ភ្នំពេញ៖ បវេណីនៃការប្រារព្ធបុណ្យប្រជុំបិណ្ឌនេះ គឺគេបានជ្រើសរើសធ្វើនៅក្នុងកំឡុងពេល ដែលប្រជាពលរដ្ឋខ្មែរសម្រាកដៃ ទំនេរពីដកស្ទូង រង់ចាំស្រូវហុចផល ដើម្បីច្រូតកាត់។ នៅក្នុងបវេណីប្រជុំបិណ្ឌនេះដែរ យើងឃើញមានបវេណីដ៏សំខាន់មួយ ដែលខ្មែរយើងសព្វថ្ងៃនិយមជាងគេ គឺពិធីបោះបាយបិណ្ឌ ដើម្បីរំលោះចិត្តបាបនិងចិត្តអកុសល ដោយការធ្វើបុណ្យ ចំពោះប្រេត អោយប្រេតបានស្គាល់ នូវបុណ្យកុសលនេះហើយ បានបែរមកលះចិត្តលះជីវិតជាប្រេត ដើម្បីទទួលកុសល បានទៅចាប់ជាតិជាមនុស្សប្រសើរនឹងគេរិញ។ សូមតាមដាន…

ភ្នំពេញ៖ ពលរដ្ឋនៅតាមទីរមណីយដ្ឋាននានាទូទាំងប្រទេស និងខ្លះជួបជុំបងប្អូន សាច់ញាតិ តូចធំ ចាស់ក្មេង មានមនុស្សទៅកម្សាន្ត និងជុះគ្នាសប្បាយយ៉ាងច្រើនកុះករ។ អ្នកខ្លះអង្គុយហូបអាហារជាលក្ខណៈគ្រួសារ តាមតូបប្របមាត់ទឹក ខ្លះអង្គុយដំកង់ក្រោមម្លប់ឈើ ខ្លះហែលទឹកលេង អ្នកខ្លះដើរមើលប្រាង្គប្រាសាទ ខ្លះជក់ចិត្តជាមួយព្រៃព្រឹក្សា ខណៈខ្លះទៀតដែលមិនសូវចូលចិត្ត ទីដែលមានមនុស្សច្រើនក៏ជួបជុំបងប្អូន មិត្តភ័ក្តិនៅ នឹងផ្ទះតែម្តង។ ក៏ប៉ុន្តែ អារម្មណ៍ នៅជាមួយទិដ្ឋភាពស្រុកស្រែចំការ ពលរដ្ឋខ្មែរក៏នៅមិនអាចចោលបាននោះទេ។ សូមតាមដានទស្សនា

ភ្នំពេញ៖ តាមទំនៀមទំលាប់ប្រជាពលរដ្ឋខ្មែរយើងយល់ថា ការបោះបាយបិណ្ឌនេះ គឺជាការឧទ្ទិសជូនដល់ពពួកសត្វប្រេតទាំងពួង គឺវាមិនទាស់ខុសអ្វីទេ ពីព្រោះថា ពពួកសត្វប្រេតមានច្រើនពួកណាស់ ដែលមានប្រភេទខុសៗគ្នា ដែលធ្វើឲ្យយើងមាន​ពិធីបោះបាយបិណ្ឌ នេះឡើង ដោយពពួកសត្វប្រេតខ្លះមិនអាច​ទទួលអាហារស្អាតស្បាតបានទេ ទាល់តែមានលក្ខណៈស្មោគគ្រោក ដោយមានប្រឡាក់ដោយភក់ជ្រាំ ឬ កាកសំណល់អសោធ ទើបពពួកសត្វប្រេតទាំងនោះយកទៅបរិភោគបាន។ សូមតាមដានទស្សនា