សម្ដេចអគ្គមហាពញាចក្រី ហេង សំរិន បានថ្លែងអំពាវនាវឱ្យមានការជួយទំនុកបម្រុង និងថែរក្សាជនចាស់ជរា ដែលគ្មានទីពឹងឱ្យបានល្អទាំងផ្លូវកាយ និងផ្លូវចិត្ត។ ការថ្លែងអំពាវនាវរបស់សម្តេចប្រធានរដ្ឋសភា បានធ្វើឡើង នៅថ្ងៃទី០១ ខែតុលា ឆ្នាំ២០២១នេះ ដែលជាទិវាមនុស្សចាស់កម្ពុជា និងទិវាមនុស្សចាស់អន្តរជាតិ រៀបចំធ្វើ ឡើងក្នុងគោលបំណងលើកកម្ពស់គាំពារសុខុមាលភាពមនុស្សចាស់ នៅក្នុងសង្គមជាតិយើងឱ្យកាន់តែប្រសើរ ឡើង។

ជនចាស់ជរាដែលមានអាយុចាប់ ពី៨០ឆ្នាំឡើងចំនួន ៤៦៥នាក់បានទទួលព្រះរាជអំណោយរបស់ព្រះមហា ក្សត្រខ្មែរនៅក្នុងខេត្តកំពង់ឆ្នាំង។ អំណោយរបស់ព្រះករុណាព្រះមហាក្សត្រដល់មនុស្សចាស់នេះ បានធ្វើឡើង ក្នុងឱកាសដែលព្រះរាជាណាចក្រកម្ពុជា បានប្រារព្ធទិវាមនុស្សចាស់ថ្ងៃទី០១ ខែតុលា។

ខេត្តព្រៃវែងបានរកឃើញអ្នកឆ្លងជំងឺកូវីដ១៩ ចំនួន ១០០នាក់ ថែមទៀត និងមានករណីមនុស្សស្លាប់ម្នាក់ ដែល ត្រូវបានចាប់ទុកថា ជាករណីគ្រោះថ្នាក់សង្គម ។ តួលេខឆ្លងកូវីដ១៩ ក្នុងខេត្តព្រៃវែងនៅថ្ងៃនេះ មានការកើន ឡើង ៥នាក់ ធៀបនឹងការរកឃើញកាលពីម្សិលមិញ ។

មនុស្ស៣៤នាក់បានរងគ្រោះដោយសារគ្រាប់មីននិងសំណល់ជាតិផ្ទុះក្នុងរយៈពេល៩ខែដើមឆ្នាំនេះ។ អនុប្រធានទី១អាជ្ញាធរមីនកម្ពុជា ទេសរដ្ឋមន្ត្រី លោកលី ធុជ បានថ្លែងបញ្ជាក់នូវតួលេខរងគ្រោះនៅថ្ងៃ ព្រហស្បតិ៍នេះ ក្នុងសិក្ខាថ្នាក់ជាតិមួយតាមប្រព័ន្ធវីដេអូ។ លោកលីធុជ បានបញ្ជាក់ថា ក្នុងចំណោមជនរងគ្រោះ

រដ្ឋបាលខេត្តសៀមរាបបានបិទបញ្ចប់តំបន់ក្រហម និងតំបន់លឿងទុំ  ក្នុងភូមិសាស្ត្រខេត្តសៀមរាបទាំងមូល ហើយចាប់ពីថ្ងៃទី៣០កញ្ញា នេះតទៅ ។ 

ខេត្តបាត់ដំបង បានសម្រេចបិទខ្ទប់ជាបណ្តោះអាសន្នទីតាំងផ្ទះចំនួន ២៤ខ្នង នៅក្នុងឃុំបវេល ស្រុកបវេល រហូតដល់មានសេចក្តីជូនដំណឹងជាថ្មី ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ។ យោងតាមរដ្ឋបាលខេត្ត ការបិទខ្ទប់នេះ គឺនៅក្រោយពីការរកឃើញឆ្លងជំងឺកូវីដ១៩ លើពលរដ្ឋចំនួន ៥០នាក់ រស់នៅក្នុងភូមិចំនួន៥ នៅក្នុងឃុំបវេលនោះ ។

ក្រុមហ៊ុនមួយដែលមានទុនវិនិយោគសរុបចំនួន៣លាន១សែនដុល្លារអាមេរិក គ្រោងនឹងបង្កើតរោងចក្រផលិត កាបូបគ្រប់ប្រភេទ នៅក្នុងខេត្តកំពង់ស្ពឺ។  ក្រុមហ៊ុន XIN XINGLE LEATHER PRODUCTS CO., LTD ដែល គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍ បានសម្រេចការបណ្តាក់ទុននៅថ្ងៃទី៣០កញ្ញានេះ នឹង អាចបង្កើតការងារបានចំនួន៦១៨កន្លែង។

ក្រសួងសាធារណការ បានថ្លែងថា ការលក់ផ្លាកលេខពិសេសចំនួនជិត៨ពាន់ផ្លាក បានរកចំណូលជួនរដ្ឋចំនួន ជិត១៥លានដុល្លារ។ ប្រធានគណៈកម្មាធិការអន្តរក្រសួងគ្រប់គ្រងការលក់ផ្លាកលេខពិសេស លោកស្រីរដ្ឋលេខា ធិការ កុយ សុដានី នៃក្រសួងសាធារណការ បានថ្លែងនៅថ្ងៃទី៣០កញ្ញានេះថាការលក់ផ្លាកលេខពិសេសផ្ទាល់ ខ្លួនចំនួន៧ពាន់៥៧៨ផ្លាក ទទួលបានថវិកាប្រមាណ ១៤លាន៩សែន៧ម៉ឺន៨ពាន់១៥១ដុល្លារអាមេរិក។

វត្ថុបុរាណខ្មែរចំនួន៥រូប ក្នុងចំណោមវត្ថុបុរាណខ្មែរចំនួនជាង ១០០រូប ដែលកសាងពីថ្ម និងពីលោហៈសំរឹទ្ធ ត្រូវបានបញ្ជូនពីប្រទេសអង់គ្លេសមកកម្ពុជាវិញ។

«កំពង់ផែទេសចរណ៍អន្តរជាតិខេត្តកំពត» គ្រោងបញ្ចប់ការសាងសង់នៅចុង ឆ្នាំ២០២១នេះហើយ។ កំពង់ ផែទេសចរណ៍អន្តរជាតិខេត្តកំពតដែលមានទីតាំងក្នុងស្រុកទឹកឈូ បានចាប់ផ្តើមបើកការដ្ឋានសាងសង់ កាល ពីថ្ងៃទី៨ ខែសីហា ឆ្នាំ២០១៨ ដែល រហូតមកដល់បច្ចុប្បន្ននេះ ការងារការដ្ឋានទាំងមូលសម្រេចបានប្រមាណ ៨៤%, ចំណែក ការងារអគារអ្នក ដំណើរសម្រេចបានប្រមាណ ៧៣%។