ភ្នំពេញ៖ បុរសម្នាក់បើករថយន្តបែនដឹកដីដាច់ហ្វ្រាំងបុករះម៉ូតូរថយន្តចូលផ្ទះចំពេញទំហឹង បណ្តាលឱ្យរងការខូតខាតយ៉ាងដំណំ។ ហេតុការណ៍នេះ បានកើតឡើងកាលពីរវេលាម៉ោង១ និង១០នាទី ថ្ងៃទី៥ ខែមករា ឆ្នាំ២០២១ ស្ថិតនៅតាមបណ្តោយផ្លូវបេតុង ត្រង់ចំណុចខ្លោងទ្វារវត្តសន្សំកុសល ក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។ តាមប្រភពព័ត៍មានពីរកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសម្នាក់បើករថយន្តបែនដឹកដីមួយគ្រឿង ពណ៌ក្រហម ពាក់ស្លាក់លេខ ភ្នំពេញ 3D-7419 ធ្វើដំណើរតាមបណ្តោយផ្លូវ២៧១ ក្នុងទិសដៅពីរជើងទៅត្បូង ខណៈមកដល់ត្រង់ចំណុចខ្លោងទ្វារវត្តសន្សំកុសល ក៏បត់ស្តាំចូលតាមបណ្តោយផ្លូវបេតុង ស្រាប់តែមកដល់ចំណុចកើតហេតុខាងលើ ក៏សង្ស័យថារថយន្តបែនដឹកដីនោះដាច់ហ្វ្រាំងជ្រុលទៅបុករះម៉ូតូនិងរថយន្តចត់ទុកនៅខាងមុខផ្ទះចំពេញទំហឹង រួចរថយន្តមិនទាន់អស់ល្បឿនក៏បន្តជ្រុលទៅបុកទូធ្វើសោរចូលផ្ទះមួយតង់ទៀត បណ្តាលឱ្យម៉ូតូមួយគ្រឿងម៉ាក PCX ពណ៍ស ពាក់ស្លាក់លេខ ភ្នំពេញ 1IA-6730 រងការខូចខាតយ៉ាងដំណំ។ រីឯរថយន្តម៉ាក Kia មួយគ្រឿងទៀតរងការខូចបែកស្តុបក្រោយខាងស្តាំ។ ចំណែកឯស្លាក់យីហោផ្ទះវិញរងការខូចខាត់កំពឹតដំណំ។ តែសំណាងល្អ ក្នុងករណីគ្រោះថ្នាក់ចរាចរណ៍នេះ មិនបង្កឱ្យមាននណាម្នាក់រងបួសនោះទេ។ ក្រោយពេលកើតហេតុ សមត្ថកិច្ចមូលដ្ឋានសហការជាមួយសមត្ថកិច្ចជំនាញក៏បានចុះមកដល់កន្លែងកើតហេតុ ធ្វើការវាស់វែងបាញ់ថ្នាំរថយន្តនិងម៉ូតូ និងសម្រួលចរាចរណ៍កុំឱ្យមានការកក់ស្ទះ រួចឱ្យភាគីតៃកុងរថយន្តបង្កសម្របសម្រួលគ្នាជាមួយភាគីជនរងគ្រោះ ដោយតៃកុងរថយន្តបង្កព្រមសង់ណង់និងជួសជុលឱ្យវិញទៅខាងភាគីជនរងគ្រោះទាំងអស់ដើម្បីបញ្ចប់រឿងនៅនឹងកន្លែងតែម្តង៕ ដោយ/ ឆៃ ហួត

