-
កម្ពុជាសម្តែងការសោកស្ដាយចំពោះរបាយការណ៍របស់ក្រសួងការបរទេសអាមេរិក ចាត់ថ្នាក់កម្ពុជាមិនបានប្រឹងប្រែងលុបបំបាត់ការជួញដូរមនុស្ស
មន្ត្រីជាន់ខ្ពស់ក្រសួងមហាផ្ទៃ បានសម្តែងការសោកស្តាយចំពោះរបាយការណ៍របស់ក្រសួងការបរទេសសហរដ្ឋអាមេរិក ដែលចាត់ថ្នាក់កម្ពុជា ស្ថិតក្នុងកម្រិតទាបក្នុងសកម្មភាពលុបបំបាត់ការជួញដូរមនុស្ស។ ការដាក់ចំណាត់ថ្នាក់នេះ កម្ពុជាពិតជាមិនអាចទទួលយកបានទេចំពោះរបាយការណ៍នេះ ខណៈដែលកម្ពុជាបានខិតខំយ៉ាងខ្លាំងក្នុងការលុបបំបាត់អំពើជួញដូរមនុស្ស និងការពារជនរងគ្រោះ។ ការសម្តែងការសោកស្តាយនេះ បន្ទាប់ពីក្រសួងការបរទេសអាមេរិកចេញរបាយការណ៍ស្ដីពីការជួញដូរមនុស្សប្រចាំឆ្នាំ កាលពីថ្ងៃទី១៩ ខែកក្កដា ឆ្នាំ២០២២ បានបង្ហាញថា ប្រទេសកម្ពុជាស្ថិតក្នុងបញ្ជីតាមដានចំណាត់ថ្នាក់២ ក្នុងរបាយការណ៍របស់សហរដ្ឋអាមេរិក ក្នុងរយៈពេល៣ឆ្នាំចុងក្រោយនេះ។
-
បណ្ឌិត សេក សុជាតិ ត្បកឱ្យទណ្ឌិតរត់ចោលស្រុករឿងប្រតិកម្មការធ្វើវិសោធនកម្មច្បាប់រដ្ឋធម្មនុញ្ញ
បណ្ឌិត សេក សុជាតិ បានថ្លែងប្រាប់ AMS នៅថ្ងៃទី១៩ ខែកក្កដានេះថា ការលើកឡើងរបស់លោក សម រង្ស៊ី ទាក់ទងការធ្វើវិសោធនកម្មច្បាប់រដ្ឋធម្មនុញ្ញលើកទី១០នេះ គឺជារឿងត្រឹមត្រូវហើយ ពីព្រោះគាត់មើលឃើញថា វាមានភាពមិនប្រក្រតីខ្លះ គឺជារឿងចៀសមិនផុតទេ ក៏ប៉ុន្តែអ្វីដែលយើងសង្កត់ធ្ងន់ និងអ្វីដែលយើងមើលឃើញវែងឆ្ងាយ មានន័យថា សមត្ថភាពថ្នាក់ដឹកនាំនៅក្នុងគណបក្សក្រៅរដ្ឋាភិបាល ឬក៏គណបក្សប្រឆាំង គឺបង្ហាញអំពីទន់ខ្សោយ ឬក៏ទន់ជ្រាយ មិនមានសមត្ថភាពគ្រប់គ្រាន់នៅក្នុងការប្រជែងអំណាចជាមួយនឹងគណបក្សកាន់អំណាច។ ដូច្នេះបានត្រឹមតែប្រើវោហារស័ព្ទនយោបាយ ដើម្បីកែប្រែស្ថានការណ៍ ហើយសម្តែងក្តីព្រួយបារម្ភជាសាធារណៈដើម្បីទាក់ទាញប្រជាពលរដ្ឋ ក៏ដូចជាម្ចាស់ឆ្នោតឱ្យមើលឃើញថា គាត់ជាជនរងគ្រោះជាដើម។
-
ឯកឧត្តម សាយ សំអាល់៖ សម័យតេជោសន្តិភាព គឺជាឱកាសមាសសម្រាប់បងប្អូនខ្មែរអ៊ីស្លាម ប្រតិបត្តិសាសនាយ៉ាងពេញលេញ
សម័យតេជោសន្តិភាព គឺជាឱកាសមាសសម្រាប់បងប្អូនខ្មែរអ៊ីស្លាមអាចគោរពប្រតិបត្តិសាសនា ជាមួយនឹងសិទ្ធិសេរីភាព បង្ហាញអត្តសញ្ញាណខ្លួនឯងបានយ៉ាងពេញលេញ»។ នេះជាប្រសាសន៍លើកឡើងរបស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ថ្លែងក្នុងឱកាសពិសាអាហារសាមគ្គីជាមួយបងប្អូនខ្មែរអ៊ីស្លាម នៅឃុំរាម ស្រុកព្រៃនប់ ខេត្តព្រះសីហនុ នៅព្រឹកថ្ងៃទី១៩ ខែកក្កដា ឆ្នាំ២០២២។
-
វេទិកាសាធារណៈផ្សព្វផ្សាយពីសក្តានុពលនិងអត្ថប្រយោជន៍ដែលនឹងទទួលបានពីគម្រោងវិនិយោគ និងអភិវឌ្ឍន៍ការដាំដុះដំណាំឈើប្រភេទដើមប្រេងខ្យល់
ក្រុមហ៊ុនអង្គរប្លាយវ៉ូដ សហការជាមួយរដ្ឋបាលខេត្តព្រះវិហារបានរៀបចំវេទិកាសាធារណៈស្តីពីការផ្សព្វផ្សាយអំពីសក្តានុពល និងអត្ថប្រយោជន៍ដែលនឹងទទួលបានពីគម្រោងវិនិយោគ និងអភិវឌ្ឍន៍ការដាំដុះដំណាំឈើប្រភេទដើមប្រេងខ្យល់ (Eucalyptus) នៅលើផ្ទៃដីសម្បទានសេដ្ឋកិច្ចរបស់ក្រុមហ៊ុន ធី ង៉ា អភិវឌ្ឍន៍ និងវិនិយោគ និងក្រុមហ៊ុន ភី.អិន.ធី ខូ អិលធីឌី ដែលមានទីតាំងស្ថិតនៅក្នុងឃុំរៀបរយ ស្រុករវៀង ខេត្តព្រះវិហារ។
-
គណៈកម្មាធិការអចិន្ត្រៃយ៍រដ្ឋសភាអនុម័តប្រគល់សេចក្តីព្រាងច្បាប់ធម្មនុញ្ញជូនគណៈកម្មការជំនាញពិនិត្យសិក្សា
អង្គប្រជុំគណៈកម្មាធិការអចិន្ត្រៃយ៍នៃរដ្ឋសភា បានអនុម័តប្រគល់សេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រា១៩ ថ្មី (មួយ)មាត្រា៨៩ មាត្រា៩៨ ថ្មី មាត្រា១០២ ថ្មី មាត្រា១១៩ ថ្មី(មួយ)និងមាត្រា១២៥ថ្មីនៃរដ្ឋធម្មនុញ្ញនៃព្រះរាជាណា ចក្រកម្ពុជា និងមាត្រា៣ ថ្មី និងមាត្រា៤ ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ ជូនគណៈកម្មការនីតិកម្ម និងយុត្តិធម៌ នៃរដ្ឋសភា ពិនិត្យសិក្សាហើយធ្វើរបាយការណ៍ជូនគណៈកម្មាធិការអចិន្ត្រៃយ៍រដ្ឋសភាវិញ។
-
លោក សួន សរីរដ្ឋា ៖ ប្រតិកម្មរបស់ទណ្ឌិតរត់ចោលស្រុករឿងវិសោធនកម្មច្បាប់រដ្ឋធម្មនុញ្ញគឺមិនឆ្លុះបញ្ចាំងអំពីអ្វីដែលជាតម្រូវការពិតប្រាកដនៅកម្ពុជា
លោក សួន សរីរដ្ឋា ប្រធានក្រុមប្រឹក្សាភិបាលវេទិកាសន្តិភាពកម្ពុជាបានមានប្រសាសន៍ប្រាប់ AMSនៅ ថ្ងៃទី១៨ខែកក្កដានេះថាមេដឹកនាំនយោបាយដែលជាទណ្ឌិតរត់ចោលស្រុករូបនេះគឺមិនដែលមើលឃើញអ្វីជាចំណុចល្អ ចំណុចប្រសើរ និងបែបបទនៃការអនុវត្តលលទ្ធិប្រជាធិបតេយ្យ សេរីពហុបក្ស នៅក្នុងប្រទេសកម្ពុជាទេ ។
-
កម្ពុជា-ជប៉ុន ធ្វើការដើម្បីភាពជោគជ័យនៃភាពជាប្រធានអាស៊ានរបស់កម្ពុជា
ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បាន ផ្លាស់ប្ដូរយោបល់ និងការពិភាក្សាជាមួយឯកឧត្តម មិកាមិ ម៉ាសាហ៊ីរ៉ូ (Mikami Masahiro)ឯកអគ្គរាជទូតជប៉ុនប្រចាំកម្ពុជានៅក្នុងជំនួបនៅថ្ងៃទី១៨ខែកក្កដាឆ្នាំ២០២២។ប្រធានបទនៃកិច្ចពិភាក្សាគឺការពង្រឹងកិច្ចសហប្រតិបត្តិការរវាងកម្ពុជា-ជប៉ុនក៏ដូចជារវាងអាស៊ាន-ជប៉ុននិងការត្រៀមរៀបចំសម្រាប់ភាពជោគជ័យនៃកិច្ចប្រជុំ រដ្ឋមន្ដ្រីការបរទេសអាស៊ានលើកទី៥៥និងកិច្ចប្រជុំពាក់ព័ន្ធដែលនឹងត្រូវរៀបចំដោយកម្ពុជាក្នុងនាមជាប្រធានអាស៊ាន ។
-
