ផ្តួលរំលំរដ្ឋាភិបាលស្របច្បាប់៕ដោយ៖ពលជ័យរូបភាព៖គ្រី សម្បត្តិ

ភ្នំពេញ៖ ឯកឧត្តម ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា អនុលោមតាមច្បាប់បោះឆ្នោត និងសេចក្តីសម្រេចលេខ ០៥៥ គ.ជ.ប.ស.ស.រ ចុះថ្ងៃទី៨ ខែកុម្ភៈ ឆ្នាំ២០២៤ ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត និងការផ្ដល់សុពលភាពលើបញ្ជីបោះឆ្នោត ឆ្នាំ២០២៤ ត្រូវចាប់ផ្ដើមពីថ្ងៃទី១ ខែកញ្ញា ដល់ថ្ងៃទី៣០ ខែវិច្ឆិកា ឆ្នាំ២០២៤ រីឯការពិនិត្យបញ្ជីឈ្មោះ និងការ ចុះឈ្មោះបោះឆ្នោតនៅតាមឃុំ សង្កាត់ទូទាំងប្រទេសមានរយៈពេល ១៦ ថ្ងៃ ចាប់ផ្តើមពីថ្ងៃទី១ ដល់ថ្ងៃទី១៦ ខែកញ្ញា ឆ្នាំ២០២៤ ។ ការបញ្ជាក់នេះ ក្នុងពិធីបិទវគ្គបណ្តុះបណ្តាលជូនមន្រ្តី គ.ជ.ប មន្រ្តី លធ.ខប តំណាងគណបក្សនយោបាយ សមាគម និងអង្គការមិនមែនរដ្ឋាភិបាល និងក្រសួង ស្ថាប័នពាក់ព័ន្ធស្តីពី “ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤” នៅព្រឹកថ្ងៃទី១៧ ខែសីហា ឆ្នាំ២០២៤។ ឯកឧត្តមបានបន្តថា ការរៀបចំ ការគ្រប់គ្រង និងការប្រព្រឹត្តទៅនៃការពិនិត្យបញ្ជីឈ្មោះ និងការចុះឈ្មោះបោះឆ្នោត…

ភ្នំពេញ៖នៅក្នុងពិធីប្រកាសតែងតាំងមេបញ្ជាការកងរាជអាវុធហត្ថខេត្តសៀមរាបកាលពីព្រឹកថ្ងៃទី១៦ ខែសីហា ឆ្នាំ២០២៤ឯកឧត្តម​នាយឧត្តម​សេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថ​លើផ្ទៃ​ប្រទេសបានអំពាវនាវដល់បងប្អូនប្រជាជននៅគ្រប់ទីកន្លែងនៅទូទាំងប្រទេស ជាពិសេស យុវជនដែលស្រលាញ់ទឹកដី សូមកុំចូល​រួមតាមការញុះញង់ធ្វើកុបកម្មរបស់ក្រុមប្រឆាំង ព្រោះពេលដែលប្រទេសជួបភាពវឹកវរ ឬចលាចល នឹងធ្វើឱ្យភ្ញៀវទេសចរ និងអ្នក​វិនិយោគគេលែងហ៊ានមកប្រទេសកម្ពុជាយើងទៀតហើយ។ នាយឧត្តមសេនីយ៍បន្តថា គ្មានអ្នកវិនិយោគ គ្មានអ្នកទេសចរណ៍ណា គេនឹងមកធ្វើទេសចរ គេនឹងមកវិនិយោគនៅក្នុងប្រទេស​ដែលមាន​មានភាពវឹកវរ ភាពច្របូកច្របល់នោះទេ អសន្តិសុខទេ។ “អ្នកណាដែលចង់ទៅលេងកន្លែងអសន្តិសុខ អ្នកណាដែល​ចង់ស្លាប់ អ្នកណាដែលយកលុយមករកស៊ីហើយខាត អត់ទេ។ បើគ្មានវិនិយោគ បើគ្មានទេសចរ។ សព្វថ្ងៃសេដ្ឋកិច្ចរបស់​យើង​ដែលកំពុងរងឥទ្ធិពលពីវិបត្តិសេដ្ឋកិច្ចជាសកល ពីជម្លោះរវាងរុស្ស៊ី អ៊ុយក្រែន ជម្លោះនៅមជ្ឈឹមបូព៌ា បញ្ហាឧបទ្វីបកូរ៉េ និងជម្លោះ​រវាងអ៊ីស្រាអែលជាមួយប៉ាឡេស្ទីន បញ្ហាប្រឈមរវាងអ៊ីរ៉ង់ និងអ៊ីស្រាអែល ដែលកំពុងកើតមានឡើង វាកាន់តែធ្វើ់ឱ្យ​យើង​ពិបាកវេទនាជាងនឹងទៅទៀត”។ នាយឧត្តមសេនីយ៍ សៅ សុខា មានប្រសាសន៍បន្តថា កុំឱ្យឱកាសមាស ឱកាសប្រាក់ ទ្រព្យសម្បត្តិដែលយើង​មាននៅក្នុងខ្លួន​ហើយវាបាត់បាត់ ។សូមបងប្អូនទាំងអស់មេត្តាសូមរួមគ្នាថែរក្សាសុខសន្តិភាព ហើយសូមថែរក្សាលទ្ធិប្រជាធិបតេយ្យ សេរីពហុបក្ស ចូលរួមទាំងអស់គ្នាការពារនៅរបបប្រជាធិបតេតយ្យ សេរីពហុបក្ស។ ការប្រកួតប្រជែងដើម្បីការដឹកនាំ​ប្រទេសទៅតាម​រយៈការ​បោះឆ្នោតរបស់ប្រជាជនដែលចែងនៅក្នុងច្បាប់រដ្ឋធម្មនុញ្ញផង និងនៅក្នុងច្បាប់ការបោះឆ្នោតផង៕ដោយ៖ពលជ័យ

