សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ បានបញ្ជាក់ថានៅកម្ពុជាមាន ប្រជាពលរដ្ឋដែលកាន់សាសនាម៉ូស្លីមស្ថិតក្នុងលំដាប់ទី២បន្ទាប់ពីប្រជាពលរដ្ឋកាន់សាសនាព្រះពុទ្ធ។ ទាំងប្រជាពលរដ្ឋខ្មែរដែលកាន់ព្រះពុទ្ធសាសនា និងសាសនាអ៊ិស្លាមសុទ្ធតែមានទំនាក់ទំនងក្នុងសង្គមប្រកបដោយសុខដុមរមនា។ រាជរដ្ឋាភិបាលកម្ពុជាបានយកចិត្តទុកដាក់ និងផ្ដល់ឱកាសស្មើៗគ្នាដល់ប្រជាពលរដ្ឋទាំងកាន់សាសនាព្រះពុទ្ធ និងសាសនាអ៊ិស្លាម ដើម្បីទទួលបាននូវឱកាសក្នុងសង្គមស្មើៗគ្នា។

ឯកឧត្ដម​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គមេបញ្ជាការ​រង​នៃ​កងយោធពល​ខេមរភូមិន្ទ​ និង​ជា​មេបញ្ជាការកងទ័ពជើងគោក​បាន​មានប្រសាសន៍​បញ្ជាក់ថា​”​សន្តិភាព​” ​គឺមាន​តម្លៃ​ដែល​មិនអាច​កាត់ថ្លៃ​បាន​។​ ដូច្នេះ​ប្រជាពលរដ្ឋ​គ្រប់រូប​ត្រូវតែ​រួមគ្នា​ថែរក្សា​ការពារ​សន្តិភាព​ ដើម្បី​ទទួលបាន​ការអភិវឌ្ឍ​ប្រទេសជាតិ​ឱ្យ​កាន់តែ​រីកចម្រើន​ខ្លាំង​ទ្វេរ​ឡើង​បន្ថែមទៀត ក្រោម​ការដឹកនាំ​ដ៏​ឈ្លាសវៃ និង​ប៉ិនប្រសព្វ ប្រកបដោយ​កិត្តិ​បណ្ឌិត​របស់សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​។​

អ្នកនាំពាក្យរាជរដ្ឋាភិបាលកម្ពុជា បានច្រានចោលចំពោះការដាក់ចំណាត់ថ្នាក់កម្ពុជាពាក់ព័ន្ធអំពើពុករលួយពីសំណាក់អង្គការតម្លាភាពអន្តរជាតិ និងបានហៅអង្គការនេះថា មានភាពទុច្ចរិត និងជាអាយ៉ងរបស់បរទេសដែលមិនបានដឹងពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា។ ឯកឧត្តម ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជាបានមានប្រសាសន៍ប្រាប់ AMS នៅថ្ងៃទី២៧ ខែមករានេះថា ចំពោះការដាក់ចំណាត់ថ្នាក់នេះកម្ពុជាមិនដែលទទួលយកទេ។ ហេតុអ្វីដែលកម្ពុជាមិនដែលទទួលយក គឺកម្ពុជាគោរពរគោលការណ៍របស់អង្គការសហប្រជាជាតិដែលរដ្ឋាភិបាលកម្ពុជាបានចុះហត្ថលេខាព្រមព្រៀងជាមួយអង្គការសហប្រជាជាតិស្តីអំពីបទប្រឆាំងជាមួយនឹងអំពើពុករលួយ។

ក្រសួងការបរទេស​ប​ង្ហា​ញ​លទ្ធផល​នៃ​ជំនួប​សន្ទនា​រវាង សម្តេច​តេ​ជោ ហ៊ុន សែន និង​ ​ឯកឧត្តមនាយ​ឧ​ត្ត​ម​សេនីយ៍​ជាន់ខ្ពស់ មីន អោ​ង ឡាំង