IPTP គាំទ្រគំនិតផ្តួចផ្តើមអំពាវនាវឱ្យមានការបង្កើតវិទ្យាស្ថានសន្តិភាព និងវិទ្យាសាស្ត្រស្បៀង តាមសំណើរបស់កម្ពុជា
សម័យប្រជុំពេញអង្គលើកទី១០ នៃសភាអន្តរជាតិដើម្បីភាពអត់ឱន និងសន្តិភាព (IPTP) នៅរាជធានីរ៉ាបាត នៃព្រះរាជាណាចក្រម៉ារ៉ុក គាំទ្រចំពោះសន្តិភាពនៅកម្ពុជា និងគំនិតផ្តួចផ្តើមអំពាវនាវឱ្យមានការបង្កើតវិទ្យាស្ថានសន្តិភាព និងវិទ្យាសាស្ត្រស្បៀង តាមសំណើរបស់កម្ពុជា ដើម្បីសិក្សាស្រាវជ្រាវបែបវិទ្យាសាស្រ្ត និងដាក់ចេញអនុសាសន៍រឹងមាំ សម្រាប់អនុវត្តកម្មវិធីសន្តិភាព និងសន្តិសុខស្បៀង ព្រមទាំងស្នើឱ្យមានការចូលរួមពីរដ្ឋាភិបាល រដ្ឋសភា និងផ្នែកឯកជន ជាពិសេសភាពជាដៃគូរវាងរដ្ឋ និងឯកជនដែលអាចផ្តល់ជាដំណោះស្រាយគន្លឹះដល់បញ្ហាប្រឈមសន្តិភាព និងសន្តិសុខស្បៀង។
-
នៅថ្ងៃទី១៩ កក្កដា គណៈកម្មាធិការអចិន្ត្រៃយ៍រដ្ឋសភានឹងប្រជុំពិនិត្យលើសេចក្តីព្រាងច្បាប់ធម្មនុញ្ញ
ឯកឧត្តម ឡេង ប៉េងឡុង អ្នកនាំពាក្យរដ្ឋសភាបានមានប្រសាសន៍ប្រាប់ AMS នៅព្រឹកថ្ងៃទី១៨ ខែកក្កដានេះថា នៅថ្ងៃទី១៩ ខែកក្កដា ឆ្នាំ២០២២ ស្អែកនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា នឹងដឹកនាំកិច្ចប្រជុំគណៈកម្មាធិការអចិន្ត្រៃយ៍ នៃរដ្ឋសភា ដើម្បីពិនិត្យមើលថា តើច្បាប់នេះនឹងបញ្ជូនទៅគណៈកម្មការជំនាញណាមួយដើម្បីសិក្សាស្រាវជ្រាវ។ បន្ទាប់ពីសិក្សាស្រាវជ្រាវរួចគណៈកម្មាការជំនាញត្រូវធ្វើរបាយការណ៍ដើម្បីស្នើដាក់ជូនសភាពេញអង្គដើម្បីពិនិត្យ និងអនុម័ត។ ឯកឧត្តមបានបន្តថា គណៈរដ្ឋមន្ត្រីបានបញ្ជូនសេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រាមួយចំនួនមកដល់រដ្ឋសភាកាលពីថ្ងៃទី១៣ ខែកក្កដា ឆ្នាំ២០២២។
-
អង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា គាំទ្រទាំងស្រុងសំណើវិសោធនកម្មលើកទី១០ នៃរដ្ឋធម្មនុញ្ញ
អង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា បានគាំទ្រទាំងស្រុងសំណើវិសោធនកម្មលើកទី១០ នៃរដ្ឋធម្មនុញ្ញនៃព្រះរាជាណាចក្រកម្ពុជា សំដៅបម្រើឧត្តមប្រយោជន៍របស់ជាតិ គឺ៖ (ទី១)-ការធានាឱ្យស្ថាប័នកំពូលរបស់ជាតិ ជាពិសេស អំណាចនីតិប្រតិបត្តិដែលមានបេសកកម្មចម្បងក្នុងការដឹកនាំការងារទូទៅរបស់រដ្ឋ មានដំណើរការប្រព្រឹត្តទៅដោយរលូន និងប្រកបដោយនិរន្តរភាពនៅគ្រប់កាលៈទេសៈ និង (ទី២)-ការធានាការពារ និងថែរក្សាឱ្យបាននូវសន្តិភាព សន្តិសុខសង្គម សណ្តាប់ធ្នាប់សាធារណៈ និងស្ថិរភាព នយោបាយរបស់ប្រទេសជាតិនៅគ្រប់កាលៈទេសៈ ដើម្បីជាគ្រឹះសម្រាប់ការអភិវឌ្ឍប្រទេសជាតិលើគ្រប់វិស័យ និងសេចក្តីសុខសាន្តរបស់ប្រជាជនកម្ពុជា។