ឯកឧត្ដម សូខន ឬទ្ធីគុណ រដ្ឋលេខាធិការក្រសួងបរិស្ថាន រួមជាមួយ ឯកឧត្តម សុខេង នវិន្ទ អនុរដ្ឋលេខាធិការក្រសួងបរិស្ថាន ឯកឧត្ដម វ៉ាត ប៉ារ៉ានីន អភិបាលរងនៃគណ:អភិបាលខេត្តឧត្តរមានជ័យ ប្រតិភូក្រសួងបរិស្ថាន មន្ទីរបរិស្ថានខេត្ត មន្រ្តីឧទ្យានុរក្ស និងសហគមន៍មូលដ្ឋានមួយចំនួនទៀត នៅថ្ងៃទី០៩ ខែកក្កដា ឆ្នាំ២០២១ បានចុះត្រួតពិនិត្យមើលស្ថានភាពជាក់ស្តែងនៃការអភិរក្សនៅក្នុងតំបន់ដែនជម្រកសត្វព្រៃសង្ឃរុក្ខាវ័ន ស្ថិតក្នុងភូមិសាស្រ្តខេត្តឧត្តរមានជ័យ។ ឯកឧត្ដម សូខន ឬទ្ធីគុណ បានលើកទឹកចិត្តដល់មន្រ្តីឧទ្យានុរក្ស ពង្រឹងតួនាទី ភារកិច្ច និងការសហការល្អថែមទៀត ដើម្បីធានាការពារប្រភេទសត្វព្រៃ និង រុក្ខជាតិនៅក្នុងតំបន់ការពារធម្មជាតិ។ លើសពីនេះទៀត ក៏ជាការលើកទឹកចិត្តឲ្យមានការចូលរួមរបស់សហគមន៍មូលដ្ឋាន និងអ្នកពាក់ព័ន្ធក្នុងថែរក្សានិងអភិរក្សធនធានធម្មជាតិប្រកបដោយនិរន្តរភាពផងដែរ។ ជាមួយគ្នានេះ ឯកឧត្តមរដ្ឋលេខាធិការ និងក្រុមការងារ បានអញ្ជើញចូលរួមលែងសត្វអណ្តើកធំមួយក្បាល ចូលអូរមួយកន្លែងក្នុងដែនជម្រកសត្វព្រៃសង្ឃរុក្ខាវ័ន និងបានចែកសៀវភៅសម្បត្តិធម្មជាតិនៃព្រះរាជាណាចក្រកម្ពុជា ជូនដល់រដ្ឋបាលខេត្តឧត្តរមានជ័យ មន្ទីរបរិស្ថានខេត្ត និងមន្រ្តីឧទ្យានុរក្សនៅតាមស្នាក់ការនៃតំបន់ការធម្មជាតិក្នុងភូមិសាស្រ្តខេត្តឧត្តរមានជ័យផងដែរ។ សូមបញ្ជាក់ថា រដ្ឋាភិបាលកម្ពុជាកាលពីថ្ងៃទី០៥ ខែមេសា ឆ្នាំ២០១៨ក៏បានសម្រេចបង្កើតដែនជម្រកសត្វព្រៃ «សង្ឃរុក្ខាវ័ន» នៅក្នុងភូមិសាស្ត្រស្រុកចំនួន៣គឺស្រុកអន្លង់វែង ស្រុកសំរោង និងស្រុកចុងកាល់ ខេត្តឧត្តរមានជ័យ លើផ្ទៃដីជាង៣ម៉ឺនហិកតា។ នៅក្នុងដែនជម្រកសត្វព្រៃនេះ…

