ភ្នំពេញ៖ នៅទីស្តីការក្រសួងមហាផ្ទៃ នាថ្ងៃទី២០ ខែតុលា ឆ្នាំ២០២០ គណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) បានរៀបចំកិច្ចប្រជុំស្តីពី “យន្តការអនុវត្តន៍ការប្រយុទ្ធប្រឆាំងផលិតផលក្លែងក្លាយ និងទិសដៅអនុវត្តន៍បន្ត” ក្រោមអធិបតីភាព ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធាន គ.ប.ផ.ក។  កិច្ចប្រជុំនេះមានការអញ្ជើញចូលរួមពីតំណាងអន្តរក្រសួង ស្ថាប័ន ចំនួន ១១ ដែលជាអនុប្រធាន និងសមាជិក គ.ប.ផ.ក រួមទាំងតំណាងស្ថាប័នពាក់ព័ន្ធ និងមន្រ្តីជំនាញជាច្រើនរូបទៀត។ ជាកិច្ចចាប់ផ្តើម ឯកឧត្តម ឧត្តមសេនីយ៍ឯក តាន់ សុខវិជ្ជា ប្រធានលេខាធិការដ្ឋាន នៃ គ.ប.ផ.ក បានអានរបាយការណ៍សកម្មភាព និងទិសដៅអនុវត្តន៍បន្ត ដោយសង្ខេប រយៈពេល ០៩ខែ ឆ្នាំ២០២០ របស់ គ.ប.ផ.ក ដែលបានអនុវត្តន៍កន្លងមក។ ជាកិច្ចបន្ត  ឯកឧត្តម នាយឧត្តមសេនីយ៍ មៀច សុផាន់ណា បានមានប្រសាសន៍ស្វាគមន៍បើកកិច្ចប្រជុំ និងដឹកនាំពិភាក្សារលើប្រធានបទ ៖ ១. យន្តការប្រយុទ្ធប្រឆាំងផលិតផលក្លែងក្លាយ ឲ្យបានជោគជ័យ…

ក្នុងពេលដែលប្រជាពលរដ្ឋរស់នៅតាមបណ្តាខេត្ត ក្រុង ស្រុក ខណ្ឌ មួយចំនួនរងគ្រោះដោយសារជំនន់ទឹកភ្លៀងលិចផ្ទះសម្បែង  លិចភូមិឋាន លិចហេដ្ឋារចនាសម្ព័ន្ធ ធ្វើឲ្យប៉ះពាល់ដល់ជីវភាពរស់នៅប្រចាំថ្ងៃ ពេលនេះទាំងផ្នែកពុទ្ធចក្រ និងអាណាចក្របានរួមគ្នាជួយសង្គ្រោះ និងផ្តល់ជំនួយជាគ្រឿងឧបភោគ បរិភោគ រួមទាំងថវិកា ជាបន្តបន្ទាប់នៅគ្រប់ភូមិសាស្ត្ររងគ្រោះទាំងអស់ ។ ដោយឡែកសម្រាប់ខណ្ឌច្បារអំពៅ បានចុះចែកអំណោយមនុស្សធម៌ដល់ប្រជាពលរដ្ឋដែលទទួលរងគ្រោះដោយជំនន់ទឹកភ្លៀងនៅគ្រប់សង្កាត់ទាំង៨ ដឹកនាំដោយលោកចេង មុនីរ៉ា អភិបាលនៃគណៈអភិបាល និងមានការនិមន្តចូលរួមពីផ្នែកពុទ្ធចក្រផងដែ ។ ជាក់ស្តែង២ថ្ងៃនេះពោលគឺថ្ងៃទី១៩-០ ខែតុលា ឆ្នាំ២០២០ លោក ចេង មុនីរ៉ា អភិបាលខណ្ឌបានដឹកនាំមន្ត្រីក្រុមការងារចុះចែកអំណោយជាគ្រឿងឧបភោគ បរិភោគ និងថវិកា ជូនប្រជាពលរដ្ឋរងគ្រោះដោយទឹកជំនន់ជាច្រើនគ្រួសារនៅក្នុងសង្កាត់ព្រែកថ្មី