បណ្តាញសង្គមនៅថ្ងៃនេះ បានផ្សាយជុំវិញការដាក់លក់ផ្ទះអតីតប្រធានគណបក្សប្រឆាំងលោកកឹមសុខាប៉ុន្តែ មិនទាន់មានការបញ្ជាក់ពីលោកកឹមសុខានិងមន្ត្រីដែលស្និទ្ធជាមួយរួបលោកនោះឡើយ។

ពលរដ្ឋចំនួន១ម៉ឺន១ពាន់៦៤២នាក់បានមកចុះឈ្មោះបោះឆ្នោតថ្មីនៅក្នុងថ្ងៃទី២០នៃការនៃការពិនិត្យបញ្ជី ឈ្មោះ ដែលនាំឲ្យចំនួនតួលេខបានកើនដល់ជាង២៣ម៉ឺននាក់ហើយ។ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ មានរយៈពេល៥០ថ្ងៃ ដោយបានចាប់ផ្តើមតាំងពីថ្ងៃទី១២ខែតុលាមក។ការពិនិត្យបញ្ជីឈ្មោះ និងការ ចុះឈ្មោះបោះឆ្នោតឆ្នាំ២០២១ គ្រោងនឹងបញ្ចប់នៅថ្ងៃទី៣០ខែវិច្ជិកា។

កម្ពុជាគ្រោងនឹងធ្វើជាម្ចាស់ផ្ទះនៃកិច្ចប្រជុំមហាសន្និបាតសមុទ្ទអាស៊ីនាចុងឆ្នាំ២០២១ក្នុងក្រុងព្រះសីហនុដែល នឹងក្លាយជាពិធីធំលើកដំបូងរបស់កម្ពុជាដែលទើបបានចាប់ផ្តើមការបើកប្រទេសសាឡើងវិញនាដើមខែវិច្ឆិកានេះ ។

កម្ពុជា​គ្រោងនឹងមានទីលានប្រណាំងរថយន្តតម្លៃជាង៣០លានដុល្លាដែលត្រៀមនឹងបង្កើតនៅឆ្នាំ២០២២។ សេចក្តីរាយការណ៍តាមបណ្តាញព័ត៌មានក្នុងស្រុក បានបញ្ជាក់ថាគម្រោងវិនិយោគទីលានប្រណាំងរថយន្តលើក ដំបូងរបស់កម្ពុជានោះ នឹងត្រូវវិយោគដោយក្រុមហ៊ុន Maritime Group។ ទីតាំងវិនិយោគនោះ ត្រូវគេរាយការណ៍ ថា នឹងស្ថិតលើដីទំហំ១៦០ ហិកតា នៅតាមបណ្តោយផ្លូវល្បឿនលឿន (Highway)ថ្មី ភ្នំពេញ-ព្រះសីហនុ ចម្ងាយ ពីរាជធានីភ្នំពេញប្រមាណ៧០គីឡូម៉ែត្រតែប៉ុណ្ណោះ។

បារាំងគ្រោងនឹងផ្ដល់ជំនួយឥតសំណងប្រមាណ៥០ម៉ឺនដុល្លារ ដើម្បីជួយកសាងសមត្ថភាពក្នុងវិស័យអាកាស ចរស៊ីវិលនៅកម្ពុជា។ ពិធីចុះហត្ថលេខាលើកិច្ចព្រមព្រៀងនេះ បានធ្វើឡើងនៅថ្ងៃទី២វិច្ឆិកានេះ រវាងរដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរស៊ីវិល លោក ម៉ៅ ហាវណ្ណាល់ រួមជាមួយ អគ្គនាយកនៃអាជ្ញាធរអា កាសចរណ៍ស៊ីវិលបារាំង លោកដាម្ញៀន ខេហ្ស,  និងនាយកទីភ្នាក់ងារបារាំងសម្រាប់ការអភិវឌ្ឍលោកស្រី អូហ្វេ លី បួហ៊ីស។ 

ព្រលានយន្តហោះអន្តរជាតិតារាសារគរតម្លៃ៣ពាន់៨០០លានដុល្លារត្រៀមនឹងបើកការហោះហើរសាកល្បង នៅដើមខែមករា ឆ្នាំ២០២២ នេះហើយទន្ទឹមនឹងកម្ពុជាបានប្រកាសការបើកដំណើរការប្រទេសសាឡើងវិញ។

អគ្គមេបញ្ជាការរងនៃកងយោធពលខេមរភូមិន្ទលោកឧត្តមសេនីយ៍ឯក  ហ៊ុន ម៉ាណែត បានថ្លែងថា សាលា ហ្វឹក ហ្វឺនគឺថ្នាលបណ្តុះបណ្តាលធនធានមនុស្សដ៏មានសារៈសំខាន់សម្រាប់កងទ័ពក្នុងពេលបច្ចុប្បន្ននិងអនាគត ។ ការថ្លែងរបស់លោកឧត្តមសេនីយ៍ឯកហ៊ុន ម៉ាណែត  ដែលជាមេបញ្ជាការកងទ័ពជើងគោក បានធ្វើឡើងនៅក្នុង ពិធីមួយនាថ្ងៃទី១វិច្ឆិកាឆ្នាំ២០២១ក្នុងការប្រកាសតែងតាំងផ្លាស់ ប្តូរមុខតំណែងជូននាយទាហានកងទ័ពជើង គោកនៃកងយោធពលខេមរភូមិន្ទនាខេត្តកំពង់ស្ពឺ៕

ព្រឹទ្ធសភាបានគាំទ្រទាំងស្រុង នូវច្បាប់សញ្ជាតិខ្មែរតែមួយដោយសម្លេងឯកច្ឆ័ន្ទចំនួន៥២សំឡេង។ កិច្ចប្រជុំ ព្រឹទ្ធសភាវិសាមញ្ញថ្ងៃទី២វិច្ឆិកា ដែលគាំទ្រមាត្រាវិសោធនកម្មមាត្រា១៩ថ្មី, មាត្រា៨២ថ្មី មាត្រា១០៦ថ្មី (មួយ) មាត្រា១១៩ថ្មី និងមាត្រា១៣៧ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ និងមាត្រា៤ នៃច្បាប់ធម្ម នុញ្ញបន្ថែមនេះ បានប្រព្រឹត្តទៅក្រោមអធិបតីភាពសម្តេចវិបុលសេនាភក្តី សាយ ឈុំ ប្រធានព្រឹទ្ធសភា។

មនុស្សវ័យ១៨ឆ្នាំឡើង បានបន្តទទួលការចាក់វ៉ាក់សាំងបន្ថែមទៀត បើទោះបីជាផែនការដាក់ចេញការចាក់លើ មនុស្សចំនួន១០លាននាក់ បានគ្រប់តាមផែនការណ៍រួចមកហើយនោះក៏ដោយ។ មនុស្សទី១០លាននាក់ ត្រូវ បានគេ រកឃើញម្សិលមិញលើស្ត្រីចំណាស់អាយុ៨៩ឆ្នាំម្នាក់ក្នុងក្រុងសៀមរាប។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ មានការឆ្លងកូវីដ១៩ថ្មី ចំនួន២ម៉ឺន៤ពាន់៧៤១ ករណី និងការស្លាប់ថ្មីមានចំនួន៣៧៥នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយនេះ នៅអាស៊ានមាន១០ប្រទេស។ ចំណែកការស្លាប់ថ្មីមានក៏មាន១០ប្រទេសផងដែរ៕