ភ្នំពេញ៖លោក ថុន សុផាន់ណា អ្នកនាំពាក្យសម្ព័ន្ធភាពបណ្តុំ​អង្គការសង្គមស៊iវិលបានប្រាប់ AMS នៅព្រឹកថ្ងៃទី១០ ខែមិថុនានេះថា សម្ព័ន្ធបណ្តុំអង្គការសង្គមស៊ីវិល សូមគាំទ្រយ៉ាង​ពេញទំហឹង​ចំពោះប្រសាសន៍ដ៏ថ្លៃថ្លារបស់សម្តេចធិបតី ហ៊ុន ម៉ាណែត នាយក​រដ្ឋមន្ត្រី​​​កម្ពុជា ដែលបានប្រកាសកំណត់​យកថ្ងៃទី៥ ខែសីហា ឆ្នាំ២០​២៤​ ដើម្បីបើកការដ្ឋាន​សាងសង់គម្រោង​ព្រែកជីកហ្វូណន​តេជោ។គម្រោងព្រែកជីកហ្វូណនតេជោនឹងផ្តល់នៅអត្ថប្រយោជន៍ជា​ច្រើនសម្រាប់កម្ពុជា​ និងផ្តល់នៅលទ្ធភាពឲ្យកម្ពុជាមាននូវ​ឯករាជ្យ​ភាព​លើការដឹកជញ្ជូនតាមផ្លូវទឹក និងផ្តល់នៅផលប្រយោជន៍ដល់ប្រជា​ពលរដ្ឋខ្មែរទូទាំងប្រទេស។ លោកបានបន្តថា សម្ព័ន្ធបណ្តុំអង្គការសង្គមស៊ីវិលជឿជាក់យ៉ាងមុតមាំថា រាជរដ្ឋាភិបាលកម្ពុជាក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នឹងដឹកនាំគម្រោងនេះឲ្យលរចចេញជារូបរាង​នៅក្នុងពេលឆាប់ៗខាងមុខនេះ ស្របតាម​ប្រសាសន៍​ដ៏ខ្ពង់ខ្ពស់​របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា។ គម្រោងព្រែកជីកហ្វូណនតេជោ នឹងជួយក្នុងការពង្រីកវិសាលភាព នៃការប្រើប្រាស់សក្តានុពលលើការដឹកជញ្ជូនតាមផ្លូវទឹក សំដៅចូលរួមលើកកម្ពស់សកម្មភាពសេដ្ឋកិច្ចសង្គមឲ្យកាន់តែមានភាពរីកចំរើនឈានទៅមុខមួយកម្រិតថែមទៀត។ សូមជម្រាបថា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានប្រកាសកំណត់យកថ្ងៃទី៥ ខែសីហា ឆ្នាំ២០២៤ ក្នុងការបើកការដ្ឋានគម្រោង​ពែ្រកជីកហ្វូនណនតេជោ ដែលព្រែកជីកនេះ នឹងផ្ដល់អត្ថប្រយោជន៍ជាច្រើន សម្រាប់កម្ពុជា ដែលនឹងផ្ដល់លទ្ធភាពឱ្យកម្ពុជាមានឯករាជ្យភាពលើការដឹកជញ្ជូន និងផ្ដល់ផលប្រយោជន៍ដល់ប្រជាពលរដ្ឋ​នៅ​ខេត្តទិសនិរតី ក៏ដូចជាក្នុងក្របខ័ណ្ឌទូទាំងប្រទេស ដើម្បីកសាងឱ្យបានព្រែកជីកប្រវត្តិសាស្ត្រក្នុងទឹកដីនៃព្រះរាជាណាចក្រកម្ពុជា ឈានទៅសម្រេចបំណងប្រាថ្នារបស់ប្រជាជនកម្ពុជា។ ការប្រកាសនេះ ក្នុងពិធីសម្ពោធបើកដំណើរការអាជីវកម្មជាផ្លូវការ “កំពង់ផែពហុបំណងកំពត”…

