ភ្នំពេញៈក្នុងឱកាសទិវាសេរីភាពសារព័ត៌មានពិភពលោកឆ្នាំ២០២១នេះ បើទោះបីពុំមានធ្វើពិធីជួបជុំធំដុំ ដូចតែងប្រារព្ធកន្លងទៅដោយសារស្ថានភាពនៃជំងឺកូវីដ១៩ កំពុងគំរាមកំហែង ក៏ដោយ តែឆន្ទៈវិជ្ជាជីវៈនៅតែរឹងមាំ។ សូមអ្នកកាសែតទាំងឡាយពង្រឹងខ្លួនក្នុងការជម្នះស្ថានភាពលំបាក ដើម្បីបំពេញការងារប្រកបដោយភាពបត់បែន។ ពង្រីកនិងពង្រឹងស្មារតីទទួលខុស ចំពោះវិជ្ជាជីវៈ ចំពោះព័ត៌មានរបស់ខ្លួនដែលផ្តល់ជូនមហាជន។ ទាក់ទងនឹងទិវាសេរីភាពសារព័ត៍មានពិភពលោក ៣ឧសភា អ្នកនាំពាក្យក្រសួងព័ត៌មានបានអះអាងថា ទោះបីកម្ពុជាស្ថិតនៅក្នុងកាលៈទេសៈនៃវិបត្តិរីករាលដាលនៃជំងឺកូវីដ១៩ ក៏ប៉ុន្តែ ស្ថានភាព និងបរិយាកាសនៃការអនុវត្តវិជ្ជាជីវៈសារព័ត៌មាននៅកម្ពុជានៅតែប្រព្រឹត្តទៅក្នុងស្ថានភាពល្អជាប្រក្រតី ដោយគ្មានការគំរាមកំហែង ការបំភិតបំភ័យ ការបំបិទសិទ្ធិសេរីភាព ក៏ដូចជាការបង្ខំទៅដល់អង្គភាពសារព័ត៌មាន ឬអ្នកសារព័ត៌មានណាមួយឡើយ មិនដូចដែលក្រុមអង្គការសង្គមស៊ីវិលមួយចំនួនតូច បានលើកឡើងនោះទេ។ ឯកឧត្តម មាស សុភ័ណ្ឌ អ្នកនាំពាក្យក្រសួងព័ត៌មាន បានថ្លែងប្រាប់ AMS ថា ព្រះរាជាណាចក្រកម្ពុជាបានទទួលស្គាល់ និងបានអនុវត្តយ៉ាងគត់មត់នៅក្នុងការលើកម្ពស់សិទ្ធិសេរីភាព សារព័ត៌មាន និងសិទ្ធិសេរីភាពក្នុងការបោះពុម្ពផ្សាយស្របតាមរដ្ឋធម្មនុញ្ញ នៃព្រះរាជាណាចក្រកម្ពុជា ក៏ដូចជាច្បាប់របបសារព័ត៌មានផងដែរ។ រហូតមកដល់ពេលបច្ចុប្បន្ននេះ ទោះបីជា ស្ថិតនៅក្នុងកាលៈទេសៈនៃវិបត្តិរីករាលដាលនៃជំងឺកូវីដ១៩ក៏ដោយ ក៏ប៉ុន្តែស្ថានភាព និងបរិយាកាសនៃការអនុវត្តវិជ្ជាជីវៈសារព័ត៌មាននៅក្នុងព្រះរាជាណាចក្រកម្ពុជានៅតែប្រព្រឹត្តទៅ ក្នុងស្ថានភាពល្អជាប្រក្រតី ដោយគ្មានការគំរាមកំហែង ការបំភិតបំភ័យ ការបំបិទសិទ្ធិសេរីភាព ក៏ដូចជាការបង្ខំទៅដល់អង្គភាពសារព័ត៌មាន ឬអ្នកសសារព័ត៌មានណាមួយឡើយ។ អ្នកនាំពាក្យដដែលបន្តថា បើប្រៀបធៀបអំពីវឌ្ឍនភាពនៃការរីកចម្រើនលើវិស័យព័ត៌មាន ជាពិសេសអង្គភាពផ្សព្វផ្សាយតាមប្រព័ន្ធអ៊ីនធឺណិត ឬហៅថាតាមប្រព័ន្ធអនឡាញ ក៏ដូចជា ចំនួនអ្នកសារព័ត៌មានដែលបានចុះបញ្ជីនៅក្រសួងព័ត៌មាន…