ខេត្តសៀមរាប៖ យើងមិនគួរមើលរំលងការចិញ្ចឹមមាន់ស្រែ នៅពេលដែលស្ទើរតែរាល់ថ្ងៃ អាហារសំខាន់មួយរបស់យើង គឺសាច់មាន់ ជាពិសេសនៅពេលធ្វើដំណើរកម្សាន្ត។ មាន់អាំងជាទូទៅមានលក់នៅតាមបណ្តោយផ្លូវចូល ទៅកាន់រមណីយដ្ឋាននានា។មាន់ស្រែអាំងភ្លាមៗក្តៅៗ ជាមួយប្រហុកចិញ្ច្រាំលាយអង្ក្រងនិងបន្លែព្រៃស្រស់ៗ ពិតជាទាក់ទាញអារម្មណ៍យើងឱ្យទៅលេងកម្សាន្តទីនោះម្តងហើយម្តងទៀត។ រមណីយដ្ឋានទេសចរណ៍ធម្មជាតិដែលមានមាន់ស្រែអាំងឆ្ងុយឆ្ងាញ់ មានច្រើនដូចជា ទឹកធ្លាក់ជ្រាវក្នុងខេត្តកំពង់ស្ពឺ ទឹកធ្លាក់ថ្មក្រាល ទឹកធ្លាក់ស្រែអំពិលក្នុងខេត្តកំពង់ឆ្នាំង ទឹកធ្លាក់ច្រកល្អៀងក្នុងខេត្តពោធិ៍សាត់ រមណីយដ្ឋានឧទ្យានជាតិភ្នំគូលែន ។ល។មាន់ស្រែដែលត្រូវបានចម្អិនជាអាហារសម្រាប់ភ្ញៀវទេសចរណ៍ ជាផលិតផលរបស់សហគមន៍ចិញ្ចឹមជាលក្ខណៈគ្រួសារ ដែលមានមេមាន់ ៣-៥ ក្បាលប៉ុណ្ណោះ ដែលអាចផ្តល់ចំណូលប្រមាណ ១,៥-២ លានរៀលក្នុងមួយឆ្នាំ តែផលិតកម្មបែបនេះ មិនអាចបំពេញតម្រូវការទីផ្សារបាននៅឡើយទេ។ បច្ចុប្បន្នមានសមាជិកសហគមន៍មួយចំនួន បានចាប់ផ្តើមបង្កើនចំនួនមេមាន់ក្នុងការចិញ្ចឹម ដោយបន្ថែមចំណី ការថែទាំ និងអនុវត្តវិធានជីវសុវត្ថិភាព។ លោកសុខ ជូ ជាសមាជិកគណៈកម្មាការសហគមន៍ការពារធម្មជាតិព្រៃភ្នំពពេល ឃុំខ្នងផ្សារ ស្រុកស្វាយលើ ខេត្តសៀមរាប ចិញ្ចឹមមេមាន់ ២៥ក្បាល ទទួលបានចំណូលប្រមាណ ១២-១៥លានរៀលក្នុងមួយឆ្នាំ ដោយបានអនុវត្តវិធានជីវសុវត្ថិភាព និងដាំចកជើងតុកកែជាចំណីបន្ថែមដល់មាន់។ ជាទូទៅ ឈ្មួញមកទិញមាន់ដល់ផ្ទះគាត់ សម្រាប់ផ្គត់ផ្គង់ដល់ភោជនីយដ្ឋាន និងកន្លែងមាន់អាំងនៅតំបន់ទេសចរណ៍ នៅលើឧទ្យានជាតិភ្នំគូលែន។ លោកជូ បន្ថែមថា នៅក្នុងកំឡុងបុណ្យទាន ជាពិសេសចូលឆ្នាំចិន យើងមិនមានមាន់សម្រាប់លក់ឱ្យឈ្មួញតាមតម្រូវនោះឡើយ ហើយតម្លៃមាន់នៅពេលនោះ…

រាជធានីភ្នំពេញ៖សត្វកែះ ជាប្រភេទសត្វមានដោយកម្រ ត្រូវបានចុះក្នុងបញ្ជីក្រហម IUCN ជាប្រភេទសត្វងាយរងគ្រោះថ្នាក់ជាសកល និងជាសត្វស្ថិតក្នុងឧបសម្ព័ន្ធទី១ របស់អនុសញ្ញាសាយតេស។ ពាក់ព័ន្ធក្នុងរឿងនេះ ឯកឧត្តម នេត្រ ភក្ត្រា រដ្ឋលេខាធិការនិងជាមន្ត្រីនាំពាក្រក្រសួងបរិស្ថានបានថ្លែងថា