ភ្នំពេញ៖ ក្រុមយុវជនសង្គមស៊ីវិល និងក្រុមសេដ្ឋកិច្ចក្រៅប្រព័ន្ធ នៅថ្ងៃទី៩ ខែមិថុនានេះ បានបន្តចេញធ្វើយុទ្ធនាការ និងចេញសារថ្កោលទោសចំពោះក្រុមចលនាយុវជនខុសច្បាប់ និងអំពាវនាវដល់មហាជនរួមគ្នា កម្ចាត់ព័ត៌មានក្លែងក្លាយរបស់ក្រុមប្រឆាំងជ្រុលនិយមចេញពីកម្ពុជា។ ប្រធានសមាគមយុវជនខ្មែរមហានគរនៃបណ្តុំអង្គការសង្គមស៊ីវិលលោក ហេង សំណាង លើកឡើងថា ក្រុមចលនាយុវជនខុសច្បាប់ សកម្មភាពរបស់ពួកគេ ធ្វើឡើងដើម្បីតែកេងចំណេញផ្នែកនយោបាយ និងគ្រាន់តែជាសេណារីយ៉ូរបស់ជនបរទេសអ្នកនៅពីក្រោយតែប៉ុណ្ណោះ។ លោកបន្តថា ពោលសកម្មភាពរបស់ក្រុមជ្រុលនិយមទាំងនោះ មិនបានឆ្លុះបញ្ចាំងពីតថភាពពិតនៅកម្ពុជាឡើយបែរជាបង្ហាញតែព័ត៌មានមិនច្បាស់លាស់មួយជ្រុងទៅឱ្យមហាជនយល់ច្រឡំទៅវិញ។ ពិសេសពួកគេបានបង្កើតព្រឹត្តិការណ៍ ធ្វើសកម្មភាពជាច្រើន បង្កភាពភាន់ច្រឡំ និងបង្កើតភាពវឹកវរមានលក្ខណៈញុះញង់ដល់សង្គមជាតិជាដើម។ ដោយឡែក លោក វ៉ែន រស្មី ប្រធានក្រុមយុវជនខេត្តកំពង់ឆ្នាំង បានបន្តថា ក្រុមចលនាយុវជនខុសច្បាប់មួយចំនួន ពួកគេកំពុងតែរិះរកវិធីសាស្រ្តយកវិស័យបរិស្ថាន ធ្វើជាឈ្នាន់នយោបាយបម្រើជនបរទេស ហើយពួកគេងប់ងុលលង់លក់ដោយមិនបានបើកចិត្តទូលាយមើលការខិតខំកសាងប្រទេសរបស់រាជរដ្ឋាភិបាលកម្ពុជាឡើយ។ លោកបញ្ជាក់ថា ក្រុមយុវជនទាំងនេះ ត្រូវបានងប់ងុលជាមួយមនោគមវិជ្ជាខ្មៅកខ្វក់ពីក្រុមជ្រុលនិយម ដោយមិនបានបើកចិត្តទទួលយកសមិទ្ធផលជាច្រើននៅក្នុងប្រទេសខ្លួន។ ក្នុងឱកាសនោះយុវជនសង្គមស៊ីវិលបានអំពាវនាវដល់ក្រុមយុវជនមួយចំនួនតូចដែលកំពុងដើរផ្លូវខុស សូមយកស្មារតីជាតិនិយមជាធំ កុំព្រោះតែផលប្រយោជន៍ផ្ទាល់ខ្លួនបន្តិចបន្ទួចហ៊ានហាមាត់និយាយបង្ខូចជាតិសាសន៍ខ្លួនឯង។ លោកថ្លែអថា៖«សូមបងប្អូនយកចំណេះជំនាញរបស់ខ្លួនមកអភិវឌ្ឍន៍ប្រទេសជាតិរួមគ្នា ធ្វើសកម្មភាពឱ្យស្របទៅតាមច្បាប់ជាធរមានឡើងវិញ»។ ក្នុងនាមជាយុវជនសង្គមស៊ីវិលលោក ហេង សំណាង រួមសមាជិក សមាជីកា បានបញ្ជាក់ថា មិនអាចឱបដៃឈរមើលចំពោះ យុវជនឬជនបរទេស និងបណ្តាអង្គការសមាគមណាមួយ មកធ្វើសកម្មភាពកេញចំណេញនយោបាយ ឬបង្កើតភាពវឹកវរនៅប្រទេសកម្ពុជាជាដាច់ខាត។ សមាគមយុវជនខ្មែរមហានគរនៃបណ្តុំអង្គការសង្គមស៊ីវិល…

