អង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា​ បានបញ្ជាក់ជាឱឡារិកនូវការគាំទ្រសម្ដេចអគ្គមហាសេនាបតីតេជោ ហ៊ុន សែន ជាបេក្ខភាពនាយករដ្ឋមន្ត្រីសម្រាប់នីតិកាលទី៧ នៃរដ្ឋសភា និងគាំទ្រ ឯកឧត្តម ហ៊ុន ម៉ាណត ជាបេក្ខភាពនាយករដ្ឋមន្ត្រីសម្រាប់ពេលអនាគត។​ នេះបេីយោងតាមសេចក្តីជូនដំណឹងស្តីពីលទ្ធផល​នៃអង្គសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា នៅថ្ងៃទី១៧​ ខែកក្កដា​ ឆ្នាំ២០២២។

លោកបណ្ឌិត សេក សុជាតិ នាយកប្រតិបត្តិនៃអង្គការអភិវឌ្ឍន៍ផ្នត់គំនិត និងជាអ្នកវិភាគបានថ្លែងថា ពេលរាជរដ្ឋាភិបាលធ្វើវិសោធនកម្ម ឬកែរដ្ឋធម្មនុញ្ញម្ដងៗ លោកមើលឃើញថា គណបក្សកាន់អំណាចបានផ្ដល់ឱកាសមាសឱ្យទៅគណបក្សប្រឆាំង តែលោកក៏បានមើលឃើញដែរថា គណបក្សប្រឆាំងមិនមានសមត្ថភាពតស៊ូមតិលើរឿងទាំងអស់នេះទេ។ គណបក្សប្រឆាំងតែងតែចាត់ទុកថា គណបក្សកាន់អំណាចធ្វើដើម្បីតែរក្សាអំណាចរបស់ខ្លួនតែប៉ុណ្ណោះ។ លោកបណ្ឌិត សេក សុជាតិ បានបន្តថា មន្ត្រីគណបក្សប្រឆាំង មិនដែលបន្ទោសខ្លួនឯងថា អសមត្ថភាពទេ ពោលបានត្រឹមតែរកវោហាស័ព្ទប្រឆាំងដែលគ្មានទម្ងន់ទម្លាក់ទៅលើគណបក្សកាន់អំណាចតែប៉ុណ្ណោះ។

នាឱកាសដ៏សោកសង្រេងចំពោះការបាត់បង់អតីតនាយករដ្ឋមន្រ្តីជប៉ុន អាបេ ស៊ីនហ្សូ ប្រជាជនកម្ពុជាជាច្រើន រួមមានសមាជិករាជវង្សានុវង្ស ព្រឹទ្ធសភា រដ្ឋសភា រាជរដ្ឋាភិបាល ស្ថាប័ននានា ព្រមទាំងសាធារណជនទូទៅបានចូលរួមគោរពវិញ្ញាក្ខន្ធ និងសរសេរសាររំលែកទុក្ខនៅស្ថានទូតជប៉ុនក្នុងសប្តាហ៍នេះ។ យើងខ្ញុំ ក៏បានទទួលសាររំលែកទុក្ខជាច្រើនឥតគណនាផងដែរ។ នេះបើយោងតាមហ្វេសប៊ុកស្ថានទូតជប៉ុនប្រចាំកម្ពុជាដែលបានបង្ហោះនៅល្ងាចថ្ងៃទី១៦ ខែកក្កដានេះ។

ឯកឧត្ដម ឧបនាយករដ្ឋមន្ត្រី ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា បានជម្រាបជូនឯកឧត្តម បណ្ឌិត អេ ខេ អាប់ឌុល ម៉ូមិន រដ្ឋមន្រ្តីការបរទេសនៃសាធារណរដ្ឋប្រជាមានិតបង់ក្លាដែស អំពីការយកចិត្តទុកដាក់របស់អាស៊ាន និងប្រធានអាស៊ានចំពោះបញ្ហាមីយ៉ាន់ម៉ា ដោយសង្កត់ធ្ងន់ថា ដំណោះស្រាយចំពោះរឿងនេះនឹងអាស្រ័យជាចម្បងលើដំណោះស្រាយវិបត្តិបច្ចុប្បន្ននៅមីយ៉ាន់ម៉ា។ ការបញ្ជាក់នេះ នៅក្នុងជំនួបទ្វេភាគីកាលពីថ្ងៃទី១៥ ខែកក្កដា ឆ្នាំ២០២២។

សភាប្រទេសសមាជិកសភាអន្តរជាតិដើម្បីភាពអត់ឱន និងសន្តិភាព ចំនួនប្រមាណជា៦៥ប្រទេស ក្នុងចំណោមប្រទេស៩០ ជាសមាជិក បានសម្រេចតែងតាំងជាឯកច្ឆ័ន្ទ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា និងជាសមាជិកគណៈកម្មាធិការកណ្តាលនៃគណបក្សប្រជាជនកម្ពុជា ជាអនុប្រធានសភាអន្តរជាតិដើម្បីភាពអត់ឱន និងសន្តិភាព និងបានដាក់សំណើឈ្មោះឯកឧត្តម សួស យ៉ារ៉ា ទៅមហាសន្និបាតជាបេក្ខជនប្រធានសភាអន្តរជាតិដើម្បីភាពអត់ឱន និងសន្តិភាព សម្រាប់ឆ្នាំ២០២៣។

សេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រា ១៩ថ្មី (មួយ) មាត្រា ៨៩ មាត្រា ៩០ថ្មី មាត្រា ១០២ថ្មី មាត្រា ១១៩ថ្មី (មួយ) និងមាត្រា ១២៥ថ្មី នៃរដ្ឋធម្មនុញ្ញ នៃព្រះរាជាណាចក្រកម្ពុជា និងមាត្រា ៣ថ្មី និងមាត្រា ៤ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ បានបញ្ជូនទៅដល់រដ្ឋសភាហើយ។ បន្ទាប់ពីទទួលបានសេចក្តីព្រាងច្បាប់ គណៈកម្មាធិការអចិន្ត្រៃយ៍នៃរដ្ឋសភា នឹងកោះប្រជុំនៅសប្តាហ៍ក្រោយដើម្បីពិនិត្យ និងឲ្យគណៈកម្មការជំនាញសិក្សា។ នេះបើតាមការបញ្ជាក់របស់អ្នកនាំពាក្យរដ្ឋសភាប្រាប់ AMS នៅព្រឹកថ្ងៃទី១៥ ខែកក្កដា ឆ្នាំ២០២២។

នៅល្ងាចថ្ងៃទី១៣ ខែកក្កដា ឆ្នាំ២០២២នេះ សម្តេចតេជោ ហ៊ុន សែន បានផ្ញើសារជូនជនរួមជាតិអំពីករណីជំងឺកូវីដអូមីក្រុងបំប្លែងថ្មីដែលកំពុងកើតមានឡើង និងសូមអំពាវនាវឱ្យប្រជាពលរដ្ឋមានការប្រុងប្រយ័ត្នខ្លាំងឡើង។ សូមស្តាប់សារជាសំឡេងរបស់សម្តេចតេជោដូចខាងក្រោម៖

ប្រធានក្រុមប្រឹក្សាភិបាលវេទិកាសន្តិភាពកម្ពុជា លោក សួន សេរីរដ្ឋា បានហៅការប្រតិកម្មរបស់ក្រុមអង្គការសង្គមស៊ីវិល និងអ្នកវិភាគមួយចំនួនទាក់ទងការធ្វើវិសោធនកម្មមាត្រាមួយចំនួន នៃរដ្ឋធម្មនុញ្ញ គឺហាក់ដូចជាការមានប្រតិកម្មលឿនពេក ដោយមិនទាន់ទាំងបានដឹងច្បាស់ផងខ្លឹមសារពិតប្រាកដ នៃការធ្វើវិសោធនកម្មច្បាប់រដ្ឋធម្មនុញ្ញមានអ្វីខ្លះ? ប៉ុន្តែពួកគេបែរជានាំគ្នាប្រតិកម្មលើកឡើងតាមរបៀបស្មានៗ ដែលជាប្រតិកម្មបែបមិនដឹងខ្យល់ និងប្រៀបដូចជាសត្វគីង្គក់ ដែលគ្រាន់តែឮផ្គរលាន់មក គឺនាំគ្នារត់ចូលក្រោមពាង ក្រោមប៉ោត ហើយស្រែកយំមិនទាន់ដឹងថា ភ្លៀងឬមិនភ្លៀង ឬក៏ភ្លៀងធំ ភ្លៀងតូចផងនៅឡើយ។

របបប្រាក់សោធនសម្រាប់កម្មករនិយោជិតនៃវិស័យឯកជន គឺបានកំណត់យ៉ាងច្បាស់ក្នុងអនុសាសន៍ទី៧ ក្នុងចំណោមអនុសាសន៍ ទាំង១០ចំណុចរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នាអំឡុងពេលចុះជួបសំណេះសំណាលជាមួយបងប្អូនកម្មករនិយោជិតរយៈពេល២ឆ្នាំ កាលពីឆ្នាំ២០១៧ រហូតដល់ឆ្នាំ២០១៩កន្លងទៅ ដែលមានចំនួន៧៧លើក និងមានកម្មករនិយោជិតចំនួន ១លាននាក់បានចូលរួម។ ក្នុងន័យនេះ ការអនុវត្តនូវរបបថ្មីនេះ ជាការទន្ទឹងរង់ចាំរបស់បងប្អូនកម្មករនិយោជិត និងនិយោជក នៃបណ្តារោងចក្រ សហគ្រាស គ្រឹះស្ថាន ដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ ហើយក៏ជាការឆ្លើយតបទៅនឹងអ្វី ដែលរាជរដ្ឋាភិបាលបានដាក់ចេញនៅក្នុងយុទ្ធសាស្រ្តចតុកោណដំណាក់កាលទី៤