ភ្នំពេញ៖ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានបញ្ជាក់ថា រហូតមកទល់ពេលនេះនៅតែមានអ្នកបកស្រាយអំពីសេរីភាពបញ្ចេញមតិ ដោយលាក់បាំងមិនព្រមនិយាយអំពីការទទួលខុសត្រូវ និងព្រំដែននៃសេរីភាពដែលកំណត់ដោយច្បាប់ជាតិ ក៏ដូចជាកតិកាសញ្ញាអន្តរជាតិ ដែលបង្កើតឱ្យមានការភាន់ច្រឡំដ៏ធំមួយក្នុងសង្គម។ ឯកឧត្តមបានសង្កត់ធ្ងន់ថា ដើម្បីកុំឱ្យមានអ្នកបន្តកេងចំណេញលើបញ្ហានេះ ក៏ដូចជាដើម្បីកុំឱ្យប្រជាពលរដ្ឋយល់ច្រឡំបន្តទៀត សូមបង្ហាញជូននូវខ្លឹមសារសំខាន់ៗមួយចំនួនដូចខាងក្រោម៖ មាត្រា៤១ នៃរដ្ឋធម្មនុញ្ញកម្ពុជាចែងថា ប្រជាពលរដ្ឋខ្មែរមានសេរីភាពខាងការបញ្ចេញមតិ សេរីភាពខាងសារព័ត៌មាន សេរីភាពខាងការបោះពុម្ពផ្សាយ សេរីភាពខាងការជួបជុំ។ ជនណាក៏ដោយមិនអាចឆ្លៀតប្រើសិទ្ធិនេះ ដោយរំលោភនាំឱ្យប៉ះពាល់កិត្តិយសអ្នកដទៃ ដល់ទំនៀមទម្លាប់ល្អរបស់សង្គម ដល់សណ្តាប់ធ្នាប់សាធារណៈ និងដល់សន្តិសុខជាតិឡើយ។ របបសារព័ត៌មានត្រូវរៀបចំឡើងដោយច្បាប់។ មាត្រា១៩ (៣) នៃកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយចែងថា ការប្រើប្រាស់សិទ្ធិដែលមានចែងក្នុងកថាខណ្ឌ២នៃមាត្រានេះ តម្រូវឱ្យមានករណីយកិច្ចនិងការទទួលខុសត្រូវពិសេស។ ដូច្នេះ ការប្រើប្រាស់សិទ្ធិនេះ អាចមានការរឹតត្បិតមួយចំនួនដែលត្រូវកំណត់ដាច់ខាតដោយច្បាប់ និងដែលចាំបាច់ដើម្បី៖ (ក) គោរពសិទ្ធិនិងកិត្តិសព្ទអ្នកដទៃ, (ខ) ការពារសន្តិសុខជាតិ សណ្តាប់ធ្នាប់សាធារណៈ សុខភាព ឬសីលធម៌សាធារណៈ។ មាត្រា២២ (២) នៃកតិកាសញ្ញាអន្តរជាតិដដែលចែងថា ការប្រើប្រាស់សិទ្ធិនេះ អាចមានការរិតត្បិតដែលកំណត់ដោយច្បាប់តែប៉ុណ្ណោះ និងដែលចាំបាច់ក្នុងសង្គមប្រជាធិបតេយ្យ ក្នុងផលប្រយោជន៍នៃសន្តិសុខជាតិ ឬសុវត្ថិភាពសាធារណៈ សណ្តាប់ធ្នាប់សាធារណៈ ការការពារសុខភាពសាធារណៈ ឬសីលធម៌…

ស្ថានបេសកកម្មអចិន្ត្រៃយ៍នៃព្រះរាជាណាចក្រកម្ពុជាប្រចាំនៅទីក្រុងហ្សឺណែវ មានការខកចិត្តយ៉ាងខ្លាំងចំពោះសេចក្តីថ្លែងការណ៍រួមរបស់ក្រុមអ្នកជំនាញអង្គការសហប្រជាជាតិ នៅថ្ងៃទី១៨ ខែមេសា ឆ្នាំ២០២៤ ដែលបានចោទប្រកាន់កម្ពុជាថា មានការយាយី និងធ្វើទុក្ខបុកម្នេញអ្នកការពារសិទ្ធិមនុស្ស។ ទាក់ទងការចោទប្រកាន់នេះ ស្ថានបេសកកម្មអចិន្ត្រៃយ៍បានផ្តល់នូវការសង្កេតមួយចំនួន ដូចខាងក្រោម៖1.ការចោទប្រកាន់ថា កម្ពុជា “បំពានសិទ្ធិសេរីភាពបញ្ចេញមតិ បង្កើតសមាគម និងប្រមូលផ្តុំ ដោយសន្តិវិធី ដូចដែលត្រូវបានធានាដោយកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិ នយោបាយ (ICCPR)” គឺជាការភ័ន្តច្រឡំ ដែលនាំឱ្យមានការយល់ខុសទាំងស្រុង មិនឆ្លុះ បញ្ចាំងពីតថភាពលម្អពលរដ្ឋ និងនយោបាយនៅកម្ពុជា។ សិទ្ធិមនុស្ស រួមទាំងសេរីភាព បញ្ចេញមតិ បង្កើតសមាគម និងប្រមូលផ្តុំដោយសន្តិវិធី មិនមែនជាសិទ្ធិដាច់ខាតនោះទេ។ សិទ្ធិសេរីភាពទាំងអស់នេះត្រូវភ្ជាប់មកជាមួយនូវករណីយកិច្ច ការទទួលខុសត្រូវ និងដែនកំណត់ចែងដោយច្បាប់ ដូចមានកំណត់នៅក្នុងបញ្ញត្តិមាត្រា ១៩ (៣) មាត្រា ២១ និង មាត្រា ២២ (២) នៃកតិកាសញ្ញាអន្តរជាតិស្តីពីសិទ្ធិពលរដ្ឋ និងនយោបាយ និងមាត្រា ១៩ (២) នៃសេចក្តីថ្លែងការណ៍ជាសកលស្តីពីសិទ្ធិមនុស្ស។ ការខកខានមិនបានបញ្ជាក់ ឱ្យបានច្បាស់ដោយចេតនា មិនត្រឹមតែបង្កឱ្យសាធារណៈជនមានការភ័ន្តច្រឡំតែ ប៉ុណ្ណោះទេ ថែមទាំងផ្តល់កម្លាំងចិត្តឱ្យក្រុមខ្លះ ដែលបានត្រៀមខ្លួនជាស្រេចក្នុងការកេង…

ភ្នំពេញ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា បានមានប្រសាសន៍ថ្លែងប្រាប់ AMS ថា ដំណើរទស្សនកិច្ចរបស់ឯកឧត្តម វ៉ាង យី (WANG Yi) ដែលជាប្រមុខការទូតជាន់ខ្ពស់របស់ប្រទេសចិនមកកាន់ព្រះរាជាណាចក្រកម្ពុជាថ្ងៃទី២១ ដល់ថ្ងៃទី២៣ ខែមេសា ឆ្នាំ២០២៤ គឺពិតជាមានសារៈសំខាន់ណាស់សម្រាប់ទំនាក់ទំនងការទូតរវាងប្រទេសទាំងពីរកម្ពុជា-ចិន។ ត្បិតដូចយើងដឹងហើយថា នៅពេលដែលមានការផ្លាស់ប្តូរដំណើរទស្សនកិច្ចផ្លូវរដ្ឋ និងដំណើរទស្សនកិច្ចផ្លូវការរវាងថ្នាក់ដឹកនាំជាន់ខ្ពស់ នៃប្រទេសទាំងពីរ គឺវារំលេចឲ្យឃើញអំពីភាពស៊ីជម្រៅគ្រប់ជ្រុងជ្រោយ និងលក្ខណៈយុទ្ធសាស្ត្រនៃទំនាក់ទំនងរវាងប្រទេសទាំងពីរ។ បណ្ឌិតបានបន្តថា បើពិនិត្យមើលក្នុងកត្តាប្រវត្តិសាស្ត្រទំនាក់ទំនងការទូតកម្ពុជា-ចិន គឺមានអតីតកាលជាច្រើនសតវត្សមកហើយ ហើយទំនាក់ទំនងនេះត្រូវបានពូនជ្រុំដោយថ្នាក់ដឹកនាំកម្ពុជា និងថ្នាក់ដឹកនាចិនជាច្រើនជំនាន់មកហើយ គឺតាងពីជំនាន់សម្តេចព្រះនរោត្តម សីហនុ ហើយបន្តមកដល់ថ្នាក់ដឹកនាំរបស់យើងជាបន្តបន្ទាប់ទៀត និងថ្នាក់ដឹកនាំប្រទេសចិនតាំងពីសម័យលោក ជូ អេងឡាយ រហូតមកទល់បច្ចុប្បន្ននេះឃើញថា