ភ្នំពេញៈរាជរដ្ឋាភិបាលបានបន្តដាក់ចេញនូវកញ្ចប់វិធានការអន្តរាគមន៍ជុំទី៨ ដើម្បីបន្តគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ចនៅក្នុងបរិការណ៍វិបត្តិជំងឺកូវីដ-១៩។ នេះបើយោងតាមសេចក្តីបញ្ជាក់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងឱកាសខួបអនុស្សាវរីយ៍ លើកទី១៣៥ នៃទិវាពលកម្មអន្តរជាតិថ្ងៃទី១ ខែឧសភា ឆ្នាំ២០២១។ សម្តេចតេជោបានលើកឡើងក្នុងសារនេះថា “ព្រឹត្តិការណ៍សហគមន៍ ២០កុម្ភៈ“ បានបណ្តាលឱ្យករណីវិជ្ជមាននៃជំងឺកូវីដ-១៩ កើនឡើងយ៉ាងគំហុក និងគួរឱ្យព្រួយបារម្ភ ព្រមទាំងបានឆក់យកអាយុជីវិតអ្នកឆ្លងជំងឺកូវីដ-១៩ ផងដែរ។ រាជរដ្ឋាភិបាលបាន បន្តដាក់ចេញនូវកញ្ចប់វិធានការអន្តរាគមន៍ជុំទី៨ ដើម្បីបន្តគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ចនៅក្នុងបរិការណ៍នវិបត្តិជំងឺកូវីដ-១៩នេះ ក្នុងគោលបំណង (១)កាត់បន្ថយផលប៉ះពាល់មកលើ ស្ថានភាពសង្គមសេដ្ឋកិច្ចដែលបណ្ដាល មកពីការឆ្លងនៃព្រឹត្តិការណ៍សហគមន៍២០កុម្ភៈ(២)បន្តសុពលភាពនៃវិធានការ ដែលបានដាក់ចេញនាពេលកន្លងមក ដែលនឹងផុតកំណត់ក្នុងពេលឆាប់ៗខាងមុខ , (៣) បន្តដាក់ចេញ និងអនុវត្តនូវវិធានការទ្រទ្រង់ និងស្តាអាជីវកម្ម និងធុរកិច្ច ឱ្យងើបឡើងវិញដើម្បីចូលរួមជំរុញកំណើនសេដ្ឋកិច្ច ក្នុងបរិការណ៍ក្រោយវិបត្តិនៃជំងឺកូវីដ-១៩ និង(៤) បន្តជួយទំនុកបម្រុងជីវភាពប្រចាំថ្ងៃរបស់គ្រួសារក្រីក្រ និងងាយរងគ្រោះ តាមរយៈកម្មវិធីឧបត្ថម្ភសាច់ប្រាក់ ដែលរួមមាន៖ ១-វិធានការបន្តជួយវិស័យវាយនភណ្ឌ កាត់ដេរ ផលិតស្បែកជើង ផលិតផលធ្វើដំណើរ និងកាបូប និងវិស័យទេសចរណ៍ៈបន្ទាប់ពីរោងចក្រ សហគ្រាស និងអាជីវកម្ម ក្នុងវិស័យវាយនភណ្ឌ កាត់ដេរ ផលិតស្បែកជើង ផលិតផលធ្វើដំណើរ និងកាបូប និងវិស័យទេសចរណ៍ ទទួលបានលិខិតអនុញ្ញាតឱ្យព្យួរកិច្ចសន្យាការងារពីក្រសួងការងារ…