សំណើ​ចំនួន​បួន​ចំណុច ត្រូវបាន​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា​និង​ជា​ប្រធាន​អាស៊ាន​ដាក់ ទៅកាន់​ឯកឧត្តម​នាយ​ឧ​ត្ត​ម​សេនីយ៍​ជាន់ខ្ពស់ មីន អោ​ង​ឡាំង ប្រធាន​ក្រុមប្រឹក្សា​រដ្ឋបាល​រដ្ឋ​និង​ជា​នាយករដ្ឋមន្ត្រី នៃ​សាធារណរដ្ឋ​សហភាព​មី​យ៉ាន់​ម៉ា​ដើម្បី​ជា​គន្លឹះ​ឈានទៅ​ដោះស្រាយ​ជម្លោះផ្ទៃក្នុង​នៅក្នុង​ប្រទេស​មី​យ៉ាន់​ម៉ា​ដែល​កំពុងតែ​កើតមាន​។

សម្ដេចក្រឡាហោម ស ខេង ឧបនាយករកដ្ឋមន្រ្តី រដ្ឋមន្ត្រីក្រសួងមហាផ្ទៃ បានមានប្រសាសន៍បញ្ជាក់ថា ការបង្កើតសាលាជាតិរដ្ឋបាលមូលដ្ឋាន គឺមិនមែនជារឿងចៃដន្យនោះទេ ដ្បិតក្រសួងមហាផ្ទៃបានយកចិត្តទុកចំពោះការអភិវឌ្ឍសមត្ថភាពមន្រ្តីរាជការស៊ីវិល តាំងពីពេលបង្កើតក្រសួងមហាផ្ទៃឆ្នាំ១៩៩៣មកម្ល៉េះ។ ការបង្កើតសាលាជាតិរដ្ឋបាលមូលដ្ឋាន គឺដើម្បីទទួលខុសត្រូវការរៀបចំការអភិវឌ្ឍសមត្ថភាពមន្ត្រីរាជការស៊ីវិល។

ឯកឧត្តម Nasser BOURITA រដ្ឋមន្ត្រីការបរទេសសហប្រតិបត្តិការអាហ្រ្វិក និងជនអន្តោប្រវេសន៍ម៉ារ៉ុកនៃព្រះរាជាណាចក្រម៉ារ៉ុក នឹងជួយជំរុញប្រទេសដទៃឱ្យគាំទ្រកម្ពុជា ចំពោះបេក្ខភាពកម្ពុជាជាសមាជិកសង្កេតការណ៍របស់អង្គការកិច្ចសហប្រតិបត្តិការឥស្លាម (OIC) និងបានសម្ដែងនូវការប្ដេជ្ញាចិត្តយ៉ាងខ្លាំងក្លាក្នុងការគាំទ្រកម្ពុជា ធ្វើជាប្រធានអាស៊ានក្នុងឆ្នាំនេះ និងបញ្ជាក់ច្បាស់ពីការប្តេជ្ញាចិត្តរបស់ម៉ារ៉ុក ក្នុងការធ្វើជាស្ពានតភា្ជប់រវាងកម្ពុជា និងតំបន់អាហ្រ្វិក និងមជ្ឈិមបូព៌ា ដើម្បីជំរុញកិច្ចសហប្រតិបត្តិការទ្វេភាគីជាមួយកម្ពុជា ក៏ដូចជា ជាមួយបណ្តាប្រទេសអាស៊ាន។