រដ្ឋមន្ត្រីក្រសួងព័ត៌មានអំពាវនាវដល់ប្រព័ន្ធផ្សព្វផ្សាយកម្ពុជានិងចិនបន្តចូលរួម និងធ្វើកិច្ចសហប្រតិបត្តិការរួមគ្នាផ្សព្វផ្សាយព័ត៌មានពិតអំពីកម្ពុជានិងប្រទេសចិនដើម្បីចូលរួមពង្រឹងសាមគ្គីភាព និងមិត្តភាពនៃប្រទេសទាំងពីរក៏ដូចជាចូលរួមក្នុងការលើកកម្ពស់ផ្សព្វផ្សាយវប្បធម៌ ទេសចរណ៍ វិនិយោគ។ ការអំពាវនាវនេះធ្វើឡើងនៅក្នុងឱកាសដែលឯកឧត្តមរដ្ឋមន្ត្រី នេត្រ ភក្ត្រា ចូលរួមជាមួយលោកជំទាវ ជឹង យៀន សមាជិកអចិន្ត្រៃយ៍និងជាប្រធានផ្នែកឃោសនាការនៃគណៈកម្មាធិការគណបក្សកុម្មុយនិស្តចិនខេត្តយូណាន បើកសម្ពោធកម្មវិធីសំឡេងទីតាំងបេតិកភណ្ឌ«ដើរកម្សាន្តនៅយូណាន​ ទៅទស្សនានៅអង្គរ» កាលពីថ្ងៃទី៧ ខែមិថុនា ឆ្នាំ២០២៤ នៅទីក្រុងគួនមីង ខេត្តយូណាន ប្រទេសចិន ដែលយុទ្ធនាការដ៏សំខាន់ក្នុងការផ្សព្វផ្សាយពីសក្តានុពលទេសចរណ៍បេតិកភណ្ឌនិងវប្បធម៌នៃប្រទេសទាំងពីរ និងដើម្បីជំរុញកំណើនទេសចរណ៍ឱ្យកាន់តែខ្លាំង ហើយប្រព័ន្ធផ្សព្វផ្សាយសារព័ត៌មានពិតជាដើរតួនាទីសំខាន់ក្នុងការបញ្ជូនព័ត៌មានពិតនិងពី សក្កានុពលទេសចរណ៍ បេតិកភណ្ឌនិងវប្បធម៌ដល់ប្រជាពលរដ្ឋ។ ឯកឧត្តមរដ្ឋមន្ត្រី នេត្រ ភក្ត្រា បានថ្លែងថា ក្នុងនាមជាស្ថាប័នប្រព័ន្ធផ្សព្វផ្សាយព័ត៌មាន យើងមានការទទួលខុសត្រូវក្នុងការផ្សព្វផ្សាយអំពីកិច្ចសហប្រតិបត្តិការកម្ពុជា-ចិនទៅកាន់ពិភពលោក តាមរយៈវេទិកាប្រព័ន្ធផ្សព្វផ្សាយចម្រុះទាំងបុរាណនិងទំនើប និងបច្ចេកវិទ្យាឌីជីថល ដើម្បីបង្ហាញនូវភាពទាក់ទាញដ៏ពិសេស និងប្រកបដោយសក្តានុពលនៃបេតិកភណ្ឌពិភពលោកនៅកម្ពុជា និងខេត្តយូណានប្រទេសចិន និងសមិទ្ធផលដែលទទួលបានពីកិច្ចសហប្រតិបត្តិការរវាងភាគីកម្ពុជា-ចិន