ភ្នំពេញៈរដ្ឋបាលសាលារាជធានីភ្នំពេញបន្តបង្កើនល្បឿនចែកស្បៀងអាហារជូនដល់ប្រជាពលរដ្ឋនៅតាមតំបន់ចាំបាច់ដូចជា តំបន់ក្រហមដែលប្រជាពលរដ្ឋមិនអាចចេញក្រៅផ្ទះបាន ខណៈវិធានការរបស់រាជរដ្ឋាភិបាលក្នុងការប្រយុទ្ធប្រឆាំងនឹងទប់ស្កាត់ការឆ្លងរីករាលដាលនៃជំងឺកូវីដ-១៩ នៅតែអនុវត្តយ៉ាងសកម្មនៅក្នុងតំបន់បិទខ្ទប់រាជធានីភ្នំពេញ និងក្រុងតាខ្មៅ ខេត្តកណ្តាល។ ឯកឧត្តម ឃួង ស្រេង អភិបាលរាជធានីភ្នំពេញបានថ្លែងនៅថ្ងៃទី១ ខែឧសភា ឆ្នាំ២០២១ នេះថាប្រជាពលរដ្ឋនៅតំបន់បិទខ្ទប់ក្នុងរាជធានីភ្នំពេញជិត២០ម៉ឺនគ្រួសារហើយ ទទួលបានអំណោយជាស្បៀងរបស់សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក៏ដូចជាសប្បុរសជននានា ហើយក៏គ្មានពលរដ្ឋណាម្នាក់ បានស្លាប់ដោយការដាច់ស្បៀងអាហារ នោះដែរ។ ឯកឧត្តមអភិបាលរាជធានីភ្នំពេញ បានមានប្រសាសន៍ថា ប្រជាពលរដ្ឋនៅទូទាំងរាជធានីភ្នំពេញ ដែលត្រូវផ្តល់ស្បៀងអាហារមានប្រមាណ៤០ម៉ឺនគ្រួសារ តែរហូតមកដល់ពេលនេះ អាជ្ញាធររាជធានីភ្នំពេញបានចែកបានស្បៀងអាហារបានជិត២០ម៉ឺនគ្រួសារហើយ។ ឯកឧត្តមបានគូសបញ្ជាក់ថា ការចែកស្បៀងអាហារនេះផ្តោតទៅលើតំបន់ដែលចាំបាច់ ដូចជានៅតំបន់ក្រហម ដែលប្រជាពលរដ្ឋមិនអាចចេញក្រៅផ្ទះបាន។ ឯកឧត្តមអភិបាលរាជធានីភ្នំពេញ បានទទួលស្គាល់ថា ការចែកអំណោយជាស្បៀងអាហារនេះ គឺមិនទាន់បានគ្រប់គ្នានីឡើយទេ ប៉ុន្តែរដ្ឋបាលរាជធានីនឹងខិតខំប្រឹងប្រែងបន្ថែមទៀតដើម្បីផ្តល់ស្បៀងអាហារដល់ដែលអ្នកខ្វះខាតពិតប្រាកដឱ្យបានគ្រប់គ្នា។ ខណៈដែលរាជរដ្ឋាភិបាលកម្ពុជាសម្រេចដាក់វិធានការបិទខ្ទប់រាជធានីភ្នំពេញ និងក្រុងតាខ្មៅ ខេត្តកណ្តាលក៏ដូចជាតំបន់នានា ដើម្បីទប់ស្កាត់ការឆ្លងជំងឺកូវីដ១៩ សម្តេចតេជោ ហ៊ុន សែន នាយករដ្ឋមន្ត្រីបាន ណែនាំដល់អាជ្ញាធរគ្រប់ជាន់ថ្នាក់ផ្តោតការយកចិត្តទុកដាក់ជាចាំបាច់ចំពោះប្រជាពលរដ្ឋដែលខ្វះខាតជីវភាពក្នុងតំបន់បិទខ្ទប់ ដោយតម្រូវឱ្យចាត់ចែងផ្គត់ស្បៀងអាហារ ជូនប្រជាពលរដ្ឋ មិនត្រូវឱ្យពួកគាត់ខ្វះអាហារហូបចុកនោះឡើយ។ ចាប់តាំងពីការអនុវត្តវិធានការបិទខ្ទប់ ស្បៀងអាហារជាច្រើនត្រូវបានអាជ្ញាធរ និងកងទ័ព រៀបចំដឹកជញ្ជូនទៅផ្តល់ជូន ប្រជាពលរដ្ឋជាហូរហែរ ហើយសប្បុរសជនមួយចំនួនក៏បាន ចូលរួមក្នុងចលនាមនុស្សធម៌នេះដែរ។…

ភ្នំពេញៈសម្តេចតេជោនាយករដ្ឋមន្រ្តីកម្ពុជា ក្នុងឱកាសខួបអនុស្សាវរីយ៍លើកទី១៣៥ នៃទិវាពលកម្មអន្តរជាតិថ្ងៃទី១ ខែឧសភា ឆ្នាំ២០២១ បានបញ្ជាក់ថា រាជរដ្ឋាភិបាលបានខិតខំស្វះស្វែងបញ្ហាទិញបន្ថែមទៅ តាមតម្រូវការចាំបាច់ ជាក់ស្ដែង និងបានរៀបចំយុទ្ធនាការចាក់វ៉ាក់សាំងជូនក្រុមគោលដៅជួរមុខ ដូចជា មន្ត្រីជួរមុខ កម្មករនិយោជិត និងប្រជាពលរដ្ឋទូទៅផងដែរ។ ខណៈនេះប្រជាពលរដ្ឋដែលទទួលការចាក់វ៉ាក់សាំងបង្ការជំងឺកូវីដ១៩រួច មានជាង១,៣លាននាក់ និងកម្មករនិយោជិតចាក់ដូសទី១ និងដូសទី២បានជាង១៥ម៉ឺននាក់រួចមកហើយ។ សម្តេចតេជោបានមានប្រសាសន៍ថា នាពេលបច្ចុប្បន្ននេះប្រទេសមួយចំនួនបាននិងកំពុងអភិវឌ្ឍវ៉ាក់សាំងបង្ការជំងឺកូវីដ-១៩ ព្រមទាំងបានសម្រេចចិត្តចាក់វ៉ាក់សាំងជូនប្រជាពលរដ្ឋរបស់ខ្លួនផងដែរ។ ដូចប្រទេសមួយចំនួនទៀត ប្រទេសកម្ពុជា ក៏បាននិងកំពុងខិតខំស្វែងរក ព្រមទាំងបញ្ជាទិញវ៉ាក់សាំងពីគ្រប់ប្រភពដែលរួមមានៈ ១លានដូស ជាជំនួយរបស់សាធារណរដ្ឋប្រជាមានិតចិន, ៣២ម៉ឺនដូសតាមយន្តការខូវ៉ាក់១,៥លានដូសបញ្ហាទិញពីប្រទេសចិន និងបន្តបញ្ជាទិញចំនួន ៤លានដួសបន្ថែមទៀត ហើយក៏ខិតខំស្វះស្វែងបញ្ហាទិញបន្ថែមទៅតាមតម្រូវការចាំបាច់ ជាក់ស្ដែង និងបានរៀបចំយុទ្ធនាការចាក់វ៉ាក់សាំងជូនក្រុមគោលដៅជួរមុខ ដូចជាមន្ត្រីជួរមុខ កម្មករនិយោជិត និងប្រជាពលរដ្ឋទូទៅផងដែរ។ សម្តេចតេជោមានប្រសាសន៍ក្នុងការរំលឹកដាស់តឿនថាយ៉ាងណាក៏ដោយទោះបីជាយុទ្ធនាការនេះ បាននិងកំពុងប្រព្រឹត្តទៅដោយរលូន ក៏មិនមានន័យថា យើងទាំងអស់គ្នាអាចរួចផុតពីការឆ្លងជំងឺកូវីដ-១៩ បាន ១០០ភាគរយដែរ ហើយស្ថានភាព សង្គម-សេដ្ឋកិច្ច អាចវិលត្រឡប់ទៅរកប្រក្រតីភាពដូចមុន ក្នុងរយៈពេលដ៏ខ្លីនោះបានឡើយ។ ព្រឹត្តិការណ៍សហគមន៍ ២០ កុម្ភៈ“ បានបណ្តាលឱ្យករណីវិជ្ជមាននៃជំងឺកូវីដ-១៩ កើនឡើងយ៉ាងគំហុក និងគួរឱ្យព្រួយបារម្ភ ព្រមទាំងបានឆក់យក អាយុជីវិតអ្នកឆ្លងជំងឺកូវីដ-១៩ផងដែរ។ នាឱកាសនេះរាជរដ្ឋាភិបាលសូមបន្តអំពាវនាវជាថ្មីម្ដងទៀតដល់ម្ចាស់រោងចក្រ…

ភ្នំពេញៈក្នុងសារនាឱកាសខួបអនុស្សាវរីយ៍លើកទី១៣៥ នៃទិវាពលកម្មអន្តរជាតិថ្ងៃទី១ ខែឧសភាឆ្នាំ២០២១នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបញ្ជាក់ថា រាជរដ្ឋាភិបាល បានបន្តយកចិត្តទុកដាក់ក្នុងការលើកកម្ពស់សុវត្ថិភាព និងសុខភាពការងាររបស់កម្មករ និយោជិត នៅតាមគ្រប់ រោងចក្រ សហគ្រាស ដោយតម្រូវឱ្យមានគិលានដ្ឋាន កន្លែងហូបបាយ បន្ទប់បំបៅកូន និងទារកដ្ឋានដែលបានជួយ ធ្វើឱ្យកាន់តែប្រសើរ ឡើងនូវសុខុមាលភាពរបស់កម្មករនិយោជិត។ កម្មវិធីបង្ការគ្រោះថ្នាក់ការងារ និងបង្កើនសុវត្ថិភាព ក្នុងការដឹកជញ្ជូន និងការធ្វើដំណើររបស់កម្មករនិយោជិត ក៏ត្រូវបានជំរុញការអនុវត្តយ៉ាងសកម្មផងដែរ។ ទាក់ទងនឹងបញ្ហាសន្តិសុខសង្គមសម្តេចតេជោ បានមានប្រសាសន៍ថា រាជរដ្ឋាភិបាលក៏បានបន្តយកចិត្តទុកដាក់ក្នុងការអភិវឌ្ឍរបបសន្តិសុខសង្គម ដើម្បីពង្រីកវិសាលភាព កាន់តែទូលំទូលាយ ដោយគ្របដណ្តប់ ៤ផ្នែករួមមាន ផ្នែកប្រាក់សោធន ផ្នែកថែទាំសុខភាព ផ្នែកហានិភ័យ ការងារ និងផ្នែក និកម្មភាពការងារ សំដៅធានាសង្គតិភាព និងសមធម៌ រវាងមន្ត្រីសាធារណៈ និងកម្មករនិយោជិត តាមរយៈការពង្រឹងការអនុវត្តច្បាប់ស្តីពីរបបសន្តិសុខសង្គម និងការរៀបចំដាក់ឱ្យអនុវត្តរបបសន្តិសុខសង្គម ផ្នែកហានិភ័យការងារសម្រាប់មន្ត្រីសាធារណៈ និងរបបសោធនសម្រាប់កម្មករនិយោជិត នៅក្នុងឆ្នាំ២០២០។ សម្តេចតេជោ បានបង្ហាញនូវតួលេខជាក់ស្តែងថា ដើម្បីផ្ដល់នូវកិច្ចគាំពារសង្គមជូនបងប្អូនកម្មករនិយោជិត បេឡាជាតិសន្តិសុខសង្គម បានផ្ដល់នូវរបបហានិភ័យ ការងារ និងរបបថែទាំសុខភាព…