ប៉ៃលិន ៖ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន និងឯកឧត្តម សៅ សារ៉ាត់ ឣ្នកតំណាងរាស្រ្តមណ្ឌលប៉ៃលិន កាលពីថ្ងៃទី៤ ខែមករា ឆ្នាំ២០២១ បានឣញ្ជើញចុះសំណេះសំណាលនិងសួរសុខទុក្ខ និងនាំយកម្ហូបអាហារជាសាច់ជ្រូក សាច់មាន់ ចង្ក្រានហ្គាស ម៉ាស់ និងអង្រឹងមុង ជូនដល់កងកម្លាំងការពារព្រំដែននៅតាមបន្ទាត់ព្រំដែនកម្ពុជា-ថៃ ដើម្បីជាការលើកទឹកចិត្ត និងផ្តល់ថាមពលដល់កម្លាំងកាយ ក្នុងការចូលរួមទប់ស្កាត់ការឆ្លងដែនខុសច្បាប់ បទល្មើសជួញដូរផ្សេងៗ ពិសេសត្រៀមទទួលពលករដែលចំណាកស្រុកចូលមកពីប្រទេសថៃតាមច្រករបៀងនានា ដើម្បីបញ្ជូនមកធ្វើចត្តាឡីស័ក ក្រោមការពិនិត្យនិងតាមដានសុខភាពដោយយកចិត្តទុកដាក់ពីក្រុមគ្រូពេទ្យជំនាញ ក្នុងការបង្ការនិងទប់ស្កាត់ការរីករាលដាលវីរុសកូវីដ១៩ចូលក្នុងសហគមន៍ ។ តមកលោកជំទាវ ក៏បានបន្តដំណើរមកសំណេះសំណាល និងពិនិត្យការយាមកាមរបស់កងកម្លាំង និងការបំពេញការងាររបស់ក្រុមគ្រូពេទ្យ នៅតាមមណ្ឌលចត្តាឡីស័កផងដែរ ។ ក្នុងឱកាសជួបសំណេះសំណាល លោកជំទាវអភិបាលខេត្ត បាននាំបណ្តាំផ្ញើសាកសួរសុខទុក្ខ ពីសំណាក់សម្តេចអគ្គមហាសេនាបតី ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនកងកម្លាំងទាំងអស់ និងរួមគ្នាបំពេញតួនាទី ភារកិច្ចអោយបានល្អ មានសាមគ្គីភាព ឯកភាពផ្ទៃក្នុងអោយបានរឹងមាំ ដើម្បីរួមគ្នាទប់ស្កាត់កុំឱ្យវីរុសកូវីដ១៩ឆ្លងចូលសហគមន៍បាន ហើយក្នុងពេលបំពេញភារកិច្ចនេះ ត្រូវរក្សាអនាម័យ ពាក់ម៉ាស់ លាងដៃនឹងអាល់កុល ជែលអាល់កុលជាប្រចាំ និងមិនត្រូវទៅប៉ះពាល់…

នៅទីស្ដីការក្រសួងមហាផ្ទៃ នាព្រឹកថ្ងៃអង្គារ ទី៥ ខែមករា ឆ្នាំ២០២១ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ និងជាប្រធានក្រុមការងារ SOMTC បានអញ្ជើញដឹកនាំកិច្ចប្រជុំក្រុមការងារ SOMTC ដោយមានការអញ្ជើញចូលរួមពី ឯកឧត្តម អគ្គលេខាធិការរង ប្រធាននាយកដ្ឋាន ប្រធានលេខាធិការដ្ឋាន និងសមាជិក សមាជិកាក្រុមការងារ SOMTC ព្រមទាំងអ្នកពាក់ព័ន្ធជាច្រើនរូបផងដែរ។ នាឱកាសនោះ ឯកឧត្តម នាយឧត្តមសេនីយ៍ ប៉ោ ភក្តិ បានលើកទឹកចិត្តដល់ក្រុមការងារ SOMTC ត្រូវរួបរួមគ្នាធ្វើការងារឲ្យទទួលបានជោគជ័យ នៅក្នុងក្របខណ្ឌសមូហភាព ដើម្បីឲ្យតំណាងក្រសួងមហាផ្ទៃ ជាពិសេសតំណាងកម្ពុជា ចូលរួមវេទិការនានា របស់អាស៊ានពាក់ព័ន្ធការងារប្រយុទ្ធប្រឆាំងឧក្រិដ្ឋកម្មឆ្លងដែន ដើម្បីឲ្យមានលទ្ធភាពក្នុងការចូលរួមចំណែកជាមួយបណ្ដាប្រទេសដទៃទៀត ក្នុងសមាជិកអាស៊ាន។ បន្ថែមពីនេះ ឯកឧត្តម នាយឧត្តមសេនីយ៍ ប្រធានក្រុមការងារ SOMTC ក៏បានប្ដេជ្ញាចិត្តយ៉ាងមុតមាំថា នឹងធ្វើការងារឧក្រិដ្ឋកម្មឆ្លងដែនក្នុងក្របខណ្ឌអាស៊ាន ឲ្យមានប្រសិទ្ធភាព និងទទួលបានជោគជ័យផងដែរ។ ឯឧត្តម នាយឧត្តមសេនីយ៍ ក៏បានផ្ដាំផ្ញើដល់ក្រុមការងារ SOMTC ត្រូវមានការទទួលខុសត្រូវខ្ពស់ ចំពោះការងាររៀងៗខ្លួន…

សារលិខិតអបអររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ក្នុងឱកាសនៃខួប ៤៥ឆ្នាំចំណងអាពាហ៍ពិពាហ៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា៕