ក្នុងការជំរុញការអភិវឌ្ឍវិស័យទេសចរណ៍ និងវប្បធម៌ ដើម្បីទាក់ទាញការចាប់អារម្មណ៍និងការគាំទ្រ សំដៅពង្រឹងការការពារនិងអភិរក្សបេតិកភណ្ឌរួមរបស់មនុស្សជាតិ»។ ឯកឧត្តមបានប្រសាសន៍ថា ក្រសួង​ព័ត៌មានកម្ពុជា​បានធ្វើកិច្ចសហប្រតិបត្តិការជាច្រើនជាមួយប្រព័ន្ធផ្សព្វផ្សាយនៃរដ្ឋាភិបាលចិន​ ជាពិសេសបានបន្តលើកកម្ពស់កិច្ចសហប្រតិបត្តិការជាមួយមជ្ឈមណ្ឌលប្រព័ន្ធផ្សព្វផ្សាយនៃខេត្តយូណាន។ យើងបានរួមគ្នាប្រកាសនូវគំនិតផ្តួចផ្តើមស្តីពីកិច្ចសហប្រតិបត្តិការប្រព័ន្ធផ្សព្វផ្សាយកម្ពុជា-យូណាន ឆ្នាំ២០២៣។ សូមបញ្ជាក់ថា កន្លងមក ក្រសួងព័ត៌មានបានធ្វើកិច្ចសហប្រតិបត្តិការក្នុងវិស័យព័ត៌មានជាមួយភាគីមិត្តចិនជាច្រើន តាមរយៈអនុស្សរណៈនៃការយោគយល់ និងកិច្ចព្រមព្រៀងនានា ដើម្បីលើកកម្ពស់ការផ្លាស់ប្តូរព័ត៌មាននិងអភិវឌ្ឍប្រព័ន្ធផ្សព្វផ្សាយ ក្នុងគោលបំណងផ្សារភ្ជាប់នូវទំនាក់ទំនងរវាងប្រជាជននៃប្រទេសទាំង ២ ឱ្យកាន់តែរឹងមាំថែមទៀត។…

លោក ស៊ុន ចន្ធី ប្រធានគណបក្សកម្លាំងជាតិ បានធ្វើលិខិតគោរពសូមទោសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងទទួលស្គាល់កំហុសរបស់ខ្លួន ដែលបានធ្វើឲ្យប៉ះពាល់ដល់កិត្តិយស និងកិច្ចខិតខំប្រឹងប្រែងអភិវឌ្ឍប្រទេសជាតិរបស់រាជរដ្ឋាភិបាល ក្រោមការដឹកនាំដ៏ខ្ពង់ខ្ពស់សម្តេចធិបតី ហ៊ុន ម៉ាណែត។ នៅក្នុងលិខិតសុំទោសរបស់លោក ស៊ុន ចន្ធី បានសរសេរថា ខ្ញុំបាទ ស៊ុន ចន្ធី ពិតជាមានការសោកស្តាយ នូវមតិលើកឡើងក្នុងកម្មវិធីសំណេះសំណាលជាមួយប្រជាពលរដ្ឋខ្មែរប្រមាណ២០នាក់ នៅខេត្តអីបារ៉ាគិ ប្រទេសជប៉ុន កាលពីរសៀលថ្ងៃទី០៥ ខែឧសភា ឆ្នាំ២០២៤ កន្លងទៅ ដែលបានធ្វើឲ្យប៉ះពាល់ដល់កិត្តិយស និងកិច្ចខិតខំប្រឹងប្រែងអភិវឌ្ឍប្រទេសជាតិរបស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់ សម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា។ ខ្ញុំបាទពិតជាមានការសោកស្តាយ និងសូមទោសដោយសុចរិតចំពោះសម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា រួមទាំងថ្នាក់ដឹកនាំរាជរដ្ឋាភិបាលទាំងមូល នូវមតិលើកឡើងខុសឆ្គងដោយអចេតនា មកលើរាជរដ្ឋាភិបាលកម្ពុជា។ ខ្ញុំបាទសូមគោរពជូនពរ សម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា ដឹកនាំ រាជរដ្ឋាភិបាលកម្ពុជា ទទួលបានជោគជ័យបន្ថែមទៀតលើគ្រប់វិស័យ ពិសេស ជោគជ័យក្នុងការអនុវត្តគម្រោង ព្រែកជីកហ្វូណន-តេជោ ដើម្បីលើកកម្ពស់ជីវភាពរស់នៅរបស់ប្រជាពលរដ្ឋកាន់តែប្រសើរឡើងឥតឈប់ឈរ។ សូម សម្តេចមហាបវរធិបតី…

ភ្នំពេញ៖ សម្តេចតេជោ ហ៊ុន សែន បានបញ្ជាក់ថា នៅថ្ងៃទី៧ ខែមិថុនា ឆ្នាំ២០២៤នេះ មានកាសែតបរទេសមួយចុះផ្សាយអំពីប្រទេសអាស៊ីអាគ្នេយ៍ចូលរួមសន្និសីទសន្តិភាពអ៊ុយក្រែន នៅស្វីសនាពេលខាងមុខ។ គេខិតខំទម្លាក់កំហុសឱ្យចិន ប្រសិនកម្ពុជាមិនបានចូលរួម។ សូមកុំព្យាយាមទម្លាក់កំហុសឱ្យចិន ពេលកម្ពុជាមិនចូលរួមក្នុងសន្និសីទ និងសូមបញ្ឈប់ការភ្ជាប់កម្ពុជាទៅក្នុងល្បែងភូមិសាស្ត្រ នយោបាយប្រឆាំងចិនទៅ។ នេះបើយោងតាមហ្វេសប៊ុកផ្លូវការរបស់សម្តេចតេជោ ហ៊ុន សែន។ សម្តេចតេជោបានបន្តថា “កាលពីសប្តាហ៍មុន ក្នុងជំនួបតាមវីដេអូជាមួយប្រធានសភាអ៊ុយក្រែន ទន្ទឹមនឹងការជម្រាបជូនគាត់ថា កម្ពុជាកំពុងពិចារណាលើផែនការសន្តិភាព និងការចូលរួម ឬមិនចូលរួម ខ្ញុំក៏បានជម្រាបគាត់ថា សន្និសីទមិនទទួលបានជោគជ័យទេ ប្រសិនបើភាគីពាក់ព័ន្ធពិសេសរុស្ស៊ី មិនត្រូវបានអញ្ជើញឱ្យចូលរួម។ ខ្ញុំបានប្រាប់គាត់បន្ថែមថា មុនសន្និសីទពេលសន្និសីទ និងក្រោយសន្និសីទ រុស្ស៊ីនឹងវាយខ្លាំងលើសមរភូមិយោធា។ ខ្ញុំក៏និយាយបែបនេះទៅកាន់អគ្គនាយក CIA នៅថ្ងៃ២ មិថុនា និងរដ្ឋមន្ត្រីការពារជាតិអាមេរិកថ្ងៃ៤ មិថុនា ពេលពួកគាត់មកជួបជាមួយខ្ញុំ។ តើសម្ដីបែបនេះ ចិនណែនាំឱ្យខ្ញុំនិយាយ ឬកម្ពុជាមានសិទ្ធិនិយាយ? “។ សម្តេចតេជោបញ្ជាក់ថា “កម្ពុជាជារដ្ឋឯករាជ្យ ហើយខ្ញុំបានធ្វើការជាមួយមេដឹកនាំចិនច្រើនឆ្នាំ និងច្រើនជំនាន់ខ្ញុំមិនធ្លាប់លឺ មេដឹកនាំចិនណាម្នាក់ និយាយមកកាន់ខ្ញុំឱ្យធ្វើនេះ ឬធ្វើនោះតាមបំណងរបស់ចិនឡើយ។ ផ្ទុយទៅវិញពួកអ្នកដែលនិយាយថា កម្ពុជាធ្វើតាមចិនទៅវិញទេ ដែលតែងតែមកដាក់ការគាបសង្កត់ឱ្យកម្ពុជាធ្វើតាមខ្លួនរហូតប៉ះទង្គិចសម្ដីជាមួយខ្ញុំជាញឹកញាប់។…

