(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា ស្ថិតក្នុងគ្រាដ៏លំបាកនេះ មន្ត្រីនៃក្រសួងកសិកម្ម និង​ស្ថាប័ន​ពាក់ព័ន្ធគ្រប់ជាន់ថ្នាក់ នៅតែបន្តឆ្លើយតបនឹងការធ្លាក់ថ្លៃស្រូវសើម តាមរយៈ​ការ​សម្របសម្រួលការប្រមូលទិញនៅទីវាលនិងដឹកជញ្ជូន ហើយការដាក់​ចេញ​យុទ្ធ​សាស្ត្រ​ពង្រីក និងពិពិធកម្មទីផ្សារនាំចេញនេះ នឹងជួយសម្រួលដល់កិច្ចខិតខំប្រឹង​ប្រែងជំរុញថ្លៃស្រូវរបស់ប្រជាកសិករ។ ឯកឧត្តមរដ្ឋមន្រ្តី បន្តថា កម្ពុជាផ្ដោតអាទិភាពលើលក្ខណៈពិសេសនៃពូជស្រូវក្រអូប និងប្រណិត ដើម្បីប្រជែងគុណភាពនៅលើទីផ្សារគោលដៅ ជាជាងការប្រកួតប្រជែង​លើ​បរិមាណ គឺនឹងជួយបង្កើនតម្លៃហើយផ្ដល់ផលចំណេញជូនទាំង​រោងម៉ាស៊ីន​នាំ​ចេញ ទាំងប្រជាកសិករផ្ទាល់។ បន្ថែមពីនេះ ឯកឧត្តមរដ្ឋមន្រ្តី លើកទឹកចិត្តឱ្យរោងម៉ាស៊ីនជឿជាក់ និងផ្ដល់តម្លៃខ្ពស់​ដល់ពូជយុទ្ធសាស្ត្ររបស់កម្ពុជា ដើម្បីជួយជំរុញម៉ាកយីហោអង្ករកម្ពុជា​ទៅប្រកួត​ប្រជែងនៅលើទីផ្សារអន្តរជាតិ។ ប្រសាសន៍លើកឡើងខាង​លើ ខណៈឯកឧត្តមរដ្ឋមន្ត្រី និងលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម កាលពីថ្ងៃទី២៦ ខែសីហា ឆ្នាំ២០២៥ បានអញ្ជើញជា​គណៈអធិបតីក្នុងពិធីសម្ពោធយុទ្ធសាស្រ្តពង្រីក និងពិពិធកម្មទីផ្សារនាំចេញអង្ករ​កម្ពុជា ២០២៥-២០៣០ និងពិធីបើកមហាសន្និបាតសហព័ន្ធស្រូវអង្ករកម្ពុជា អាណត្តិទី៤ និងការបោះឆ្នោតជ្រើសរើសប្រធានសហព័ន្ធ ប្រធាន និង​សមា​ជិកក្រុមប្រឹក្សាភិបាលនៃ(ស.អ.ក) អាណត្តិទី៥។ ឯកឧត្តមរដ្ឋមន្រ្តី ឌិត ទីណា បញ្ជាក់បន្ថែមថា ក្រសួងកសិកម្ម រុក្ខាប្រមាញ់ និង​នេសាទ នឹងបន្តជ្រោមជ្រែងប្រជាកសិករតាមរយៈការចងក្រង​សហគមន៍​កសិកម្ម​ទំនើប…

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៦ ខែសីហា ឆ្នំា២០២៥ បានអញ្ជើញជាអធិបតីភាពក្នុងពិធិចុះហត្ថលេខាលើអនុស្សរណៈនៃការយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ ជាមួយធនាគារ ជីប ម៉ុង ខមមើសល ប៊ែង ម.