កំពង់ចាម៖ ប្រជាពលរដ្ឋជាច្រើនគ្រួសារដែលមានផ្ទៃដីចម្ការពោតនៅទីវាល​ទំនាបបានកំពុង​មមាញឹកក្នុងការ​ប្រមូលផលពោតរបស់ខ្លួន ស្ថិតនៅចំណុច ភូមិកោះប្រលូង ឃុំកោះមិត្ត ស្រុកកំពង់សៀម ខេត្តកំពង់ចាម។ ម្ចាស់ដំណាំបានឱ្យដឹងថា ក្នុងខែកក្កដាឆ្នាំនេះទឹកឡើងសន្សឹមៗ នៅក្នុងរយៈពេលប៉ុន្មានថ្ងៃនេះ ។ស្ថានភាពនេះក៏ជួន​ពេលដែលពួកគាត់ត្រូវប្រមូលផលដែរ។ការប្រមូលផលនៅទីនេះដោយកាច់នឹងដៃ មិនអាចប្រើម៉ាស៊ីនច្រូតបាន​ទេដោយសារស្ថានភាពចម្ការ។ចំណែកចម្ការពោតខ្លះបានប្រមូលផលរួចអស់ហើយ និងចម្ការពោតផ្សេងទៀត​ក៏មិនទាន់ប្រមូលផលនៅឡើយដោយសារចម្ការនោះស្ថិតនៅទីខ្ពស់ជាងទឹកទន្លេ។ លោក វ៉ែន នាង មេឃុំកោះមិត្ត ធ្លាប់ប្រាប់ថា ឃុំកោះមិត្ត មានផ្ទៃដីពោតក្រហមសរុប ៣៣៦ ហិកតា។ ដោយឡែកនៅថ្ងៃទី១៨ ខែកក្កដានេះដែរ ទឹកទន្លេមេគង្គខេត្តកំពង់ចាមបានបន្តឡើងថែមទៀត។លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមបានឱ្យដឹងថា ទឹកទន្លេមេគង្គខេត្តកំពង់ចាម នៅថ្ងៃទី១៨ ខែកក្កដានេះទឹកទន្លេបានឡើងថែមទៀតដល់កម្ពស់១០.២០ម៉ែត្រ ធៀបថ្ងៃម្សិលមិញ ទឹកឡើងកម្ពស់០,១៨ម៉ែត្រ។ កម្ពស់ទឹកនាពេលនេះធៀបទៅឆ្នាំ២០២៤ទឹកទន្លេ មានកម្ពស់ត្រឹម ៨.៩៨ម៉ែត្រខណៈដែលចំណុចប្រកាស​ប្រុង​ប្រយ័ត្នមានកម្ពស់១៥,២០ម៉ែត្រ។ចំពោះស្ថានភាពអាកាសធាតុកាលពីថ្ងៃទី១៧ ខែកក្កដា មានភ្លៀងធ្លាក់តិច ឫច្រើននៅស្រុកនិង​ក្រុងទាំង១០​ក្នុង​ខេត្តកំពង់ចាម ៕ដោយ៖លី ពៅ

(ភ្នំពេញ)៖ នាពេលនេះ ការនាំចេញផ្លែទុរេនកម្ពុជា ទៅលក់នៅលើទីផ្សាររបស់ប្រទេសចិនប្រមាណ ១៧តោន ត្រូវបានចេញផ្លូវការហើយ។នេះបើតាមការឲ្យដឹងពីសំណាក់ក្រសួងកសិកម្មរុក្ខាប្រមាញ់ និង នេសាទ។ គួរបញ្ជាក់ថា ការនាំចេញផ្លែទុរេនកម្ពុជាទៅកាន់ទីផ្សារប្រទេសចិននេះធ្វើឡើងនាថ្ងៃទី១៧ ខែកក្កដា ឆ្នាំ២០២៥បានធ្វើឡើងដោយក្រុមហ៊ុន អេច អេហ្វ ហ្រ្វូត ឯ.