ភ្នំពេញ៖ ឯកឧត្តម អ៊ុន វិសិទ្ធគុន ប្រធានគណបក្សកម្លាំងប្រជាធិបតេយ្យ បានមានប្រសាសន៍ថា ឯកឧត្តមពិតជាសប្បាយរីករាយ និងពេញចិត្តយ៉ាងខ្លាំងចំពោះដំណឹងដ៏ល្អដែលសម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសជាសាធារណៈស្តីពីការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃទី៥ ខែសីហា ឆ្នាំ២០២៤ នាពេលមុខខាងនេះ។ នេះជាកំណត់ហេតុថ្មី​លើទឹកដីសុវណ្ណភូមិបានចាប់បដិសន្ធិកើតឡើងមកហើយ។ ដូច្នេះទាមទារឱ្យប្រជាពលរដ្ឋទាំងអស់ចូលរួមគាំទ្រទាំងអស់គ្នាចំពោះគម្រោងព្រែកជីហ្វូណនតេជោនេះ។ ឯកឧត្តមបានបន្តថា ការវិវឌ្ឍទៅខាងមុខជាបន្តបន្ទាប់​ចំពោះ​ការជីក​ព្រែកហ្វូណនតេជោនឹងធ្វើឱ្យប្រទេសជិតខាងកម្ពុជាខកបំណងហើយ ពីព្រោះពីមុនគេគិតថាខ្មែរមិនអាចធ្វើបាន តែពេលនេះកម្ពុជាធ្វើបានគ្រប់បែបយ៉ាង។​ កសាងសមិទ្ធផលដែលជាស្នាដៃរបស់ខ្លួនឯងមិនចាំបាច់ខ្ចីដង្ហើមបរទេសដកតទៅទៀត។ …កម្ពុជាបច្ចុប្បន្នមានធនធានគ្រប់បែបយ៉ាងសម្រាប់កសាងនិងអភិវឌ្ឍន៍ប្រទេស។ ដូច្នេះសូមអ្នកនយោបាយដែលជាន់ពន្លិចកម្ពុជា និងកំពុងតែរងាវពីខាងក្រៅប្រទេសល្មមអស់ចិត្តហើយ។ សូមជម្រាបថា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានប្រកាសកំណត់យកថ្ងៃទី៥ ខែសីហា ឆ្នាំ២០២៤ ក្នុងការបើកការដ្ឋានគម្រោងពែ្រកជីកហ្វូនណនតេជោ ដែលព្រែកជីកនេះ នឹងផ្ដល់អត្ថប្រយោជន៍ជាច្រើន សម្រាប់កម្ពុជា ដែលនឹងផ្ដល់លទ្ធភាពឱ្យកម្ពុជាមានឯករាជ្យភាពលើការដឹកជញ្ជូន និងផ្ដល់ផលប្រយោជន៍ដល់ប្រជាពលរដ្ឋនៅខេត្តទិសនិរតី ក៏ដូចជាក្នុងក្របខ័ណ្ឌទូទាំងប្រទេស ដើម្បីកសាងឱ្យបានព្រែកជីកប្រវត្តិសាស្ត្រក្នុងទឹកដីនៃព្រះរាជាណាចក្រកម្ពុជា ឈានទៅសម្រេចបំណងប្រាថ្នារបស់ប្រជាជនកម្ពុជា។ ការប្រកាសនេះ ក្នុងពិធីសម្ពោធបើកដំណើរការអាជីវកម្មជាផ្លូវការ “កំពង់ផែពហុបំណងកំពត” របស់ក្រុមហ៊ុនកំពតផត ស្ថិតនៅភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត កាលពីថ្ងៃទី៦…