ភ្នំពេញ៖គណៈកម្មាធិការជាតិរៀបចំការបោះឆ្នោត (គ.ជ.ប)បានប្រកាសថា នៅប៉ុន្មានម៉ោងមុននេះមានគណនី Facebook មួយឈ្មោះ “អវតា ស” បានផ្សព្វផ្សាយប្រឌិតរឿងថាគ.ជ.ប មានឈ្មោះ ជិន សារិន អតីតជនជាតិវៀតណាម ជាទីប្រឹក្សា គ.ជ.ប ។ អគ្គលេខាធិការដ្ឋាននៃ គ.ជ.ប សូមច្រានចោលទាំងស្រុងចំពោះការចុះផ្សាយ​របស់គណនី Facebook នេះ ដែលថា ឈ្មោះ ជិន សារិន ជាអតីតជនជាតិវៀតណាម កើតនៅថ្ងៃទី០១ ខែមករា ឆ្នាំ១៩៦៤ កំពុងធ្វើការជាទីប្រឹក្សានៅ គ.ជ.ប។ នេះបើយោងតាម​សេចក្តីបំភ្លឺរបស់ គ.ជ.ប នៅថ្ងៃទី១៦ ខែសីហា ឆ្នាំ២០២៤។ សេចក្តីបំភ្លឺបានបញ្ជាក់ថា បច្ចុប្បន្ននៅ គ.ជ.ប មានមន្ត្រីមួយរូប ឈ្មោះ ជិន សារិន ដែលគាត់បានចូលបម្រើការងារតាំងពីឆ្នាំ១៩៩៨ និងកើតនៅថ្ងៃទី០១ ខែឧសភា ឆ្នាំ១៩៥៣។ ការចុះផ្សាយរបស់គណនី Facebook ឈ្មោះ “អវតា ស” ជាព័ត៌មានមិនពិត ដែលមានចេតនាអាក្រក់ ពិសពុល និងជាការបរិហារកេរ្ត៍…

