ស្ពានអាកាសទី៧នៅក្នុងរាជធានីភ្នំពេញ គ្រោងនឹងសាងសង់ចាប់ផ្តើមពីខែមីនាខាងមុខនេះទៅ ដោយនឹងប្រើ ប្រាស់រយៈពេលជាង១៤ខែ។ ស្ពានអាកាសទី៧ គឺជាសំណង់ស្ពានអាកាសដែលនឹងស្ថិតនៅលើផ្លូវសហព័ន្ធរុស្ស៊ី ត្រង់ចំណុច ភ្លើង ស្តុបផ្សារ ស៊ិនជូរីផ្លាហ្សា ក្នុងសង្កាត់កាកាបទី១ នៃខណ្ឌពោធិ៍សែនជ័យ។

អង្គការសហព័ន្ធសន្តិភាពសកល (UPF) បានថ្លែងចាត់ទុកដំណើរទស្សនកិច្ចរបស់សម្តេចតេជោ ហ៊ុន សែន ទៅ កាន់ប្រទេសមីយ៉ាន់ម៉ា កន្លងមកនេះ គឺជាដំណើរទស្សនកិច្ចសន្តិភាព។ ការថ្លែងចាត់ទុកនេះ គឺនៅបន្ទាប់ពីលទ្ធ ផលនៃដំណើរទស្សនកិច្ចរបស់ប្រធានអាស៊ាននៅកាន់ប្រទេសមីយ៉ាន់ម៉ា បានជួយបើកផ្លូវឱ្យការយល់ ព្រមឈប់ បាញ់គ្នា និងការធានាជួយសម្របសម្រួលដំណើរទស្សនកិច្ចរបស់របស់ប្រេសិតពិសេសនៅមីយ៉ាន់ម៉ា និងការជួប ជាមួយភាគីពាក់ព័ន្ធទាំងអស់ថែមទៀតផ្អែកតាមសភាពការណ៍ជាក់ស្តែងក្នុងប្រទេសមីយ់ាន់ម៉ា។

រដ្ឋមន្រ្តីក្រសួងការបរទេសកម្ពុជានិងរដ្ឋមន្ត្រីក្រសួងការបរទេសឥណ្ឌា បានជួបពិភាក្សាគ្នាតាមប្រព័ន្ធវីដេអូ អនឡាញ ជុំវិញទំនាក់ទំនងរវាងឥណ្ឌា និងអាស៊ាន ជាពិសេសស្ថានការណ៍ទាក់ទងក្នុងប្រទេសមីយ៉ាន់ម៉ា ក្រោយ ដំណើរទស្សនកិច្ចរបស់សម្តេចតេជោ ហ៊ុន សែន ថ្ងៃទី៧និង៨មករាកន្លងមកនេះ។

ក្រសួងការបរទេសចិន បានថ្លែងថារដ្ឋាភិបាលក្រុងប៉េកាំង គាំទ្រតួនាទីរបស់កម្ពុជាក្នុងការជួយដោះស្រាយ បញ្ហាក្នុងប្រទេសមីយ៉ាន់ម៉ា ដើម្បីកត្តាស្ថិរភាពនយោបាយ។ ការថ្លែងបញ្ជាក់ជំហរគាំទ្រនេះ បានធ្វើឡើងតាម រយៈមន្ត្រីនាំពាក្យក្រសួងការបរទេសចិនលោកវ៉ាង វិនប៊ិន ក្នុងសន្និសីទកាសែតមួយថ្ងៃទី១១មករាឆ្នាំ២០២២។