ក្នុងទំនាក់ទំនងរវាងថ្នាក់ដឹកនាំនិងថ្នាក់ដឹកនាំជាន់ខ្ពស់នៃប្រទេសទាំងពីរ គឺមានភាពស្អិតរមួត។ កត្តាប្រវត្តិសាស្ត្រ និងកត្តានៃទំនាក់ទំនងបុគ្គល នៃថ្នាក់ដឹកនាំរវាងប្រទេសទាំងពីរនេះ គឺបានជំរុញឱ្យទំនាក់ទំនងរវាងប្រទេសទាំងពីរកាន់តែជិតស្និទ្ធស្អិតរបួតទ្វេឡើងថែមទៀត។ បណ្ឌិត គិន ភា បានបន្តទៀតថា បើពិនិត្យទៅលើទិដ្ឋភាពនយោបាយ គឺមានន័យថាកម្ពុជាគឺជាប្រទេសដែលមានសារៈសំខាន់មួយដែលបានក្លាយទៅជាមិត្តដែកថែបជាមួយនឹងប្រទេសចិនដែលជាមហាអំណាចសេដ្ឋកិច្ចទី២ ហើយដែលជាប្រទេសមហាអំណាចដែលកំពុងរះឡើងថ្មីបនៅក្នុងពិភពលោក។ ដូច្នេះទំនាក់ទំនងរវាងប្រទេសទាំងពីរ គឺពិតជាមានសារៈសំខាន់ណាស់។ កត់សម្គាល់ឃើញថា ប្រទេសទាំងពីរតែងតែគាំទ្រគ្នាទៅវិញទៅមកលើគ្រប់វេទិកាតំបន់ និងអន្តរជាតិ។…

ភ្នំពេញ៖ អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានបញ្ជាក់ថា កន្លងមកមានការផ្សព្វផ្សាយមួយចំនួន បានលើកឡើងពីរបាយការណ៍សិក្សាទាក់ទងនឹងស្ថានភាពព្រៃឈើនៅកម្ពុជា ដែលមិនបានឆ្លុះបញ្ជាំងពីការពិតនៅកម្ពុជា។ ជាក់ស្តែង រហូតមកដល់បច្ចុប្បន្ន កម្ពុជាបានបង្កើត និងកំពុងគ្រប់គ្រងបានយ៉ាងល្អនូវប្រព័ន្ធតំបន់ការពារធម្មជាតិ ដែលបានកើនឡើងពី២៣កន្លែង នៅឆ្នាំ១៩៩៣ រហូតដល់ ៧៣កន្លែង នៅឆ្នាំ២០២៣ ក្នុងទំហំផ្ទៃដី សរុប៧,២លានហិកតា ស្មើ៤១% នៃផ្ទៃដីប្រទេសទាំងមូល ដោយមានការចូលរួមពីសហគមន៍តំបន់ការពារធម្មជាតិ ចំនួន១៩៣សហគមន៍ ដៃគូអភិវឌ្ឍន៍ និងអ្នកពាក់ព័ន្ធ ដើម្បីការអភិរក្សជីវៈចម្រុះ ការគ្រប់គ្រងធនធានធម្មជាតិ-វប្បធម៌ សម្រាប់ការអភិវឌ្ឍសេដ្ឋកិច្ចជាតិ និងមូលដ្ឋានប្រកបដោយចីរភាព។ អ្នកនាំពាក្យបានបន្តថា ក្នុងរយៈពេល៣០ឆ្នាំកន្លងមកនេះ វិស័យបរិស្ថាននៅកម្ពុជាមានការវិវឌ្ឍទៅមុខ គួរឱ្យកត់សំគាល់ ទាំងនៅក្នុងប្រទេស តំបន់ និងនៅលើពិភពលោក ជាពិសេសគឺការគ្រប់គ្រងធនធានធម្មជាតិ។ ជាការពិតកម្ពុជាបានបង្កើតតំបន់ការពារធម្មជាតិ និងរបៀងអភិរក្សជីវៈចម្រុះ រហូតដល់ទៅ៤១% នៃផ្ទៃដីប្រទេស ដែលចំនួននេះស្មើនឹងជាង២ដង នៃផែនការជីវៈចម្រុះសកលដែលបានកំណត់នៅក្នុងអនុសញ្ញាសហប្រជាជាតិស្តីពីជីវៈចម្រុះ ក្នុងការបង្កើតតំបន់ការពារធម្មជាតិឱ្យបាន១៧% ត្រឹមឆ្នាំ២០២០។ អនុលោមតាម «យុទ្ធសាស្រ្តបញ្ចកោណ» ដំណាក់កាលទី១ របស់រាជរដ្ឋាភិបាល អាណត្តិទី៧ នៃរដ្ឋសភា និងឈរលើមូលដ្ឋាននៃគោលនយោបាយ និងយុទ្ធសាស្រ្តដែលមានជាធរមានព្រមទាំងក្របខណ្ឌអនុសញ្ញាសហប្រជាជាតិ-អន្តរជាតិពាក់ព័ន្ធ ក្រសួងបរិស្ថានបានរៀបចំ…