ថ្មីៗនេះ ក្រុមអ្នកស្រាវជ្រាវរបស់ក្រសួងបរិស្ថានបានរកឃើញវត្តមានសត្វកែះនៅក្នុងតំបន់ការពារធម្មជាតិនិងកម្ពុជាតាមរយៈការដាក់ម៉ាស៊ីនថតស្វ័យប្រវត្តិស្ថិតក្នុងក្របខណ្ឌនៃការសិក្សាចងក្រងទិន្នន័យប្រភេទសត្វកម្រៗនៅកម្ពុជា។ បើតាមឯកឧត្តមរដ្ឋលេខាធិការ នេត្រ ភក្ត្រា ប្រភេទសត្វកម្រនៅលើពិភពលោកនេះត្រូវបានកត់សម្គាល់ថាមានវត្តមាននៅក្នុងតំបន់ ការពារធម្មជាតិនៅកម្ពុជា ដែលនេះគឺជាការផ្តល់នូវទិន្នន័យមួយយ៉ាងសំខាន់សម្រាប់ការអភិរក្សជីវៈចម្រុះនៅកម្ពុជា ក៏ដូចជាសម្រាប់ពិភពលោកទាំងមូល។ គេមិនទាន់មានទិន្នន័យពិតប្រាកដថាមានសត្វកែះប៉ុន្មានក្បាលរស់នៅក្នុងប្រទេសកម្ពុជាទេ តែបើតាមការបញ្ជាក់របស់ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន ប្រភេទសត្វកែះនេះមានដង់ស៊ីតេរស់នៅកម្រិតទាបបំផុតដោយសារតែជាសត្វកម្រ។ បច្ចុប្បន្ននេះ សត្វកែះកំពុងប្រឈមមុខនឹងការបាត់បង់ពូជដោយសារការបរបាញ់ ការដាក់អន្ទាក់និងការបាត់បង់ជីជម្រក។ អ្វីដែលធ្វើឱ្យសត្វកែះរងគ្រោះខ្លាំងដោយសារតែការប្រមាញ់ដើម្បីយកសាច់ ស្នែង ឆ្អឺងក្នុងការជួញដូរដោយសារតែជំនឿ។ ដោយឡែកបើយោងតាមការសិក្សា កែះមានសម្បុរខ្មៅប្រផេះ និងរោមវែងស្តើង៊ វាមានដងខ្លួនខ្លី ហើយជើងទាំង ៤របស់វាវែង។ ផ្នែកខាងលើដងខ្លួនសម្បុរខ្មៅ និងផ្នែកក្រោមនៃជើងចាប់ពីក្បាលជង្គង់ចុះមានពណ៌ចម្រុះខ្មៅ ប្រផេះ លឿង។ នៅលើពំនូលក្បាលរហូតដល់ស្មារបស់វាមានរោមរឹងវែងៗសណ្ឋាន ដូចជាប្រែង។ វាមានស្នែងដូចសត្វពពែ ដុះកោងទៅក្រោយបន្តិច ប្រវែងប្រហែល ២៨០មម ពណ៌ខ្មៅ និងមានគន្លាក់ៗជារង្វង់នៅផ្នែកគល់។ កន្ទុយខ្លី ហើយមានរោមសំពោងពណ៌ខ្មៅប្រផេះ។ តាមការសិក្សា ចំពោះជីវសាស្ត្រវិញ…