ក ស្តីពីការរៀបចំកញ្ចប់ថវិកាសម្រាប់ផ្ដល់ទុនកម្ចីការប្រាក់ទាប ជូនសហគមន៍កសិកម្មទំនើប សំដៅបង្កើនប្រសិទ្ធភាព និងការប្រកួតប្រជែងការដាំដុះរបស់ប្រជាកសិករ។ ក្នុងបរិបទនៃបញ្ហាតម្លៃស្រូវបច្ចុប្បន្ន ឯកឧត្តមរដ្ឋមន្រ្តី បានគូសបញ្ជាក់ថា ការត្រៀមកញ្ចប់ទុនកម្ចីនេះនឹងជួយពុកម៉ែបងប្អូនប្រជាកសិករ ដែលបានរងផលប៉ះពាល់ផងដែរ ក្នុងការស្ដារឡើងវិញនៅរដូវក្រោយតាមរយៈការចូលរួមសហគមន៍កសិកម្មទំនើប ដើម្បីទទួលទុនកម្ចីនេះ ដែលកន្លងមកមានអត្រាការប្រាក់ទាបជាងការខ្ចីរៀងៗខ្លួននៅខាងក្រៅ ហើយក្នុងក្របខណ្ឌការបង្កបង្កើនផលក្នុងសហគមន៍ ការប្រមូលទិញជីថ្នាំនិងពូជរួមគ្នាគឺនឹងជួយកាត់បន្ថយចំណាយដើម ។ ឯកឧត្តមរដ្ឋមន្រ្តី បានថ្លែងអំណរគុណដ៏ជ្រាលជ្រៅចំពោះ អ្នកឧកញ៉ា លាង ម៉េង សហស្ថាបនិកក្រុមហ៊ុន ជីប ម៉ុង និងជាប្រធានក្រុមប្រឹក្សាភិបាលធនាគារ ជីប ម៉ុង សម្រាប់ការឈានចូលក្នុងវិស័យកសិកម្មតាមរយៈកិច្ចសហប្រតិបត្តិការនេះ ក៏ដូចជាការជួយប្រមូលទិញកសិផលកន្លងមក និងចំណាប់អារម្មណ៍ទៅមុខក្នុងការវិនិយោគលើការកែច្នៃកសិផលក្នុងស្រុក ដែលនឹងជួយលើកស្ទួយភាពប្រកួតប្រជែងក្នុងវិស័យកសិកម្មកម្ពុជា៕ ប្រភព ៖ ក្រសួងកសិកម្ម

កំពង់ធំ​៖ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួល​បន្ទុកទីស្តីការគណៈរដ្ឋមន្ត្រី និងជាប្រធាន​ក្រុម​ការងាររាជរដ្ឋាភិបាលចុះ​មូលដ្ឋានខេត្តកំពង់ធំបានអញ្ជើញទៅពិនិត្យវិស័យវារីវប្បកម្ម នៅស្រុកស្ទោង ខេត្ត​កំពង់ធំ។ ស្រុកស្ទោង គឺជាតំបន់វារីវប្បកម្មដ៏សំបូរបែបមួយរបស់ខេត្តកំពង់ធំ ជាពិសេសក្នុងការកែច្នៃត្រីងៀត ដែលផ្គត់ផ្គង់​ទាំងទីផ្សារក្នុងស្រុក និងការនាំចេញ។បច្ចុប្បន្នស្រុកមានគ្រួសារចិញ្ចឹមត្រីចំនួន ១១៥គ្រួសារ និងសិប្បកម្មកែច្នៃ​ត្រីចំនួន ៦៥ កន្លែង។ នៅចុងសប្ដាហ៍នេះឯកឧត្តមឧបនាយករដ្ឋមន្ត្រី វង្សី វិស្សុត និងប្រតិភូ​អមដំណើរ បានអញ្ជើញ​ពិនិត្យក្រុមអ្នកចិញ្ចឹម​ត្រីខ្នាត​មធ្យម និងតាមគ្រួសារ​ដែលចិញ្ចឹមត្រីឆ្ដោ ត្រីរ៉ស់ ត្រីប្រា និងត្រីពោ ព្រមទាំងក៏បានពិនិត្យសិប្បកម្ម​កែច្នៃ​ត្រីងៀត កន្លែងទិញបង្កក ចែកចាយ និងនាំចេញផលនេសាទធម្មជាតិ ព្រមទាំងសិប្បកម្មធ្វើប្រហុក ផ្អក និងពង​ទាប្រៃ នៅឃុំចំណារក្រោម ឃុំសំព្រោជ ឃុំកំពង់ចិនត្បូង និងកំពង់ចិនជើង ស្រុកស្ទោង។ តាមរយៈនៃការជជែកផ្ទាល់ជាមួយអ្នកផលិតនៅតំបន់នេះ បានបង្ហាញថា អ្នកផលិតបានជួបនឹងបញ្ហាជាច្រើន ដូចជា កង្វះពូជត្រី និងចំណីត្រី, បញ្ហាកង្វះដើមទុន, បច្ចេកទេសចិញ្ចឹមមិនទាន់ទំនើប,ប្រព័ន្ធហេដ្ឋារចនា​សម្ព័ន្ធ​​មិនគ្រប់​គ្រាន់ និងការប្រកួតប្រជែងជាមួយត្រីនាំចូលពីប្រទេស​ជិតខាង។ ឯកឧត្តម វង្សី វិស្សុត បានមានប្រសាសន៍ថា តាមកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ក្រោមការដឹកនាំរបស់​សម្ដេចធិបតី…

(ភ្នំពេញ)៖ អ្នកនាំពាក្យក្រសួងកសិកម្មរុក្ខាប្រមាញ់ និងនេសាទ ឯកឧត្តម ឃឹម ហ្វីណង់ បានថ្លែងថា ៖ការធ្លាក់ចុះថ្លៃស្រូវចាប់តាំងពីពាក់កណ្តាលខែកក្កដា ឆ្នាំ២០២៥ ពាក់ព័ន្ធដោយផ្ទាល់ទៅនឹងការផ្អាកបញ្ជាទិញពីប្រទេសនាំចូលអង្ករ ស្របពេលដែលមានការប្រជែងទម្លាក់ថ្លៃអង្ករយ៉ាងគំហុកពីសំណាក់ប្រទេសនាំចេញ ដែលបង្កឱ្យមានបញ្ហាជាសកលនៅលើទីផ្សារអង្ករអន្តរជាតិ ។ បញ្ជាក់ប្រាប់បណ្តាញសារព័ត៌មាននាសៀលថ្ងៃទី ២២ ខែសីហា ឆ្នាំ២០២៥នេះ ឯកឧត្តម ឃឹម ហ្វីណង់ បានឱ្យដឹងជុំវិញបញ្ហានេះថា” ស្ថានភាពនេះបានធ្វើឱ្យថ្លៃស្រូវសើមនៅតាមប្រទេសនានាក្នុងតំបន់ រួមមានទាំងកម្ពុជាដែរនោះ បន្តធ្លាក់ចុះជាបន្តបន្ទាប់ ខណៈពេលដែលរោងម៉ាស៊ីនកិនស្រូវក្នុងស្រុកភាគច្រើនក៏កំពុងមានការកកស្ទះស្តុកអង្ករចាស់ ចុងអង្ករ និងកន្ទក់ជាច្រើនផងដែរ”។ ជាមួយគ្នានេះអ្នកនាំពាក្យក្រសួងកសិកម្មបានថ្លែងបញ្ជាក់បន្ថែមថា ៖ សម្រាប់ជាវិធានការបន្ទាន់ដើម្បីជួយកាត់បន្ថយសម្ពាធលើថ្លៃស្រូវនៅតាមវាលស្រែ ក្រសួងកសិកម្មបានសហការជាមួយនឹងក្រសួងសេដ្ឋកិច្ចនិងហិរញ្ញវត្ថុ ក្រសួងពាណិជ្ជកម្ម ធនាគារARDB អាជ្ញាធរថ្នាក់ក្រោមជាតិ និងសហព័ន្ធស្រូវអង្ករកម្ពុជា តាមរយៈការផ្ដល់ប្រាក់កម្ចីពិសេសឱ្យរោងម៉ាស៊ីនដៃគូជួយទិញស្រូវសើមដល់វាល ព្រមទាំងបានដាក់ពង្រាយមន្ត្រីទាំងថ្នាក់ជាតិនិងថ្នាក់ក្រោមជាតិឱ្យជួយសម្របសម្រួលរកម្ចាស់រោងម៉ាស៊ីនទិញស្រូវ និងរករថយន្តដឹកឱ្យទាន់ពេលវេលា។ ឯកឧត្តម ឃឹម ហ្វីណង់ បានលើកឡើងដោយបញ្ជាក់ថា”គោលដៅចម្បងនៃការអន្តរាគមន៍ទាំងនេះ គឺដើម្បីជួយស្តារថ្លៃស្រូវឱ្យបានកើនឡើងវិញមួយកម្រិត និងបញ្ចៀសការកកស្ទះការប្រមូលផលរបស់ប្រជាកសិករនៅតាមទីវាល”។ ទាក់ទិនក្នុងរឿងនេះដែរ ឯកឧត្តម ឃឹមហ្វីណង់ បានឱ្យដឹងថា ជាដំណោះស្រាយនៅរដូវកាលក្រោយៗ ក្រសួងកំពុងជំរុញលើកទឹកចិត្តឱ្យប្រជាកសិករងាកមកចូលរួមជាមួយសហគមន៍កសិកម្មទំនើប ដើម្បីរាជរដ្ឋាភិបាលអាចមានលទ្ធភាពអាចជួយទ្រទ្រង់ជាដើមទុនស្តារសមត្ថភាពផលិតកម្មឡើងវិញ តាមរយៈការផ្តល់កម្ចីការប្រាក់ទាប ការជួយកាត់បន្ថយថ្លៃដើម និងការងាកមកចាប់យកការធ្វើកសិកម្មតាមកិច្ចសន្យា ដែលជាមធ្យោបាយដ៏មានប្រសិទ្ធភាពក្នុងការការពារកសិករពីបញ្ហាវិបត្តិថ្លៃដូចពេលបច្ចុប្បន្ន…

កំពង់ធំ៖អគ្គនាយកបទប្បញ្ញត្តិ និងបរិយាបន្នហិរញ្ញវត្ថុ ចាត់ទុកការពង្រីក​វិសាលភាពចំណេះដឹងផ្នែកហិរញ្ញវត្ថុ និងកិច្ចការពារអតិថិជន ជាផ្នែកមួយ​ដ៏សំខាន់ និងចាំបាច់បំផុត ក្នុងការរួមចំណែកដល់ការអភិវឌ្ឍវិស័យ​ហិរញ្ញ​វត្ថុរយៈ​ពេលវែង និងជំរុញបរិយាបន្នហិរញ្ញវត្ថុនៅកម្ពុជា ។ ក្នុងសិក្ខាសាលាស្តីពីចំណេះដឹងផ្នែកហិរញ្ញវត្ថុ និងកិច្ចការពារអតិថិជននៅ​ស្រុកសន្ទុក ខេត្តកំពង់ធំកាលពីថ្ងៃទី២១ ខែសីហា ឆ្នាំ២០២៥ ឯកឧត្តម ឡាយ សុខហេង អគ្គនាយកបទប្បញ្ញត្តិ និងបរិយាបន្នហិរញ្ញវត្ថុធនាគារជាតិ នៃកម្ពុជាបានរំលេចពីតម្លៃនៃសុខសន្តិភាព ស្ថិរភាពនយោបាយ និងការ​អភិវឌ្ឍ​លើគ្រប់វិស័យនោះ ក៏បានធ្វើឱ្យវិស័យ​ធនាគារបាននិងកំពុងរីកចម្រើន និងដើរតួយ៉ាងសំខាន់ក្នុងការរួមចំណែកជំរុញការអភិវឌ្ឍ លើគ្រប់វិស័យ ជាពិសេស ពង្រឹងកំណើនសេដ្ឋកិច្ចផងដែរ។ បន្ថែមពីនេះដើម្បីធានានូវភាពធន់ និងវឌ្ឍនភាពប្រព័ន្ធធនាគារ, ធនាគារជាតិ​នៃ​កម្ពុជាបានធ្វើទំនើបកម្មឥតឈប់ឈរ ជាមួយនឹងបច្ចេក​វិទ្យាហិរញ្ញវត្ថុ​ឌីជីថល​ថ្មីៗស្របទៅនឹងការអភិវឌ្ឍសេដ្ឋកិច្ច​ឌីជីថល​ក្នុងតំបន់និងសកល ។ ឯកឧត្តមបន្តថា ជុំវិញហិរញ្ញវត្ថុនេះ ក្នុងនោះការទទួលបានសេវា ហិរញ្ញវត្ថុ​ផ្លូវការ បានផ្តល់នូវគុណតម្លៃ យ៉ាងសំខាន់ និងប្រកបដោយតម្លាភាព និងក្រមសីលធម៌សម្រាប់អ្នកប្រើប្រាស់។ ការណ៍នេះការពង្រីកវិសាលភាព សេវាហិរញ្ញវត្ថុ​ឆ្ពោះ ទៅកាន់គុណភាព ប្រសិទ្ធភាព ភាពងាយស្រួល និងកាត់បន្ថយតម្លៃប្រតិបត្តិការ តាមរយៈថ្នាលឌីជីថល គឺបាន​ផ្តល់អត្ថ​ប្រយោជន៍ ជាច្រើនដល់ប្រជាជនកម្ពុជា។ ប៉ុន្តែថ្នាលឌីជីថលក៏ប្រៀប​បាននឹងអាវុធមុខពីរ។ ឯកឧត្តមបានពន្យល់អំពីអាវុធមុខពីរនេះថា ប្រាកដណាស់វាអាច​ជួយឱ្យយើងបង្កើន ប្រសិទ្ធភាពនៃការប្រើប្រាស់ ខណៈបច្ចេកវិទ្យាហិរញ្ញវត្ថុ​ក៏បានបង្កឱ្យមានហានិភ័យផងដែរដូចជា ការឆបោកផ្នែកហិរញ្ញវត្ថុតាមប្រព័ន្ធ…

(ភ្នំពេញ)៖ ឯកឧត្តមរដ្ឋមន្រ្តី ហេង សួរ បានលើកឡើងថា តាមរយៈការខលសម្ភាសន៍តាមទូរសព្ទ័លេខ១២៩៧ ដែលក្រសួងការងារនិង បណ្តុះបណ្តាលវិជ្ជាជីវៈ បានដាក់ឱ្យប្រើប្រាស់ដើម្បី ឱ្យប្រជាពលរដ្ឋជាពលករមកពីថៃស្វែងរកកាងារធ្វើ មានភាពងាយស្រួលកាត់បន្ថយការចំណាយ និងចំណេញពេលវេលា ក្រុមការងារតាមរយៈមន្រ្តី និងយុវជនស្ម័គ្រចិត្ត ដើម្បីជួយផ្គូផ្គងគ្នា រវាងអ្នកស្វែងរកការងារ និងអ្នកផ្តល់ការងារ ។ ឯកឧត្តម បន្ថែមថា ជាមធ្យមក្នុងមួយថ្ងៃមន្រ្តី និងយុវជនស្ម័គ្រចិត្តបានទទួលទូរសព្ទ័ពីអ្នកខលមក និងបានធ្វើការផ្គូរផ្គងរវាងអ្នកស្វែងរកការងារ និងអ្នកផ្តល់ការងារបានប្រមាណជា ៥០០០ពាន់នាក់ នៅក្នុង ១ថ្ងៃ ។ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ផ្តល់បទសម្ភាសន៍ដល់អ្នកសារព័ត៌មាននៅក្នុងឱកាសអញ្ជើញចុះពិនិត្យសកម្មភាពការងារ នៃក្រុមមន្រ្តីនិងយុវជនអ្នកស្ម័គ្រចិត្តទទួលទូរព្ទ័ កាលពីរសៀលថ្ងៃទី២០ ខែសីហា ឆ្នាំ២០២៥ នៅអគារទីស្តីការក្រសួងការងារ ។ ឯកឧត្តមរដ្ឋមន្រ្តី បញ្ជាក់បន្ថែមថា ករណីបងប្អូនពលករដែលបានចុះឈ្មោះហើយក្រសួងមានជំរើសច្រើននៅក្នុងការផ្គូរផ្គងទៅឱ្យរោងចក្រច្រើនកន្លែង ដើម្បីផ្តល់ឱកាស និងជំរើសច្រើដល់គាត់ ហើយខណៈដែលបងប្អូនពលករមួយចំនួនចុះឈ្មោះរួចទទួលបានការងារធ្វើភ្លាមៗ និងមួយចំនួនទៀតអាចត្រូវការពេលវេលា១០ថ្ងៃទើបទទួលបានការងារ ជាមួយនិងឱកាសកាងារនៅក្នុងប្រមាណជាង ២០ម៉ឺន ។ ឯកឧត្តម រដ្ឋមន្រ្តី ហេង សួរ បានបញ្ជាក់បន្ថែមថា…