ភ្នំពេញ៖ លោកជំទាវ អ៊ូឃូ ខូចាអេសហ្វ៊េ (OIko Kocaefe) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋតួកគី ប្រចាំព្រះរាជាណាចក្រកម្ពុជា បានសម្តែងការអបអរសាទរចំពោះការចាប់ផ្តើមទំព័រថ្មីនៃព្រឹទ្ធសភា អាណត្តិទី៥ ក្រោមការដឹកនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងបានបញ្ជាក់ពីសារៈសំខាន់នៃការបន្តការធ្វើការរួមគ្នា ដើម្បីពង្រឹងទំនាក់ទំនងប្រទេសទាំងពីរ ជាពិសេសតាមរយៈតួនាទីដ៏សំខាន់រវាងព្រឹទ្ធសភាកម្ពុជា និងសភាជាតិតួកគី។ការអបអរសាទរនេះ ក្នុងជំនួបពិភាក្សាការងារជាមួយឯកឧត្តម អ៊ុច បូររិទ្ធ អនុប្រធានទី២ ព្រឹទ្ធសភា នៃព្រះរាជាណាចក្រកម្ពុជា នៅវិមានព្រឹទ្ធសភា នាព្រឹកថ្ងៃទី១៩ ខែមេសា ឆ្នាំ២០២៤។ ក្នុងឱកាសដែលឆ្នាំ២០២៤នេះ ជាខួប៦៥ឆ្នាំ នៃទំនាក់ទំនងការទូតរវាងកម្ពុជា និងតួកគី ភាគីទាំងពីរ បានប្តេជ្ញាជំរុញការវិនិយោគនិងពាណិជ្ជកម្ម ការលើកកម្ពស់ការយល់ដឹងទៅវិញទៅមកអំពីវប្បធម៌ អារ្យធម៌ ព្រមទាំងជំរុញទំនាក់ទំនងប្រជាជននិងប្រជាជន និងកំណើនទេសចរ។ ភាគីទាំងពីរ ក៏បានឯកភាពពិនិត្យលទ្ធភាពក្នុងការរៀបចំដំណើរទស្សនកិច្ចរបស់ប្រមុខសភាជាតិ និងព្រឹទ្ធសភា នៃប្រទេសទាំងពីរ។ លោកជំទាវឯកអគ្គរដ្ឋទូត បានអះអាងថា អាកាសចរណ៍តួកគី និងចាប់ផ្តើមហោះហើរត្រង់ភ្នំពេញ-អង់ការា ក្នុងពេលឆាប់ៗខាងមុខនេះ។ ឆ្លៀតក្នុងឱកាសនេះផងដែរ ឯកឧត្តមអនុប្រធានទី២ ព្រឺទ្ធសភា បានសម្តែងការអរគុណដល់រដ្ឋាភិបាលតួកគីយេ ដែលបានផ្តល់នូវជំនួយដល់វិស័យអភិវឌ្ឍន៍ជនបទ សុខាភិបាល…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា សមិទ្ធផលធំធេងគួរជាទីមោទនៈដែលកម្ពុជាសម្រេចបាននៅក្នុងការអភិវឌ្ឍមូលធនមនុស្ស សុខភាព និងសុខមាលភាព សង្គមនិងសេដ្ឋកិច្ច ក្នុងអំឡុងពេលជាង ២ទសវត្សចុងក្រោយនេះ នឹងមិនអាចកើតឡើងមានបានឡើយ ប្រសិនបើកម្ពុជាគ្មានសន្តិភាពពេញលេញ ស្ថេរភាពនយោបាយ និងសន្តិសុខសង្គម ការបញ្ជាក់របស់សម្តេចធិបតីក្នុងពិធីសម្ពោធអគារមជ្ឈមណ្ឌលផ្ដល់សេវាវះកាត់ នៃមន្ទីរពេទ្យបង្អែកខេត្តសៀមរាប នៅព្រឹកថ្ងៃទី២០ ខែមេសា