សហគមន៍ឆ្មាអើត  ។   ការងារមនុស្សធម៌នេះរៀបឡើង ក្រោមព្រះអធិបតីភាព សម្ដេចព្រះពោធិវ័ង្ស កិត្តិបណ្ឌិត អំ លីមហេង  សម្ដេចព្រះសង្ឃនាយករងទី១ នៃព្រះរាជាណាចក្រកម្ពុជា និងជាព្រះចៅអធិការវត្តចំពុះក្អែក និមន្តអមដោយសម្ដេចព្រះធម្មលិខិត  បណ្ឌិត  សៅរ៍  ចន្ទ  ថុល្ល ព្រះមន្ត្រីសង្ឃ  ។ ជាមួយនឹងសកម្មភាពមនុស្សធម៌នេះដែរលោកអភិបាលក៏ជួបសំណេះសំណាល និងផ្តាំឲ្យបងប្អូនប្រជាពលរដ្ឋត្រូវមានការប្រុងប្រយ័ត្នចំពោះសុវត្ថិភាពកូន ចៅដែលនៅតូចៗ មិនត្រូវអោយចុះលេងទឹក…

ក្មួយៗ នៅក្នុងវិទ្យាស្ថានជាតិអប់រំពិសេស បានទទួល អំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត ជាសម្ភារសិក្សា សម្ភារបរិក្ខាពេទ្យ និងគ្រឿងឧបភោគ បរិភោគ និងរៀបចំអាហារថ្ងៃត្រង់សម្រាប់ក្មួយ តាមរយៈលោក ហ៊ុន ម៉ាណែត  និង លោកស្រី ពេជ ចន្ទមុន្នី ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ TYDA សប្បុរសជន និងក្រុមការងារ។ លោក ហ៊ុន ម៉ាណែត បានសំណេះសំណាលផ្ដាំផ្ញើការសាកសួរសុខទុក្ខពីសំណាក់សម្ដេចតេជោ ហ៊ុន សែន  និងសម្ដេចកិតិ្តព្រឹទ្ធបណ្ឌិត បានផ្តាំផ្ញើឱ្យក្មួយខិតខំរៀនសូត្រឱ្យក្លាយជាសិស្សពូកែ  សិស្សល្អ និងប្រគល់អំណោយព្រមទាំងរៀបចំអាហារថ្ងៃត្រង់សម្រាប់ក្មួយៗ ដែលនៅក្នុងវិទ្យាស្ថាននេះប្រកបដោយទឹកចិត្តមនុស្សធម៌ និងបរិយាកាសស្និទ្ធស្នាលបំផុត។ ដោយឡែកសម្រាប់ក្មួយៗនៅក្នុងអង្គការភូមិកុមារអរុណរះ ស្ថិតនៅក្នុងក្រុងតាខ្មៅខេត្តកណ្ដាល ក៏ត្រូវបានប្រគល់អំណោយយជាសម្ភារៈសិក្សា សម្ភារៈបរិក្ខាពេទ្យ និងគ្រឿងឧបភោគ បរិភោគ និងរៀបចំអាហារថ្ងៃត្រង់ដូចគ្នាផងដែរតាមរយៈក្រុមការងារចុះទៅប្រគល់ និងរៀបចំផ្ទាល់។ សូមបញ្ជាក់ថានេះ គឺជាលើកទី៥ ហើយដែល លោកហ៊ុន ម៉ាណែត និងលោកស្រីពេជចន្ទមុន្នី បានជួបសំណេះសំណាល ប្រគល់អំណោយ រៀបចំអាហារថ្ងៃត្រង់ និងនាំសមាគមគ្រូពេទ្យស្ម័គ្រចិត្តយុវជនសម្តេចតេជោ ចុះព្យាបាលជូនក្មួយៗនិងបុគ្គលិកនៅក្នុងវិទ្យាស្ថានអប់រំពិសេស៕