ភ្នំពេញ៖ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានបញ្ជាក់ថា រាជរដ្ឋាភិបាលដឹកនាំដោយគណបក្សប្រជាជនកម្ពុជា ជាអ្នកបញ្ចប់សង្គ្រាមនិងស្វែងរកសន្តិភាព ហើយប្តេជ្ញាការពារសន្តិភាពទោះជាក្នុងតម្លៃណាក៏ដោយ។ ចំណែកក្រុមប្រឆាំងជ្រុលនិយមរិះរកវិធីគ្រប់យ៉ាងដើម្បីបំផ្លាញសន្តិភាពនិងបំផ្លាញភាពសុខសាន្តរបស់ប្រជាពលរដ្ឋខ្មែរតាមគ្រប់រូបភាព។ «រាជរដ្ឋាភិបាលខិតខំទាក់ទាញទេសចរ និងអ្នកវិនិយោគ ទាំងក្នុងនិងក្រៅប្រទេស ដើម្បីបង្កើតការងារធ្វើឱ្យមានកំណើនសេដ្ឋកិច្ចជាតិនិងសេដ្ឋកិច្ចគ្រួសារ ប៉ុន្តែក្រុមប្រឆាំងជ្រុលនិយមរិះរកវិធីគ្រប់យ៉ាងដើម្បីដេញភ្ញៀវទេសចរ ដេញអ្នកវិនិយោគទុន និងបង្កការរំខានដល់មុខរបរនិងការងារដើម្បីទាញសេដ្ឋកិច្ចជាតិឱ្យដាំក្បាលចុះ។» ឯកឧត្តមបានបន្តថា រាជរដ្ឋាភិបាលខិតខំគ្រប់យ៉ាងដើម្បីរក្សាសណ្តាប់ធ្នាប់សង្គម កុំឱ្យមានភាពវឹកវរនិងចៀសវាងការបង្ហូរឈាម ប៉ុន្តែក្រុមប្រឆាំងជ្រុលនិយមញុះញង់ឱ្យខ្មែរឈ្លោះគ្នា បែកបាក់គ្នា ប្រឈមមុខដាក់គ្នា និងរុញឱ្យមានអំពើហិង្សា ក្រោមទ្រឹស្តីថា «បើគ្មានមនុស្សស្លាប់មិនអាចផ្លាស់ប្តូរបានឡើយ»។ រាជរដ្ឋាភិបាលបណ្តុះវប្បធម៌សន្តិភាព បណ្តុះមូលធនមនុស្សដែលប្រកបដោយចំណេះដឹង សីលធម៌ និងសមត្ថភាព ដើម្បីបន្តអភិវឌ្ឍប្រទេសនិងជំរុញកំណើនសេដ្ឋកិច្ចជាតិ ខណៈដែលក្រុមប្រឆាំងជ្រុលនិយមបណ្តុះវប្បធម៌ហិង្សា ជេរបញ្ចោរ ប្រមាថ លាបពណ៌ ដល់យុវជនជំនាន់ក្រោយរបស់ពួកគេ។ ដូច្នេះ ប្រជាពលរដ្ឋខ្មែរអាចបែងចែកយ៉ាងច្បាស់ដោយគ្មានមន្ទិលសង្ស័យរវាងធាតុពីរខុសគ្នាស្រឡះគឺ ធាតុអ្នកកសាងជាតិនិងអ្នកបំផ្លាញជាតិ។យើងរួមគ្នាលុបបំបាត់វប្បធម៌នយោបាយបំផ្លិចបំផ្លាញហួសសម័យនេះឱ្យអស់ពីកម្ពុជា៕ដោយ៖ពលជ័យ

ភ្នំពេញ៖ តាមរយៈបណ្តាញសង្គមតេឡេក្រាម នៅព្រឹកថ្ងៃទី១៦ ខែសីហា ឆ្នាំ២០២៤ នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសម្តែងងការហួសចិត្តពេលបានស្ដាប់សាររបស់បុគ្គលឈ្មោះ ហៃ វណ្ណា (មេដឹកនាំបាតុកម្មនៅប្រទេសជប៉ុន) ព្រោះថាបុគ្គលនេះមិនខ្លាចយកឆ្នាំងបាយរបស់ប្រជាពលរដ្ឋខ្មែររាប់លាននាក់នៅក្នុងប្រទេសវ៉ៃបំបែកចោល ដើម្បីសម្រេចបាននូវមហិច្ឆតានយោបាយរបស់គេក្នុងការផ្ដួលរំលំរាជរដ្ឋាភិបាល។ សម្តេចធិបតី ហ៊ុន ម៉ាណែត បានបន្តថា “ខ្ញុំកោតតែបុគ្គលនេះនិយាយទៅរួចថា បើសេដ្ឋកិច្ចស្រុកខ្មែរដាំក្បាលចុះ នឹងមិនប៉ះពាល់ប្រជាពលរដ្ឋខ្មែរទេ។ មិនតែប៉ុណ្ណោះបុគ្គលនេះ ខំប្រឹងអំពាវនាវឱ្យក្រុមគេនៅក្នុងប្រទេស រិះរកវិធីសាស្ត្រធ្វើយ៉ាងណាដុតឱ្យសេដ្ឋកិច្ចខ្មែរដាំក្បាលចុះ ដុតកាន់តែយូរកាន់តែល្អ។ ហៃ វណ្ណា និយាយនេះប្រហែលជាសំដៅទៅលើគ្រួសាររបស់ខ្លួននោះឯង ព្រោះថាទាំងគាត់ទាំងក្រុមគ្រួសារគាត់ បានកំពុងរស់នៅប្រទេសជប៉ុន ហេតុដូច្នេះបើសេដ្ឋកិច្ចខ្មែរដាំក្បាលចុះមែននោះ ប្រាកដជាមិនប៉ះពាល់គាត់នឹងក្រុមគ្រួសារទេ។ ប៉ុន្តែសួរថាប៉ះពាល់ជីវភាពរស់នៅរបស់ប្រជាជនខ្មែររាប់លាននាក់ដែលកំពុងរស់នៅក្នុងប្រទេសកម្ពុជាឬទេ?”។ ជាមួយគ្នានេះ សម្តេចធិបតី សូមឱ្យបងប្អូនប្រជាពលរដ្ឋខ្មែរទាំងអស់ស្ដាប់សារនេះហើយពិចារណាចុះ ជាពិសេសអ្នកដែលកំពុងរស់នៅក្នុងប្រទេសកម្ពុជាយើង៕ដោយ៖ពលជ័យ