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា នារសៀលថ្ងៃទី២០ ខែសីហា ឆ្នាំ២០២៥ បានបើកកិច្ចប្រជុំ ដើម្បីពិភាក្សាកំណត់ប្រាក់ឈ្នួលអប្បបរមា របស់កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៦ នៅទីស្ដីការក្រសួង ដោយមានការចូលរួមពីសមាជិកក្រុមប្រឹក្សាជាតិប្រាក់ឈ្នួលអប្បបរមាសរុបចំនួន ៥១រូប ដែលមានសមាសភាពស្មើៗគ្នា ពីតំណាងភាគីរាជរដ្ឋាភិបាល តំណាងភាគីកម្មករនិយោជិត និងតំណាងភាគីនិយោជក ។ បន្ទាប់ពីសមាសភាពយន្តការត្រីភាគីនេះ បានពិភាក្សានិងលើកមតិយោបល់យ៉ាងផុលផុស អង្គប្រជុំបានអនុម័តសម្រេចបានលទ្ធផលដូចខាងក្រោម៖ ១- បានប្រកាសជាផ្លូវការសមាសភាពសមាជិក និងអនុប្រធានក្រុមប្រឹក្សាជាតិប្រាក់ឈ្នួលអប្បបរមាសម្រាប់អាណត្តិទី៤ (២០២៥-២០២៦) គឺ ២- ឯកភាពលើទិន្នន័យ និងស្ថិតិសំខាន់ៗនៃលក្ខណវិនិច្ឆ័យបែបសង្គម និងសេដ្ឋកិច្ច ទាំង៧ សម្រាប់ ភាគីពាក់ព័ន្ធធ្វើជាមូលដ្ឋានប្រើប្រាស់ក្នុងការចរចាប្រាក់ឈ្នួលអប្បបរមា សម្រាប់ឆ្នាំ២០២៦។ ៣- ភាគីនីមួយៗ ឯកភាពប្រើប្រាស់ស្ថិតិ និងព័ត៌មាន ដែលមាននៅក្នុងបទបង្ហាញនេះ ទៅពិភាក្សាជាលក្ខណៈផ្ទៃក្នុងរបស់ខ្លួន ដើម្បីបាននូវគោលជំហររួម នៅពេលកិច្ចប្រជុំបន្ទាប់។ ៤- ឯកភាពរៀបចំកិច្ចប្រជុំបន្ទាប់ នៅព្រឹក ថ្ងៃពុធ ទី៣ ខែកញ្ញា…

កណ្តាល៖ គម្រោងព្រលានយន្តហោះនេះ បានអភិវឌ្ឍន៍ដោយ CAIC (90% OCIC, 10% SSCA) មានទីតាំងស្ថិតនៅមហាវិថីសម្តេចតេជោ ហ៊ុនសែន ស្ថិតក្នុងស្រុកកណ្ដាលស្ទឹង ខេត្តកណ្ដាល ដែលចំណាយថវិកាវិនិយោគប្រមាណ ១ ៥០០លានដុល្លារក្នុងដំណាក់កាលទី១ នៅលើផ្ទៃដីជាង ២ ៦០០ហិកតានេះ នឹងបើកដំណើរការបណ្តោះអាសន្ននៅថ្ងៃទី៩ ខែកញ្ញា ឆ្នាំ២០២៥ ខាងមុខនេះហើយ ។ ប្រតិភូនៃគណៈស្ថាបត្យករកម្ពុជា និងមន្ត្រីជាន់ខ្ពស់ក្រសួងរៀបចំដែនដី នគរូបនីយកម្ម និងសំណង់ បានរៀបចំដំណើរទស្សនកិច្ចទៅអាកាសយានដ្ឋានអន្តរជាតិតេជោ នៅមុនការបើកឲ្យដំណើការនៅប្រមាណជាង ២០ថ្ងៃខាងមុខនេះ ។ ដំណើរទស្សនកិច្ចនេះ បានអញ្ជើញដឹកនាំដោយ ឯកឧត្តម ទេព ធន រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ហង្ស សុតសំភារ រដ្ឋលេខាធិការ និងជាអគ្គលេខាធិការនៃគណៈស្ថាបត្យករកម្ពុជា ដែលមានសមាជិកសមាគមស្ថាបត្យករនៅកម្ពុជា សរុបជាង ៨០នាក់ ចូលរួមជាមួយ នាថ្ងៃទី១៧ ខែសីហា ឆ្នាំ២០២៥ ។ ឯកឧត្តម ទេព…