ភ្នំពេញ ៖ នារីវ័យក្មេងម្នាក់ខូចចិត្តរឿងស្នេហាស្រលាញ់ភេទដូចគ្នា បែរជាគូស្នេហ៍បែកចិត្តទៅ ស្រលាញ់មនុស្សប្រុសវិញ ធ្វើឱ្យនាងខូចចិត្ត មកអង្គុយយំ ហេីយស្រាប់តែមានជនឆ្លៀតឱកាស មកលួងលោមនិងបន្លំលួចយកទូរស័ព្ទរបស់នាងទៀត ធ្វើឲ្យនាងគិតខ្លី មកលោតទឹកសម្លាប់ខ្លួន នៅស្ពានជ្រោយចង្វា ប៉ុន្តែមិនបានសម្រេច។ ហេតុការណ៍ដ៏ភ្ញាក់ផ្អេីលនេះបានកេីតឡេីងកាលពីម៉ោងជិត១ រំលងអាធ្រាត្រ ឈានចូលថ្ងៃទី៥ ខែមករា ឆ្នាំ២០២១ នៅចំណុចលើស្ពានជ្រោយចង្វាចាស់ ស្ថិតក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។ នារីដែលខូចចិត្តរឿងស្នេហា និង ប៉ុនប៉ងលោតទឹកនេះបានរៀបរាប់ថា រូបនាង ជាមនុស្សស្រឡាញ់ភេទដូចគ្នា ហើយមូលហេតុដែលធ្វើឲ្យនាងតូចចិត្តគិតខ្លីប៉ុនប៉ងបញ្ចប់ជីវិត បែបនេះ គឺដោយសារតែ នាងតាមទាន់សង្សារកំពុងលួចទាក់ទងបង្កាត់ភ្លើង ស្នេហ៍ជាមួយសង្សារថ្មីជាមនុស្សប្រុស ក្នុងផ្ទះស្នាក់នៅម្តុំផ្សារសូរិយា។ នារីរូបនេះបានបន្តថា ដោយសារតែនាងតាមទាន់ឃើញ សភាពបែបនេះផ្ទាល់នឹងភ្នែក ហើយមិនអាចទទួលយកបាន ទើបធ្វើឲ្យ នាងខូចចិត្តបានត្រឹមអង្គុយយំសោកសៅ តែម្នាក់ឯងនៅ ក្រោមផ្ទះបន្ទាប់មក ក៏មានបុរសមិនស្គាល់អត្តសញ្ញាណម្នាក់ បានចូលមកលួងលោមនាង និងបានបន្លំលួចយកទូរស័ព្ទមួយគ្រឿងរបស់នាង រួចគេចខ្លួនបាត់ រឹតតែ ធ្វើអោយនាង តែលតោល ព្រោះសង្សារក៏បោះបង់ចោល រីឯទូរស័ព្ទក៏គ្មាន រកអ្វីទាក់ទងទៅអ្នកផ្ទះនៅស្រុកកំណើតមិនបាន ធ្វើឱ្យនាង សុញគំនិត គិតអ្វីលែងចេញក៏សម្រេចចិត្ត…

កណ្ដាល៖ លោកឧត្តមសេនីយ៌ទោ ឈឿន សុចិត្ត ស្នងការនគរបាលខេត្តកណ្តាលបានថ្លែងប្រាប់ឱ្យដឹងថា ៖ ជនសង្ស័យពាក់ព័ន្ធចាក់សម្លាប់នារីវ័យក្មេងព្រឹកមិញឃាត់ខ្លួនបានហើយ នាព្រឹកថ្ងៃទី៥ ខែមករា ឆ្នាំ២០២១ បន្ទាប់ពីធ្វើសកម្មភាពបានប្រមាណជិត ២ ម៉ោងនោះ សមត្ថកិច្ចលោកកំពុងធ្វើការសាកសួរ តែជនសង្ស័យមិនទាន់សារភាពនៅឡើយទេ។ ជនសង្ស័យមានឈ្មោះ ទូច សជាតិ ហៅ(អាដំរី) អាយុ៣៥ឆ្នាំ រស់នៅកន្លែងកើតហេតុខាងលើ។ ឃាត់ខ្លួនបាន ខណៈរូបគេធ្វើជាប្រើល្បិចមកមើលសាកសព ដែលសមត្ថកិច្ចមកដល់កន្លែងកើតហេតុពិនិត្យ និងធ្វើកោសល្យវិច័យ។ សូមបញ្ជាក់ថា , នៅវេលាម៉ោង៧និង៣០នាទីព្រឹកថ្ងៃទី៥ ខែមករា ឆ្នាំ២០២១ មានអំពើឃាតកម្មមួយបានកើតឡើងនៅភូមិ-សង្កាត់ ព្រែកហូរ ក្រុងតាខ្មៅ ខេត្តកណ្ដាល ជនដៃដល់បានយកកាំបិតចាក់ជាច្រើនកន្លែងនៅលើដើមទ្រូង និងពោះជនរងគ្រោះ។ ក្រោយកើតហេតុ ក្រុមគ្រួសារបានដឹកជនរងគ្រោះទៅកាន់មន្ទីរពេទ្យជ័យជំនៈ ប៉ុន្តែជាអកុសលមុខរបួសមានករណីធ្ងន់ធ្ងរ ក៏បណ្ដាលឱ្យជនរងគ្រោះត្រូវស្លាប់ពេលជូនដល់មន្ទីរពេទ្យ។ សមត្ថកិច្ចបានបន្តថា, ក្រោយកើតហេតុប្រមាណជាង ១ម៉ោង សមត្ថកិច្ចក៏បានក្តាប់មុខសញ្ញាបាន បន្ទាប់ពីទទួលដំណឹងខ្លះៗពីសាក្សីដែលត្រូវជាប្អូនថ្លៃសពជនរងគ្រោះ ទើបសមត្ថកិច្ចធ្វើការឃាត់ខ្លួនជនសង្ស័យជាឃាតក ខាងលើយកមកធ្វើការសាកសួរតាមនីតិវិធី៕ កញ្ចក់ ទិព្វ

ភ្នំពេញ ៖ ដោយការឈានចេញឆ្នាំចាស់ដ៏លំបាកផ្លាស់ចូលឆ្នាំថ្មី ក្រុមហ៊ុនសែលកាត បានប្រកាសឱ្យដឹងនូវការចាប់ផ្តើមយុទ្ធនាការថ្មី “ប្រជាជាតិតែមួយ” តាមរយៈគម្រោងផ្សព្វផ្សាយតាមទូរទស្សន៍ដ៏ធំបំផុតរបស់ខ្លួន ដើម្បីចូលរួមទទួលស្គាល់ ក៏ដូចជាស្ងើចសរសើរដល់ភាពរឹងមាំ អំណត់អត់ធ្មត់ និងសាមគ្គីភាពរបស់បងប្អូនពលរដ្ឋខ្មែរ ស្របពេលដែលប្រទេសកម្ពុជាទាំងមូល កំពុងទន្ទឹងរង់ចាំស្វាគមន៍ឆ្នាំថ្មីដ៏មានសេរីសួស្តី ២០២១ ខាងមុខនេះ។ ក្រុមហ៊ុនសែលកាត បានចូលរួមបង្កើតគោលគំនិតសម្រាប់យុទ្ធនាការនេះឡើង ជាមួយនឹង Hanuman Films ដែលជាផលិតកម្មខ្សែភាពយន្តឈានមុខគេនៅក្នុងប្រទេសកម្ពុជា រួមជាមួយនឹងការដឹកនាំថតសម្តែងដោយអ្នកស្រី សូថូ គូលីកា ដែលជាផលិតករដ៏ឆ្នើមមួយរូប ធ្លាប់ទទួលបាននូវពានរង្វាន់ជាច្រើននៅក្នុងវិស័យមួយនេះ។ លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានថ្លែងអបអរសាទរដល់ផលិតកម្ម Hanuman Films និងសហការីទាំងអស់ដែលបានចូលរួមជួយផលិតខ្សែវីដេអូនេះឡើង ដោយលោកបានថ្លែងថា នេះគឺជាមធ្យោបាយដ៏ល្អប្រសើរបំផុត ដើម្បីបង្ហាញឱ្យឃើញច្បាស់នូវការប្តេជ្ញាចិត្ត ក្តីស្រឡាញ់ដ៏ជ្រាលជ្រៅ និងការគាំទ្ររបស់ក្រុមហ៊ុនសែលកាត ចំពោះបងប្អូនពលរដ្ឋខ្មែរ ខណៈដែលឆ្នាំ ២០២០ បានឈានជិតមកដល់ទីបញ្ចប់។ លោក វ៉ាតសុន បានមានប្រសាសន៍បន្តថា៖ “យើងចង់ផលិតនូវស្នាដៃយ៉ាងពិសេសមួយសម្រាប់ឆ្នាំនេះ ដើម្បីជាការចងចាំនូវអ្វីគ្រប់យ៉ាងដែលយើងបានឆ្លងកាត់កន្លងមក។ នេះគឺជាវប្បធម៌នៃការបង្ហាញពីភាពមោទនរបស់សែលកាត ពោលយើងគឺជាក្រុមហ៊ុនដែលជាមោទនភាពរបស់ជាតិខ្មែរ និងជាប្រតិបត្តិករទូរស័ព្ទចល័តដែលមានវត្តមានយូរជាងគេបំផុតនៅក្នុងប្រទេសកម្ពុជា ដែលតែងតែខិតខំផ្តល់នូវសេវាបម្រើដ៏ល្អឥតខ្ចោះជូនដល់អតិថិជន ក៏ដូចជាការចូលរួមទទួលស្គាល់នូវការរួមចំណែករបស់ប្រជាជនកម្ពុជាផងដែរ”។…

យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយមនៅថ្ងៃទី៥មករាឆ្នាំ២០២១ បានឲ្យដឹងថា ទ្រនុងសម្ពាធខ្ពស់ពីភាគខាងជើងបាន និងកំពុងបន្តធ្លាក់ចុះក្រោម គួបផ្សំជាមួយនឹងខ្យល់មូសុងឦសានកាន់តែបង្កើនឥទ្ធិពលខ្លាំង។ លក្ខណៈបែបនោះ នឹងធ្វើឲ្យអាកាសធាតុនៅប្រទេសកម្ពុជា នាដើមឆ្នាំ២០២១ ចាប់ពីថ្ងៃទី៩ដល់ថ្ងៃទី១៦មករាឆ្នាំ២០២០ ចុះត្រជាក់ខ្លាំង។ នៅតំបន់ជួរភ្នំដងរែក និងតំបន់ខ្ពង់រាបឦសាន សីតុណ្ហភាពអប្បរមាក្នុងរង្វង់ពី១៤ទៅ១៧អង្សាសេ។ ពិសេសពីថ្ងៃ១១ដល់១៣មករា នៅបណ្ដាខេត្តមួយចំនួនដូចជា រតនគិរី មណ្ឌលគិរី ឧត្តរមានជ័យ ព្រះវិហារ និងពោធិ៍សាត់ គឺស្រុកវាលវែង សីតុណ្ហភាពអប្បរមានឹងធ្លាក់ចុះមកនៅក្នុងរង្វង់ពី១២ទៅ១៥អង្សាសេ លាយឡំជាមួយខ្យល់ខ្លាំង។ នៅតំបន់វាលទំនាប សីតុណ្ហភាពអប្បរមាក្នុងរង្វង់ពី១៦ទៅ១៩អង្សាសេ។ ពិសេសពីថ្ងៃ១១ដល់១៣មករា នៅបណ្ដាខេត្តមួយចំនួនដូចជាកំពង់ធំ សៀមរាប ប៉ៃលិន បាត់ដំបង និងពោធិ៍សាត់ សីតុណ្ហភាពអប្បរមានឹងធ្លាក់ចុះមកនៅក្នុងរង្វង់ពី១៥ទៅ១៨អង្សាសេ លាយឡំជាមួយនឹងខ្យល់មធ្យម។ ដោយឡែកនៅតំបន់មាត់សមុទ្រ សីតុណ្ហភាពអប្បរមាក្នុងរង្វង់ពី១៨ទៅ២១អង្សាសេ។ នៅថ្ងៃ១២មករា នៅលើផ្ទៃសមុទ្រមានខ្យល់បក់បោកខ្លាំង និងរលកខ្ពស់ៗ។ ក្រសួងធនធានទឹកក៏បានអំពាវនាវឲ្យប្រជាពលរដ្ឋ ជាពិសេសកងទ័ពដែលរស់នៅ និងឈរជើងនៅតំបន់ជួរភ្នំដងរែក និងខ្ពង់រាបឦសាន ត្រូវបង្កើនការយកចិត្តទុកដាក់ថែរក្សាសុខភាពចំពោះអាកាសធាតុចុះត្រជាក់ខ្លាំងនោះ។ ដោយឡែក ប្រជានេសាទ និងអ្នកដំណើរសមុទ្រ ត្រូវប្រុងប្រយត្ន័ចំពោះខ្យល់បក់ខ្លាំង និងរលកសមុទ្រខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕កឹម​ ទៀង

តម្លៃលក់រាយប្រេងឥន្ធនៈថ្មី ដែលត្រូវអនុវត្តន៍ ពីថ្ងៃទី០១ ដល់ថ្ងៃទី១៥ ខែមករា ឆ្នាំ២០២១។

ក្រសួងធនធានទឹកអំពាវនាវឲ្យប្រុងប្រយ័ត្នចំពោះការចុះត្រជាក់ខ្លាំងដល់១២អង្សា។