កម្ពុជានិងប្រទេសអ៊ីរ៉ង់កំពុងស្វែងរកកិច្ចសហប្រតិបត្តិការជើងហោះហើររវាងគ្នាទៅវិញទៅ មកដើម្បីការវិស័យទេសចរណ៍។ កិច្ចពិភាក្សារកការតភ្ជាប់ជើងហោះហើរនេះ បានធ្វើឡើង នារសៀលថ្ងៃទី២១កុម្ភៈ រវាងរដ្ឋមន្ត្រីក្រសួងទេសចរណ៍កម្ពុជាលោក ថោង ខុន ជាមួយ នឹងឯក អគ្គរដ្ឋទូតថ្មីអ៊ីរ៉ង់ លោក អាលី អាក់បារ ណាហ្សារី ដែលមាននិវេសនដ្ឋាននៅរដ្ឋធានី ហាណូយ។

កម្ពុជាដែលជាប្រធានអាស៊ានបានបញ្ជាក់នូវការប្តេជ្ញាចិត្តរបស់ខ្លួនបន្តគម្រោងស្វែងរកសន្តិភាពដល់ប្រទេសមីយ៉ាន់ម៉ាបើទោះបីជាមានឧបសគ្គរារាំងក៏ដោយ។ ប្រមុខដឹកនាំអាស៊ានប្តូរ វេនឆ្នាំ២០២២ បានបញ្ជាក់សាឡើងវិញនូវគម្រោងរកសន្តិភាពដល់ប្រទេសមីយ៉ាន់ម៉ាបន្ថែម ទៀតនៅមុនពេលដែលប្រេសិតពិសេសប្រធានអាស៊ាននឹងគ្រោងធ្វើទស្សនកិច្ចលើកដំបូង ជាផ្លូវការនៅក្នុងខែមីនាខាងមុខនេះ។

សម្តេចតេជោ ហ៊ុន សែន បានថ្លែងបញ្ជាក់សាជាថ្មីម្តងទៀតនូវការមិនអាចទទួលយកបាននូវ សម្តីប្រមាថរបស់បុគ្គលនយោបាយទាំងឡាយណាមកលើក្រុមគ្រួសារ, ភរិយានិងបុត្រាបុត្រី របស់សម្តេចបានឡើយ។

នាយករដ្ឋមន្រ្តីនៃប្រទេសម៉ាឡេស៊ី គ្រោងនឹងដឹកនាំគណៈប្រតិភូជាន់ខ្ពស់បំពេញទស្សនកិច្ច ជាផ្លូវការនៅកម្ពុជានៅថ្ងៃនេះហើយ។ ដំណើរទស្សនកិច្ចរបស់លោកនាយករដ្ឋមន្ត្រីដាតុ ស្រ៊ី អ៊ីស្មាអែល សាប្រ៊ី ប៊ីន យ៉ាអាកុប រវាងពីថ្ងៃទី២៣ដល់២៤កុម្ភៈ ត្រូវគេចាត់ទុកថាជាដំណើរ ទស្សនកិច្ចបង្ហាញអំពីមិត្តភាព, សាមគ្គីភាពនិងភាពរឹងមាំនៃទំនាក់ទំនងទ្វេភាគីកម្ពុជានិង ម៉ា ឡេស៊ី។ ប្រមុខរាជរដ្ឋាភិបាលបានថ្លែងនៅថ្ងៃនេះថា  នាយករដ្ឋមន្ត្រីម៉ាឡេស៊ី​និងគណៈប្រតិ ភូ នឹងអញ្ជើញមកដល់កម្ពុជានារសៀលថ្ងៃទី២៣ កុម្ភៈ។

របាយការណ៍ចេញផ្សាយកាសែតអនឡាញបរទេសឈ្មោះ NK News ចោទប្រកាន់អំពីជំនួញចារកម្មកូរ៉េខាងជើង ក្នុងប្រទេសកម្ពុជា បានប្រញាប់ឱ្យក្រុមជំនាញក្រុមប្រឹក្សាសន្តិសុខ អង្គការសហប្រជាជាតិធ្វើលិខិតបង្ហាញការសុំទោសដោយសម្តែងក្តីសោកស្តាយ។

សម្តេចតេជោ ហ៊ុន សែន បានថ្លែងវាយតម្លៃខ្ពស់ជុំវិញទំនាក់ទំនងរវាងកម្ពុជានិងជប៉ុន និង បានថ្លែងអំណរគុណសាជាថ្មីចំពោះកាយវិការយកចិត្តទុកដាក់របស់រដ្ឋាភិបាលជប៉ុនដែល បានរៀបចំទទួលដំណើរទស្សនកិច្ចរបស់មេបញ្ជាការកងទ័ពជើងគោកលោកឧត្តមសេនីយ៍ ឯក ហ៊ុន ម៉ាណែត ដែលជាបេក្ខជនអនាគត​នាយករដ្ឋមន្ត្រីរបស់គណបក្សប្រជាជនកម្ពុជា។

សំណង់ស្ថានីយប្រព្រឹត្តកម្ម​ទឹក​កខ្វក់​បឹងជើងឯក បានធ្វើពិធីបើកការដ្ឋានរបស់ខ្លួននៅថ្ងៃទី ២២កុម្ភៈនេះ ដោយមានការអញ្ជើញចូលរួមជាអធិបតីដ៏ខ្ពង់ខ្ពស់ពីសម្តេចនាយករដ្ឋមន្ត្រី ហ៊ុន សែន។

កម្ពុជាទទួលចំណូលជាង៥៤លានដុល្លារ ពីការនាំចេញជ័រកៅស៊ូ និងឈើកៅស៊ូ ក្នុងខែ​ដំបូងឆ្នាំ២០២២នេះ។ របាយការណ៍ របស់អគ្គនាយកដ្ឋានកៅស៊ូ ដែលបណ្ដាញ​ព័ត៌មាន ទទួលបាននៅថ្ងៃទី២១ ខែកុម្ភៈ, ចំណូលខែដំបូងឆ្នាំ២០២២ ពីការនាំចេញ​ជ័រ​កៅស៊ូ និង ឈើកៅស៊ូ មានចំនួន ៥៤លាន៨១ម៉ឺន៩ពាន់៣១៧ដុល្លារ ក្នុងនោះចំណូល​ពីការនាំចេញ ជ័រកៅស៊ូ ចំនួន៥៤លាន៦៨ម៉ឺន៣ពាន់៧៣៥ដុល្លារ និងចំណូលពីការនាំ​ចេញឈើកៅស៊ូ ចំនួ១៣ម៉ឺន៥ពាន់៥៨២ដុល្លារ។