(ភ្នំពេញ)៖ លោក វ៉ាង វិនប៊ីន (Wang Wenbin) ឯកអគ្គរដ្ឋទូតចិនប្រចាំប្រទេស​កម្ពុជាបានឱ្យដឹងនៅថ្ងៃទី ១២ ខែសីហា ឆ្នាំ២០២៥ បានឱ្យដឹងថាការដឹកជញ្ជូន​ទុរេនកម្ពុជាតាមផ្លូវអាកាសទៅកាន់ទីផ្សារប្រទេសចិន អាចរក្សាបាននូវគុណភាព និងរសជាតិរបស់វា ដូច្នេះហើយកសិករដែលដាំដំណាំទុរេនចាត់ទុកការដឹកជញ្ជូន​តាមអាកាសជាអត្ថប្រយោជន៍ដ៏សំខាន់។ លោកបានបញ្ជាក់ឱ្យដឹងដែរថាបច្ចុប្បន្ននេះ កសិផលកម្ពុជាចំនួន ១៦ មុខ ត្រូវបាន​អនុញ្ញាតិក្នុងការនាំចេញទៅកាន់ទីផ្សារប្រទេសចិន ក្នុងនោះរួមមាន អង្ករ ដំឡូងមី​ស្ងួត ពោត ចេក ស្វាយ មៀន ដូង ម្រេច គ្រាប់ស្វាយចន្ទី ល្ង គ្រាប់ជី កៅស៊ូ ជល​ផល​ធម្មជាតិ ជលផលចិញ្ចឹម មច្ឆា និងទុរេន ដែលបង្ហាញពីសន្ទុះដ៏រឹងមាំ និងសមិទ្ធផល​ផ្លែផ្កាគួរកត់សម្គាល់នៃកិច្ចសហប្រតិបត្តិការរវាងប្រទេសទាំងពីរ៕ ដោយ ៖ ម៉ាដេប៉ូ

(កណ្ដាល)៖ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានគូសបញ្ជាក់ថា អាកាសយានដ្ឋានអន្តរជាតិតេជោ នឹងសាកល្បងប្រតិបត្តិការហោះហើរ យន្តហោះធុនធំ Airbus 320 នៅថ្ងៃទី ១៥ ខែសីហា ឆ្នាំ២០២៥ ខាងមុខនេះ ។ ឯកឧត្ដម បណ្ឌិត ម៉ៅ ហាវណ្ណាល់ បានថ្លែងដូច្នេះនៅថ្ងៃទី១១ ខែសីហា ឆ្នាំ២០២៥ ក្នុងឱកាសដឹកនាំក្រុមការងារចុះត្រួតពិនិត្យវឌ្ឍនភាពរបស់អាកាសយានដ្ឋានអន្តរជាតិតេជោ និងត្រៀមលក្ខណៈនៃការហោះហើរសាកល្បង នៅថ្ងៃទី១៥ ខែសីហា ឆ្នាំ២០២៥ ក្នុងនោះ ក៏មានការអញ្ជើញចូលរួមពីថ្នាក់ដឹកនាំ និងក្រុមការងារបច្ចេកទេស នៃរដ្ឋលេខាធិការដ្ឋានអាកាសចរណ៍ស៊ីវិល អភិបាលក្រុមហ៊ុន ខេមបូឌា អ៊ែរផត អ៊ិនវេសមិន ខូអិលធីឌី (CAIC)និងក្រុមការងារ និងមន្ត្រីបច្ចេកទេស និងផ្នែកពាក់ព័ន្ធផ្សេងទៀត ។ អ្នកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក បានឱ្យដឹងថា អាកាសយានដ្ឋានអន្តរជាតិតេជោ ប្រភេទ 4F ក្រុងតាខ្មៅ ខេត្ដកណ្ដាល នឹងបើកការហោះហើរសាកល្បង…