ឆ្នាំ២០២៤។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា សមិទ្ធផលធំធេងគួរជាទីមោទនដែលកម្ពុជាសម្រេចបាននៅក្នុងការអភិវឌ្ឍមូលធនមនុស្ស សុខភាព និងសុខមាលភាព សង្គមនិងសេដ្ឋកិច្ច ក្នុងអំឡុងពេលជាង២ទសវត្សចុងក្រោយនេះ នឹងមិនអាចកើតឡើងមានបានឡើយប្រសិនបើកម្ពុជាគ្មានសន្តិភាពពេញលេញ ស្ថេរភាពនយោបាយ និងសន្តិសុខសង្គម។ ជាមួយនេះ កំណើនសេដ្ឋកិច្ចរឹងមាំ និងសង្គតភាពបានដើរតួនាទីចម្បងក្នុងការកាត់បន្ថយភាពក្រីក្រ រួមជាមួយការកើនឡើងនៃការទទួលបានសេវាថែទាំងសុខភាព។ ការពង្រីកការគ្របដណ្តប់ នៃប្រព័ន្ធការពារសង្គម និងភាពប្រសើរឡើងនៃកត្តាសង្គម ដែលមានឥទ្ធិពលលើសុខភាពដែលធ្វើឱ្យស្ថានភាពសុខភាព និងសុខមាលភាព ជីវភាព និងគុណភាពជីវិតរបស់ប្រជាជនកម្ពុជា កាត់តែប្រសើរឡើងជាលំដាប់ ព្រមទាំងអាយុកាលរស់នៅរំពឹងកាន់តែវែង។ ជាមួយគ្នានេះ សម្តេចធិបតីបានថ្លែងអំណរគុណចំពោះរដ្ឋាភិបាល និងប្រជាជននៃប្រទេសជប៉ុន ដែលបានផ្តល់ជំនួយឧបត្ថម្ភគាំទ្រទាំងថវិកា និងបច្ចេកទេស ក្នុងការស្តារ និងអភិវឌ្ឍន៍ប្រទេសកម្ពុជាឡើងវិញបន្ទាប់ពីខ្ទេចខ្ទាំដោយសង្គ្រាមជាង២ទសវត្ស។ ជាពិសេសការអភិវឌ្ឍប្រទេសកម្ពុជាក្នុងវិស័យសុខាភិបាល…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា ការកសាងពង្រឹងនៅសមិទ្ធផលសុខាភិបាល គឺមានសារៈសំខាន់ និងជាការផ្តល់នូវតម្លៃប្រវត្តិសាស្ត្រសម្រាប់វិស័យសុខាភិបាលកម្ពុជា ដែលបានលេចចេញជារូបរាងឡើងក្រោមគំនិតផ្តួចផ្តើមដ៏ខ្ពង់ខ្ពស់ និងចក្ខុវិស័យវែងឆ្ងាយរបស់សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដែលជានិច្ចជាកាលសម្តេចតេជោចាត់ទុកការវិនិយោគលើប្រព័ន្ធថែទាំសុខភាព និងសុខមាលភាពប្រជាពលរដ្ឋជាអាទិភាពចម្បងមួយនៅក្នុងការអភិវឌ្ឍន៍សង្គមសេដ្ឋកិច្ចប្រកបដេយចីរភាព និងបរិយាប័ន្ន។ ការបញ្ជាក់របស់សម្តេចធិបតីក្នុងពិធីសម្ពោធអគារមជ្ឈមណ្ឌលផ្ដល់សេវាវះកាត់ នៃមន្ទីរពេទ្យបង្អែកខេត្តសៀមរាប នៅព្រឹកថ្ងៃទី២០ ខែមេសា ឆ្នាំ២០២៤។ សម្ដេចធិបតីនាយករដ្ឋមន្ត្រី បានគូសបញ្ជាក់ថា សមទ្ធិផលសុខភាព គឺព្យាបាលម្នាក់សប្បាយរាប់លាននាក់ បើម្នាក់ជាខ្លួនឯងសប្បាយចិត្តគ្រួសារសប្បាយចិត្តហើយ មានសុភមង្គល។ បើប្រជាពលរដ្ឋមានសុខភាពល្អប្រទេសជាតិមានកម្លាងពលកម្មដែលរឹងមាំជួយទៅដល់ប្រទេសជាតិ ហើយរីកចម្រើនធំណាស់។ សមទ្ធិផលក្នុងវិស័យសុខាភិបាលនេះ គឺមានសារៈសំខាន់។ ជាមួយគ្នានេះ សម្តេចធិបតី ហ៊ុន ម៉ាណែត ក៏បានអបអរសាទរជូនចំពោះប្រជាពលរដ្ឋនៅក្នុងខេត្តសៀមរាប និងបណ្តាខេត្តនៅជុំវិញនេះ ដែលសេវាមួយចំនួនក្រោយពីការរៀបចំនិងបំពាក់នៅសមត្ថភាពវះកាត់កម្រិតខ្ពស់នេះ គឺនឹងបានទទួលផលអត្ថប្រយោជន៍បន្ថែមទៀត ជាពិសេសការឆ្លើយតបទៅនឹងតម្រូវការព្យាបាលសុខភាព។ សម្តេចធិបតីបានមានប្រសាសន៍បញ្ជាក់ថា ការកសាងពង្រឹងនៅសមទ្ធិផលសុខាភិបាលសំខាន់ ហើយការសម្ភោធពេទ្យទាំងបីដែលបានលើកឡើងខាងលើ គឺជាការផ្តល់នៅតម្លៃប្រវត្តិសាស្ត្រសម្រាប់វិស័យសុខាភិបាលកម្ពុជាដែលបានលេចចេញជារូបរាងឡើងក្រោមគំនិតផ្តួចផ្តើមដ៏ខ្ពង់ខ្ពស់ និងចក្ខុវិស័យវែងឆ្ងាយរបស់សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដែលជានិច្ចជាកាលសម្តេចតេជោចាត់ទុកការវិនិយោគលើប្រព័ន្ធថែទាំសុខភាព និងសុខមាលភាពប្រជាពលរដ្ឋជាអាទិភាពចម្បងមួយនៅក្នុងការអភិវឌ្ឍន៍សង្គមសេដ្ឋកិច្ចប្រកបដេយចីរភាព និងបរិយាប័ន្ន។ ទន្ទឹមនេះ…

ភ្នំពេញ៖ ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្រ្តីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានជួបពិភាក្សាការងារតាមទូរស័ព្ទជាមួយ ឯកឧត្តម Ivica Dačić ឧបនាយករដ្ឋមន្រ្តីទី១ និងជារដ្ឋមន្រ្តីក្រសួងការបរទេសនៃសាធារណរដ្ឋស៊ែប៊ី នៅថ្ងៃទី១៩ ខែមេសា ឆ្នាំ២០២៤។ បើតាមក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថា ការពិភាក្សា ផ្តោតសំខាន់លើការជំរុញកិច្ចសហប្រតិបត្តិការទ្វេភាគី និងពហុភាគី ដើម្បីជាផលប្រយោជន៍ និងវិបុលភាពទៅវិញទៅមក សម្រាប់ប្រជាជាតិទាំងពីរ៕

ភ្នំពេញ៖ អ្នកតាមដានព្រឹត្តិការណ៍នយោបាយ បានប្រតិកម្មចំពោះការចោទប្រកាន់របស់ទណ្ឌិត សម រង្ស៊ី ដែលជាជនក្បត់ជាតិ៣ជំនាន់ លើសម្តេចតេ ជោ ហ៊ុន សែន ថា ក្បត់ជាតិបានកាត់ទឹកដីឱ្យបរទេស គឺជាការប្រតិដ្ឋ និងមួលបង្កាច់គ្មានការពិត។ ប៉ុន្តែពូជក្រុមគ្រួសារទណ្ឌិត សម រង្ស៊ី ទៅវិញទេ ដែលជាពូជក្បត់ជាតិ ដូចសម្តេចតេជោ ហ៊ុន សែន បានលើកឡើងហើយថា ជាពូជក្បត់ជាតិ ៣ជំនាន់ តាំងពីជំនាន់ជីតា រហូតមកដល់ ឪពុក រហូតមកដល់ខ្លួន (ទណ្ឌិត សម រង្ស៊ី)។ លោក សួន សេរីរដ្ឋា អ្នកតាមដានព្រឹត្តិការណ៍នយោបាយ និងជាប្រធានក្រុមប្រឹក្សាភិបាលវេទិកាសន្តិភាពកម្ពុជា បានមានប្រសាសន៍ថ្លែងប្រាប់ AMS ថា ទាក់ទងទៅនឹងអ្វីដែលទណ្ឌិត សម រង្ស៊ី មេដឹកនាំនយោបាយរត់ចោលស្រុកបានលើកឡើងនាពេលនេះ វាគ្រាន់តែជាសារនយោបាយមួយដែលមានចេតនាចង់ទាញយកការចាប់ អារម្មណ៍ពីប្រជាពលរដ្ឋខ្មែរក្នុងប្រទេស និងក្រៅប្រទេសឱ្យគាំទ្រខ្លួនតែប៉ុណ្ណោះ។ ប៉ុន្តែវាគឺជារឿងអសកុសល ដែលគ្មានសារព័ត៌មានណាចាប់អារម្មណ៍នឹងសំដី សំណេររបស់ទណ្ឌិតរត់ចោលស្រុករូបនេះទេ ក្រៅតែអំពីវិទ្យុភាសាខ្មែរ និងបរទេសតែមួយ ដែលខិតខំព្យាយាមជួយបំប៉ោងសារនយោបាយរបស់ទណ្ឌិតរត់ចោលស្រុករូបនេះ។ ប៉ុន្តែប្រជាពលរដ្ឋខ្មែរ អត់មានការចាប់អារម្មណ៍អ្វីដែរ។…

ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីយប់អាធ្រាត្រម៉ោង១១៖៣៨នាទីយប់ ថ្ងៃទី១៨ ខែមេសា ឆ្នាំ២០២៤ បានខលតាមវីឌីអូ ជួបជាមួយបងប្អូនពលការិនីខ្មែរចំនួន២៩នាក់ ដែលកំពុងស្នាក់នៅផ្ទះបណ្តោះអាសន្នក្នុងទីក្រុង Jeddah នៃប្រទេសអារ៉ាប៊ីសាអូឌីត ដើម្បីជម្រាបព័ត៌មានដល់បងប្អូនដោយផ្ទាល់ថា សម្តេចធិបតី ហ៊ុន ម៉ាណែត នាយករដ្ឋមន្ត្រី បានជ្រាបហើយនូវសារអំពាវនាវរបស់បងប្អូន ហើយក៏បានណែនាំដល់ក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិឱ្យចាត់គ្រប់វិធានការភ្លាមៗ ដើម្បីធានាសុវត្ថិភាព និងនាំបងប្អូនត្រឡប់មកស្រុកកំណើតវិញ។ រាជរដ្ឋាភិបាលនឹងចាត់ចែងលើការទិញសំបុត្រយន្តហោះជូនបងប្អូន។ ពេលនេះ សំបុត្រយន្តហោះសម្រាប់បងប្អូនទាំង២៩នាក់ ដែលកំពុងស្នាក់នៅទីក្រុង Jeddah ត្រូវបានរៀបចំរួច ហើយស្អែកម៉ោង១០យប់ម៉ោងនៅអារ៉ាប់ប៊ីសាអូឌីត បងប្អូននឹងឡើងយន្តហោះត្រឡប់មកប្រទេសកម្ពុជាវិញ។ ចំណែកបងប្អូនដែលនៅតំបន់ផ្សេង នឹងរៀបចំចេញដំណើរជាបន្តបន្ទាប់។ នេះបើតាមការបញ្ជាក់របស់ឯកឧត្តមរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ។ ក្រោយការទទួលបានព័ត៌មាននេះ ក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិ ក៏ដូចជាស្ថានឯកអគ្គរាជទូតកម្ពុជាប្រចាំប្រទេសអារ៉ាប់ប៊ីសាអូឌីត ដែលមាននិវេសនដ្ឋានទីក្រុងគែរ ប្រទេសអេហ្ស៊ីប បានទំនាក់ទំនងរកឃើញទីតាំងហើយ កំពុងរៀបចំសំបុត្រយន្តហោះជូនបងប្អូនឱ្យបានត្រឡប់មកប្រទេសកម្ពុជាវិញ នៅថ្ងៃទី១៩ ខែមេសា ចំនួន២៩នាក់, នៅថ្ងៃទី២០ ខែមេសា ឆ្នាំ២០២៤…