ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន ចេញសេចក្តីសម្រេច ស្តីពីការបង្កើតគណៈកម្មការ និងអនុគណៈកម្មការផលិតភាពយន្តភាគរឿង ” កូនប្រុសក្រោមពន្លឺព្រះចន្ទពេញបរមី”។

ភ្នំពេញ៖ កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញនៅព្រឹកថ្ងៃទី០៧ ខែមករា ឆ្នាំ២០២១ បានបញ្ជូនខ្លួនជនសង្ស័យជាអ្នកបើកបររថយន្តជាប់ពាក់ព័ន្ធនឹងអំពើឃាតកម្មបាញ់សម្លាប់នាយរងការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញទៅតុលាការចាត់ការតាមផ្លូវច្បាប់។ ជនសង្ស័យអ្នកបើកបររថយន្តឈ្មោះ កែ ចាន់មាន ភេទប្រុសអាយុ២៥ ឆ្នាំគ្មានមុខរបរពិតប្រាកដរស់នៅស្រុកកណ្តៀងខេត្តពោធិ៍សាត់រត់គេចខ្លួនទៅដល់ខេត្តបាត់ដំបងហើយត្រូវបានកម្លាំងនគរបាលស្រាវជ្រាវបង្ក្រាបចាប់ខ្លួនកាលពីថ្ងៃទី០៣ ខែមករា ឆ្នាំ២០២១ ស្ថិតនៅផ្ទះជួលមួយកន្លែងជិតបច្ឆាវត្តទួលតាឯកក្នុងភូមិអូរតាគាំ១សង្កាត់ទួលតាឯកក្រុងបាត់ដំបងខេត្តបាត់ដំបង។ សូមជម្រាបថាជនដៃដល់បានរត់គេចខ្លួនកំពុងត្រូវកម្លាំងនគរបាលរាជធានីភ្នំពេញបន្តសហការជាមួយកម្លាំងសមត្ថកិច្ចពាក់ព័ន្ធតាមស្វែងរកចាប់ខ្លួនដៃដល់ជាឃាតកនៅខេត្តភាគឦសាននៃប្រទេសកម្ពុជា។ សូមរំលឹកថានៅថ្ងៃទី៣០ខែធ្នូឆ្នាំ២០២០វេលាម៉ោង១២និង៥នាទីយប់មានករណីឃាតកម្មផ្តើមចេញពីទំនាស់គ្រោះថ្នាក់ចរាចរណ៍នៅចំណុចមុខផ្ទះសំណាក់សាំងហ័រទៀនលើមហាវិថីសហព័ន្ធរុស្សីស្ថិតនៅភូមិក្បាលដំរី២សង្កាត់កាកាប២ខណ្ឌពោធិ៍សែនជ័យរាជធានីភ្នំពេញបង្កឡើងដោយជនសង្ស័យចំនួន០២នាក់ស្លៀកពាក់ស៊ីវិលប្រដាប់ដោយអាវុធខ្លី០១ដើមមិនស្គាល់ម៉ាកបន្សល់ទុកសំបកគ្រាប់នៅកន្លែងកើតហេតុចំនួន០៩គ្រាប់ក្បាលគ្រាប់ចំនួន០១គ្រាប់មធ្យោបាយធ្វើសកម្មភាពរថយន្តម៉ាកLexusRX300ពណ៌ខ្មៅពាក់ស្លាកលេខសៀមរាប2A-4546មានស្នាមកំពិតដំបូលផ្នែកខាងមុខខាងស្តាំនិងរថយន្តជនរងគ្រោះម៉ាកFORDRAPTORF150ផលិតឆ្នាំ២០២០ពណ៌ស០១គ្រឿងនៅកន្លែងកើតហេតុ។ ជនរងគ្រោះឈ្មោះរ៉េតស៊ីណែតភេទប្រុសអាយុ៤១ឆ្នាំស្នាក់នៅផ្ទះលេខ១៦៩ផ្លូវ១៦៩ភូមិ៤សង្កាត់វាលវង់ខណ្ឌ៧មករារាជធានីភ្នំពេញជានាយរងការិយាល័យនគរបាលកំរឹតស្រាលនៃស្នងការដ្ឋាននគរបាលរាជធានីភ្នំពេញត្រូវបានជនដៃដល់បាញ់ពីក្រោយខ្នងចំនួន០៣គ្រាប់ធ្លាយមកមុខនិងថ្ងាស់០១គ្រាប់ធ្លាយមកក្រោយ។បន្ទាប់ពីបង្កហេតុជនសង្ស័យបានបើករថយន្តគេចចេញពីកន្លែកើតហេតុ។សមត្ថកិច្ចចុះធ្វើស្រាវជ្រាវស្វែងរកជនសង្ស័យនៅព្រឹកថ្ងៃដដែលសកមត្ថកិច្ចបានរកឃើញរថយន្តជនសង្ស័យដែលដោះស្លាកលេខចេញយកទៅប្លុងចោលនៅចំណុចផ្ទះគ្មានលេខផ្លូវ៤២ភូមិស្វាយឧត្តមសង្កាត់ពន្សាំងខណ្ឌព្រែកព្នៅនិងបានសាកសួរម្ចាស់ផ្ទះហើយឈានទៅដល់ការស្វែងរកចាប់ខ្លួនជនសង្ស័យ០១នាក់ជាបក្ខពួកជនដៃដល់ដែលបានរត់គេចដល់ខេត្តបាត់ដំបងហើយបានបញ្ជូនជនសង្ស័យរូបនេះមកកាន់ការិយាល័យនគរបាលព្រហ្មទណ្ឌមរិតធ្ងន់រាជធានីភ្នំពេញដើម្បីធ្វើការសាកសួរ។ ក្រោយការសាកសួរជនសង្ស័យឈ្មោះកែចាន់មានបានសារភាពថាក្រុមខ្លួនពិតជាបានចូលរួមក្នុងសកម្មភាពបាញ់សម្លាប់ជនរងគ្រោះពិតប្រាកដមែនដោយឈ្មោះអ៊ាណារ៉េនហៅរ៉េនជាអ្នកបាញ់សម្លាប់ជនរងគ្រោះ។ចំណែករូបគេជាអ្នកបើករថយន្តរត់គេចទៅលាក់ទុកនៅផ្ទះប្រជាពលរដ្ឋក្បែរភ្នំបាសិត។ហើយឈ្មោះរ៉េនក៏បានតេទូរស័ព្ទបក្ខពួកម្នាក់ទៀតយកម៉ូតូមកឌុបពួកខ្លួនឆ្លងស្ពានព្រែក្តាមទៅផ្ទះសំណាក់មិនចាំយីហោដេកចំនួន០២យប់។បន្ទាប់មកពួកគេក៏បែកគ្នារៀងៗខ្លួនហើយរូបគេ(កែចាន់មាន)មកលាក់ខ្លួននៅក្នុងវត្តមួយនៃខណ្ឌព្រែកព្នៅ០១យប់។លុះដល់ថ្ងៃទី០២ខែមករាឆ្នាំ២០២១ខ្លួនក៏បានបន្តដំណើរទៅខេត្តបាត់ដំបងដោយស្នាក់នៅបន្ទប់ជួលម្តុំវត្តទួលតាឯកខេត្តបាត់ដំបងទើបនៅថ្ងៃទី០៣ខែមករាឆ្នាំ២០២១ពេលខ្លួនកំពុងដេកនៅផ្ទះជួលក៏ត្រូវបានសមត្ថកិច្ចធ្វើការឃាត់ខ្លួនតែម្តង។ សេចក្តីរាយការណ៍ឱ្យដឹងថាជនដៃដល់បាញ់សម្លាប់នាយរងការិយាល័យព្រហ្មទណ្ឌកម្រិតស្រាលរាជធានីភ្នំពេញបានរត់គេចខ្លួនដល់ខេត្តមណ្ឌលគិរីជាមួយភរិយាប្អួនថ្លៃនិងកូនម្នាក់។ជនសង្ស័យបានព្យាយាមបើករថយន្តបំបុករបាំងហាមឃាត់របស់សមត្ថកិច្ចនៅក្នុងស្រុកកោះញ៉ែកកាលពីយប់ថ្ងៃទី០៤ខែមករាដើម្បីការទម្លាយចេញពីការឡោមព័ទ្ធ។ឈ្មោះរ៉េនត្រូវគេបញ្ជាក់ថាគឺជាមន្ត្រីយោធាដែលមានអាវុធជាប់ខ្លួននិងជាមនុស្សធ្លាប់ធ្វើសកម្មភាពអំពើប្លន់បាញ់សម្លាប់ជនរងគ្រោះម្នាក់នៅក្នុងរាជធានីភ្នំពេញនិងទើបចេញពីពន្ធនាគារបាន២ឆ្នាំ។ សូមបញ្ជាក់ផងដែរថាជុំវិញនៃអំពើឃាតកម្មបាញ់សម្លាប់នាយរងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញនៅខណ្ឌពោធិ៍សែនជ័យរឿងទំនាក់គ្រោះថ្នាក់ចរាចរណ៍នោះ។ឯកឧត្តមឧត្តមសនីយ៍ឯកសថេតអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញក៏បានប្រាប់គ្រួសារសពនៅក្នុងពិធីគោរពវិញ្ញាណក្ខន្ធសពលោកវរសេនីយ៍ទោរ៉េតស៊ីណែតហៅញ៉ក់កាលពីកន្លងទៅថ្មីៗនេះនឹងប្តេជ្ញាតាមស្វែងរកចាប់ខ្លួនជាឃាតកដើម្បីយកមកផ្តន្ទាទោសតាមផ្លូវច្បាប់ឱ្យខាងតែបាន៕ដោយ៖បញ្ញា

ថ្ងៃ៧ មករា គឺជាខួប ៤២ឆ្នាំ នៃការរំដោះ និងជាថ្ងៃកំណើតទី២ នៃការរស់ឡើងវិញរបស់ប្រជាជនកម្ពុជា ដែលបានរួចផុតពីរបបកម្ពុជាប្រជាធិបតេយ្យ ឬហៅថារបបប្រល័យពូជសាសន៍ខ្មែរក្រហម។ ឆ្លៀតក្នុងឱកាសអបអរសាទរខួបអនុស្សាវរីយ៍លើកទី៤២ នៃថ្ងៃជ័យជំនះ ៧ មករា ឯកឧត្តម ស៊ឹម ស៊ីថា ប្រតិភូរាជរដ្ឋាភិបាល ទទួលបន្ទុកអគ្គនាយករដ្ឋាករទឹកស្វ័យតរាជធានីភ្នំពេញ បានផ្តល់អគារសិក្សាបេតុង ១ខ្នង មាន ៣បន្ទប់ ដំបូងប្រក់ក្បើងតាមរយៈ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង ជូនដល់ប្អូនប្រជាពលរដ្ឋនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ដែលបានរៀបចំពិធីក្រុងពិលីនៅព្រឹកថ្ងៃទី៧ ខែមករា ឆ្នាំ២០២១ នៅសាលាបឋមសិក្សា បោះពោធិ៍ ក្រោមអធិបតីភាព ឯកឧត្តម ងួន រតនៈ អភិបាល នៃគណៈអភិបាលខេត្ត និងលោកជំទាវ ដោយមានការអញ្ជើញចូលរួមពី ឯកឧត្តម ទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក អភិបាលរងខេត្ត លោកប្រធាន អនុប្រធានមន្ទីរ…

ភ្នំពេញ ៖ កម្លាំងប៉ុស្តិ៍នគរបាលទឹកថ្លា នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យ០៣នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។ នេះបេីយោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ៧ ខែមករា ឆ្នាំ ២០២១ ។ ជនសង្ស័យ០៣នាក់ ៖ ទី១-ឈ្មោះ ហ៊ែល ជីវ៉ា ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល សង្កាត់ចតុមុខ ខណ្ឌដូនពេញ , ទី២-ឈ្មោះ វឹក ផាន់ណាក់ ភេទប្រុស អាយុ២៦ឆ្នាំ ជនជាតិខ្មែរ មុខរបរជាងដែក ស្នាក់នៅបន្ទប់ជួល ផ្លូវបេតុង ភូមិទឹកថ្លា សង្កាត់ទឹកថ្លា ខណ្ឌសែនសុខ , និងទី៣-ឈ្មោះ លន់ រ៉ូហ្សា ភេទប្រុស អាយុ២១ឆ្នាំ ជនជាតិខ្មែរ មុខរបរកម្មករសំណង់…

ភ្នំពេញ៖ នៅថ្ងៃទី០៦ ខែមករា ឆ្នាំ២០២១ មានករណីគ្រោះថ្នាក់ចរាចរណ៍ នៅទូទាំងប្រទេស បានកើតឡើងចំនួន១១លើក បណ្ដាលឲ្យមនុស្សចំនួន៧នាក់បានស្លាប់ និង១៤នាក់ទៀត បានរងរបួសធ្ងន់ស្រាល។ នេះបើយោងតាមរបាយការណ៍ របស់អគ្គស្នងការដ្ឋាននគរបាលជាតិ។ របាយការណ៍ដដែលបញ្ជាក់ថា មូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍ រួមមាន៖ បើកបរលើសល្បឿនកំណត់ ការមិនគោរពសិទ្ធិ មិនប្រកាន់ស្ដាំ បត់គ្រោះថ្នាក់ និងប្រជែងគ្រោះថ្នាក់ជាដើម៕ ដោយ/ ឆៃ ហួត និងប៊ុនធី

ព្រះសីហនុ ៖ ឯកឧត្ដម រ័ត្ន វិរៈ អនុរដ្ឋលេខាធិការក្រសួងបរិស្ថាន បានដឹកនាំក្រុមការងារចុះជួបសំណេះសំណាលជាមួយបងប្អូនប្រជាពលរដ្ឋ និងចែកពូជគោជូនបងប្អូនប្រជាពលរដ្ឋចំនួន៧គ្រួសារ ១គ្រួសារគោ៣សរុបចំនួន២១ក្បាល និងពូជមាន់ចំនួន៦គ្រួសារ ក្នុង១គ្រួសារ ៤០គីឡូ សរុបចំនួន ២៤០គីឡូអ្នកចូលរួមសរុបប្រហែល ៣០នាក់ ស្ថិតនៅឃុំជើងគោ ស្រុកព្រៃនប់ ខេត្តព្រះសីហនុ នៅថ្ងៃទី០៧ ខែមករា ឆ្នាំ២០២១ ។ ឯកឧត្តម រ័ត្ន វិរៈ បានឱ្យដឹងថា ការរៀបចំពិធីចែកគោពូជចិញ្ចឹមជូនប្រជាពលរដ្ឋនេះ គឺជារួមចំណែកក្នុងការផ្តល់ពូជដល់ប្រជាជននៅតាមសហគមន៍តំបន់ការពារធម្មជាតិ ដើម្បីផ្សារភ្ជាប់ជាមួយយុទ្ធសាស្រ្តអភិវឌ្ឍន៍ថ្នាក់តំបន់មួយយ៉ាងល្អប្រសើរសម្រាប់ជាចក្ខុវិស័យក្នុងការបង្កើនផលិតភាពកសិកម្មប្រកបប្រសិទ្ធភាពខ្ពស់ និងមានសុវត្ថិភាពដល់បរិស្ថានរស់នៅ និងដើម្បីចូលរួមលើកកម្ពស់ជីវភាពប្រជាពលរដ្ឋ។ សូមបញ្ជាក់ថា កន្លងមកក្រសួងបរិស្ថាន បានចែកគោ ជ្រូក និងមាន់ដល់ប្រជាសហគមន៍តំបន់ការពារធម្មជាតិ ក្នុងចំណោមសហគមន៍តំបន់ការពារធម្មជាតិ នៃម្រោងលើកកម្ពស់ជីវភាពប្រជាជនក្នុងតំបន់ការពារធម្មជាតិ ដែលរាជរដ្ឋាភិបាលកម្ពុជា បានសម្រេចផ្តល់ឱ្យសហគមន៍ តាមរយៈស្មារតីនៃវេទិកាស្ដីពី «ការការពារ និងអភិរក្សធនធានធម្មជាតិ» ដែលរៀចំឡើងក្រោមអធិបតីភាពដ៏ខ្ពង់ខ្ពស់សម្តេចអគ្គសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២២ ខែសីហា ឆ្នាំ២០១៦ ៕

ភ្នំពេញ ៖ អគ្គិភ័យមួយបណ្ដាមកពីផ្ទុះសេខ្សែភ្លើងបង្កឲ្យឆាបឆេះផ្ទះប្រជាពលរដ្ឋពីរខ្នងយ៉ាងសន្ធោសន្ធៅត្រូវបានកម្លាំងជំនាញមកធ្វើការបាញ់ពន្លត់ កាលពីវេលាម៉ោង ២និង១០នាទីរំលងអធ្រាតឈានចូល ថ្ងៃទី៧ ខែមករា ឆ្នាំ២០២១ នៅចំណុចផ្លូវរថភ្លេីង ក្នុងសង្កាត់ទួលសង្កែទី ១ ខណ្ឌ ឫស្សីកែវ រាជធានីភ្នំពេញ ។ យោងតាមប្រភពព័ត៌មានពីប្រជាពលរដ្ឋបានឲ្យដឹងថា ផ្ទះខាងលើមានការឆ្លងចរន្តអគ្គិសនីបណ្ដាលឲ្យមានជាអណ្តាតភ្លេីងឆាបឆេះយ៉ាងសន្ធោសន្ធៅរាលដាលដល់ផ្ទះមួយទៀតឆេះអស់ទាំងស្រុងតែម្តង ។ សូមបញ្ជាក់ថា ក្នុងករណីអគ្គិភ័យខាងលើនេះប្រើប្រាស់រថយន្តពន្លត់អគ្គិភ័យអស់ចំនួន៤ គ្រឿងហើយសមត្ថកិច្ចបានពន្លត់បានទាំងស្រុងត្រឹមរយៈពេលប្រហែលកន្លះម៉ោង ហេីយក៏មិនបណ្ដាលឲ្យមនុស្សរងរបួសនោះដែរ ៕ ដោយ៖ ជីម ភារ៉ា

ភ្នំពេញ៖ យុវជនម្នាក់ស្លាប់ បន្ទាប់ពីជិះម៉ូតូសុខៗត្រូវរថយន្តមិនចាំម៉ាក មកពីក្រោយកៀរឲ្យដួលកិនពីលើបែកក្បាលខ្ទិចហើយរថយន្តបង្កបើកគេចបាត់។ ហេតុការណ៍នេះបង្កការភ្ញាក់ផ្អើលនៅវេលា ម៉ោង៣យប់រំលងអធ្រាត្រឈានចូលថ្ងៃព្រហស្បតិ៍ ទី៧ ខែមករាឆ្នាំ២០២១។ស្ថិតនៅតាមបណ្ដោយផ្លូវជាតិលេខ ៣ ចំណុចជិតបន្ទាយង៧០ ក្នុងភូមិព្រែព្រីងខាងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានី ភ្នំពេញ។ ក្នុងកាបូបជនរងគ្រោះមាន អត្តសញ្ញាណប័ណ្ណ មួយសន្លឹកមានឈ្មោះ ខឿន ខាវភេទប្រុស អាយុ២៣ឆ្នាំ ជនជាតិខ្មែរ មានស្រុកកំណើត ភូមិព្រៃខ្មៅ ឃុំកន្សោមអក ស្រុកកំពង់ត្របែក ខេត្តព្រៃវែង ដោយជិះម៉ូតូម៉ាកឌ្រឺមសង់ ស៊េរីឆ្នាំ២០២០ ពណ៌ខ្មៅ ពាក់ស្លាក លេខ ភ្នំពេញ1IE.1696 ជិះតែម្នាក់ឯង។ បេីតាមប្រភពបានឲ្យដឹងថាមុនពេលកើតហេតុគេឃើញ យុវជនម្នាក់ជិះម៉ូតូឌ្រីមសង់ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីជើងមកត្បូង ខណៈមកដល់ចំណុចកើតហេតុខាងលើ ស្រាប់ តែមានរថយន្តមិនស្គាល់ម៉ាកបើកស្របគ្នាមកពីក្រោយល្បឿនលឿន មកគៀរម៉ូតូជនរងគ្រោះ បណ្ដាលឲ្យដួលហើយកិន ត្រឹមចង្កេះមកខាងក្បាលបណ្តាលឲ្យបែកក្បាលខ្ទិចស្លាប់មួយរំពេច។ចំណែករថយន្តបង្កបើកគេច បាត់ ។ ក្រោយកើតហេតុសមត្ថកិច្ចជំនាញខណ្ឌចុះមកធ្វើកំណត់ហេតុរួចប្រគល់សពឲ្យរថយន្តដឹកសព យកទៅដម្កល់ទុកនៅវត្តទឹកថ្លារងចាំសាច់ញាតិ មកទទួលយកទៅធ្វើបុណ្យតាមប្រពៃណី។ ដោយឡែកម៉ូតូរបស់ជនរងគ្រោះត្រូវបានសមត្ថកិច្ចយកទៅរក្សាទុករងចាំស្រាវជ្រាវរក រថយន្តបង្កបន្តទៀត៕ ដោយ ៖ ជីម ភារ៉ា

ភ្នំពេញ ៖ មានអគ្គិភ័យមួយបានឆាបឆេះរោងចក្រផលិតប្រអប់ស្នោមួយកន្លែងយ៉ាងសន្ធោសន្ធៅបង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យមកធ្វើអន្តរាគមន៍ភ្លាមៗ កាលពីវេលាម៉ោង៥ល្ងាចថ្ងៃទី០៦ ខែមករា ឆ្នាំ២០២១ ស្ថិតនៅក្នុងភូមិព្រៃល្ង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ បេីតាមប្រភពព័ត៌មានពីប្រជាពលរដ្ឋបានឱ្យដឹងថា នៅមុនពេលកើតហេតុគេឃើញមានផ្សែងខ្មៅហុយចេញពីក្នុងរោងចក្រ ផ្នែកខាងក្រោយ ហើយភ្លាមៗនោះស្រាប់តែមានអណ្ដាតភ្លើងឆេះខ្មួលខ្មាញ់ឡើងតែម្ដង។ ខណៈនោះប្រជាពលរដ្ឋបានរាយការណ៍ជូនអាជ្ញាធរមូលដ្ឋានឱ្យទាក់ទងទៅការិយាល័យជំនាញចេញរថយន្តពន្លត់អគ្គិភ័យជួយធ្វើអន្តរាគមន៍បាញ់ទឹកពន្លត់ភ្លាមៗ តែដោយសារតែរោងចក្រផលិតប្រអប់បាយធ្វើពីស្នោ មានការឆាបឆេះលឿនពេក គឺមិនងាយគ្រប់គ្រងបានឡើយ។ លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ក្រោយពីទទួលបានព័ត៌មានពីប្រជាពលរដ្ឋភ្លាម លោក ក៏បានបញ្ចេញរថយន្តពន្លត់អគ្គិភ័យរបស់ការិយាល័យជាង១០គ្រឿងចេញមកធ្វើអន្តរាគមន៍ ជួយបាញ់ទឹកពន្លត់ជៀសវាងឆេះរាលដាលដល់ផ្ទះប្រជាពលរដ្ឋ ឬបង្កគ្រោះថ្នាក់ដល់មនុស្ស។ ក្រោយពីបាញ់ពន្លត់រលត់ជាស្ថាពរ នគរបាលជំនាញបានសន្និដ្ឋានជាជំហានដំបូងថា មូលហេតុកើតឡើងសង្ស័យមានការឆ្លងចរន្តអគ្គិសនី៕ដោយ៖ ជីម ភារ៉ា