កំណាត់ផ្លូវជាតិលេខ៥ពីបាត់ដំបង មកក្រុងសិរីសោភ័ណ ដែលជាផ្នែកមួយនៃផ្លូវអាស៊ានហាយវ៉េលេខ១ ក្រោម ជំនួយរបស់ប្រទេសជប៉ុន ត្រូវបានដាក់សម្ពោធឱ្យប្រើប្រាស់នៅថ្ងៃទី១០មករាឆ្នាំ២០២២ ក្រោមអធិបតីភាពដ៏ខ្ពង់ ខ្ពស់ពីសម្តេចនាយករដ្ឋមន្ត្រី ហ៊ុន សែន។ ឯកអគ្គរាជទូតជប៉ុនលោកមិកាមិ ម៉ាសាហ៊ីរ៉ូ បានអញ្ជើញចូលរួមក្នុងពិធី សម្ពោធនេះផងដែរ។

សម្តេចនាយករដ្ឋមន្ត្រីដែលជាប្រធានអាស៊ាន បានថ្លែងជុំវិញករណីរកដំណោះស្រាយនយោបាយក្នុងប្រទេស មីយ៉ាន់ម៉ា និងបានបញ្ជាក់ថា ក្រោយដំណើរទស្សនកិច្ចរបស់សម្តេចតេជោរយៈពេល២ថ្ងៃកន្លងមកក្នុងប្រទេស មីយ៉ាន់ម៉ានោះ ចំណុចត្រូវបន្តគឺការត្រូវបង្កើតយន្តការយ៉ាងហោចចំនួន២។

ប្រជាពលរដ្ឋក្រីក្រ និងកុមារកំព្រា ប្រមាណជាង ១០០នាក់ នៅក្នុងស្រុកចំនួន ៣ នៅក្នុងខេត្តកំពង់ឆ្នាំង បាន ទទួលអំណោយពីសប្បុរសជនរស់នៅសហរដ្ឋអាមេរិក និងរាជធានីភ្នំពេញ។ អំណោយនេះ បានផ្តល់តាមរយៈ សមាជិកសមាគមចលនាយុវជនកម្ពុជាក្រុម ១៥៧ ។

កម្ពុជាបានបង្ហាញនូវក្តីសុទិដ្ឋិនិយមក្នុងការអនុវត្តតាមគោលដៅដែលបានដាក់ចេញ បើទោះបីជាការរីករាល ដាលជម្ងឺកូវីដ-១៩ នៅតែបន្តលើពិភពលោកក៏ដោយ។

ករណីស្ត្រីម្នាក់សម្លាប់ខ្លួនដោយការចងករយៈពេលជាង៩ខែកន្លងមក នៅក្នុងខេត្តព្រះវិហារ ត្រូវបានគេសើ រើ រឿងនោះសាជាថ្មី និងបានដាក់ការសង្ស័យលើបុរសជាប្តីរៀបចំនូវផែនការសម្លាប់។ ស្ត្រីឈ្មោះ យុង ស៊ីធឿង ដែលមានមុខរបរជាមេតុងទីន ត្រូវគេរាយការណ៍ថា គាត់បានស្លាប់ដោយសារករណីចងកក្នុងហេតុការណ៍ដែល កើតឡើងកាលពីថ្ងៃទី១៨មីនាឆ្នាំ២០២១ នៅភូមិស្រះឈូក សង្កាត់កំពង់ប្រណាក ក្រុងព្រះវិហារ ។ ប៉ុន្តែសាច់ ញាតិខាងភរិយា បានបន្តប្តឹងសមត្ថកិច្ចថាករណីស្លាប់នោះ មិនមែនជាករណីចងកសម្លាប់ខ្លួននោះទេ។

