កម្លាំងប្រជាសហគមន៍ដែលគាំទ្រដោយអង្គការសមាគមអភិរក្សសត្វព្រៃកម្ពុជា (WCS) ចូលរួមល្បាតការពារនិងអភិរក្សធនធានធម្មជាតិជាមួយមន្ត្រីឧទ្យានុរក្សបានដោះអន្ទាក់រំដោះជ្រូកព្រៃ ១ ក្បាលឱ្យរួចរស់ជីវិតឡើងវិញ នៅក្នុងដែនជម្រកសត្វព្រៃកែវសីមា នៅក្នុងភូមិសាស្ត្រខេត្តមណ្ឌលគិរី។ អន្ទាក់ជាឃាតកលាក់មុខសម្លាប់សត្វព្រៃនៅកម្ពុជាជាពិសេសសត្វដែលរកស៊ីលើដី។ រយៈពេល ៩ ខែឆ្នាំ២០២០ មន្ត្រីឧទ្យានុរក្សបានដោះអន្ទាក់បានជិត ២០០០ ពីក្នុងតំបន់អភិរក្សខេត្តមណ្ឌលគិរី ហើយបានដោះអន្ទាក់បានចំនួន ៣០០០០ អន្ទាក់ពីក្នុងតំបន់ការពារធម្មជាតិនៅទូទាំងប្រទេស។ ប្រភព៖ ទំព័រហ្វេសប៊ុកក្រសួងបរិស្ថាន

តំបន់រមណីយដ្ឋាន ភ្នំត្បែងមានជ័យ

ក្រោយមានវត្តមានធ្យូងប្រភេទថ្មីដែលត្រូវបានគេកែច្នៃចេញពីកាកសំណល់សំរាមមកប្រើប្រាស់ជាធ្យូងបែបថ្មីឬហៅថាធ្យូងអនាម័យ បានក្លាយជារបស់ប្រើយ៉ាងសំខាន់មួយចូលជំនួសធ្យូងធម្មជាតិរបស់ខ្មែរសម័យបុរាណរបស់យើង។           ជាមួយធ្យូងបែបថ្មីនេះដែរ មន្រ្តីបរិស្ថានបានលើកឡើងថា ធ្យូងមួយប្រភេទនេះអាចប្រើចំណេញជាងការប្រើធ្យូងធម្មតា២ទៅ៣ដង ។ធ្យូងបែបថ្មីនេះមិនត្រឹមតែប្រើបានយូរក្នុងការចម្អិនម្ហូបអាហារទេ ប៉ុន្តែក្នុងផ្នែកបរិស្ថានវិញក៏អាចជួយកាត់បន្ថយការបំពុលដោយផ្សែង និង ពិសេសជួយដល់ការរក្សាព្រៃឈើទៀតផង។

ក្នុងពេលបច្ចុប្បន្នបើទោះបីមានវត្តមាននៃចង្រ្កានសម្រាប់ចម្អិនអាហារបែបទំនើបថ្មីៗចូលមកជំនួសចង្រ្កានបែបប្រពៃណីប្រើអុសធ្យូងក៏ដោយ ប៉ុន្តែពលរដ្ឋនៅរាជធានីភ្នំពេញនិងបណ្តាខេត្តក្រុងមួយចំនួននៅតែមានការប្រើចង្រ្កានប្រពៃណីបែបបុរាណយ៉ាងច្រើនផងដែរ។