ភ្នំពេញៈប្រមុខរាជរដ្ឋាភិបាលសម្តេចតេជោ ហ៊ុន សែន បានបញ្ជាក់ថា ទោះបីជាស្ថិតក្នុងស្ថានភាពដ៏លំបាក នៃជំងឺកូវីដ-១៩ ក៏ដោយ រាជរដ្ឋាភិបាលនៅតែខិតខំបន្តរក្សាការងារ ដែលមានស្រាប់ និងបង្កើតការងារថ្មីគ្រប់ ប្រភេទជូនប្រជាពលរដ្ឋ ដែលនាំឱ្យផលប៉ះពាល់លើចំនួនការងារស្ថិត ក្នុងកម្រិតមួយដែលអាចគ្រប់គ្រងបាន។ ចំណុចបញ្ជាក់នេះបានបង្ហាញឡើងនៅក្នុងសាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាក្នុងឱកាសខួបអនុស្សាវរីយ៍លើកទី១៣៥ នៃទិវាពលកម្មអន្តរជាតិថ្ងៃទី១ ខែឧសភា ឆ្នាំ២០២១ ក្រោមប្រធានបទ “សន្តិភាព សុខភាព និងការងារ”។ សម្តេចតេជោបានមានប្រសាសន៍ថា ប្រធានបទនេះ ពិតជាមានអត្ថន័យយ៉ាងជ្រាលជ្រៅ និងមានតម្លៃជាសារវន្ត ជាសកលជាពិសេសសម្រាប់ព្រះរាជាណាចក្រកម្ពុជាដែលធ្លាប់ទទួលបានការញាំញីដោយសង្គ្រាមបំផ្លិចបំផ្លាញខ្ទេចខ្ទាំរាប់សតវត្សមកហើយ ពីព្រោះមានតែការរក្សាបាននូវសន្តិភាពទេទើបមានការអភិវឌ្ឍ ការបង្កើតការងារ និងស្ថិរភាពការងារក្នុងបរិបទជំងឺកូវីដ-១៩។ សម្តេចបានបញ្ជាក់ទៀតថា ទោះបីជាស្ថិតក្នុងស្ថានភាពដ៏លំបាកនៃជំងឺកូវីដ-១៩ ក៏ដោយរាជរដ្ឋាភិបាលនៅតែខិតខំបន្តរក្សាការងារ ដែលមានស្រាប់ និងបង្កើតការងារថ្មីគ្រប់ប្រភេទជូនប្រជាពលរដ្ឋដែលនាំឱ្យផលប៉ះពាល់ លើចំនួនការងារស្ថិត ក្នុងកម្រិតមួយដែលអាចគ្រប់គ្រងបាន។ ជាក់ស្ដែង រោងចក្រ សហគ្រាសចំនួន ១១០៣ បានបើកដំណើរការថ្មី ដែលផ្តល់ការងារដល់កម្មករនិយោជិតសរុបជាង៦ម៉ឺននាក់បន្ថែម។ លើសពីនេះ ចំនួនរោងចក្រ សហគ្រាស ដែលបានព្យួរកិច្ចសន្យា ការងារបានធ្លាក់ចុះពីចំណុចកំពូលនៅខែមិថុនា ឆ្នាំ២០២០ ពីចំនួន ៤៣៣ ស្មើនឹងកម្មករ…

តើអ្នកណាធ្វើអ្វីខ្លះ ក្នុងពេលកម្ពុជាស្ថិតក្នុងសមរភូមិដ៏គ្រោះថ្នាក់ ក្នុងការប្រយុទ្ធ និងទប់ស្កាត់ការឆ្លងរាលដាលធ្ងន់ធ្ងរ នៃជំងឺកូវីដ-១៩?