ពលរដ្ឋខ្មែរនៅក្រៅស្រុក បានថ្លែងបង្ហាញក្តីរីករាយនិងមោទនភាពចំពោះកម្ពុជា ដែលជំហានចាប់ផ្តើមធ្វើជាប្រធានអាស៊ានតែប៉ុន្មានថ្ងៃមកនេះ បានផ្តល់ក្តីសង្ឃឹមលើលទ្ធផលជួយដោះស្រាយវិបត្តិក្នុងប្រទេសមីយ៉ាន់ម៉ា។

រដ្ឋបាលរាជធានីភ្នំពេញ បានថ្លែងជំរុញខណ្ឌទាំង១៤, ផ្សាររដ្ឋទាំងអស់និងមន្ទីរពាក់ព័ន្ធ ត្រូវពង្រឹងបង្កាទប់ស្កាត់ បង្ការការឆ្លងជម្ងឺកូវីដ-១៩ ខណៈវីរុសអូមីក្រុង ត្រូវបានរកឃើញឆ្លងចួលក្នុងសហគមន៍ជាបន្តបន្ទាប់។ រយៈពេល ២៤ម៉ោងកន្លងមកនេះ ក្នុងតួលេខឆ្លងអូមីក្រុង៣៤ករណី, ការឆ្លងចូលក្នុងសហគមន៍មានច្រើនដល់១០ករណី។

តួលេខអ្នកចាក់វ៉ាក់សាំងដូសទី៣ នៅថ្ងៃនេះ បានកើនដល់ជាង១១ម៉ឺននាក់ នៅទន្ទឹមនឹងការជំរុញនិងពន្លឿន របស់រាជរដ្ឋាភិបាលដើម្បីបង្ការការឆ្លងវីរុសបំប្លែងថ្មីអូមីក្រុង។ វ៉ាក់សាំងដូសទី៣ ឬវ៉ាក់សាំងដូសជម្រុញ គឺជា វ៉ាក់សាំងដែលអ្នកវិទ្យាសាស្ត្រសុខាភិបាលពិភពលោកបញ្ជាក់ថា អាចមានលទ្ធភាពក្នុងការជួយបង្ការការទប់ ស្កាត់ការឆ្លង វីរុសកូវីដ-១៩ ជាពិសេសវីរុសបំប្លែងថ្មីអូមីក្រុង ដែលកំពុងធ្វើឱ្យពិភពលោកមានក្តីបារម្ភនោះ ។

កម្ពុជាមិនមានការស្លាប់ថ្មីដោយជម្ងឺកូវីដ១៩ទេនៅថ្ងៃម្សិលមិញនេះ ដែលនាំឱ្យការចៀសផុតពីការបាត់បង់ជីវិតដោយ ជម្ងឺរាតត្បាតនេះ មានចំនួន៧ថ្ងៃជាប់គ្នាមកហើយ, ប៉ុន្តែតួលេខឆ្លងកូវីដ-១៩រយៈ២៤ម៉ោងនេះ បានកើនឡើង ច្រើនដល់៣៤ករណី។

កម្ពុជាដែលជាប្រធានអាស៊ានប្តូរវេនឆ្នាំ២០២២ បានអញ្ជើញអគ្គសេនាធិការកងទ័ពប្រជាជនវៀតណាម ដើម្បី ចូលរួមកិច្ចប្រជុំអគ្គមេបញ្ជាការកងទ័ពអាស៊ានលើកទី១៩ និងកិច្ចប្រជុំពាក់ព័ន្ធ ដែលគ្រោងនឹងប្រព្រឹត្តទៅនៅរាជ ធានីភ្នំពេញ។