ភ្នំពេញ៖ ប្រធានក្រុមយុវជន១០០រាត្រី បានហៅការដើរហែក្បួនរបស់ក្រុមយុវជនមាតាធម្មជាតិដាក់ញ្ញត្តិនៅក្រសួងបរិស្ថាន កាលពីព្រឹកថ្ងៃទី៧ ខែមិថុនា ឆ្នាំ២០២៤ ដើម្បីស្នើសុំបកស្រាយអំពីការលើកឡើងរបស់រដ្ឋបាលខេត្តកោះកុង ដែលបានគូសបញ្ជាក់ថា តំបន់ដែនជម្រកសត្វព្រៃពាមក្រសោប​មួយផ្នែកត្រូវបានកាត់ឆ្វៀលចេញពីតំបន់ការពារធម្មជាតិ គឺពួកគេមាននិន្នាការនយោបាយ និងមានជនបរទេសនៅពីក្រោយ ក្នុងការធ្វើសកម្មភាពបំបាក់មុខមាត់កម្ពុជា។ លោក មួង សូនី ប្រធានក្រុមយុវជន១០០រាត្រី បានថ្លែងថា ក្រុមយុវជនមួយក្តាប់តូចដែលធ្វើសកម្មភាពដើរដាក់ញ្ញត្តិនៅក្រសួងបរិស្ថានកាលពីព្រឹកថ្ងៃទី៧ ខែមិថុនា ឆ្នាំ២០២៤ គឺមាននិន្នាការជនបរទេសនៅពីក្រោយ ពីព្រោះញ្ញត្តិរបស់ពួកគេអាចយកមកដាក់ដោយផ្ទាល់នៅក្រសួងបរិស្ថានបានដោយមិនចាំបាច់ដើរហែក្បួនធ្វើឱ្យប៉ះពាល់ដល់សណ្តាប់ធ្នាប់សាធារណៈ និងជាការបំបាក់មុខមាត់សង្គមជាតិទៅវិញទេ ពីព្រោះកំហុសត្រង់ថា មិនគួរណាទទួលនូវគោលការណ៍ណែនាំពីបរទេស គឺពួកគេធ្វើសកម្មភាពដើរហែក្បួន។ លោកបានបញ្ជាក់ថា “ពីព្រោះកំហុសត្រង់ថា យើងមិនគួរណាទទួលនូវគោលការណ៍ណែនាំពីបរទេស គឺពួកគេធ្វើសកម្មភាពដើរហែក្បួនវាអត់សមរម្យទេ អាចយកមកដាក់នៅក្រសួងបរិស្ថានដោយផ្ទាល់មក ខ្ញុំគិតថា ថ្នាក់ដឹកនាំរបស់យើង ទាំងអភិបាលខេត្ត ក៏ដូចជាឯកឧត្តមរដ្ឋមន្ត្រីក្រសួងបរិស្ថាន គាត់យកចិត្តទុកដាក់ណាស់លើការងារបរិស្ថាន ជាពិសេសយន្តនាការប្លាស្ទិក យុទ្ធនាការធ្វើឱ្យទឹកស្អាត អាកាសស្អាត ដីស្អាត ហើយនឹងជាពិសេសគឺការដាំកូនឈើជាដើម។ យើងអត់ត្រូវដើរហែញ្ញត្តិអ៊ីចឹងទេ យើងកែតម្រូវបានច្រើនណាស់។ ដូច្នេះគួររៀនយកទម្លាប់ថ្មីជៀសវាងធ្វើឱ្យសង្គមខ្លួនឯងបាក់មុខមាត់ដោយសារតែរឿងដើរហែក្បួនខុសទទឹងទទែងនេះ”។ ប្រធានក្រុមយុវជន១០០រាត្រី បានបន្តទៀតថា អ្វីដែលលោកបានតាមដានរូបភាពរបស់ក្រុមយុវជនមួយចំនួនតូចនេះ គឺធ្វើក្នុងរូបភាពនយោបាយ មានចរិតនយោបាយ ហើយនិយាយហេតុផលអីក៏ពួកគេមិនជឿដែរ ក្រៅតែពីការធ្វើម៉េចក្រុមគេល្បី និងបំពេញគោលដៅបរទេស និងដើម្បីបំបាក់មុខមាត់សង្គមខ្លួនឯង។ នេះជាសារដែលលោកចង់ជម្រាបជូនដល់ក្រុមយុវជនទាំងអស់នោះ សូមឱ្យធ្វើការគិតគូរឡើងវិញ…

ភ្នំពេញ៖ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានប្រកាសថា កម្ពុជានឹងមានកំហុសធ្ងន់ធ្ងរ ប្រសិនបើកម្ពុជាសម្រេចទៅចូលរួមកិច្ចប្រជុំកំពូល ដើម្បីសន្តិភាពអ៊ុយក្រែន (Global Peace Summit) ដែលធ្វើឡើងនៅប្រទេសស្វីស ថ្ងៃទី១៥-១៦ ខែមិថុនា ឆ្នាំ២០២៤ ដោយគ្មានវត្តមានភាគីសំខាន់គឺរុស្ស៉ី។ សម្តេចតេជោ ហ៊ុន សែន បានថ្លែងក្នុងកិច្ចសម្ភាសន៍ពិសេសជាមួយ លោក លឹម ជាវុត្ថា អគ្គនាយកបណ្តាញព័ត៌មាន Fresh News រសៀលថ្ងៃទី៧ ខែមិថុនា ២០២៤នេះថា «វានឹងក្លាយទៅជាកំហុសដ៏ធ្ងន់ធ្ងរ និងក្លាយទៅជាការប្រមាថមួយចំពោះនយោបាយបរទេសរបស់កម្ពុជា ប្រសិនបើកម្ពុជាសម្រេចទៅចូលរួមកិច្ចប្រជុំកំពូល ដើម្បីសន្តិភាពអ៊ុយក្រែន។ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ, សម្តេចតេជោ ហ៊ុន សែន បានថ្លែងយ៉ាងដូច្នេះបន្ថែមថា «ការមិនទៅចូលរួមកិច្ចប្រជុំកំពូលសន្តិភាពសកលរបស់កម្ពុជា គឺជាសិទ្ធិស្វ័យសម្រេចរបស់កម្ពុជាសុទ្ធសាធ, កម្ពុជា មិនត្រូវចិនរារាំងមិនឱ្យចូលរួមទេ ហើយចិនក៏មិនធ្វើរឿងបែបនេះដាក់ចំពោះកម្ពុជាដែរ»។ «ការមិនទៅចូលរួមរបស់កម្ពុជា វាក៏នឹងក្លាយទៅជាកំហុសដ៏ធំមួយរបស់អ្នកវិភាគនយោបាយមួយចំនួន ឬមេដឹកនាំណាមួយដែលតែងតែចាត់ទុកថា ចិនមកធ្វើចលនារារាំងកម្ពុជា មិនឱ្យទៅចូលរួម។ ខ្ញុំសូមបញ្ជាក់ថា ប្រសិនបើចិនចង់ធ្វើរឿងបែបនេះដាក់កម្ពុជា ចិនក៏គ្មានលទ្ធភាពដើម្បីរារាំងកម្ពុជា មិនឱ្យចូលរួមដែរ» នេះបើយោងតាមប្រសាសន៍បញ្ជាក់បន្ថែមសម្តេចតេជោ…