ស្រុកកោះធំ ខេត្តកណ្ដាល នឹងមានមន្ទីរពេទ្យតម្លៃ១១លានដុល្លារជាលើកដំបូង ក្រោយការសាងសង់ដែលនឹង បញ្ចប់នាចុងឆ្នាំ២០២២នេះ។ សំណង់នៃអគារថ្មីនៃមន្ទីរពេទ្យតេជោសែនកោះធំ គឺជាសំណង់ក្រោម គំនិតផ្តួច ផ្តើមរបស់រដ្ឋមន្ត្រីក្រសួងសាធារណការនិងដឹកជញ្ជូនលោក ស៊ុន ចាន់ថុល ដើម្បីឆ្លើយតបទៅនឹងតម្រូវការជាក់ ស្តែង និងសមស្របតាមកម្មវិធីនយោបាយរបស់រាជរដ្ឋាភិបាលនិងចក្ខុវិស័យសម្រាប់អភិវឌ្ឍជាតិ របស់សម្តេចតេ ជោ នាយករដ្ឋមន្ត្រីនៃប្រទេសកម្ពុជា។

កម្ពុជាគ្រោងនឹងធ្វើការប្រកួតជើងឯកថ្នាក់ជាតិកីឡាទោចក្រយានរយៈពេល៣ថ្ងៃនាសប្តាហ៍ក្រោយនៅខេត្ត សៀមរាប។ អគ្គលេខាធិការសហព័ន្ធខ្មែរកីឡាទោចក្រយាន លោក នូ ចំរើន បានថ្លែងកាលពីថ្ងៃទី៦មករាថា ការ ប្រកួតប្រជែងនេះ នឹងគ្រោងធ្វើរវាងពីថ្ងៃទី១១ដល់១៣មករាឆ្នាំ២០២២។

ចំនួនអ្នកធ្វើដំណើរតាមផ្លូវអាកាសក្នុងប្រទេសកម្ពុជា បានកើនចន្លោះ៧៥០នាក់ ដល់១០០០នាក់ក្នុងមួយថ្ងៃៗ ក្រោយការមិនតម្រូវឲ្យធ្វើចត្តាឡីស័ក។ មន្ត្រីនាំពាក្យអាកាសចរស៊ីវិល លោក ស៊ិន ចាន់សិរីវុត្ថា នៅថ្ងៃទី០៧ មករា បានបញ្ជាក់ថា ក្រោយបើកពេញលេញឡើងវិញ កាលពីថ្ងៃទី១៥ ខែវិច្ឆិកា ឆ្នាំ២០២១មក ភ្ញៀវដែលធ្លាប់ ធ្វើដំណើរប្រមាណ២០០ ទៅ៣០០នាក់ក្នុងមួយថ្ងៃ បានកើនឡើងពីចំនួន៧៥០ ទៅមួយពាន់នាក់ ក្នុងមួយថ្ងៃ នៅតាមព្រលានយន្តហោះទាំងបីរបស់កម្ពុជា ដែលជាចំនួនមួយថេរ។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះ មានចំនួន៥ម៉ឺន១ពាន់៤២០នាក់ ។ រាជរដ្ឋា ភិបាលបាននិងកំពុងជម្រុញពលរដ្ឋក្នុងការចាក់ដូសវ៉ាក់សាំងដូសទីបី និងការជំរុញអនុវត្តខ្ជាប់ខ្ជួននូវវិធានការ ៣ កុំនិង៣ការពារខណៈពិភពលោកកំពុងតែរងនឹងការឆ្លងខ្លាំងនូវវីរុសបំប្លែងថ្មីអូមីក្រុង។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មិនទាន់មានភាពធូរស្បើយនៅ ឡើយទេ។ តួលេខឆ្លងថ្ងៃនេះ មានចំនួន៥ម៉ឺន៩ពាន់៩០៧ករណី ដែល កើនឡើងជាងម្សិលមិញចំនួន១ម៉ឺន ៤ពាន់៤៥១ករណី។ ក្នុងចំណោមការឆ្លងថ្មីសរុបនៅក្នុងរយ:ពេល២៤កន្លងមកនេះ ប្រទេសដែលមាន ការឆ្លងច្រើន ជាងគេនៅក្នុងប្រទេសអាស៊ានទាំង១០ គឺមាន២ប្រទេសដែលមានការឆ្លងថ្មីដល់ចំនួន ជាង២ ម៉ឺនករណី ។ ប្រទេសទាំង២ គឺប្រទេសវៀតណាម និងប្រទេសហ្វីលីពិន។