ក (HF FRUIT LTD.) បានសហការជាមួយក្រុមហ៊ុននៅប្រទេសចិន បន្ទាប់ពីក្រុមបានសម្ពោធជាផ្លូវការ កាលពីថ្ងៃទី១ ខែឧសភា ឆ្នាំ២០២៥ នៅខេត្តត្បូងឃ្មុំ។ មុននាំចេញ រដ្ឋបាលគយចិនបានពិនិត្យគុណភាព អនាម័យ ភូតគាមអនាម័យ និងសុវត្ថិភាពយ៉ាងម៉ត់ចត់ នូវផ្លែទុរេនស្រស់ដែលមកពីចំការចំនួន ១១២ និងរោងចក្រវេចខ្ចប់ ៣០។ បើតាមគម្រោង ក្រុមហ៊ុន អេច អេហ្វ ហ្រ្វូត ឯ.ក នឹងបន្តនាំចេញទុរេនរាប់សិបតោនទៅកាន់ទីផ្សារប្រទេសចិន តាមរយៈការប្រមូលទិញពីកសិករ ដែលដាំទុរេនក្នុងខេត្តត្បូងឃ្មុំទាំងអស់ ដោយកំណត់ទិញទៅតាមទំហំផ្លែ ប្រភេទផ្លែ និងគុណភាពនៃផ្លែទុរេន តាមតម្លៃទីផ្សាជាក់ស្តែង៕ ដោយ ៖ ម៉ាដេប៉ូ

(ភ្នំពេញ)៖ប្រទេសកម្ពុជា នៅតែជាគោលដៅទេសចរណ៍ដ៏ពេញនិយមរបស់ភ្ញៀវទេសចរបារាំង ហើយក្នុងរយៈពេល៦ខែដើមឆ្នាំ២០២៥នេះ កម្ពុជាបានទទួលភ្ញៀវទេសចរជនជាតិបារាំងបានចំនួនប្រមាណ៧៥.០០០នាក់ កើនជិត១៤ភាគរយធៀបនឹងរយៈពេលដូចគ្នាក្នុងឆ្នាំ២០២៤។នេះបើតាមការលើកឡើងពីសំណាក់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ ។ បញ្ជាក់តាមរយៈទំព័រហ្វេសប៊ុក ក្នុងពេលបានអញ្ជើញពីស្ថានទូតបារាំងប្រចាំកម្ពុជាដើម្បីអបអរសាទរទិវាបុណ្យជាតិនៃប្រទេសបារាំង នាល្ងាច ថ្ងៃទី១៤ ខែកក្កដា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍បានលើកឡើងថា”តាមរយៈប្រវត្តិសាស្រ្តរួមគ្នាជាងមួយសតវត្សរវាងកម្ពុជា និងបារាំង និងទំនាក់ទំនងមិត្តភាពដ៏ល្អរហូតមក ប្រទេសកម្ពុជា បានទទួលភ្ញៀវទេសចរបារាំងចំនួនជិត ១សែននាក់នៅឆ្នាំ២០២៤ ហើយក្នុងរយៈពេល ៦ខែដើមឆ្នាំ២០២៥នេះ បានចំនួនប្រមាណ ៧៥.០០០នាក់ កើនជិត ១៤ភាគរយធៀបនឹងរយៈពេលដូចគ្នាក្នុងឆ្នាំ២០២៤”។ បើតាមការលើកឡើងតាមរយៈទំព័រហ្វេសប៊ុករបស់រដ្ឋមន្រ្តីក្រសួងទេសចរណ៍ឱ្យដឹងដែរថាការទទួលបានទេសចរណ៍ពីប្រទេសបារាំងច្រើនដោយសារកម្ពុជា-បារាំងមានទំនាក់ទំនងល្អ និងជាមិត្តយូរលង់ណាស់មកហើយ។ ប្រទេស និងប្រជាជនបារាំង តែងតែប្រារព្ធបុណ្យជាតិរៀងរាល់ថ្ងៃទី១៤ ខែកក្កដា រៀងរាល់ឆ្នាំដើម្បីរំលឹកពីជ័យជម្នះរបស់ប្រជាជនក្នុងការដណ្តើមគុក Bastille ដែលជានិមត្តិរូបរបបរាជានិយមនាសម័យកាលនោះ នៅថ្ងៃទី១៤ ខែកក្កដា ឆ្នាំ១៧៨៩ និងជាការរំលឹកពីការរួបរួមគ្នាជាធ្លុងមួយនៃប្រជាជនបារាំង។ គួរបញ្ជាក់ថា បើតាមឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានឱ្យដឹងនាកន្លងមកនេះដែរថាបើទោះបីជានៅក្នុងបរិការណ៍ភាពតាងតឹងនៃភូមិសាស្ត្រនយោបាយ សភាពការណ៍ប្រែប្រួលមិនច្បាស់លាស់នៃពិភពលោក និងតំបន់ សង្គ្រាម និងវិបត្តិនៅមជ្ឈឹមបូព៌ា ការដាក់សម្ពាធខាងពាណិជ្ជកម្មតាមរយៈពន្ធបដិការរបស់សហរដ្ឋអាមេរិកយ៉ាងណាក្តី…

(ភ្នំពេញ)៖ ក្នុងរយៈពេល ២២ខែ ចាប់ពីខែសីហា ឆ្នាំ២០២៣ ដល់ខែមិថុនា ឆ្នាំ២០២៥ ក្រោមការដឹកនាំរាជរដ្ឋាភិបាលអាណត្តិទី៧នេះ រោងចក្រសហគ្រាសនៅកម្ពុជាបានកើនឡើងចំនួន ៥ ៣៥៦ រោងចក្រ ពោលគឺកើនពី៤០ ៣០០ ដល់៤៥ ៦៥៦ រោងចក្រសហគ្រាស ស្មើនឹងកំណើន ១៣,២៩%។ នេះគឺជាការបញ្ជាក់ពីអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក ស៊ុន មេសា នៅថ្ងៃទី១៤ ខែកក្កដា នេះ។ លោកបន្តថា ក្នុងនោះ រោងចក្រសហគ្រាសក្នុងវិស័យកាត់ដេរ បានកើនឡើងចំនួន ២២៦ រោងចក្រ ដោយបានកើនពី១ ៤៦៦ ដល់១ ៦៨២ រោងចក្រសហគ្រាស។ ដោយឡែកវិស័យក្រៅពីកាត់ដេរ មានកំណើនដល់ ៥ ១៤០រោងចក្រ ពោលគឺបានកើនពី ៣៨ ៨៣៤ ដល់ ៤៣ ៩៧៤ រោងចក្រសហគ្រាស ស្មើនឹង ១៣,២៤%។ ដោយឡែកកម្មករបានកើនដល់ ១,៨៩លាននាក់ ក្នុងនោះកម្មកនិយោជិតមានចំនួនជាង ៩៧ម៉ឺននាក់។…

តាកែវ៖ លោក ឈាវ ផា អគ្គនាយករងពាណិជ្ជកម្មក្នុងប្រទេសនៃ​ក្រសួង​ពាណិជ្ជកម្ម​បានជំរុញ​និងលើកទឹកចិត្តដល់​បណ្ដាសហគ្រាស សិប្បកម្មធុន​តូចនិងមធ្យមទាំង​អស់នៅក្នុងខេត្តតាកែវឱ្យពង្រឹងសមត្ថភាព និងបង្កើនការផលិត​ផលិតផល​ដែល​មានគុណភាពឱ្យបានកាន់តែច្រើនថែមទៀត​ ខណៈទីផ្សារបច្ចុប្បន្នកំពុងមាន​តម្រូវការកើនឡើង​។ លោក ឈាវ ផា បានថ្លែងក្នុងឱកាសដូច្នេះក្នុងឱកាសអញ្ជើញចូលរួមក្នុងសិក្ខាសាលា​ស្ដីពីផលិតភាព និងពាណិជ្ជ​កម្មតាម​រយៈការបង្កើតតំណភ្ជាប់ឆ្ពោះទៅកាន់ប្រភព​ផលិតកម្ម និងអ្នកប្រើប្រាស់ ដែលបានរៀបចំឡើងកាលពីចុងសប្ដាហ៍​កន្លង​ទៅនេះនៅ មន្ទីរពាណិជ្ជកម្មខេត្តតាកែវ។ លោកអគ្គនាយករងពាណិជ្ជកម្មក្នុងប្រទេសបានបន្តថា ដោយសារតែការបិទព្រំដែន និងឈប់នាំចូលទំនិញពី​ប្រទេស​ថៃបានធ្វើឱ្យប្រជាពលរដ្ឋខ្មែរងាកមកប្រើប្រាស់ផលិត​ផលក្នុងស្រុកវិញជាហេតុនាំឱ្យតម្រូវការទំនិញនៅក្នុងស្រុកមានការកើនឡើង ។លោកបន្ថែមថា ដូច្នេះវាជាឱកាសមួយដល់បងប្អូន ផលិតករក្នុងស្រុកទាំងអស់ ត្រូវបង្កើនការផលិត កែច្នៃផលិតផលរបស់ខ្លួនបន្ថែមទៀត ក្នុងនោះក៏គិតពីគុណភាព ស្តង់ដានិងបច្ចេកទេសឱ្យបានត្រឹមត្រូវ ដើម្បីធានា​បាន​នៅគុណភាព សុវត្ថិភាព និងអនាម័យដល់អ្នកប្រើប្រាស់។ មានវត្តមានក្នុងឱកាសនេះដែរលោក យ៉ង់ សុវឌ្ឍនា អភិបាលរងខេត្តតាកែវ​បានថ្លែងថា សិក្ខាសាលានាពេលនេះ​ពិតជាមានសារៈសំខាន់ដល់​គ្រប់តួ​អង្គ​ពាក់ព័ន្ធក្នុងវិស័យកែច្នៃផលិតផល ផ្សេង ៗ ដើម្បីស្វែងយល់ និងទទួលបាន​ចំណេះដឹងនិងជំនាញថ្មីៗបន្ថែមទៀត និងឈានដល់ការផលិតឱ្យត្រូវនឹងតម្រូវ​ការអ្នកប្រើប្រាស់ក្នុងខេត្ត និងអាច​ឈានដល់ការនាំចេញទៅក្រៅប្រទេសផងដែរ៕ដោយ៖សាំង សារ៉ាវី

(បន្ទាយមានជ័យ)៖ ដើម្បីបំពេញតម្រូវការ និងតាមការស្នើសរបស់បងប្អូនប្រជាពលរដ្ឋ អាជ្ញាធរមូលដ្ឋានផងនោះក្រសួងអភិវឌ្ឍន៍ជនបទបានផ្ដល់ជូននៅគម្រោងកម្មវិធីអភិវឌ្ឍន៍ និងធ្វើឲ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទ ប្រកបដោយនិរន្តរភាព នៅឃុំតាគង់ ស្រុកម៉ាឡៃ គម្រោងនោះត្រូវបានលោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ រួមជាមួយលោក សាន ពិសិដ្ឋ អនុប្រធានការិយាផ្គត់ផ្គង់ទឹកជនបទ និងក្រុមការងារ បានអញ្ជើញចុះពិនិត្យវឌ្ឍនភាព នៅថ្ងៃទី៩ ខែកក្តដា ឆ្នាំ២០២៥ ។ លោក ជា យុទ្ធារុណ បញ្ជាក់ថា៖ ការចុះពិនិត្យវឌ្ឍនភាពគម្រោងកម្មវិធីអភិវឌ្ឍន៍ និងធ្វើឲ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទ ប្រកបដោយនិរន្តរភាព នៅឃុំតាគង់ ស្រុកម៉ាឡៃ ក្រសួងអភិវឌ្ឍន៍ជនបទបានផ្តល់ជូនប្រជាពលរដ្ឋក្នុងឃុំតាគង់មាន ៖ស្តារស្រះសហគមន៍ចំនួន៦ ,អណ្តូងខួងបំពាក់ស្នប់ចំនួន ៣៥ ,ពាងត្រងទឹកភ្លៀងចំណុះ១ ០០០លីត្រ ចំនួន៣ ៦២៥ពាង ,ធុងជ័រត្រងទឹកភ្លៀងចំណុះ១០ ០០០លីត្រ សម្រប់សាលារៀន និងមណ្ឌលសុខភាព ចំនួន១៤ ,បង្គន់អនាម័យតាមសាលារៀនចំនួន២,និង បង្គន់អនាម័យគ្រួសារចំនួន ១៣៣ ។ លោក ប្រធានមន្ទីរអភិវឌ្ឍន៍ជនបទខេត្ត ក៏បានធ្វើការណែនាំដល់ក្រុមការងារបច្ចេកទេសទាំងអស់ និងក្រុមហ៊ុនសាងសង់ ឲ្យខិតខំជំរុញការងារសាងសង់ទៅតាមជំនាញស្របទៅតាមស្តង់ដា…

(ភ្នំពេញ)៖ នៅថ្ងៃទី៧ ខែកក្កដា ឆ្នាំ២០២៥ ឯកឧត្តម សូ វិសុទ្ធី រដ្ឋលេខាធិការក្រសួង​ប្រៃសណីយ៍និងទូរគមនាគមន៍ (ក.ប.ទ.) បានអញ្ជើញជាអធិបតីក្នុងពិធីប្រគល់​សញ្ញាបត្រ​បញ្ចប់ការសិក្សាដល់និស្សិតចំនួន ៣០រូប នៃកម្មវិធី Techpreneur Bootcamp របស់ស្ថាប័ន DICHI Academy នៅសាលប្រជុំជាន់ទី៣ ទីស្ដីការ ក.ប.ទ. ដោយមានការអញ្ជើញចូលរួមពីថ្នាក់ដឹកនាំ ក.ប.ទ. ក្រុមហ៊ុនឯកជន ដៃគូ សិស្សនិស្សិត និងអាណាព្យាបាលប្រមាណ ១៤០រូប។ កម្មវិធី Techpreneur Bootcamp គឺជាកម្មវិធីបណ្ដុះបណ្ដាលរយៈពេល ៩ខែ រៀបចំឡើងក្នុងគោលបំណងពង្រឹងសមត្ថភាពសិស្សនិស្សិតអំពីជំនាញអភិវឌ្ឍកម្មវិធី (Full Stack) រួមនឹងជំនាញសហគ្រិនភាព តាមរយៈការបណ្ដុះបណ្ដាលបច្ចេកទេស​ជាក់ស្ដែងពីអ្នកជំនាញនៅតាមក្រុមហ៊ុនឯកជន និងផ្ដល់ឱកាសដល់សិស្សនិស្សិត​ក្នុងការអភិវឌ្ឍកម្មវិធីនិងរកដំណោះស្រាយឌីជីថលដើម្បីដោះស្រាយបញ្ហាជាក់ស្ដែង។ ទន្ទឹមនឹងនេះ និស្សិតចំនួន ៦ក្រុម បានអភិវឌ្ឍកម្មវិធី និងថ្នាលឌីជីថលដែលជា​គម្រោងបញ្ចប់ការសិក្សារបស់ក្រុមនីមួយៗ ក្នុងនោះមានគម្រោង ២ ត្រូវបានក្រម​ហ៊ុន​ជ្រើសរើសមកប្រើប្រាស់ដើម្បីជាដំណោះស្រាយអាជីវកម្មរបស់ពួកគេ។ ជាមួយគ្នានេះ ឯកឧត្តមរដ្ឋលេខាធិការ បានមានប្រសាសន៍ថា កម្មវិធីនេះ បានដើរតួ​យ៉ាង​សកម្មក្នុងការចូលរួមចំណែកអភិវឌ្ឍន៍មូលធនមនុស្សឌីជីថលនៅកម្ពុជា​ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ដែលបានកំណត់យកអាទិភាពគន្លឹះ ៥…