សេចក្តីព្រាងវិសោធនកម្មច្បាប់កំណត់អ្នកដឹកនាំកំពូលស្ថាប័នជាតិទាំង៤ឲ្យមានសញ្ជាតិខ្មែរតែមួយ នឹងត្រូវ ដាក់ពិភាក្សាក្នុងកិច្ចប្រជុំគណៈកម្មាធិការអចិន្រ្តៃយ៍រដ្ឋសភានៅថ្ងៃទី១៤តុលានេះហើយក្រោយការអនុម័តពីគណរដ្ឋមន្ត្រីតាំងពីសប្តាហ៍មុននោះមក។

សម្តេចនាយករដ្ឋមន្ត្រីកម្ពុជា បានថ្លែងអំពាវនាវប្រជាពលរដ្ឋចូលរួមក្នុងការបន្ថយគ្រោះមហន្តរាយ គ្រាដែល ពិភពកំពុងប្រឈមនឹងជំងឺរាតត្បាតកូវីដ១៩។ ការថ្លែងអំពាវនាវរបស់សម្តេចតេជោហ៊ុនសែនបានធ្វើឡើង ក្នុងឱកាសទិវាជាតិគ្រប់គ្រងគ្រោះមហន្តរាយថ្ងៃទី១៣ ខែតុលាឆ្នាំ២០២១ និងទន្ទឹមគ្នាដែលកម្ពុជានិងពិភព លោកកំពុងរងនឹងវិបត្តិឆ្លងកូវីដ១៩និងគ្រោះមហន្តរាយដទៃទៀត។

ក្រុមហ៊ុនមួយដែលមានទុនវិនិយោគសរុបចំនួន៤លាន២សែនដុល្លារអាមេរិក ត្រូវបានគណៈកម្មាធិការវិនិ យោគនៃក្រុមប្រឹក្សាអភិវឌ្ឍន៍កម្ពុជា CDC បានអនុម័តនៅថ្ងៃនេះ ក្នុងគម្រោងបង្កើតរោងចក្រកាត់ដេរសម្លៀក បំពាក់នៅខេត្តកំពង់ស្ពឺ និងដែលអាចបង្កើតការងារបានចំនួន១ពាន់៣១៤កន្លែង។

បណ្តាប្រទេសអាស៊ីអាគ្នេយ៍ បានស្នើកម្ពុជាជួយនិពន្ធបទភ្លេងគោរពទង់ស៊ីហ្គេម សម្រាប់ការប្រើប្រាស់ក្នុងពេល ស៊ីហ្គេម ឆ្នាំ២០២៣ផង និងសម្រាប់បន្តយកទៅប្រើប្រាស់កីឡាស៊ីហ្គេម នាពេលខាងមុខទៀតផងដែរ។

ខេត្តកំពង់ចាមបានសម្រេចសាងសង់កន្លែងបូជាសពអ្នកស្លាប់ដោយកូវីដ-១៩ មួយកន្លែងទៀតក្រោយពីចំនួន អ្នកស្លាប់បានកើនដល់ជិត២០០នាក់នៅក្នុងខេត្តជាប់ដងទន្លេមេគង្គនោះ។ យោងតាមមន្ត្រីខេត្តករណីស្លាប់ក្នុង ខេត្តកំពង់ចាមក្នុងរយៈពេលថ្មីៗជាពិសេសក្រោយពិធីបុណ្យភ្ជុំបានបញ្ចប់នេះ មានតួលេខកើនឡើងដោយថ្ងៃខ្លះ ការស្លាប់មានច្រើនរហូតដល់៦នាក់នោះថែមទៀត។

ក្រសួងការងារនិងបណ្តុះបណ្តាលវិជ្ជាជីវៈ បានថ្លែងនៅថ្ងៃទី១២តុលាថាគ្រឺះស្ថានអប់រំបណ្តុះបណ្តាលបច្ចេក ទេសនិងវិជ្ជាជីវៈក្រោមឱវាទក្រសួង អាចនឹងបើកដំណើរការឡើងវិញបាន ក្រោយការឆ្លងជំងឺកូវីដ១៩មានការ ថយចុះ។

តំណាងថ្មីនៃកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា បានទទួលការអនុញ្ញាតចូលជួបសម្តែងការ គួរសមចំពោះលោកឧបនាយករដ្ឋមន្ត្រីប្រាក់សុខុនដែលជារដ្ឋមន្ត្រីក្រសួងការបរទេសនៅក្នុងពិធីប្រគល់សារតាំងមួយនាថ្ងៃទី១២តុលានេះ នៅក្នុងបរិវេណក្រសួងការបរទេស។

អភិបាលខេត្តកំពង់ឆ្នាំងបានទទួលនូវចំណុចខ្វះខាតដែលមានការយកប្រាក់ពីពលរដ្ឋដែលមានសាច់ញាតិ ស្លាប់ដោយសារកូវីដ១៩ពិតប្រាកដមែនប៉ុន្តែបានបន្ទោសលើមន្ត្រីក្រោមបង្គាប់ដែលពាក់ព័ន្ធនឹងអំពើប្រព្រឹត្ត ខុសនឹងគោលការណ៍បានណែនាំកន្លងមក។