សម្តេចតេជោ ហ៊ុន សែន និងគណៈប្រតិភូ នឹងគ្រោងបំពេញទស្សនកិច្ចការងារជាផ្លូវការក្នុង សហរដ្ឋអាមេរិកក្នុងពេលខាងមុខនេះ ដើម្បីចូលរួមកិច្ចប្រជុំកំពូលអស៊ានអាមេរិកក្នុងរដ្ឋធានី វ៉ាស៊ីនតោន។

ប្រមាណជាងបីឆ្នាំមុននេះ កម្ពុជាបានបំបែកកំណត់ត្រាទូកង ដែលវែងជាងគេលើពិភពលោក ដែលជាការបំបែកឯតទគ្គកម្មថ្មីប្រកាសទទួលស្គាល់ ដោយមន្ត្រីតំណាង World Guinness Record នៅក្នុងពិធីមួយក្នុងក្រុងអ្នកលឿង ខេត្តព្រៃវែង។ កម្ពុជាវេលាកន្លងមកនេះ បានបំបែកកំណត់ពិភពលោកយ៉ាងហោចចំនួន៥ដងផងដែរ។ អប្សរាណិតសូមចាក់ផ្សាយសាឡើងវិញ នូវសេចក្តីរាយការណ៍ជុំវិញការបំបែកកំណត់ត្រា ពិភពលោកក្នុងការបង្កើតទូកងវែងជាងគេលើពិភពលោកប្រវែងជាង៨៧ម៉ែត្រ។

តួលេខឆ្លងក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១៦ម៉ឺន ៨ពាន់ ១៦៨ករណី និងការស្លាប់ថ្មីមានចំនួន ៣៨៣នាក់ ។ តួលេខឆ្លងនៅថ្ងៃនេះ កើនឡើង ចំនួន ១ម៉ឺន ៤ពាន់ ៨៤០ នាក់ និងការស្លាប់កើនឡើង ១៨នាក់ បើប្រៀបធៀបជាមួយនឹងការ ឆ្លង និងការស្លាប់កាលពីថ្ងៃម្សិលមិញ ។ ក្នុងចំណោមតួលេខឆ្លងថ្មីនៃប្រទេសទាំង១០ ក្នុង រយៈពេល២៤ម៉ោងចុងក្រោយនេះ គឺប្រទេសឥណ្ឌូនេស៊ី នៅតែជាប្រទេសមានតួលេខឆ្លង ច្រើនជាងគេដដែល ។

តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោង កន្លងមកនេះ មានចំនួន៤ម៉ឺន ៨ពាន់៧៨៤នាក់ ដែលជាតួលេខតិចជាងម្សិលមិញថែមទៀត។ សម្តេចតេជោ ហ៊ុន សែន បាន អំពាវនាវកាលពីថ្ងៃទី១៦កុម្ភៈជំរុញពលរដ្ឋដើម្បីការចាក់ដូសជំរុញខណៈដែលតួលេខឆ្លងអូមី ក្រុងចូលក្នុងសហគមន៍បានកើនឡើងគួរឱ្យព្រួយបារម្ភ។

តួលេខឆ្លងកូវីដ១៩នៅថ្ងៃនេះបានកើនឡើងជាងទ្វេដង នៅទន្ទឹមការអំពាវនាវរបស់មន្ត្រីជំ នាញសុខាភិបាលដល់ប្រជាពលរដ្ឋត្រូវរក្សាវិធានការអនាម័យ និងការចូលរួមទប់ស្កាត់បង្ការ ការឆ្លងជម្ងឺរាតត្បាតនេះ។

អ្នកជំនួញដីធ្លីម្នាក់ឈ្មោះ គីម ហ៊ាង បានចេញមុខសុំទោសជាសាធារណៈភ្លាមៗ ក្រោយ ក្រសួងវប្បធម៌ និងវិចិត្រសិល្បៈ បានប្រតិកម្មថ្កោលទោសយ៉ាងធ្ងន់ធ្ងរ ពាក់ព័ន្ធនឹងសម្តីដែល ចង់បានផលប្រយោជន៍ជ្រុលហួសដោយគ្មានមនសិកាជាតិ។

មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែត បានធ្វើទស្សន កិច្ចនៅកងពលតូចឆត្រយោងលេខ១ និងសាលាទ័ពជំនាញ FUJI នៃកងស្វ័យការពារជើង គោកជប៉ុន។ ដំណើរទស្សនកិច្ចនៅកងពលតូចឆត្រយោងលេខ១ និងសាលាទ័ពជំនាញ FUJI នៃកងស្វ័យការពារជើងគោកជប៉ុន បានធ្វើនៅថ្ងៃទី១៥ និង១៦ ខែកុម្ភៈ ឆ្នាំ២០២២។

ប្រេសិតពិសេសរបស់ប្រធានអាស៊ានលោក ប្រាក់ សុខុន បានថ្លែងនៅថ្ងៃទី១៧កុម្ភៈនេះថា លោកគ្រោងនឹងបំពេញទស្សនកិច្ចនៅប្រទេសមីយ៉ាន់ម៉ាក្នុងខែមីនាខាងមុខនេះ ដើម្បីបន្តបេ សកកម្មស្វែងរកដំណោះស្រាយ និងសន្តិភាពដល់ប្រទេសមីយ៉ាន់ម៉ា ។

នាយករដ្ឋមន្រ្តីនៃប្រទេសម៉ាឡេស៊ី គ្រោងនឹងដឹកនាំគណៈប្រតិភូជាន់ខ្ពស់មកបំពេញទស្សន កិច្ចជាផ្លូវការនៅកម្ពុជារយៈពេលពីរថ្ងៃនាសប្តាហ៍ក្រោយ។ យោងតាមមន្ត្រីរាជរដ្ឋាភិបាល ដំណើរទស្សនកិច្ចរបស់លោកនាយករដ្ឋមន្ត្រីដាតុ ស្រ៊ី អ៊ីស្មាអែល សាប្រ៊ី ប៊ីន យ៉ាអាកុប នឹង ធ្វើរវាងពីថ្ងៃទី២៣ដល់២៤កុម្ភៈ។

តម្លៃប្រេងឥន្ធនៈ នៅតែបន្ដកើនឡើងបន្ថែមទៀត សម្រាប់ការលក់រយៈពេល១៥ថ្ងៃខាងមុខ នេះ។ យោងតាមក្រសួងពាណិជ្ជកម្ម តម្លៃប្រេងឥន្ធនៈ សម្រាប់ការលក់ចាប់ពីថ្ងៃទី១៦ រហូត ដល់ថ្ងៃទី២៨ ខែកុម្ភៈ ឆ្នាំ២០២២នេះ គឺប្រេងសាំងធម្មតា មានតម្លៃ៤ពាន់៧០០រៀល ក្នុង១ លីត្រ ដែលតម្លៃនេះ បានកើនឡើងថែមទៀតចំនួន២០០រៀល បើធៀបទៅការលក់រយៈពេល ១៥ ថ្ងៃមុនដូចគ្នា…ចំណែកប្រេងម៉ាស៊ូតវិញ មានតម្លៃ៤ពាន់៤៥០រៀល ក្នុង១លីត្រដែល តម្លៃនេះបានកើនចំនួន២០០រៀលថែមទៀតបើធៀបទៅនឹងការលក់រយៈពេល១៥ ថ្ងៃមុន។