ទំហំពាណិជ្ជកម្មទំហំពាណិជ្ជកម្មរវាងកម្ពុជា-អាមេរិក ក្នុងរយៈពេល៧ខែដើមឆ្នាំ២០២១ បានកើនឡើង៣៧ភាគ រយបើប្រៀបធៀបនឹងឆ្នាំកន្លងមកនេះ។ ការបញ្ជាក់នូវតួលេខកាន់តែកើនឡើងនៃទំហំពាណិជ្ជកម្មនេះ បានធ្វើ ឡើងក្នុងជំនួបរវាងឯកអគ្គរដ្ឋទូតអាមេរិកលោក Patrick Murphy ជាមួយនឹងរដ្ឋមន្ត្រីក្រសួងពាណិជ្ជកម្មកម្ពុជា លោកប៉ានសូរសក្តិ។

ប្រធានគណៈឃោសនាអប់រំនៃគណបក្សប្រជាជនកម្ពុជានិងវៀតណាម បានជួបពិភាក្សាគ្នាតាមប្រព័ន្ធវីដេអូ ក្នុងការពង្រឹងកិច្ចសហប្រតិបត្តិការរវាងគ្នាទៅវិញទៅមក។

ផ្សារចំនួន២ក្នុងខេត្តសៀមរាប ត្រូវបានបិទបន្ទាប់ពីរដ្ឋបាលខេត្តទើបបានប្រកាសកាលពីម្សិលមិញបញ្ចប់នូវ តំបន់ក្រហមនិងតំបន់លឿងទុំ  ក្នុងភូមិសាស្ត្រខេត្តសៀមរាបទាំងមូលនោះមក។

យ៉ាងហោចមានព្រះសង្ឃ៧អង្គបានសុគតក្នុងរង្វង់ព្រះសង្ឃឆ្លងកូវីដ១៩សរុបប្រមាណមួយពាន់អង្គក្នុងរយៈ ពេលដែលមានពិធីកាន់បិណ្ឌដែលកំពុងប្រព្រឹត្តច្រើនថ្ងៃមកនេះ។ ការបញ្ជាក់តួលេខសុគតនិងការឆ្លងកូវីដ១៩ លើព្រះសង្ឃតាមទីវត្តអារាមនេះ បានធ្វើឡើងដោយមន្ត្រីនាំពាក្យក្រសួងធម្មការនិងសាសនាលោក សេង សុមុនី នៅថ្ងៃទី១តុលានេះ។ តួលេខព្រះសង្ឃដែលសុគតនិងឆ្លងកូវីដ១៩ប្រមាណមួយពាន់អង្គនេះ គឺគិតត្រឹមថ្ងៃទី៣០ កញ្ញាតែប៉ុណ្ណោះ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៤ម៉ឺន៣ពាន់ ៩៦៣ករណី និងការស្លាប់ថ្មីមានចំនួន៨៧៨នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយនេះនៅ អាស៊ាន មាន៩ប្រទេស។ ចំណែកការ ស្លាប់ថ្មីមានចំនួន៩ប្រទេសផងដែរ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះមានចំនួន ៤ម៉ឺន២ពាន់ ៧៧៤នាក់។ យោងតាមក្រសួងសុខាភិបាល, តួលេខនៃចំនួនសារុបដែលប្រជាពលរដ្ឋទូទាំងប្រទេសដែលបាន ទទួលការចាក់វ៉ាក់សាំងគិតត្រឹមថ្ងៃទី៣០ខែកញ្ញា បានកើនដល់១៣លាន៣សែន៧ម៉ឺន៨៣៨នាក់ហើយ, ក្នុង នោះ អ្នកបានចាក់វ៉ាក់សាំងដូសទី២រួចមានចំនួន១១លាន៦ម៉ឺន៥៧៣នាក់។

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ បានធ្លាក់ចុះយ៉ាងខ្លាំងពីជាង៩០០ករណីមកនៅត្រឹម ជាង២០០ករណី។ ក្រសួងសុខាភិបាលបានឲ្យដឹងការរកឃើញឆ្លងថ្មីចំនួន២៣២នៅថ្ងៃនេះ គឺតាមរយៈលទ្ធផល បញ្ជាក់ដោយម៉ាស៊ីន PCR។ មិនមានសេចក្តីរាយការណ៍ជុំវិញការធ្វើតេស្តរកឃើញតាមឧបករណ៍តេស្តរហ័ស នោះឡើយ។ នេះជាតួលេខឆ្លងចាប់ផ្តើមនាដើមខែតុលាដែលជាខែថ្មីបន្ទាប់ពីការឆ្លងក្នុងខែកញ្ញាដែលផ្តើមដោយ តួលេខ៤៥៥ និងបញ្ចប់ដោយតួលេខ៩៧៨។ ក្នុងមួយខែកញ្ញាកន្លងមកនេះ ការឆ្លងសរុបមានចំនួន ១ម៉ឺន៩ពាន់ ២៩៦ករណី និងមានមនុស្សស្លាប់ក្នុងមួយខែនោះចំនួន៤១៦នាក់។

មនុស្សចំនួន១០នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និង វិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ១៩។

មីជាង២ម៉ឺនកេស និងថវិកា១០០លានរៀល ត្រូវបានប្រមុខរាជរដ្ឋាភិបាលបានផ្តល់ដល់ខេត្តបន្ទាយមានជ័យ ដែលជាខេត្តមានពលរដ្ឋរងគ្រោះដោយសារជំនន់ទឹកភ្លៀងនិងទឹកហូរមកពីប្រទេសថៃ។ ក្នុងខេត្តបន្ទាយមាន ជ័យនោះផងដែរប្រជាពលរដ្ឋ១ពាន់១៥០គ្រួសារ ត្រូវបានគេជម្លៀសដាក់លើទីទួលមានសុវត្ថិភាព។ មិនមាន សេចក្តីរាយការណ៍ជុំវិញករណីមនុស្សរងគ្រោះថ្នាក់នោះឡើយ។

ឯកអគ្គរដ្ឋទូតអូស្ត្រាលី បានអញ្ជើញជួបឧបនាយករដ្ឋមន្ត្រីកម្ពុជាលោក ហោ ណាំហុង នៅថ្ងៃទី១តុលានេះ ដោយកិច្ចពិភាក្សាបានផ្តោតលើជំហរអូស្ត្រាលីពាក់ព័ន្ធនឹងសន្ធិសញ្ញាត្រីភាគី AUKUS ដែលនឹងជួយជម្រុញប្រ ទេសអូស្រ្តាលីក្នុងការបង្កើតនាវាមុជទឹកប្រើប្រាស់ថាមពលនុយក្លេអ៊ែ័រ និងបញ្ហាមួយចំនួនទៀតដែលជាស្ថាន ការណ៍ពាក់ព័ន្ធក្នុងតំបន់ដែលកម្ពុជានឹងត្រៀមរៀបចំធ្វើក្នុងឆ្នាំ២០២២ក្នុងនាមជាប្រធានអាស៊ាន។