មន្រ្តីជាន់ខ្ពស់នៃអតីតគណបក្សសង្គ្រោះជាតិចំនួន២៧នាក់ហើយ ដែលទទួលបាននីតិសម្បទាធ្វើនយោបាយឡើងវិញ គិតត្រឹមថ្ងៃទី២៥ ខែមករា ឆ្នាំ២០២២នេះ។ ដោយក្នុងចំណោម២៧នាក់នោះ មានអ្នកខ្លះបានបង្កើតគណបក្សនយោបាយដោយខ្លួនឯង និងខ្លះបានចូលរួមធ្វើនយោបាយជាមួយគណបក្សដែលបង្កើតថ្មី។ ថ្មីៗកន្លងមកនេះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យយត្រាស់បង្គាប់ផ្តល់នីតិសម្បទាឡើងវិញឱ្យលោក ប្រាក់ យីកាន អតីតមន្ត្រីជាន់ខ្ពស់ នៃអតីតគណបក្សសង្គ្រោះជាតិ ដែលត្រូវបានហាមឃាត់មិនឱ្យធ្វើសកម្មភាពនយោបាយសម្រាប់រយៈពេល៥ឆ្នាំ តាមអំណាចសាលដីកាលេខ ៣៤០ (ឆ) ចុះថ្ងៃទី១៦ ខែវិច្ឆិកា ឆ្នាំ២០១៧ របស់តុលាការកំពូល។

ឯកឧត្តម មិកាមិ ម៉ាសាហ៊ីរ៉ូ ( Mikami Masahiro ) ឯកអគ្គរាជទូត​វិសាមញ្ញ និង​ពេញ​សមត្ថភាព​នៃ​ប្រទេស​ជប៉ុន​ប្រចាំ​នៅ​កម្ពុជា បានបង្ហាញ​នូវ​ការ​បេ្ត​ជ្ញា​បន្ត​គាំទ្រ​ដល់​កិច្ចសហប្រតិបត្តិការ​ក្នុង​វិស័យ​ការពារជាតិ​រវាង​ប្រទេស​កម្ពុជា និង​ជប៉ុន ទោះបីជា​មានការ​រំខាន​ដោយសារ​កត្តា​ជំងឺ​កូ​វីដ​-១៩ យ៉ាងណា​ក៏ដោយ​។ ឯកអគ្គរាជទូតរូបនេះក៏បាន​សម្តែង​នូវ​ការកោតសរសើរ​ចំពោះ​រាជរដ្ឋាភិបាល​កម្ពុជា ដែល​បាន​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩ ប្រកបដោយ​ជោគជ័យ ជាពិសេស​ការចូលរួម​យ៉ាង​សស្រោកសស្រាំ​ពី​សំណាក់​កងទ័ពជើងគោកនៃ​កងយោធពល​ខេមរភូមិន្ទ ក្រោម​ការដឹកនាំ​ផ្ទាល់​របស់ឯកឧត្តម ហ៊ុន ម៉ា​ណែ​ត ជាមេបញ្ជាការ​។

លោកជំទាវ​បណ្ឌិត អា​ដាល់​ជី​ហ្សា អាល់​ប៊ែ​រ​ទីណា ហ្សា​វី​យេ រៃ​យ៍ ម៉ា​កណូ រដ្ឋមន្ត្រីការបរទេស​ និងសហប្រតិបត្តិការ​នៃ​សាធារណរដ្ឋ​ប្រជាធិបតេយ្យ​ទី​ម័​រ​ខាងកើត​នឹង​អញ្ជើញ​ចូលជួប​សម្តែង​ការគួរសម​ចំពោះ​សម្តេច​អគ្គ មហា​សេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និងមាន​ជំនួប​ទ្វេភាគី​ជាមួយឯកឧត្តម​ឧបនាយករដ្ឋមន្ត្រី ប្រាក់ សុខុន ដើម្បី​ពិភាក្សា​លើ​ទិដ្ឋភាព​ផ្សេងៗ​នៃ​ទំនាក់ទំនង និង​កិច្ច​សហ​​ប្រតិបត្តិការ​ទ្វេភាគី ក៏ដូចជា​បញ្ហា​តំបន់​និង​អន្តរជាតិ​ដែលជា​ផលប្រយោជន៍​ និង​ក្តីបារម្ភ​រួម​ ព្រមទាំង​សំណើសុំ​ចូល​ជា​សមាជិក​អាស៊ាន​របស់​ទី​ម័​រ​ខាងកើតផងដែរ​។