ក្រុមហ៊ុនកសិកម្មហ័ងអាញ់ មានមហិច្ឆតាចង់នាំផ្លែចេកចេញទៅប្រទេសចិនឱ្យបាន៥០ម៉ឺនតោនក្នុងឆ្នាំ២០២០នេះ​ដើម្បីបំពេញតម្រូវការ​ទីផ្សារនិងបង្កើតឱកាសការងារ។ ប្រធានគ្រប់គ្រងទីផ្សារ បញ្ជាក់ថាថា បច្ចុប្បន្នផលិតផលចេករបស់កម្ពុជាមានហាងឆេងខ្ពស់នៅប្រទេសចិនទើបធ្វើឱ្យក្រុមហ៊ុនសម្រេចដាក់ចេញជាយុទ្ធសាស្ត្រពង្រីកការនាំចេញបន្ថែម។ បច្ចុប្បន្ន ក្រុមហ៊ុនមានសមត្ថភាពផលិតនិងនាំចេញចេកតែមួយមុខ បានតែ២៥ម៉ឺនតោនតែប៉ុណ្ណោះក្នុងរយៈពេល១ឆ្នាំ ហើយកំពុងប្រើប្រាស់កម្មករប្រមាណត្រឹម២០០នាក់។ ជាមួយនឹងមហិច្ឆិតានាំចេញ៥០ម៉ឺនតោននេះ ក្រុមហ៊ុន ត្រូវការកម្មករ១ម៉ឺន៥ពាន់នាក់ដើម្បីបម្រើសង្វាក់ផលិតកម្មនិងការដាំដំណាំ ខណៈដែលផ្ទៃដីដាំកើនដល់១ម៉ឺន៨ពាន់ហិកតាដោយចេកអំបូងលឿងចំនួន៧ពាន់ហិកតា ហើយសល់ពីនោះ ក្រុមហ៊ុនកំពុងដាំដំណាំ ស្វាយ ​ក្រូច ស្រកានាគ និងខ្នុរជាដើមដើម្បីនាំចេញព្រោះជាទំនិញមានតម្រូវការក្នុងទីផ្សារចិន និងជប៉ុន។ ក្រុមហ៊ុនគ្រោងដាក់ទុនឱ្យដល់៤០០លានដុល្លារដើម្បីបម្រើមហិច្ឆតានេះ៕​

– ផ្លូវជាតិលេខ៥៥ តភ្ជាប់ពីពោធិសាត់ វាលវែង ដល់ថ្មដា ប្រវែង​១៨២,​១៦​គីឡូ​ម៉ែត្រ – ផ្លូវជាតិលេខ៥៨ តភ្ជាប់ពីក្រុងប៉ោយប៉ែត ដល់ឃុំផ្អុងខេត្តឧត្តរមានជ័យ ប្រវែង​១៧៤,១៦គីឡូម៉ែត្រ – ផ្លូវជាតិលេខ២ និងផ្លូវជាតិលេខ២២ ប្រវែងសរុប៧២,១៧គីឡូម៉ែត្រ ចាប់ពីរង្វង់មូលតាខ្មៅ ខេត្តកណ្តាល ដល់អូរចំបក ខេត្តតាកែវ និងអង្គតាសោម

លោក គឹម ហ៊ាង អគ្គនាយកក្រុមហ៊ុនខ្មែររៀលអ៊ីស្ទេត បានប្រាប់Business9ថា វិស័យអចលនទ្រព្យនៅកម្ពុជា បាន​ចាប់ផ្តើម​ងើបរើបៗ​ឡើងវិញ​ហើយ​ចាប់តាំងពីក្រោយនៅដើមខែឧសភានេះ។ ប៉ុន្តែវិស័យទាំងមូលអាចនឹងខ្ទេចខ្ទាំឬប៉ះពាល់ខ្លាំងប្រសិនបើមានរលកទី២នៃជំងឺកូវីដ១៩។ លោក គឹម ហ៊ាង៖ “បើមានរលកទី២នៃជំងឺកូវីដ១៩វិញនោះ គឺធ្ងន់ធ្ងរហើយព្រោះថាបច្ចុប្បន្នសកម្មភាពក្នុងការដើរផ្សារ សកម្មភាពអាជីវកម្មគឺផ្តើមដំណើរការធម្មតាឡើងវិញហើយ ហើយបច្ចុប្បន្នេះ ផ្ទះដែលមានតម្លៃ៣ទៅ៥ម៉ឺនចាប់ផ្តើមលក់ដាច់វិញហើយ ប៉ុន្តែខុនដូថ្លៃៗមិនអាចលក់បានឡើយព្រោះអតិថិជនសុទ្ធតែជាជនបរទេស”។  សម្រាប់លោកគឹម ហ៊ាង វិស័យអចលនទ្រព្យបានចាប់ផ្តើមងើបឡើងវិញសម្រាប់ផ្ទះដែលមានតម្លៃក្រោម៥ម៉ឺនដុល្លារ ហើយលោករំពឹងថាវិស័យនេះនឹងមានសុខភាពល្អឡើងវិញនៅចុងឆ្នាំ២០២០ខាងមុខ។ការលើកឡើងនេះបន្ទាប់ពីសកម្មភាពក្នុងវិស័យអចលនទ្រព្យនៅកម្ពុជាបានគាំង១០០%តាំងពីក្រោយពិធីបុណ្យចូលឆ្នាំចិនកន្លងមកដោយសារតែជំងឺកូវីដ១៩។  បើតាមលោកគឹម ហ៊ាងដដែល អចលនទ្រព្យដែលមានតម្លៃខ្ពស់់ កាលីបៗ ឬខុនដូរ គឺធ្ងន់ករជាងគេត្បិតអីអតិថិជនភាគច្រើនបំផុតជាជនបរទេស៕