មន្ត្រីគ្រប់គ្រងគ្រោះមហន្តរាយធម្មជាតិ បានថ្លែងថាគ្រោះធម្មជាតិរយៈពេលមួយឆ្នាំកន្លង មក បានធ្វើឲ្យមនុស្សស្លាប់និងរបួសជាង ២៣០នាក់។ គ្រោះមហន្តរាយធម្មជាតិ គឺសំដៅ លើករណីទឹកទឹកជំនន់, ខ្យល់កន្ត្រាក់ និងរន្ទះបាញ់។

ក្រុមកីឡាជិះសេះកម្ពុជា បានប្តេជ្ញាស្វែងរកមេដាយជូនជាតិ ក្នុងព្រឹត្តិការណ៍ជាប្រវត្តិ​សាស្ដ្រលើក​ដំបូងនៅកម្ពុជា​ក្នុងការប្រកួតស៊ីហ្គេម ឆ្នាំ២០២៣ នាពេលខាងមុខនេះ។ ​

សេដ្ឋវិទូ បានវាយតម្លៃល្អនិងព្យាករណ៍ខ្ពស់ចំពោះដំណើរការសេដ្ឋកិច្ចជាតិកម្ពុជាក្នុងឆ្នាំ ២០២២នេះ បើទោះបីជាវិបត្តិកូវីដ១៩នៅបន្តគំរាមកំហែង។ ការព្យាករណ៍រំពឹងថានៅ ក្នុងឆ្នាំ២០២២នេះ ដំណើរការសេដ្ឋកិច្ចជាតិនឹងកើនក្នុងរង្វង់ប្រមាណ៥កណ្តក់សញ្ញា៦ ភាគរយ, នៅក្នុងឆ្នាំ២០២៣នឹងកើនដល់៦កណ្តក់សញ្ញា៥ភាគរយ, និងនៅក្នុងឆ្នាំ២០២៤ នឹងកើនឡើងក្នុងរង្វង់៧ភាគរយវិញ។ អប្សរាណិតមានបទវិចារណកថាមួយដែលមាន ចំណងជើងថា ឆ្នាំ២០២២គឺជាឆ្នាំនៃក្តីសង្ឃឹមរបស់កម្ពុជា។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៥១ម៉ឺន ២ពាន់ ៦៨៩ករណី ចំណែកការស្លាប់មានចំនួន ១ពាន់៣៥៤នាក់ ។ តួលេខឆ្លង និងស្លាប់នៅសប្តាហ៍នេះ មានការកើនឡើងដូចគ្នាបើធៀបរយៈពេល៧៣ម៉ោងនៃ សប្តាហ៍មុន ដោយការឆ្លងបានកើនឡើងរហូតដល់ ១៣ម៉ឺន ១ពាន់ ២៦៩ករណី និងស្លាប់ បានកើនឡើងចំនួន ៣៤៣នាក់ ។ ក្នុងចំណោមតួលេខឆ្លងថ្មីនៃប្រទេសទាំង១០ ប្រទេស ឥណ្ឌូនេស៊ី គឺជាប្រទេស ដែលមានការឆ្លងឈរនៅលំដាប់ទី១ ច្រើនជាងគេ ។

តួលេខអ្នកចាក់វ៉ាក់សាំងដូសទី៣និងដូសទី៤ មានចំនួនតិចជាងកាលពីម្សិលមិញ ទន្ទឹម នឹង សេចក្តីអំពាវនាវជម្រុញការចាក់វ៉ាក់សាំងដូសជំរុញ។

កម្ពុជាក្នុងរយ:ពេល២ថ្ងៃមកនេះ ចាប់ផ្តើមមានមនុស្សស្លាប់ដោយសារជម្ងឺកូវីដ១៩សា ជាថ្មីវិញ ក្រោយការចៀសផុតរួចនៃសេចក្តីស្លាប់នេះអស់រយៈពេល៤៦ថ្ងៃកន្លងមក។

សម្តេចនាយករដ្ឋមន្ត្រីគ្រោងនឹងអញ្ជើញបើកការដ្ឋានសាងសង់ ស្ថានីយប្រព្រឹត្តកម្ម​ទឹក​កខ្វក់​បឹងជើងឯក នៅថ្ងៃអង្គារនេះដែលជាជំនួយឥតសំណងរបស់ប្រទេសជប៉ុន។

អតីតបុគ្គលិកក្រុមហ៊ុន Naga ចំនួន២៤នាក់បន្ថែមទៀតដែលកំពុងធ្វើបាតុកម្មតវ៉ាត្រូវបាន គេរកឃើញមាន​វិជ្ជមានជំងឺកូវីដ១៩ ខណៈអ្នកពាក់ព័ន្ធមួយចំនួនមិនទាន់យកសំណាក អស់នៅឡើយ។​

អ្នកគាំទ្រអតីតគណបក្សសង្គ្រោះជាតិ, គណបក្សខ្មែររួបរួមជាតិ និងគណបក្ស​ហ្វ៊ុន​ស៊ិន ប៉ិច​ចំនួន១០២នាក់ នៅស្រុកបរសេដ្ឋ ខេត្តកំពង់ស្ពឺ បានស្ម័គ្រចិត្តរួមជីវភាពនយោ​បាយជា​មួយ​គណបក្សប្រជាជនកម្ពុជា ។

អតីតសកម្មជនគណបក្សសង្គ្រោះជាតិ១០៤នាក់ បានចួលរួមជាមួយនឹងគណបក្សប្រជា ជនកម្ពុជាខណៈការបោះឆ្នោតឃុំ និងសង្កាត់នឹងឈានមកដល់ក្នុងរយៈពេលប្រមាណ៣ខែ ទៅមុខទៀតនេះ។ ពិធីទទួលសកម្មជនទាំងនោះ បានធ្វើក្នុងរាជធានីភ្នំពេញ។