រាជធានីភ្នំពេញ៖រដ្ឋមន្រ្តីក្រសួងបរិស្ថានបានថ្លែងក្នុងពិធីសម្ពោធចាក់ផ្សព្វផ្សាយវីដេអូ ពីសំណល់ប្លាស្ទិករបស់អង្គការ UNDPថាបច្ចុប្បន្ននេះកម្ពុជាបានកំពុងដំណើរការ គោលនយោបាយ បញ្ហាប្លាស្ទិក សំខាន់ៗជាច្រើនក្នុងការដោះស្រាយបញ្ហាសំណល់ប្លាស្ទិក និងបានអំពាវនាវឱ្យពលរដ្ឋកម្ពុជាចូលរួមដើម្បីសំដៅធ្វើយ៉ាងណាកុំឱ្យមានបញ្ហា តដល់មនុស្សជំនាន់ក្រោយបន្តទៀត។ ថ្លែងក្នុងសារវីដេអូនេះ ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថានបានឱ្យដឹងថាបញ្ហាប្លាស្ទិកគឺជាបញ្ហាសាកល ហើយប្រទេសណាមួយក៏តែងជួបនូវបញ្ហាទាំងអស់នេះដូចគ្នា។ហេតុនេះបើយើងមិនចូលរួមដោះស្រាយពីពេលនេះទេ យើងនឹងជួបបញ្ហាតទៅមនុស្សជំនាន់ក្រោយទៀតជាក់ជាពុំខាន។ ឯកឧត្តមបានចាត់ទុកថាបញ្ហាប្លាស្ទិកនៅកម្ពុជា គឺជាបញ្ហារួមក្នុងការគ្រប់គ្រងសំណល់រឹងក្នុងទីប្រជុំជនទាំងអស់គ្នា។ក្នុងដំណើរការដោះស្រាយបញ្ហាប្លាស្ទិកនេះដែរ ក្រសួងបានរៀបចំគោលការចំនួន២ធំៗ ក្នុងនេះគឺ ក្របខណ្ឌនយោបាយ និងយុទ្ធសាស្រ្តដោះស្រាយបញ្ហាសំរាមនិងជ្រុងមួយទៀតគឺក្រសួងបានរៀបចំច្បាប់ និងលិខិតបទដ្ឋានគតិយុត្តិ រួមទាំងបូកផ្សំជាមួយស្ថាប័នដែលទទួលការខុសត្រូវផង។ដោយឡែកក្រសួងក៏មានជ្រុងមួយទៀតគឺ វិធីសាស្រ្តដោះស្រាយជាក់ស្តែង។ ឯកឧត្តមសាយសំអាល់បានបន្តឱ្យដឹងថា ក្នុងរយៈពេលប៉ុន្មានឆ្នាំនេះក្រសួងបានផ្ទេរការទទួលខុសត្រូវបញ្ហាសំរាមនេះទៅដល់រដ្ឋបាលថ្នាក់ក្រោមជាតិ តាមយន្តការមួយគឺ ភូមិ ឃុំ សង្កាត់ មានសុវត្តិភាព ហើយបញ្ហាភូមិ ឃុំ សង្កាត់ មានសុវត្តិភាព នេះគឺជាយន្តការសំខាន់បំផុត ក្នុងការដោះស្រាយបញ្ហាសំណល់រឹង តាមទីប្រជុំជននៅកម្ពុជា។ តាមរយៈនេះដែរ ឯកឧត្តមរដ្ឋមន្រ្តីសង្ឃឹមជឿជាក់ពលរដ្ឋកម្ពុជា ពិសេសតាមមូលដ្ឋាននឹងចូលរួមក្នុងការកាត់បន្ថយថង់ប្លាស្ទិកនេះទាំងនៅកម្ពុជាក៏ដូចជាការចូលរួមជាសាកលលោក។ ឯកឧត្តមមានប្រសាសន៍បន្ថែមថា “ខ្ញុំជឿជាក់ថាការរស់នៅស្អាត ភូមិឋានស្អាត សុខភាពល្អ ជីវិតរីករាយ និង អនាគតរុងរឿងសម្រាប់យើងទាំងអស់គ្នា”។ ព្រមជាមួយគ្នា លោក Nick Bersford នាយក UNDP…